Blog

ევროკომისიამ, რომელიც პალესტინელების უმსხვილესი დონორი იყო, ისრაელზე ჰამასის თავდასხმის შემდეგ დაფინანსება შეწყვიტა.

საქმე ეხება ყველა გადახდის დაუყოვნებლივ შეჩერებას და ყველა დაწყებული პროექტის გადახედვას, რომელთა დაფინანსება გათვალისწინებული იყო.

”ტერორისა და სისასტიკის მაშტაბი ისრაელის და მისი ხალხის წინააღმდეგ შემობრუნების მომენტი გახდა. ევროკომისია გადახედავს საკუთარ პორტფელს, რომელიც განვითარებისთვის იყო განკუთვნილი და 691 მილიონ ევროს შეადგენდა”. – განაცხადა ევროკომისარმა ოლივერ ვარჰეიმ.

ევროკავშირი პალესტინის მთავარი დონორი იყო. ბლოკმა პირობა დადო, რომ 2021–2024 წლებში 1.18 მილიარდ ევროს გამოყოფდა ფინანსური დახმარების სახით დასავლეთ სანაპიროს და ღაზას ერთობლივი პროგრამებისთვის. ამ ფულით არსებობდა პალესტინის ხელისუფლება. ევროკომისიაში დარწმუნებულნი იყვნენ, რომ გამოყოფილი დახმარება ჰამასის დასაფინანსებლად ან ბოევიკების რომელიმე სხვა დაჯგუფების დასაფინანსებლად არ მიდიოდა.

The scale of terror and brutality against #Israel and its people is a turning point.

There can be no business as usual.

As the biggest donor of the Palestinians, the European Commission is putting its full development portfolio under review, worth a total of EUR 691m
⤵️

— Oliver Varhelyi (@OliverVarhelyi) October 9, 2023

ინგლისში, სურეიში ყოფილი რუსი მილიარდერის, ბადრი პატარკაციშვილის ქვრივის 10 მილიონიანი სახლი დაიწვა –წერს ბრიტანული გამოცემა dailymail და შესაბამის ფოტო და ვიდეომასალას ავრცელებს.

უზარმაზარი სახლი მთლიანად დაიწყვა ხანძრის შედეგად, რომელიც მისი სამწლიანი და მრავალმილიონიანი რეკონსტრუქციის დასრულების მეორე დღესვე გაჩნდა.

სახლის მფლობელი, ინა გუდავაძე ბადრი პატარკაციშვილის ქვრივია, რომელიც რუსეთის დიქტატორის, პუტინის ყოფილი მოკავშირე იყო, მასთან დაპირისპირების შემდეგ კი მალევე უცნაურ გარემოებებში გარდაიცვალა – წერს ბრიტანული გამოცემა.

გამოცემის ინფორმაციით 67 წლის ინა გუდავაძეს იმედი ჰქონდა, რომ ახლო მომავალში გადავიდოდა ამ შესანიშნავ სახლში, სანამ ის ორი კვირის წინ ცეცხლმა არ გაანადგურა.

ახლა ბრიტანეთის ერთ–ერთ ყველაზე მდიდრულ რაიონში მდებარე  უზარმაზარი სახლისგან შიშველი კედლები და საძირკველი დარჩა.

ხანძარი როგორც ირკვევა 23 სექტემბერს მოხდა, თუმცა მედიაში ინფორმაცია მხოლოდ ახლა გავრცელდა. ცნობილია, რომ ცეცხლის ჩასაქრობად 8 სახანძრო მანქანა მუშაობდა, თუმცა მისი დროულად ჩაქრობა ვერ შეძლეს. ახლა გამომძიებლები ცდილობენ გაარკვიონ, რატომ გაჩნდა ცეცხლი.

გამოცემა წერს, რომ საქართველოში დაბადებული ინა გუდავაძის ქონება ახლა 650 მილიონ გირვანქა სტერლინგად ფასდება. როგორც ბრიტანული მედია წერს, ინა გუდავაძე აპირებდა ლონდონის სახლიდან  სურეიში გადასულიყო მის ორ ქალიშვილთან – ლინა ჟმოტოვასთან და ია პატარკაციშვილთან ერთად.

სახლში იყო 9 საძინებელი ოთახი, კინოთეატრი, ოჯახური ოთახი და ლიფტი, რომელიც 1 მილიონ გირვანქა სტერლინგად შეფასებულ სარდაფში ჩადიოდა, სადაც ღვინის სადეგუსტაციო და სასადილო დარბაზი იყო მოწყობილი. სახლი იმ დიდ მიწის ნაკვეთზე აშენდა, რომელიც ქვრივს ქმრისგან მემკვიდრეობით დარჩა.

გამოცემა წერს, რომ მილიარდერი ბადრი პატარკაციშვილი რუსეთიდან 2000 წელს გაიქცა პუტინთან დაპირისპირებისა შემდეგ და ის თაღლითობაში იქნა დადანაშაულებული.

პატარკაციშვილი სურეიში მდებარე სახლში 2006 წელს გადავიდა და ორი წლის შემდეგ იქვე გარდაიცვალა გულის შეტევისგან 52 წლის ასაკში.

ახალი სახლი, რომელიც ახლა უკვე ნანგრევებად არის ქცეული, მისმა ცოლმა ააშენა 300 მეტრის დაშორებით იმ სახლიდან, სადაც პატარკაციშვილი გარდაიცვალა. ეს სახლი ისევ გუდავაძის საკუთრებაშია და იქ გუდავაძის პერსონალი და დაცვა ცხოვრობს.

გუდავაძემ, რომელიც ერთ დროს ბრიტანეთის ყველაზე მდიდარი ქალების სიაში მეათე იყო, კომენტარზე უარი თქვა – წერს გამოცემა.

საკითხს სწავლობენ სახანძრო უსაფრთხოების სპეციალისტები და სადაზღვევო კომპანიის წარმომადგენლები.

“პალესტინის სახელმწიფოს შექმნა მშვიდობის დამყარების ყველაზე სანდო გზაა” – ამის შესახებ, რუსეთის საგარეო საქმეთა მინისრმა, სერგეი ლავროვმა, არაბული ქვეყნების ლიგის გენერალურ მდივან, აჰმედ აბულ გეითთან გამართულ პრესკონფერენციაზე განაცხადა. 

“პალესტინის სახელმწიფოს შექმნა, რომელიც ისრაელის გვერდით იქნება, არის კონფლიქტის მოგვარების ყველაზე სანდო გზა. ჩვენ ვერ დავეთანხმებით მათ, ვინც ამბობს, რომ უსაფრთხოების დამყარება მხოლოდ ტერორიზმთან ბრძოლით არის შესაძლებელი”. – ამბობს ლავროვი.

ისრაელის თავდაცვის მინისტრმა, იოავ გალანთმა ღაზის სექტორის სრული ბლოკადა გამოაცხადა.

“ბრძანება გავეცი, რომ ღაზას სექტორი სრულ ალყაში მოვაქციოთ. არ იქნება არანაირი საჭმელი, დენი და საწვავი. ყველაფერი დაკეტილია. ჩვენ ვებრძვით ცხოველ ადამიანებს და შესაბამისად ვმოქმედებთ”. – თქვა ისრაელის თავდაცვის მინისტრმა.

Wizz Air-ი ისრაელში არსებული ვითარების გამო, თელ-ავივის მიმართულებით ავიარეისებს წყვეტს

“ვაგრძელებთ სიტუაციის მჭიდრო მონიტორინგს და შესაბამის ორგანოებთან კონტაქტში ვიმყოფებით,” – ამბობენ კომპანიაში.

ისრაელიდან და ​ისრაელის მიმართულებით, ავიამიმოსვლა შეაჩერა რამდენიმე აზიურმა კომპანიამაც. მათ შორის, Korean Air-მა, Air India-მა და Cathay Pacific-მა.

48 საათში, ისრაელმა ჯამში 300 000 რეზერვისტის მობილიზება შეძლო – ამის შესახებ, ისრაელის თავდაცვის ძალების მთავარმა სპიკერმა, დანიელ ჰაგარმა განაცხადა. მან ასევე აღნიშნა, რომ ისრაელმა ღაზის სექტორთან მდებარე ტერიტორიებზე კონტროლის აღდგენა მოახერხა.

ჰაგარის თქმით, საზღვარზე მდებარე 24 ქალაქიდან 15 ევაკუირებულია, ხოლო იმ ქალაქებს, რომლებშიც ღაზის სექტორიდან ტერორისტებმა შეღწევა შეძლეს, ისრაელი ტანკებითა და ავიაციით დაიცავს.

ისრაელის თავდაცვის ძალების სპიკერის ცნობით, “ასე სწრაფად ამ რაოდენობის რეზერვისტების მობილიზება ამ დრომდე არასდროს მომხდარა” – უკანასკნელი 48 საათის განმავლობაში ისრაელმა 300 000 რეზერვისტის მობილიზება შეძლო.

ამერიკის შეერთებულმა შტატებმა, ისრაელის მხარდასაჭერად და “ჰამასის” თავდასხმაზე საპასუხოდ აღმოსავლეთ ხმელთაშუაზღვისპირეთში ავიამზიდი, გემები და თვითმფრინავები გაგზავნა.

ასევე, ამერიკა  ისრაელს დაეხმარება დამატებითი აღჭურვილობითა და საბრძოლო მასალით.