Blog

ისრაელი სამოქალაქო ჯგუფებს იარაღით მოამარაგებს – ამის შესახებ, ისრაელის ეროვნული უშიშროების მინისტრმა, ირამარ ბენ გვირიმ განაცხადა. მისი თქმით,  ამგვარი ჯგუფების ძირითადი დანიშნულება საზღვრებთან ახლოს მდებარე ქალაქების, ასევე ებრაულ-არაბული ქალაქებისა და დასავლეთ სანაპიროს დასახლებების დაცვაა.

მინისტრის თქმით, 4000 ერთეული იარაღი უკვე შეძენილია და “მიმდინარეობს მათი გაცემის პროცესი.” გარდა ამისა, სამოქალაქო ჯგუფებს ჩაფხუტები და ტყვიაგაუმტარი ჟილეტებიც დაურიგდებათ.

• „ჩვენ სამყაროს თავდაყირა ამოვატრიალებთ, რათა ქალაქები დაცული იყოს. მე გავეცი მითითებები სამოქალაქო უსაფრთხოების ჯგუფების მასიურად შეიარაღების შესახებ“, – ამბობს ბენ გვირი.

“ჩვენ ვაცნობეთ ყველა მხარეს, რომლებიც დაგვიკავშირდნენ მტრის მძევლებთან დაკავშირებით, ეს საქმე ბრძოლის დასრულებამდე არ გაიხსნება. და ეს იქნება მხოლოდ იმ ფასად, რომელსაც წინააღმდეგობა მიიღებს”

აცხადებს ჰამასის პოლიტიკური ბიუროს ხელმძღვანელი, ისმაილ ჰანია.

ისრაელი ღაზის სექტორში, ჰამასის ტერორისტულ ობიექტებზე ფართომასშტაბიან შეტევას ახორციელებს. შესაბამის ინფორმაციას, ისრაელის თავდაცვის ძალები ავრცელებს.

ისრაელის საჰაერო ძალების გამანადგურებლები ინტენსიურად ესხმიან თავს სამიზნეებს, მათ შორის ღაზის სექტორში განთავსებულ სამხედრო კომპლექსებსა და იარაღის საწყობებს.

7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება “ჰამასმა” აიღო და მას ოპერაცია “ალ-აკსას შტორმი” უწოდა.

სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია “რკინის ხმლების” დაწყება გამოაცხადა.

“ლაზარეს პროცესზე, მოწმე პოლიციელს:
– არ ახსოვს თვითონ სად იდგა
– არ ახსოვს სად იდგა ლაზარე
– არ ახსოვს რა ‘პოლიციური საშუალებები’ გამოიყენა პოლიციამ (თუმცა ახსოვს რომ გამოიყენა)
– არ იცის რა შემაღლებულ ადგილზე იდგა ლაზარე (მეორე პოლოციელმა თქვა)
– არ ახსოვს ზუსტად რამდენი ფოტო აჩვენეს, რომლებიდანაც ლაზარე ამოიცნო
– არ ახსოვს არცერთი სხვა ადამიანი ვინც, როგორც ამბობს, ისროდა მოლოტოვს (თუმცა ახსოვს რომ ბევრი ისროდა)
– სხვაც არაფერი ახსოვს ან იცის
სამაგიეროდ დეტალებში ახსოვს:
– ლაზარეს თვალები, ცხვირი და ლოყები
– შარვლის და ჰუდის ფერი
– რამდენ მეტრში იდგა მისგან ლაზარე
– როგორ დაინახა მისი სახე როცა ლაზარემ პირბადე ჩამოიწია ნიკაპამდე
ვერ აბამენ ამ ბიჭს მოლოტოვს და ისევ პოლიციელების სტანდარტულ ცრუ ჩვენებებს მიადგნენ”

წერს ამის შესახებ, ”გირჩი მეტი თავისუფლების”, ლიდერი ზურაბ ჯაფარიძე.

ისრაელის თავდაცვის ძალების სპიკერმა რიჩარდ ჰეხტმა განაცხადა, რომ ისრაელის სამხედროები “აშენებენ ინფრასტრუქტურას მომავალი ოპერაციებისთვის”.

მისი თქმით, ღაზას სექტორის საზღვარზე 35 ბატალიონი იქნება განლაგებული (ბატალიონი, როგორც წესი, 100 ჯარისკაცისგან შედგება).

ისრაელი სავარაუდოდ ღაზას სექტორში დიდ სახმელეთო ოპერაციას განახორციელებს შაბათის შეჭრისა და სარაკეტო თავდასხმის საპასუხოდ.

გუშინ საღამოს ისრაელის პრემიერ-მინისტრმა ბენიამინ ნეთანიაჰუმ ქვეყნისადმი მიმართვაში თქვა, რომ ღაზას სექტორზე საჰაერო თავდასხმები “მხოლოდ დასაწყისია”.

ისრაელის საჰაერო ძალებმა განაცხადეს, რომ ღამით ღაზას სექტორში ჰამასის მებრძოლების და სხვა დაჯგუფებების  200 სამიზნეს დაარტყეს,  შაბათს ისრაელში შეჭრაზე საპასუხოთ. ისრაელის მხარეს დაახლოებით 900 ადამიანი დაიღუპა.

ადგილობრივი ხელისუფლების ცნობით, შაბათიდან ღაზას სექტორში საჰაერო თავდასხმებს 700-მდე ადამიანი ემსხვერპლა.

სამართალდამცველებმა ოჯახის წევრის მიმართ დამამძიმებელ გარემოებაში ჩადენილ განზრახ მკვლელობისა და იარაღის უკანონო ტარების ფაქტებზე, 1996 წელს დაბადებული, ძებნილი, ა.ს. დააკავეს.

“გამოძიებით დადგინდა რომ, ბრალდებულმა მამაკაცმა საგარეჯოს მუნიციპალიტეტის ერთ-ერთ სოფელში, 2009 წელს დაბადებულ ა.შ.-ს ცეცხლსასროლი იარაღიდან სასიკვდილო ჭრილობები მიაყენა. ჩატარებული საგამოძიებო და სამძებრო მოქმედებების შედეგად სამართალდამცველებმა ა.ს. ბრალდებულის სახით დააკავეს. პოლიციამ დანაშაულის ჩადენის იარაღი – ცეცხლსასროლი იარაღი ნივთმტკიცებად ამოიღო” – აცხადებს შსს.

პორტალი Times of Israel რამდენიმე წყაროზე დაყრდნობით წერს, რომ ისრაელის სამხედროებმა ღაზას სექტორზე თავდასხმის ტაქტიკა შეცვალეს.

კერძოდ, გამოცემის ცნობით, ჩინოვნიკმა ქნესეტში გამართულ ბრიფინგზე განაცხადა, რომ ისრაელი თავდასხმამდე აღარ ისვრის ბომბებების მულაჟებს სამიზნე შენობებზე (ადრე ასე აფრთხილებდნენ სამოქალაქო პირებს გაქცევის აუცილებლობის შესახებ).

სხვა წყარომ დაადასტურა, რომ ტაქტიკა “სახურავზე დაკაკუნება”, რომლითაც ისრაელის არმია მოსახლეობას ატყობინებდა მოსალოდნელი დარტყმის შესახებ,  ახორციელებდა ზარებს ან არაასაფეთქებელ ბომბებს ყრიდა სახლების სახურავზე,  რათა გააფრთხილა მოსახლეობა თავდასხმების წინ, აღარ გამოიყენება.

მისი თქმით, ამ ტაქტიკაზე საბოლოოდ უარი არ უთქვამთ, მაგრამ ამ დროისთვის ღაზას მოსახლეობა უკვე ინფორმირებულია „ტერორისტების მიერ ოკუპირებული ცენტრალური ტერიტორიებიდან“ ევაკუაციის აუცილებლობის შესახებ.

გარდა ამისა, Times of Israel-ის ცნობით, ისრაელი მზადაა დაარტყას ღაზას, თუნდაც მძევლებს ზიანი მიაყენოს. წყარომ გამოცემას განუცხადა, რომ თუ არმიას ექნება სადაზვერვო მონაცემები იმის შესახებ, თუ სად არიან მძევლები, ისინი არ დაარტყავენ ამ შენობას. თუმცა, ვინაიდან ასეთი ინფორმაცია არ არსებობს, ყველა ობიექტი, რომელიც დაკავშირებულია ჰამასთან, შეტევის სამიზნეა.

ჰამასი დღეს დაიმუქრა, რომ დაიწყებდა მძევლების სიკვდილით დასჯას, თუ ისრაელი არ შეწყვეტდა გაფრთხილების გარეშე თავდასხმას სახლებზე, სადაც მშვიდობიანი მოსახლეობა ცხოვრობს.

ჰამასის ალ-კასამის ბრიგადების სპიკერი იმუქრება, აბუ აბეიდა და აცხადებს, რომ თუ ისრაელი ღაზის სექტორში მდებარე სამოქალაქო ინფრასტრუქტურაზე იერიშებს გაფრთხილების გარეშე მიიტანს, აყვანილ მძევლებს საჯაროდ სიკვდილით დასჯიან.

“ამ წუთიდან, ისრაელის ნებისმიერ შეტევის პასუხად, სახალხოდ სიკვდილით ტყვედ აყვანილ ისრაელის მოქალაქეებს და ამას პირდაპირ ეთერში ვაჩვენებთ”.-განაცხადა ჰამასის პრეს-სპიკერმა აბუ აბეიდა.