Blog

{{ARTICLEIMAGE}}ამერიკის სახელმწიფო დეპარტამენტის განცხადებით აშშ–ს მოქალაქეებისთვის, ვინც ჩინეთში ვიზიტს გეგმავს არსებობს საფრთხე, რომ ჩინეთის ხელისუფლება მათ ქვეყნიდან აღარ გამოუშვებს. სახელმწიფო დეპარტამენტის განცხადებით ხანდახან “გასვლის აკრძალვა“ წლობით მოქმედებს და ამერიკელებს ჩინეთის დატოვების უფლებას არ აძლევს, რადგან პეკინს სურს აიძულოს აშშ–ს მოქალაქეები “მონაწილეობა მიიღონ გამოძიებებში“, რომლებსაც თითქოს ჩინეთის მთავრობა აწარმოებს.

აკრძალვის შესახებ ამერიკელები მხოლოდ ქვეყნის დატოვების მცდელობის მომენტში იგებენ, თანაც აკრძალვის ვადების გარკვევა შეუძლებელი ხდება. აშშ–ს საგარეო პოლიტიკური უწყების განმარტებით ხშირად ამერიკის მოქალაქეები დევნისა და მუქარის ქვეშ არიან, გაურკვეველი ვადით აკავებენ და დაკითხვებზე დაყავთ ისე, რომ არც კი იციან რაში ადანაშაულებენ .

სახელმწიფო დეპარტამენტის განცხადებით ჩინეთის ხელისუფლება მსგავს ზომებს სახელმწიფო უსაფრთხოების ინტერესებით ხსნის. ამერიკელები შეიძლება დააკავონ ან მათი დეპორტაცია მოახდინონ იმის გამო, რომ მაგალითად ისინი ელექტრონულ მესიჯებში ჩინეთის მთავრობას აკრიტიკებენ.

გარდა ამისა, პეკინი ორმაგ მოქალაქეობას არ ცნობს. თუ აშშ–ს მოქალაქეს ჩინეთის მოქალაქეობაც აქვს, ან თუნდაც “ჩინური ფესვები“, ასეთი ამერიკელი შესაძლოა დამატებით შემოწმებას და დევნას დაექვემდებაროს.
“ჩინეთმა შესაძლოა არ მისცეს უფლება აშშ–ს საელჩოს საკუთარ მოქალაქეებს საკონსულო მომსახურება გაუწიოს“ – ნათქვამია განცხადებაში.

{{ARTICLEIMAGE}}
ჰაკერებმა ასობით გერმანელი პოლიტიკოსის მათ შორის კანცლერ მერკელის პირადი მონაცემები მოიპარეს და ინტერნეტში განათავსეს. ბრიტანული მედიის ცნობით, პირადი “ჩატი”, კონტაქტები და ფინანსური დეტალები ყველა პოლიტიკური პარტიის ფიგურას ეხება, გარდა ერთი პარტიისა – “ალტერნატივა გერმანიისათვის”. ასევე მოპარულია ცნობილი ადამიანების და ჟურნალისტების პირადი მონაცემები. ბრიტანული მედია წერს, რომ ჯერ უცნობია, ვინ დგას ამ თავდასხმის უკან.

ამასთან, როგორც რადიო თავისუფლება იუწყება, მონაცემების გაჟონვა 3 იანვრის საღამოს შეამჩნიეს, თუმცა დოკუმენტები ნაწილ-ნაწილ ქვეყნებოდა ჯერ კიდევ დეკემბერში. ინტერნეტში დევს გერმანელი პოლიტიკოსების ტელეფონის ნომრები, ზოგ შემთხვევაში პირადი დოკუმენტების ასლები, საკრედიტო ბარათების მონაცემები, პირადი მიმოწერა. ხოლო პარტიული დოკუმენტებიდან ქსელში გავრცელდა პარტიის წევრთა სიები, ვაკანტურ ადგილებზე შეტანილი განცხადებები, მემორანდუმები. მონაცემები  “ტვიტერის” ანგარიშზე ჰამბურგიდან, 60 ათასამდე ხელმოწერით გამოქვეყნდა.

გედევან ფოფხაძესთან დაკავშირებით მიღებული გადაწყვეტილებას დიდი შეცდომად აფასებს დეპუტატი დავით ჭიჭინაძე.

თოკოს ტრავმის შესახებ “ბასკონიას” ხორვატმა მწვრთნელმა ველიმირ პერასოვიჩმა ისაუბრა. მისი თქმით,  ქართველი კალათბურთელის ტრავმა სერიოზული აღმოჩნდა და იგი 3 თვე ვერ შეძლებს თამაშის გაგრძელებას. 

პირველადი ინფორმაციით თორნიკე შენგელიას რეაბილიტაცია 3-4 კვირა უნდა გაგრძელებულიყო, თუმცა ექიმების ვარაუდი არ გამართლდა.

შეგახსენებთ, რომ შენგელია ესპანეთის ლიგა ენდესაში მადრიდის “რეალთან” მატჩში დაშავდა.წარმოგიდგენთ მის გამორჩეულ მომენტს ამ მატჩიდან და მომენტს, როცა ტრავმა მიიღო.

{{VIDEO}}

{{ARTICLEIMAGE}}

“იუსტიციის საბჭოში მოსამართლეების საკითხის განხილვის დღეს დილიდან დამირეკა ჯერ არჩილ თალაკვაძემ, შემდეგ მამუკა მდინარაძემ ერთი თხოვნით: “გედი, დღეს რა გადაწყვეტილებაც არ უნდა მიიღოს იუსტიციის საბჭომ, გუნდის თხოვნაა, რამე კომენტარი არ გააკეთო”, განაცხადა გედევან ფოფხაძემ ტელეკომპანია “პალიტრანიუსის” გადაცემა”360 გრადუსში”.

მისი თქმით, იუსტიციის საბჭოს მიერ მოსამართლეთა სიის წარდგენის შემდეგ, პარტიის ოფისში შეხვედრა გაიმართა, სადაც ეკა ბესელიამ წარდგენილი სიის მხარდაჭერაზე უარი თქვა. ფოფხაძის ინფორმაციით, პარლამენტის თავმჯდომარე ირაკლი კობახიძე ბიძინა ივანიშვილის დარწმუნებას ცდილობდა, რომ მოსამართლეთა წარდგენილი სიისთვის მხარდაჭერაში არანაირი პრობლემა არ არის.

“იყო ყველა იმ ადამიანის მიმართ, ვინც ითვლებიან, რომ ცოტა დამოუკიდებელ შეფასებებს იძლევიან. ცოტა დავიძაბე – ეტყობა რაღაც ცუდი ხდება-მეთქი. ამის შემდეგ, მე ჩემი მხრიდან განვახორციელე ზარები ჩემს თანამოაზრეებთან პარტიაშიც და იუსტიციის საბჭოშიც. გავარკვიე, რეალურად რა ხდებოდა. გასაგები გახდა, რომ ბნელ ოთახში რაღაც ბნელი სია მზადდებოდა და ერთმანეთში შევთანხმდით, რომ ჩვენთვის ეს არის მიუღებელი. ამის შემდეგ, ჩვენ ვიკრიბებით პარტიის ოფისში პარტიის თავმჯდომარესთან ერთად, ვაფიქსირებთ ჩვენს პოზიციას და პარტიის თავმჯდომარე კითხულობს: არის თუ არა რეალური, რომ პარასკევს ეს სია გავიდეს კომიტეტზე და მერე სხდომაზე. ეკა ბესელიამ კატეგორიულად თქვა, რომ ასეთ ტემპში ასეთი გადაწყვეტილების მიღება არის შეუძლებელი. ირაკლი კობახიძე კი ბიძინა ივანიშვილს არწმუნებდა, რომ არც დროის და არც პროცედურების პრობლემა არ არის”, განაცხადა ფოფხაძემ.

პოლიტიკოსის ინფორმაციას ადასტურებს ფრაქცია “ქართული ოცნების” თავმჯდომარე მამუკა მდინარაძე.

“დიახ, ასეთი ფაქტი იყო და ძალიან ხშირად არის ხოლმე ასეთი ზარები ფრაქციის წევრებთან. მე დავალებებს არ ვაძლევ, მე ვუთანხმებ გუნდის წევრებს, რომ შეჯერებული პოზიცია გავახმოვანოთ ხოლმე მედიასთან, ჟურნალისტებთან, საზოგადოებასთან. ჩვენ წინასწარ ვერ გავთვლით, რა გადაწყვეტილებას მიიღებს რომელიმე დამოუკიდებელი ორგანო, წინასწარ ამასთან დაკავშირებით მესიჯების გაშვება ყოველთვის იწვევს დაბნეულობას, გაურკვევლობას. ეს იყო ამის მიზეზი. ეს არის ჩვეულებრივი მიმდინარე პროცესი. გუნდის შიგნით, მათ შორის სატელეფონო საშუალებით თანხმდება ხოლმე კონკრეტული პოზიციის გახმოვანების საკითხი. მე წინასწარ ნამდვილად არ ვიცოდი, ვის დაასახელებდნენ და აღმოჩნდა, რომ გედევან ფოფხაძემ თავად მითხრა, რომ იყო კონტაქტზე ანა დოლიძესთან და მისგან შევიტყვე იმ მოსამართლეების ვინაობის შესახებ, ვისაც ასახელებდა იუსტიციის საბჭო”,განაცხადა მამუკა მდინარაძემ.

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

ბესელია პარლამენტის თავმჯდომარესთან აგვისტოში გამართული შეხვედრის დეტალებზე ლონდონიდან დაბრუნების შემდეგ ისაუბრებს

ირაკლი კობახიძე გუნდის წევრებს სპეკულაციებისგან თავშეკავებისკენ მოუწოდებს

რა შეთანხმება არსებობდა კობახიძესა და ბესელიას შორის:ინფორმაცია, რომელიც ქუცნაშვილმა ჟურნალისტებს მიაწოდა

“ჯალათი მოსამართლეების გამო დატრიალდა ეს ამბავი“ – კამათი გოგიჩაიშვილსა და მდინარაძეს შორის (ვიდეო)
ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
საპარლამენტო უმრავლესობის წევრი ზაქარია ქუცნაშვილი იურიდიულ კომიტეტში ადრე არსებულ დაპირისპირებაზე მიუთითებს. ქუცნაშვილი, რომელიც ამავე კომიტეტის წევრია, ამბობს, რომ არსებობდა ორი ჯგუფი და ვინც ამ ჯგუფში არ იყვნენ, უხერხულად გრძნობდნენ თავს. 

ზაქარია ქუცნაშვილი: ვინც საპარლამენტო ცხოვრებაში იყო ჩართული, ყველა ხედავდა, რომ თვითონ კომიტეტის შიგნით იყო ორი ჯგუფი შექმნილი. ის ხალხი, რომელიც არც ერთ ჯგუფს არ მივეკუთვნებოდით და დაკავებულები ვიყავით იმ ინტერესით, რასაც კანონშემოქმედებითი საქმიანობა ჰქვია, ვიყავით უხერხულ მდგომარეობაში. და გახსოვთ დემონსტრაციულად კომიტეტის სხდომების დატოვებაც და გახსოვთ კვორუმის პრობლემებიც რაც იყო. ასე რომ, ეს არ არის ახალი ამბავი,რომ იურიდიულ კომიტეტის შიგნით იყო დაპირისპირება. პირობითაც ეკას და პირობითად ვანოს ჯგუფებს შორის…ეს ხდებოდა 2017-შიც და 2018-ის დასაწყისშიც. ხშირი იყო შემთხვევები კინკლაობის და დაპირისპირების”.

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

ბესელია პარლამენტის თავმჯდომარესთან აგვისტოში გამართული შეხვედრის დეტალებზე ლონდონიდან დაბრუნების შემდეგ ისაუბრებს

ირაკლი კობახიძე გუნდის წევრებს სპეკულაციებისგან თავშეკავებისკენ მოუწოდებს

რა შეთანხმება არსებობდა კობახიძესა და ბესელიას შორის:ინფორმაცია, რომელიც ქუცნაშვილმა ჟურნალისტებს მიაწოდა

“ჯალათი მოსამართლეების გამო დატრიალდა ეს ამბავი“ – კამათი გოგიჩაიშვილსა და მდინარაძეს შორის (ვიდეო)
ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
საქართველოს ეკონომიკის და მდგრადი განვითარების მინისტრ გიორგი ქობულიას განცხადებით, სამინისტრო კომერციულ სექტორში გაზის ფასებს არ არეგულირებს.

“შეიძლება კომერციულმა ოპერატორებმა გააძვირონ ტარიფი, რაც დღესდღეობით, არ რეგულირდება საქართველოს კანონით, თუმცა მოსახლეობისთვის და სოციალური სექტორისთვის, რა თქმა უნდა, არანაირი გაძვირება არ მოხდება”.

{{ARTICLEIMAGE}}
საქართველოს პრემიერ-მინისტრ მამუკა ბახტაძის განცხადებით, 2018 წელს საქართველოში შემოსული საერთაშორისო ვიზიტორების რაოდენობამ 8 679 544 ადამიანი შეადგინა, რაც ახალი რეკორდია. პრემიერის თქმით, რიცხვი, ეს ახალი რეკორდია საქართველოს ტურიზმის ისტორიაში – 2018 წელს საქართველოში შემოსული საერთაშორისო ვიზიტორების რაოდენობამ შეადგინა 8 679 544 ადამიანი.

“ჩვენი ზომის ქვეყნისთვის ეს მართლაც არის უნიკალური წარმატება და რას ნიშნავს ეს: პირველ რიგში ეს იმას ნიშნავს, რომ ცნობადობა და ინტერესი საქართველოს მიმართ ყოველ დღე იზრდება. ვიზიტორები საქართველოში ეცნობიან ჩვენს უნიკალურ კულტურას და კიდევ ერთხელ ყველა რწმუნდება, რომ ჩვენი უნიკალური კულტურა ეს გახლავთ საერთო ევროპული ცივილიზაციის ნაწილი. 

ასევე საერთაშორისო კვლევითი პორტალის Numbeo-ს მონაცემებით, 2018 წელს საქართველო მსოფლიოს 125 ქვეყანას შორის მე-5 ადგილი დაიკავა. გაეროს მსოფლიო ტურიზმის ორგანიზაციის ანგარიშის მიხედვით, საქართველო მსოფლიოში ერთ-ერთი ყველაზე სწრაფად მზარდ ტურისტულ მიმართულებად დასახელდა და რეიტინგში მე-4 ადგილი დაიკავა, ხოლო ევროპაში მეორე ადგილზეა.

სწორედ ამიტომ, ტურიზმის განვითარება ჩვენი ქვეყნის უმნიშვნელოვანეს პრიორიტეტს წარმოადგენს. საქართველოს აქვს ძალიან დიდი პოტენციალი ამ დარგის წინსვლისთვის და ჩვენი მთავრობა ყველაფერს აკეთებს იმისათვის, რომ საქართველო გახდეს ერთ-ერთი გამორჩეულად საინტერესო ადგილი მსოფლიოს ტურისტულ რუკაზე.

დარწმუნებული ვარ, ის პოლიტიკა, რომელსაც საქართველოს მთავრობა ახორციელებს ტურიზმის მიმართულებით, გახლავთ ეფექტური და მომავალშიც შეძლებს მნიშვნელოვანი შედეგის მოტანას ჩვენი ეკონომიკისთვის. მინდა, ყველას გისურვოთ წარმატებები და მოვემზადოთ ყველა, რომ 2019-ში კიდევ უფრო მეტ ტურისტს ვუმასპინძლოთ”,განაცხადა პრემიერმა.

{{ARTICLEIMAGE}}
საქართველოს პრეზიდენტის ადმინისტრაციამ შეწყალების კომისიასთან დაკავშირებით მუშაობა უკვე დაიწყო. ამის შესახებ ზურაბიშვილის ადმინისტრაციამ 3 იანვარს გაავრცელა ინფორმაცია. 

“პრეზიდენტის ადმინისტრაცია, როგორც უკვე ერთხელ იყო აღნიშნული, გეგმავს კომისიის ახალი წევრებით დაკომპლექტებას. ეს არის ჩვეულებრივი პროცესი. პრეზიდენტის ადმინისტრაცია ადასტურებს, რომ კომისია რამდენიმე წევრმა უკვე დატოვა. პრეზიდენტი მადლობას უხდის კომისიის ყველა წევრს გაწეული სამსახურსითვის”,წერია პრეზიდენტის ტექსტში.

როგორც ცნობილია, ზვიად ქორიძემ შეწყალების კომისიის თავმჯდომარის თანამდებობა დატოვა. ამასთანავე, კომისიიდან წამოვიდა “საერთაშორისო გამჭვირვალობა – საქართველოს” ხელმძღვანელი, ეკა გიგაური.

“თუ ზურაბიშვილი შექმნის ახალ კომისიას სხვა შემადგენლობით, ძველი ავტომატურად გაუქმებულად ითვლება. რაკი არ შექმნა ეს კომისია, საჭიროდ ჩავთვალე, დამეტოვებინა. ორი კვირის განმავლობაში მეგონა, რომ ის შექმნიდა ახალ კომისიას”, ამბობს ზვიად ქორიძე

ეკა გიგაურის თქმით კი, ხუთწლიანი მუშაობის შემდეგ კომისიის დატოვების შესახებ განცხადება ნოემბერში დაწერა:

“შეწყალების კომისიის განახლებას აპირებს პრეზიდენტიო, მაგრამ ერთი უზუსტობაა – მე ჯერ კიდევ მარგველაშვილის პრეზიდენტობის დროს, კომისიის ბოლო სხდომის შემდეგ, ნოემბერში თავად დავწერე განცხადება”.