Blog

„სანქციებს ორმხრივი ხასიათი აქვს, ზიანს აყენებს არა მხოლოდ მათ, ვისთვისაც დაწესებულია, არამედ მათაც, ვინც მათ აწესებს“

ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

უკრაინამ რუსული ტყვეობიდან 95 პირი დაიბრუნა – ინფორმაციას ამის შესახებ, ქვეყნის მეთაური, ვოლოდიმირ ზელენსკი სოციალურ ქსელში წერს. მისი განცხადებით, გაცვლილ ტყვეებს შორის არიან უკრაინის შეიარაღებული ძალების სამხედრო მოსამსახურეები ეროვნული გვარდიის წევრები და მესაზღვრეები.

“ჩვენ ვაგრძელებთ ჩვენი ხალხის სახლში დაბრუნებას. კიდევ 95 დამცველი გაათავისუფლეს რუსული ტყვეობიდან”- დაწერა სოციალურ ქსელში უკრაინის პრეზიდენტმა, ვოლოდიმირ ზელენსკიმ.

ტყვეთა გაცვლა არაბთა გაერთიანებული საამიორების შუამავლობით მოხდა.

“გუშინ ჩვენ ყრილობაზე ვიხილეთ შემოძარცული, ამორტიზებული და გაცვეთილი “ქართული ოცნება”. ასეთივე გაცვეთილი სახეებით. ერთი ადამიანიც კი ვერ გამოაჩინეს ახალი მხარდამჭერი. სად არიან ე.წ შემოქმედებითი თუ სამეცნიერო ინტელიგენციის ის წარმომადგენლები, რომლებსაც ბიძინა ივანიშვილი 20 თუ 25 წლის განმავლობაში ყოველთვიურად აძლევდა ფულს. ყველას რცხვენია და მორალურად დამაზიანებლად მიაჩნია ბიძინა ივანიშვილისა და “ქართული ოცნების” გვერდში დგომა. ვინ ვიხილეთ ჩვენ? – მოღალატე დეპუტატები და “იმედის” გაცვეთილი მოექსპერტო ელემენტები, იმედის მორიგი “დოდოშკები” – ეს იყო “ქართული ოცნების” გუშინდელი ყრილობის ვიზუალური სახე. შინაარსობრივად კვლავ მოღალატე პოზიციაზე დგას “ქართული ოცნება”. უკრაინას აბრალებს ომის დაწყებას. კვლავ გაისმა ანტიდასავლური ლოზუნგები და რუსეთისადმი ხარკის მოხდა ირიბად ჩინური თემების შემოგდებით. ვნახეთ დასავლეთის მტერი და რუსეთის მომხრე პარტიის ყრილობა. ქვეყნის ერთადერთი გადარჩენა არის ის, რომ არჩევნებში ეს ხელისუფლება ისტორიას ჩაბარდება და ამ პარტიას პოლიტიკური ისტორიის იმ სეგმენტში მიუჩენენ ადგილს, სადაც შესაბამისი წარწერა – “პოლიტიკური სანაგვე” იქნება”,

ამის შესახებ “ევროოპტიმისტების” დეპუტატმა, რომან გოცირიძემ ჟურნალისტებთან საუბრისას განაცხადა.

აშშ-ის პროკურატურის განცხადებით, აღმოსავლეთ ევროპაში დაფუძნებული ნეონაცისტური ექსტრემისტული ჯგუფის ლიდერი დააკავა, რომელიც ებრაელი ბავშვების მკვლელობას გეგმავდა.

დაკავებული საქართველოს მოქალაქე 21 წლის მიხეილ ჩხიკვიშვილია ცნობილი როგორც “მეთაური ყასაბი”; “მიშკა” და “ყასაბი”.

“როგორც ნავარაუდოებია, ბრალდებული ცდილობდა დაექირავებინა სხვები ძალადობრივი თავდასხმებისა და მკვლელობების ჩასადენად მისი ნეონაცისტური იდეოლოგიების გასაძლიერებლად. მისი მიზანი იყო სიძულვილის, ხშიშისა და ნგრევის გავრცელება დაბომბვის, ცეცხლის წაკიდების წახალისებით და ბავშვების მოწამვლითაც კი, რასობრივი უმცირესობების, ებრაული თემისა და უსახლკარო პირებისთვის ზიანის მიყენების მიზნით”, –  თქვა შეერთებული შტატების პროკურორმა პისმა.

ჩხიკვიშვილი მანიაკური მკვლელების კულტის ლიდერია, რომელიც, პროკურორების თქმით, საერთაშორისო ექსტრემისტული დაჯგუფებაა. აღნიშნული დაჯგუფება ნეონაცისტური იდეოლოგიას მისდევს, პროპაგანდას უწევს ძალადობას რასობრივი უმცირესობების, ებრაელი თემის მიმართ.

როგორც აშშ-ის პროკურატურის განცხადებაშია აღნიშნული, დაჯგუფების მიზანია საზოგადოებრივი წესრიგის დარღვევა ტერორიზმისა და ძალადობის საშუალებით.

2022 წლის ივლისიდან დაწყებული, ჩხიკვიშვილი არაერთხელ მოუწოდებდა სხვებს, დაშიფრული მობილური შეტყობინებების პლატფორმების საშუალებით, ჩაედენიათ ძალადობრივი სიძულვილის დანაშაულები და ძალადობის სხვა აქტები MKY-ის სახელით – ეს მოიცავდა მასობრივი ძალადობის აქტების მოთხოვნას ნიუ-იორკში ინდივიდისგან, რომელიც აცხადებდა, რომ იყო MKY-ის პერსპექტიული რეკრუტი, თუმცა ჩხიკვიშვილმა არ იცოდა, რომ ის სინამდვილეში FBI თანამშრომელი იყო.

დაახლოებით 2023 წლის ნოემბრიდან დაწყებული, ჩხიკვიშვილი სთხოვდა აღნიშნულ პირს, განეხორციელებინა ძალადობრივი დანაშაულები, როგორიცაა აფეთქებები და ცეცხლის გაჩენა, რასობრივი უმცირესობების, ებრაელი ინდივიდების და სხვათა ზიანის მიყენების მიზნით.

“2023 წლის ნოემბერში ჩხიკვიშვილმა დაიწყო მასობრივი თავდასხმის დაგეგმვა ნიუ-იორკში ახალი წლის ღამეს. სქემა მოიცავდა ინდივიდს, რომელიც სანტა კლაუსის ფორმას იცვამდა და რასობრივ უმცირესობებს საწამლავით გაჟღენთილ კანფეტებს ურიგებდა. სქემა ასევე მოიცავდა ბრუკლინის ებრაული სკოლების ბავშვებისთვის შხამიანი ტკბილეულის მიწოდებას”, – წერია განცხადებაში.

21 ივლისამდე საქართველოში მოსალოდნელია დროგამოშვებით ხანმოკლე წვიმა ელჭექით, შესაძლებელია სეტყვა და ქარის გაძლიერება.

დედაქალაქში – თბილისში მოსალოდნელია ხანმოკლე წვიმა ელჭექით და ქარის ხანმოკლე გაძლიერებით. ჰაერის ტემპერატურა დღისით +32, +34 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია ხანმოკლე წვიმა ელჭექით, ჰაერის ტემპერატურა დღისით +27, +29 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +32, +34 გრადუსი დაფიქსირდება.

დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +32, +34 გრადუსი იქნება.

დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია ხანმოკლე წვიმა ელჭექით. ჰაერის ტემპერატურა +30, +32 გრადუსი იქნება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +33, +35 გრადუსი იქნება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +33, +35 გრადუსი იქნება.

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +29, +31 გრადუსი იქნება.

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +20, +22 გრადუსი იქნება.

“ჩვენ გავაგრძელებთ საქართველოსთან და თავდაცვის ძალებთან პარტნიორობას და გავაგრძელებთ გზების გამონახვას საქართველოს მიერ საკუთარი სუვერენიტეტის უზრუნველყოფისა და ტერიტორიული მთლიანობის შენარჩუნების შესაძლებლობის გაძლიერებისთვის. წვრთნების გაუქმების გადაწყვეტილება მარტივად არ მიგვიღია. დიდ ყურადღებას ვაქცევთ უზარმაზარ ღირებულებას, რომელსაც ღირსეული პარტნიორის მსგავს წვრთნებს მოკავშირეები და პარტნიორები მატებენ. ასე რომ, ველით მომავალ შესაძლებლობებს მოკავშირეებთან და პარტნიორებთან კოოპერაციისთვის. აქ შევჩერდები.”

აცხადებს პენტაგონის პრესსპიკერი, გენერალ-მაიორ პატრიკ რაიდერი.

სამოქალაქო სექტორის წარმომადგენლები აცხადებენ, რომ რუსული კანონის წინააღმდეგ საკონსტიტუციო სასამართლოში შესატანი სარჩელი უკვე მზად არის და სასამართლოში დღეს გაიგზავნება.

განცხადება სრულად:

“121 ქართული არასამთავრობო და მედიაორგანიზაცია ვაგრძელებთ სამართლებრივ ბრძოლას რუსული კანონის წინააღმდეგ. ამჯერად, საქართველოს საკონსტიტუციო სასამართლოს მივმართავთ კონსტიტუციური სარჩელით.

სარჩელთან ერთად, სასამართლოს წარედგინება შუამდგომლობა არაკონსტიტუციური ნორმების მოქმედების შეჩერების შესახებ. კონსტიტუციური სარჩელი კიდევ ერთხელ ნათლად ადასტურებს, რომ სადავო კანონი ზღუდავს მოქალაქეთა უფლებას, გაერთიანდნენ საერთო მიზნის მისაღწევად, ქვეყნისთვის სასიკეთო საქმის საკეთებლად და ადამიანების დასახმარებლად.

რუსული კანონის მიღებით, ხელისუფლება აყალიბებს მტრულ გარემოს, სადაც რისკად და საფრთხედ არის გამოცხადებული სხვადასხვა უფლებით, მათ შორის, გაერთიანებისა და გამოხატვის თავისუფლებით სარგებლობა.

მივესალმებით საქართველოს პრეზიდენტისა და საქართველოს პარლამენტის წევრთა გადაწყვეტილებას, მიმართონ საკონსტიტუციო სასამართლოს. კონსტიტუციის 78-ე მუხლი, რომელთანაც ეს სუბიექტები ითხოვენ სადავო ნორმის არაკონსტიტუციურად ცნობას, წარმოადგენს საქართველოს ევროატლანტიკური ინტეგრაციის ქვაკუთხედს.

ვიმედოვნებთ, რომ საქართველოს საკონსტიტუციო სასამართლო უმოკლეს ვადაში განიხილავს სადავო ნორმის მოქმედების შეჩერების შუამდგომლობას და დააკმაყოფილებს მას.

ამასთან, გაცნობებთ, რომ ჩვენ ვემზადებით საჩივრის ადამიანის უფლებათა ევროპულ სასამართლოში წარსადგენად.

კიდევ ერთხელ ვიმეორებთ, რომ არ ვიცხოვრებთ რუსული კანონის წესებით და გამოვიყენებთ ყველა ეროვნულ თუ საერთაშორისო მექანიზმს მისი მოქმედების შესაჩერებლად, შესაფერხებლად, მის საბოლოო გაუქმებამდე.

კი ევროპას! არა რუსულ კანონს!” – ნათქვამია განცხადებაში.

ტაილანდმა საქართველოს მოქალაქეებისთვის უვიზო რეჟიმი აამოქმედა.

უვიზო მიმოსვლა 15 ივლისიდან დაიწყო.

განახლებული რეგულაციის თანახმად, 93 ქვეყნის მოქალაქეებს ტაილანდში უვიზოდ 60 დღით შეუძლიათ გაჩერება, სიაში საქართველოცაა.

ქვეყნის შინაგან საქმეთა სამინისტროს განცხადებით, სავიზო პოლიტიკის განახლება ქვეყანაში მეტი უცხოელი ტურისტის მოზიდვას და მოგზაურობის ხელშეწყობას ემსახურება.