Blog

ევროკავშირის უმაღლესმა წარმომადგენელმა ფედერიკა მოგერენიმ 2018 წლის მთავარ მოვლენებს შორის ფრანკფურტის წიგნის ბაზრობაზე საქართველოს სტუმრობა დაასახელა. ამის შესახებ ევროკავშირის საგარეო პოლიტიკური უწყების ხელმძღვანელი სოციალურ ქსელ “ტვიტერში” საკუთარ გვერდზე გამოქვეყნებულ პუბლიკაციაში წერს, რომლის სათაურია “12 რამ, რაც 2019 წელსაც უნდა შევინარჩუნოთ”.

ევროკავშირის უმაღლესი წარმომადგენლის ფედერიკა მოგერინის ამ შეფასებას საქართველოს პრემიერ-მინისტრი მამუკა ბახტაძე ასევე “ტვიტერის” ქსელიდან პასუხობს. 

“მადლობას ვუხდი საქართველოს ნამდვილ მეგობარს – ფედერიკა მოგერინის – ევროკავშირის ახლო და მნიშვნელოვან პარტნიორად საქართველოს მოხსენიებისთვის, რაც ევროკავშირსა და საქართველოს შორის არსებული ურთიერთობების უფრო მაღალ დონეზე აყვანას ადასტურებს და ევროკავშირისთვის საქართველოს მნიშვნელობის გაზრდას ცხადყოფს”, ნათქვამია პრემიერ-მინისტრის განცხადებაში. ევროკავშირის აღიარებას ასევე განცხადებით უპასუხა საგარეო საქმეთა მინისტრმა დავით ზალკალიანმა, რომლის მიმართვაც საგარეო უწყებამ გაავრცელა. 

დოჰას ტურნირზე ქართველი ჩოგბურთელი ნიკოლოზ ბასილაშვილი მსოფლიოს პირველ ჩოგანს ნოვაკ ჯოკოვიჩს დაუპირისპირდა. ქართველმა ჩოგბურთელმა ერთი სეტი მოიგო, თუმცა შემდეგ უკვე უპირატესობა ბალკანელმა მოიპოვა და მეტოქე დაამარცხა. დაძაბული შეხვედრა 2 საათზე მეტხანს გაგრძელდა. 

მსოფლიოს 21-ე ჩოგანმა, ქართველმა ნიკოლოზ ბასილაშვილმა დოჰას ტურნირის მეოთხედფინალამდე მიაღწია. ბასილაშვილმა მერვედფინალში 21 წლის რუსს, მსოფლიოს 68-ე ჩოგანს ანდრეი რუბლიოვს მოუგო.

ჯოკოვიჩმა შეხვედის დარულების შემდეგ მეტოქე ბასილაშვილს გამორჩეული ჩოგბურთელი უწოდა. 

“ბასილაშვილი ბოლო 10 თვეა, განსაკუთრებით პროგრესირებს. მას ერთ-ერთი საუკეთესო დარტყმა აქვს”. 

{{ARTICLEIMAGE}}
იურიდიული კომიტეტის ყოფილი თავმჯდომარე ეკა ბესელია აცხადებს, რომ კომიტეტის დატოვების სურვილი მას არც ადრე ქონია და არც ახლა, გადაწყვეტილება კი მხოლოდ მოსამართლეების საკითხის გამო მიიღო. ამით ბესელიამ პარლამენტის თავმჯდომარის ირაკლი კობახიძის განცხადებას უპასუხა, რომლის თანახმად, ეკა ბესელიამ კომიტეტის თავმჯდომარეობიდან წასვლა მასთან ჯერ კიდევ აგვისტოში შეათანხმა. 

“თუ რა იყო მაშინ ამ საუბრის შინაარსი, რადგან კობახიძემ დაიწყო ამაზე საუბარი, შუა გზაში ვერ მივატოვებ. ჩამოვალ და ვისაუბრებ”,განაცხადა ბესელიამ “რუსთავი 2” -თან სატელეფონო ჩართვის დროს.

ირაკლი კობახიძე გუნდის წევრებს სპეკულაციებისგან თავშეკავებისკენ მოუწოდებს

რა შეთანხმება არსებობდა კობახიძესა და ბესელიას შორის:ინფორმაცია, რომელიც ქუცნაშვილმა ჟურნალისტებს მიაწოდა

“ჯალათი მოსამართლეების გამო დატრიალდა ეს ამბავი“ – კამათი გოგიჩაიშვილსა და მდინარაძეს შორის (ვიდეო)
ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
H1N1-ის ვირუსით კიდევ ორი ადამიანი გარდაიცვალა.

ბოლო მონაცემებით, ვირუსი 100 ათასი ადამიანიდან 277 ადამიანს დაუდასტურდა, ეპიდემიის საფრთხე კი დგება მაშინ, როდესაც ინფიცირებულთა რაოდენობა 500-მდე გაიზრდება.

{{ARTICLEIMAGE}}
ექსპერტ გია აბაშიძის მიერ გაკეთებულ სკანდალურ განცხადებას, რომელშიც ის პარლამენტის იურიდიული კომიტეტის ყოფილ თავჯდომარეს ეკა ბესელიას “ომეგა ჯგუფთან” კორუფციულ გარიგებაში ადანაშაულებს, ზაზა ოქუაშვილი სიცრუეს უწოდებს:

“გია აბაშიძის მიერ “ფეისბუქით” გავრცელებული ბრალდება ეკა ბესელიასა და “ომეგას” შორის არამართებული გარიგების შესახებ საფუძველსმოკლებული და მცდარია.

მე, ზაზა ოქუაშვილი, პირადად არ ვიცნობ ქალბატონ ეკა ბესელიას და არც პირადი კონტაქტი მქონია მასთან.

ამგვარი ბრალდებები არის არასერიოზული და აშკარად ემსახურება არაჯანსაღ მიზნებს”,ნათქვამია ზაზა ოქუაშვილის განცხადებაში.

“ჯალათი მოსამართლეების გამო დატრიალდა ეს ამბავი“ – კამათი გოგიჩაიშვილსა და მდინარაძეს შორის (ვიდეო)

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
ანრი ოხანაშვილი მიიჩნევს, რომ მმართველ გუნდში არსებული აზრთასხვადასხვაობა კრიზისს არ ნიშნავს. მისი თქმით, საუბარს არავინ არავის უკრძალავს და ასეთი დამოკიდებულება გუნდში ერთმანეთის მიმართ არ აქვთ. “გუნდში გვაქვს ჯანსაღი დემოკრატია”,აღნიშნა ოხანაშვილმა, რომელიც ბესელიას შემცვლელად განიხილება. ოხანაშვილი ამბობს, რომ მისი თავმჯდომარეობის საკითხი გუნდმა უნდა გადაწყვიტოს. იურიდიული კომიტეტის სხდომა 14 იანვარს არის ჩანიშნული. 

ამავე თემაზე:

“ჯალათი მოსამართლეების გამო დატრიალდა ეს ამბავი“ – კამათი გოგიჩაიშვილსა და მდინარაძეს შორის (ვიდეო)

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
სრულიად საქართველოს კათოლიკოს-პატრიარქს დღეს 86 წელი შეუსრულდა.

სრულიად საქართველოს კათოლიკოს-პატრიარქი ილია მეორე, ერისკაცობაში ირაკლი შიოლაშვილი, 1933 წლის 4 იანვარს ვლადიკავკაზში, გიორგი ღუდუშაური-შიოლაშვილისა და ნატალია კობაიძის ოჯახში დაიბადა.

პატრიარქად 1977 წელს, დავით მეხუთის გარდაცვალების შემდეგ, საქართველოს მართლმადიდებელი ეკლესიის წმინდა სინოდმა აირჩია. ილია მეორის ინტრონიზაცია სვეტიცხოვლის საკათედრო ტაძარში მოხდა.

ცნობილმა უკრაინელმა მოკრივემ პიტრ ოჩერეტიანოვმა ერთი დარტყმით კიევში სახელმწიფო დაცვის სამსახურის თანამშრომელი მოკლა. გავრცელებული ინფორმაციით, მოკრივე ქუჩაში ძაღლებს ასეირნებდა, როდესაც უსაფრთხოების დაცვის თანამშრომელთან, 26 წლის კაცთან შელაპარაკება მოუვიდა. ოჩერეტიანოვმა მას თავში ჩაარტყა, რის შედეგადაც მამაკაცი მიწაზე დაეცა და ადგილზე სასწრაფო დახმარების მისვლამდე გარდაიცვალა. ყოფილი სპორტსმენი, რომელიც 10 წელზე მეტხანს უკრაინის მოკრივეთა პროფესიონალურ ლიგას ხელმძღვანელობდა, შემთხვევის ადგილიდან მიიმალა, თუმცა მოგვიანბებით თავადვე ჩაბარდა პოლიციას. მას 15 წლამდე პატიმრობა ემუქრება.

{{ARTICLEIMAGE}}

ბუნებრივი აირის იმ მომხმარებლებისათვის, რომლებიც გაზს არასაყოფაცხოვრებო მიზნით მოიხმარენ, 4 თებერვლიდან თბილისში გაზზე ფასი გაუძვირდებათ. “ყაზტრანსგაზის” განცხადებაში წერია, რომ ერთ კუბურ მეტრზე გაზის ტარიფი დღგ-ს ჩათვლით 86 თეთრი იქნება. აღნიშნული გადაწყვეტილება შეეხება მხოლოდ არასაყოფაცხოვრებო მომხმარებელს, მოსახლეობისთვის გაზის საფასური კი დარჩება 46,139 თეთრი.

“იმისათვის, რომ არ შეფერხდეს გაზის შესყიდვისა და დედაქალაქის უწყვეტი გაზმომარაგების პროცესი და თბილისის მოსახლეობამ ისარგებლოს მაქსიმალურად უსაფრთხო გაზმომარაგებით, კომპანია “ყაზტრანსგაზ-თბილისი” იძულებულია, მოახდინოს არასაყოფაცხოვრებო მომხმარებლებისთვის ტარიფის კორექტირება. კომპანია “ყაზტრანსგაზ-თბილისის” გადაწყვეტილებით, 2019 წლის 4 თებერვლიდან თბილისში, ბუნებრივი აირის იმ მომხმარებლებისათვის, რომლებიც გაზს მოიხმარენ არასაყოფაცხოვრებო მიზნით, ბუნებრივი გაზის ფასი ერთ კუბურ მეტრზე დღგ-ს ჩათვლით 86 თეთრი იქნება. აღნიშნული გადაწყვეტილება შეეხება მხოლოდ არასაყოფაცხოვრებო მომხმარებელს. მოსახლეობისთვის გაზის საფასური დარჩება 46,139 თეთრი,” წერია განცხადებაში.

{{ARTICLEIMAGE}}
აშშ-ის კონგრესის წარმომადგენელთა პალატამ, რომელსაც 3 იანვრიდან დემოკრატები აკონტროლებენ, ფედერალური მთავრობის მუშაობის განახლებას და შიდაუსაფრთხოების სამინისტროს დაფინანსებას მხარი დაუჭირა. თუმცა წარმომადგენელთა პალატის მიერ მიღებული კანონპროექტები არ ითვალისწინებს მექსიკასთან საზღვარზე კედლის მშენებლობისთვის 5 მილიარდი დოლარის გამოყოფას. “ამერიკის ხმის” ინფორმაციით, ნაკლებად სავარაუდოა, რომ ამავე კანონპროექტებს მხარს დაუჭერს სენატიც, სადაც უმრავლესობა რესპუბლიკელებს აქვთ, პრეზიდენტის ვეტო კი, ნებისმიერ შემთხვევაში გარანტირებულია. სენატში რესპუბლიკელთა ლიდერმა მიჩ მაკკონელმა დემოკრატების მიერ კანონპროექტების მიღებას პოლიტიკური თეატრი უწოდა.

ნოემბრის არჩევნების შედეგად წარმომადგენელთა პალატაში უმრავლესობით მისული დემოკრატების მიერ დამტკიცებული კანონპროექტებით, სახელმწიფო დაწესებულებებმა მუშაობა უნდა განაახლონ, კედლის მშენებლობის დაფინანსების საკითხზე კი ცალკე მოლაპარაკება გაიმართოს. აშშ-ში უკვე მეორე კვირაა, გრძელდება ე.წ. “შათდაუნი,” ანუ მდგომარეობა, როცა ბიუჯეტის საკითხზე კონგრესის და პრეზიდენტის უთანხმოების გამო სახელმწიფო დაწესებულებები მუშაობას წყვეტენ. ამჯერად, უთანხმოების საგანია მექსიკასთან საზღვარზე კედლის მშენებლობა, რომლისთვისაც დონალდ ტრამპი 5 მილიარდ დოლარს ითხოვს. დემოკრატები მშენებლობის დაფინანსებაზე უარს ამბობენ. “შათდაუნის” დასრულების საკითხის განსახილველად პრეზიდენტმა ტრამპმა დღეს თეთრ სახლში, მორიგ შეხვედრაზე კონგრესში რესპუბლიკელების და დემოკრატების ლიდერები მიიწვია. წინა მოლაპარაკება, რომელიც 2 იანვარს გაიმართა, უშედეგოდ დასრულდა.

კონგრესის წარმომადგენელთა პალატაში დემოკრატების ლიდერმა ნენსი პელოსიმ, რომელიც 3 იანვარს სპიკერად აირჩიეს, ტელეკომპანია NBC-ის განუცხადა, რომ კედლისთვის ფული არ იქნება და ამ საკითხის დაუსრულებლად განხილვას არ აპირებენ. პელოსიმ პრეზიდენტი ტრამპი დაადანაშაულა ფედერალური მთავრობის მძევლად აყვანაში თავისი საარჩევნო დაპირების გამო, რომელიც ეხებოდა კედლის მშენებლობას და მექსიკის მთავრობის იძულებას, ხარჯი თავად დაეფარა. “ეს უაზრობაა. ჯერ ერთი, მექსიკა არ აპირებს თანხის გადახდას და მეორე – ჩვენ საზღვრის დაცვის გაცილებით ეფექტური საშუალებები გავქვს და ეს პრეზიდენტმა იცის”, განაცხადა ნენსი პელოსიმ.

წყარო – რადიო თავისუფლება