Blog

{{ARTICLEIMAGE}}
პრეზიდენტ სალომე ზურაბიშვილის პრესსპიკერი ხატია მოისწრაფიშვილი იქნება.

ამ დრომდე ის ფინანსთა სამინისტროს შემოსავლების სამსახურში, ასევე პრეს-სპიკერის პოზიციას იკავებდა. 

ხატია მოისწრაფიშვილი საჯარო სამსახურში ჟურნალისტიკიდან გადავიდა.

პრეზიდენტმა ზურაბიშვილმა შეწყალების პირველი აქტი წინასაახალწლოდ გამოსცა

პრეზიდენტი ზურაბიშვილი: იმედი მაქვს, აღდგება ისტორიული სამართლიანობა

პრეზიდენტი სალომე ზურაბიშვილი განცხადებას ავრცელებს

პარლამენტისადმი ზურაბიშვილის პირველი ინიციატივა ზვიად გამსახურდიას მკვლელობას ეხება

მარგველაშვილის ადმინისტრაციის თანამშრომელთა ნაწილს ზურაბიშვილმა მუშაობის გაგრძელება შესთავაზა

ზურაბიშვილმა საპარლამენტო მდივნად დიმიტრი გაბუნია დანიშნა, ადმინისტრაციას კი ლაშა ჟვანია უხელმძღვანელებს

სალომე ზურაბიშვილი ათონელის რეზიდენციაში განთავსდა

{{ARTICLEIMAGE}}ელექტრომობილების მწარმოებელმა კომპანია ტესლამ გასული წლის შედეგები შეაჯამა. ანგარიშში ნათქვამია, რომ კომპანიამ 2018 წლის ბოლო კვარტალში თითქმის 90 000 ავტომობილი ააწყო და წარმოების მაშტაბები რამდენიმე პროცენტით გაზარდა.სულ, გასულ წელს კონცერნმა აწარმოა და ბაზარზე გასაყიდად გამოიტანა დაახლოებით 300 000 ავტომობილი. ეს იმაზე მეტია, ვიდრე ყველა წინა წლის წარმოების მოცულობა ერთად აღებული.

თუმცა საქმე არც ისე კარგად არის, ვიდრე ერთი შეხედვით ჩანს. კონცერნმა გასულ წელს ყველა მოდელზე ფასების კლების შესახებ გამოაცხადა. ყოველი მოდელის ფასმა 2000 დოლარით დაიკლო. ეს ნაბიჯი ტესლამ იმ ლგოტების შემცირების საკომპენსაციოდ გადადგა, რაც ელექტრომობილების მყიდველებს მანამდე ჰქონდათ.

კომპანიის მიერ წარმოებული ავტომობილების თითქმის 50 % Tesla Model 3 – ზე მოდის. ამ მოდელის საბაზო ვერსია აშშ–ში 35 000 დოლარი ღირს. მას დამუხტვის გარეშე 418 კილომეტრის გავლა შეუძლია. 96 კილომეტრ საათში სიჩქარეს კი 5.6 წამში ავითარებს.Model 3–ის წარმოება რიგი პრობლემების გამო გარკვეული დროის განმავლობაში შეზღუდული იყო, თუმცა ამჟამად კალიფორნიის ქარხანა ამ მოდელს უკვე სტაბილურად უშვებს.Model 3 ტესლას მასობრივი წარმოების პირველი მოდელია. ამ მცდელობამ საწყის ეტაპზე რიგი შეცდომები გამოიწვია.

საქმე იმაშია, რომ კომპანია მეტისმეტად დიდ იმედებს ამყარებდა რობოტებზე და ავტომატიზაციის ხარჯზე წარმოების დაჩქარება სურდა. 2019 წლისთვის კომპანიამ ყველა პრობლემა მოაგვარა და ეფექტური საწარმოო ხაზი ააწყო. რამდენიმე დღის წინ Tesla –ს გვერდზე გამოქვეყნდა ვიდეორგოლი, რომელზეც ჩანს როგორ აწყობენ Model 3 –ს.

{{ARTICLEIMAGE}}
“ევროპული საქართველოს” წევრის ოთარ კახიძის განცხადებით, “ქართულ ოცნებაში” არ აინტერესებთ მოსამართლეთა დანიშვნის საკითხი და რეალურად, ეს არის შიდა კლანური დაპირისპირება.

“ეს არის შიდა კლანური დაპირისპირება. ორი საკითხია ჩვენთვის სრულიად ნათელი. ერთი – მოსამართლეთა სია შეთანხმებული იყო ივანიშვილთან. შესაბამისად, უზენაეს სასამართლოში ჩინჩალაძის უვადოდ გამწესება არის ივანიშვილის სურვილი და თუ ვინმეს უმრავლესობიდან ამასთან დაკავშირებით რამე პროტესტი აქვს, ბიძინა ივანიშვილის მისამართით უნდა დააფიქსიროს ეს პროტესტი. თუმცა ამას ვერ ბედავენ იმიტომ, რომ რეალურად მათ ეს თემა არ აღელვებთ. მათ აღელვებთ შიდა კლანური ურთიერთობების გარკვევა.

რაც შეეხება ქალბატონ ბესელიას თემას, იგი ივანიშვილის სურვილით გაუშვეს თანამდებობიდან. საზოგადოებას შემოგვასაღეს, თითქოს რაღაც პრინციპული პოზიციების გამო დატოვა თანამდებობა. ეს ასე არ არის”, – განაცხადა ოთარ კახიძემ.

მმართველ გუნდში მიმდინარე მოვლენები ოპოზიციისთვის “ქართული ოცნების” ჩამოშლის დასაწყისია

ირაკლი კობახიძე გუნდის წევრებს სპეკულაციებისგან თავშეკავებისკენ მოუწოდებს

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
ფრაქცია “ქართული ოცნების” მიერ იურიდიულ საკითხთა კომიტეტიდან გედევან ფოფხაძის გაწვევაზე ფრაქცია “ნაციონალური მოძრაობის” თავმჯდომარემ რომან გოცირიძემ გააკეთა კომენტარი. რომან გოცირიძის თქმით, პარტიაში დიქტატურა მყარდება და განსხვავებული აზრის გამო კომიტეტებიდანაც უშვებენ ხალხს.

“ის, რასაც ახლა ჩვენ ვხედავთ, შეიძლება შევაფასოთ, როგორც “ქართული ოცნების” ჩამოშლის დასაწყისი. გაჩნდა ყველაზე დიდი ბზარი, რაც კი ბოლო პერიოდში ამ პარტიის კედლებზე იყო. ეს ბზარი შეიძლება იმდენად გაიზარდოს, რომ საკმაოდ მძიმე შედეგებით დამთავრდეს. ფაქტობრივად, პარტიაში მყარდება დიქტატურა. განსხვავებული აზრის გამოთქმისთვის კომიტეტებიდანაც კი უშვებენ ხალხს. თუ განსხვავებული აზრისთვის დაისაჯა ჭიჭინაძე და აიძულეს, რომ დაეტოვებინა “ქართული ოცნება”, დღეს უკვე დიდ ჯგუფთან გვაქვს საქმე. არჩევანი მათზეა – ან მორჩილებაში ყოფნა, ან მონობისგან გათავისუფლება”,განაცხადა რომან გოცირიძემ.

ირაკლი კობახიძე გუნდის წევრებს სპეკულაციებისგან თავშეკავებისკენ მოუწოდებს

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
პარლამენტის თავმჯდომარე ირაკლი კობახიძე ირიდიული კომიტეტიდან გედევა ფოფხაძის გაწვევის საკითხზე კომენტარს აკეთებს. მიზეზებზე საუბრისას კობახიძე ამბობს, რომ უხეშად დაირღვა რეგლამენტი – ყველა კვალიფიციური იურისტი თანხმდება, რომ კომიტეტის თავმჯდომარის პირველი მოადგილის არჩევა რეგლამენტის დარღვევით მოხდა. ასევე კობახიძის თქმით, გუნდთან შეუთანხმებლობა გახლავთ ის მეორე მიზეზი, რის გამოც გედევა ფოფხაძე გაიწვიეს კომიტეტიდან. რაც შეეხება მოსამართლეების საკითხთან დაკავშირებას, ეს არისან ინფორმაციის არქონის შედეგი, ან პოლიტიკური სპეკულაცია. 

“იმედი მაქვს, რომ ამ შემთხვევაში, ეს იყო ინფორმაციის არქონის შედეგი. ყველას მოგიწოდებთ, ან დაინტერესდით, რა იყო მიზეზი და მიიღოთ მეტი ინფორმაცია, ან თუ პოლიტიკური სპეკულაციაა, ჯობს პოლიტიკური სპეკულაცია არ განვახორციელოთ’,თქვა ირაკლი კობახიძემ, რომელმაც ბიუროს სხდომა ამ განცხადებით დახურა.

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{VIDEO}}ბიუროს სხდომა პარლამენტის თავმჯდომარემ ირაკლი კობახიძემ გახსნა. სხდომის დასაწყისში საპარლამენტო უმრავლესობის წევრმა ლევან გოგიჩაიშვილმა გუნდისგან განსხვავებული პოზიცია დააფიქსირა. 

“გედევან ფოფხაძე არა პროცედურული დარღვევის გამო გაიწვიეს, არამედ იმის გამო, რომ ჩვენ და გედი ფოფხაძეს არ გვინდა მურუსიძე, ჩინჩალაძე, სააკაშვილის ჯალათი მოსამართლეები უზენაეს სასამართლოში. ამის გამო არის ყველაფერი დატრიალებული”,განაცხადა ლევან გოგიჩაიშვილმა. მას ფრაქცია “ქართული ოცნების” თავმჯდომარემ მამუკა მდინარაძემ უპასუხა. გთავაზობთ პოლიტიკოსების განცხადებებს: 

მამუკა მდინარაძე: არცერთი იურისტი არ დაობს იმის შესახებ, რომ ჩანაწერი, რომელიც მეორე ტურის ჩატარებას გულისხმობს, არ ეხება კომიტეტის პირველ მოადგილეს – ეს არის იურიდიული ნონსენსი. მეორე – ვერავინ უარყოფს და არ არსებობს გუნდის წევრი, რომელიც იტყვის, რომ ეს საკითხი გუნდის წევრებთან იყო შეთანხმებული. ამიტომ, მეასე ხარისხოვანი ხდება, რა მოტივები ამოძრავებდათ ადამიანებს. ის საკითხი არის აბსოლუტურად ცალკე საკითხი, რომლის შესახებაც პარლამენტმა მიიღო გადაწყვეტილება, რომ არ მომხდარიყო ფორსირებულ რეჟიმში განხილვა. წერტილი. 

ლევან გოგიჩაიშვილი: თქვენ იცოდით, რომ იურიდიული კომიტეტი ამ საკითხს ჩააგდებდა და შესაბამისად, იურიდიულმა კომიტეტმა პარლამენტი არ დააყენა უხერხულობის წინაშე. რაც არ უნდა გადაადგილებები გააკეთოთ – გინდათ აქეთ გადმოქაჩოთ, გინდათ – იქეთ, ღრმად ვარ დარწმუნებული, სააკაშვილის, ადეიშვილის ჯალათი მოსამართლეები უზენაესი სასამართლოს უვადო მოსამართლეები ვერ გახდებიან. ეს არის წყალგამყოფი. 

მამუკა მდინარაძე: რა შუაშია ამ საკითხთან, ეს არის სუბიექტური მიდგომა

ლევან გოგიჩაიშვილი: დარწმუნებული ვარ ამაში – ჯალათი მოსამართლეები, რომლებიც ემსახურებოდნენ მონური მორჩილებით და რომლებმაც უამრავი ადამიანის ცხოვრება დაღუპეს, ამ ადამიანებს პარლამენტი ვერ აირჩევს. ეს პარლამენტი არის 2012 წლის ოქტომბრის მემკვიდრეობა და ამ პარლამენტში ეს სია არ უნდა გავიდეს. 

მამუკა მდინარაძე: ახლა ჩვენ ვნახეთ, უნდა მიეკეროს თუ არა ერთი თემა მეორეს. არგუმენტებით ეს თემა არ ეკერება, თუ ემოციები გნებავთ, მე ვარ ის ადამიანი, რომელსაც იმის გამო, რომ თავის დროზე სააკაშვილის რეჟიმს შევეწინააღმდეგე, პატიმრობა შემიფარდეს მუხლზე, რომელიც საერთოდ არ ითვალისწინებდა პატიმრობას – ამიტომ, მე ადვილად ვერავინ ვერაფერს დამაბრალებს. გთხოვთ, არ შევიყვანოთ საზოგადოება შეცდომაში და რაღაც თემა მეორეს ძალით არ მივაკეროთ გუნდის წევრებმა. ვიმსჯელოთ შიგნით რამდენიც გინდათ და მერე გავაკეთოთ განცხადებები. მესმის მოტივაციაც, თქვენ იყავით იმ გადაწყვეტილების მონაწილეც, რომელიც პროცედურის დარღვევით იყო მიღებული. 

ქუცნაშვილი: ბიძინა ივანიშვილმა გედევან ფოფხაძის გაწვევის საკითხზე კენჭისყრაში მონაწილეობა არ მიიღო

“ეს იყო ყველაზე რბილი გადაწყვეტილება”:მდინარაძემ იურიდიული კომიტეტიდან გედევან ფოფხაძის გაწვევის მიზეზი დაასახელა

{{ARTICLEIMAGE}}
ზუგდიდის სასამართლომ მუნიციპალიტეტის მერიის ყოფილ თანამშრომელს, ყაჩაღობაში ბრალდებულ ილია გოგილავას 5 წლით პატიმრობა მიუსაჯა. ის 31 დეკემბერს მიკროსაფინანსო ორგანიზაციის, “ლენდოს” გაძარცვისთვის დააკავეს, 3 იანვარს კი სასამართლომ გამამტყუნებელი განაჩენი გამოუტანა საქმის არსებითი განხილვის გარეშე.

რადიო თავისუფლების ინფორმაციით, ეს გადაწყვეტილება სასამართლომ  ბრალდებულის მიერ დანაშაულის აღიარების გამო მიიღო. გოგილავა სასჯელიდან ოთხ წელს პენიტენციურ დაწესებულებაში მოიხდის, ერთი წელი კი პირობითად განესაზღვრა. საქმის პროკურორის, გიორგი არახამიას განცხადებით, ბრალდების მხარემ მოიპოვა მტკიცებულებები, რომლებიც უტყუარად ადასტურებდა ილია გოგილავას მიერ დანაშაულის ჩადენას. პროკურორის ინფორმაციით, ამოღებულია ნივთიერი მტკიცებულებები, მათ შორის ფულადი თანხა, რომელიც დაზარალებულ მხარეს დაუბრუნდება. “ლენდოს” გაძარცვისთვის მსჯავრდებული ზუგდიდის მერიის “კეთილმოწყობის ცენტრში” მუშაობდა. მას შრომითი ხელშეკრულება 2018 წლის 31 დეკემბერს შეუწყდა. ყაჩაღობაც იმავე დღეს მოხდა. ინფორმაცია გოგილავას დაკავების შესახებ პირველ იანვარს გავრცელდა.

{{ARTICLEIMAGE}}

კიევში 3 იანვრის ღამეს სახელმწიფო დაცვის სამმართველოს თანამშრომელი მოკლეს. უკრაინული მედიის ცნობით 26 წლის მამაკაცს კამათი მოუვიდა გამვლელთან, რომელიც ორ ძაღლს ასეირნებდა. თვითმხილველების თქმით კონფლიქტის დროს ძაღლების პატრონმა მოულოდნელად ერთადერთხელ ძლიერად დაარტყა ოპონენტს, რომელიც მიწაზე დაეცა და მალევე გარდაიცვალა ისე, რომ გონს არ მოსულა.

ექიმების წინასწარი დასკვნით სიკვდილის მიზეზი თავში დარტყმა გახდა. მკვლელობაში ეჭვმიტანილი ცნობილი მოკრივეა, რომელიც ათი წლის მანძილზე უკრაინის კრივის პროფესიონალურ ლიგას წარმოადგენდა. კიევის პოლიციამ საქმე განზრახ მკვლელობის მუხლით აღძრა. თავდამსხმელს 15 წლით თავისუფლების აღკვეთა ემუქრება.

{{ARTICLEIMAGE}}