Blog

დიპლომატიური მცდელობები 100-ზე მეტი მძევლის ჰამასის ტყვეობიდან გასათავისუფლებლად ძლიერდება.

როგორც ჩანს, ძირითადი ყურადღება ეთმობა ქალების და ბავშვების გათავისუფლებას, როგორც ისრაელის მოქალაქეების, ისე უცხოელების. სანაცვლოდ საუბარია ისრაელის ციხეებში მყოფი პალესტინელი ქალებისა და ბავშვების გათავისუფლებაზე.

დიპლომატმა, რომელიც მოლაპარაკებების შესახებ არის ინფორმირებული, განუცხადა BBC-ს, რომ მოლაპარაკებები იმართებოდა ყატარის მონაწილეობით, სადაც ჰამასის ზოგიერთი პოლიტიკური ლიდერი იმყოფება.

ამ პროცესის კოორდინატორად აშშ დასახელდა. მოლაპარაკებებში არ მონაწილეობს დაჯგუფება ისლამური ჯიჰადი, რომელმაც 30-მდე მძევალი აიყვანა.

ისრაელიც და ჰამასიც საჯაროდ უარყოფენ, რომ რაიმე მოლაპარაკება მიმდინარეობს დატყვევებული მძევლების გასათავისუფლებლად. თუმცა, BBC-ის დიპლომატიური წყაროს თქმით, მოლაპარაკებები დაჩქარდა.

აშშ-ს პრეზიდენტმა ჯო ბაიდენმა ჰამასის თავდასხმას ისრაელზე “სუფთა ბოროტების აქტი” უწოდა.

„არავის უნდა შეეპაროს  ეჭვი, შეერთებული შტატები მხარს უჭერს ისრაელს. ჩვენ ყველაფერს გავაკეთებთ, რომ ებრაულმა და დემოკრატიულმა სახელმწიფო ისრაელმა შეძლოს თავის დაცვა დღეს, ხვალ, როგორც ამას ყოველთვის ვაკეთებთ. ვინც ფიქრობს ისარგებლოს ამ სიტუაციით, მე ვეტყვი ერთ რამეს: არ გააკეთოთ ეს. ჰამასი არ იცავს პალესტინელ ხალხს. ისინი იყენებენ პალესტინელ ცოცხალ ფარად.”–განაცხადა ბაიდენმა მიმართვისას.

აშშ-ს პრეზიდენტმა მოიყვანა ამ თავდასხმის შედეგად ჰამასის ბოევიკების მიერ ჩადენილი ძალადობის მაგალითები: „კლავდნენ მშობლებს, რომლებიც სხეულით ეფარებოდნენ საკუთარ შვილებს დასაცავად… გვაქვს ინფორმაცია ჩვილების მკვლელობის შესახებ… ქალებს აუპატიურებდნენ და საჯაროდ დაატარებდნენ როგორც ნადავლს. ჩვენ ვდგავართ ისრაელის გვერდით, ჩვენ მხარს ვუჭერთ ისრაელს“, – ხაზგასმით აღნიშნა ბაიდენმა და დასძინა, რომ ისრაელს ექნება ის, რაც მას სჭირდება თავდასხმაზე პასუხის გასაცემად.

“ღაზა აღარასდროს იქნება ის, რაც იყო! გადავდივართ სრულ შეტევაზე” – ამის შესახებ, ისრაელის თავდაცვის მინისტრმა იოავ გალანტმა.

“მე მოვხსენი ყველა შეზღუდვა, ჩვენ აღვადგინეთ კონტროლი ტერიტორიაზე და გადავდივართ სრულ შეტევაზე. თქვენ გექნებათ შესაძლებლობა შეცვალოთ რეალობა. ჩვენ ვნახეთ ამის ფასი და თქვენ ნახავთ ცვლილებას.ჰამასს სურდა ცვლილება ღაზაში, ის ნახავს 180 გრადუსიან ცვლილებას, განსხვავებულს იმისგან, რასაც ელოდნენ… ისინი ამ მომენტს ინანებენ, ღაზა არასდროს არ დაუბრუნდება იმას, რაც აქამდე იყო”, – განაცხადა თავდაცვის მინისტრმა.

“ღაზის სექტორთან ახლოს 4 ბავშვს მოაჭრეს თავი, მანამდე აიყვანეს ტყვედ, 1000-კაციანი კიბუცია. ჩვენ ვნახეთ, როგორ გაჰქონდათ მრავალი საათის განმავლობაში ცხედრები. მას შემდეგ, რაც ჰამასმა ამოწყვიტა, გააუპატიურა ასობით უდანაშაულო ადამიანი, მე არ მყოფნის სიტყვები. ეს გახლავთ ბარბაროსული ომის აქტი, ასეთ რამეს არ წავწყდომივართ უკანასკნელი წლების განმავლობაში”,

აცხადებს ამის შესახებ ისრაელის ელჩი საქართველოში, ჰადა მეიცადი ფორმულას გადაცემაში, ღამის კომენტარში.

ლიკვიდირებულია ჰამასის “ეკონომიკის მინისტრი”, ჯავად აბუ შამალა – შესაბამის ინფორმაციას,  ისრაელის თავდაცვის ძალების (IDF) სპიკერი დანიელ ჰაგარი Twitter-ზე, ავრცელებს.

მისი თქმით, დღეს 10 ოქტომბერს IDF-ის ავიაციის იერიშის შედეგად ჯავად აბუ შამალა მოკლეს. იგი ჰამასის ეკონომიკის საკითხებს განაგებდა და ღაზის სექტორსა და მის გარეთ ტერორისტული საქმიანობისთვის ფინანსების გამოყოფას უზრუნველყოფდა.

ჯავად აბუ შამალა ისრაელის სახელმწიფოში მოქალაქეებისთვის ზიანის მიყენებას ემსახურებოდა.

გაეროს უმაღლესმა კომისარმა ადამიანის უფლებების საკითხებში ყველა სახელმწიფოს მიმართა, ვისაც რეგიონში გავლენა აქვს და თხოვა მიიღონ ზომები დანაღმული კასრის განსამუხტად ისრაელში და ოკუპირებულ პალესტინის ტერიტორიებზე.

მან ხაზი გაუსვა, რომ საერთაშორისო ჰუმანიტარული სამართალი და ადამიანის უფლებები ნებისმიერ ვითარებაში დაცული უნდა იყოს.

საერთაშორისო ჰუმანიტარული სამართალი კრძალავს ადამიანების მათი გადარჩენისთვის აუცილებელი საჭიროებები წაართვა– განაცხადა ტიურკმა.

“ბლოკადის შემოღება, რომელიც საფრთხეს უქმნის სამოქალაქო პირების სიცოცხლეს, ტოვებს მათ სასიცოცხლოდ აუცილებელი პროდუქტების გარეშე აკრძალულია საერთაშორისო ჰუმანიტ არული სამართლით“– განაცხადა მან:

ადამიანების და საქონლის გადაადგილების ნებისმიერ შეზღუდვა ბლოკადის განხორციელების მიზნით გამართლებული უნდა იყოს სამხედრო აუცილებლობით, სხვა შემთხვევაში ისინი შეიძლება კოლექტიურ დასჯას გაუთანაბრდეს.

კონფლიქტის ყველა მხარემ უნდა დაიცვას საერთაშორისო ჰუმანიტარული სამართალი. მათ დაუყოვნებლივ უნდა შეწყვიტონ თავდახსმა სამოქალაქო პირებზე და თავდასხმები, რომლებიც სავარაუდოდ გამოიწვევს არაპროპორციულად დიდ დაღუპულთა და დაჭრილთა რაოდენობას სამოქალაქო პირებში, ან სამოქალაქო ობიექტების დაზიანებას – განაცხადა ტიურკმა.
მოვუწოდებ პალესტინის შეიარაღებულ დაჯგუფებებს დაუყოვნებლივ და უპირობოდ გაათავისუფლონ ყველა სამოქალაქო პირი, რომლებიც ტყვედ აიყვანეს და ჯერ კიდევ დატყვევებული ჰყავთ. მძევლების აყვანა აკრძალულია საერთაშორისო სამართლით– თქვა უმაღლესმა კომისარმა.

“უკრაინის კრიზისი გრძელდება და სამწუხაროდ, ჩვენ ვხედავთ, ახლო აღმოსავლეთში სიტუაციის მკვეთრ გამწვავებას. ვფიქრობ, ბევრი დამეთანხმება, რომ ეს აშშ-ის პოლიტიკის წარუმატებლობის ნათელი მაგალითია.[…][აშშ] კონფლიქტის მოგვარების მონოპოლიზებას ცდილობდა, მაგრამ არ ზრუნავდა ორივე მხარისთვის კომპრომისების პოვნაზე, პირიქით, საკუთარ წარმოდგენას ავრცელებდა იმის შესახებ, თუ როგორ უნდა გაკეთდეს ეს და ორივე მხარეზე ზეწოლას ახდენდა”,

ასე გამოეხმაურა, რუსეთის პრეზიდენტი, ვლადიმირ პუტინი ისრაელში მიმდინარე მოვლენებს.

ლევან წულაძემ მარჯანიშვილის თეატრის სამხატვრო ხელმძღვანელის თანამდებობა დატოვა – ამის შესახებ ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს. წულაძემ სამინისტროს კოტე მარჯანიშვილის სახელობის თეატრის სამხატვრო ხელმძღვანელის თანამდებობიდან გათავისუფლების შესახებ განცხადებით მიმდინარე წლის 2 ოქტომბერს მიმართა. გათავისუფლების ბრძანება კი დღეს – 10 ოქტომბერს გამოიცა.

“ლევან წულაძე მოცემულ პოზიციაზე უფლებამოსილების ახალი, ოთხწლიანი ვადით, 2022 წლის 6 მარტიდან დაინიშნა. მან მარჯანიშვილის თეატრს 18 წლის განმავლობაში უხელმძღვანელა და არაერთ მნიშვნელოვან წარმატებას მიაღწია როგორც ქვეყანაში, ასევე – საზღვარგარეთ”, – ნათქვამია კულტურის სამინისტროს განცხადებაში.

ლევან წულაძე მარჯანიშვილის თეატრს 18 წელი ხელმძღვანელობდა. იგი პოზიციაზე ახალი – 4-წლიანი ვადით 2022 წლის 6 მარტიდან დაინიშნა.