Blog

ოპოზიციური პარტია”ევროპული საქართველოს” ერთ-ერთი ლიდერის, ელენე ხოშტარიას განცხადებით, ყველაზე დიდ პრობლემას წარმოადგენს ის ფაქტი, რომ ამ დრომდე პირადი ცხოვრების ამსახველი კადრების გავრცელების არც ერთ ფაქტებზე გამოძიება დასრულებული არ არის და დამნაშავეები არ დასჯილან.

“ფაქტია, რომ ადამიანები, რომლებიც ხდებიან არასასურველი ამ ხელისუფლებისთვის მათ მიმართ გამოიყენება ასეთი მეთოდები. აქ მთელი უბედურება იმაშია, რომ წლების განმავლობაში მსგავსი შემთხვევების დროს იქნებოდა ეს გვარამიას შანტაჟი, სხვა ჟურნალისტების შანტაჟი თუ ახლა ბესელიას საქმე, ჩვენ არასდროს სახელმწიფოსგან პასუხის არ მიგვიღია, იმიტომ, რომ ეს არის ის ბინძური მეთოდი, რითიც ებრძვიან ისინი ოპონენტებს. ეს არის კატასტროფული საფრთხე ქვეყნისთვის, პირადი კადრების გამოყენება ოპონენტების მიმართ უფსკრულში მიათრევენ ამ ქვეყანას,”-ამბობს ელენე ხოშტარია. 

მისგან განსხვავებით, საპარლამენტო უმრავლესობის წევრი, რომან კაკულია გამორიცხავს,რომ პოლიტიკოსის პირადი ცხოვრების შესახებ ვიდეოკადრების გავრცელებას “ქართულ ოცნებასთან” ჰქონდეს კავშირი.

“ყველა ხედავთ, გიორგი გახარია ცდილობს, მაქსიმალურად დაუბრუნოს პოლიციას ის სტატუსი, რას მას უნდა ჰქონდეს მხარდაჭერის სახით საზოგადოების მხრიდან. თუ ამ თემას აქვს რაიმე ტექნიკური ბარიერი, რომელიც ძნელად გადასალახია, ამაზეც ღიად უნდა ითქვას. თუ ასე არაა, მაშინ უახლოეს დროში, მეტი სიცხადეა საჭირო, საზოგადოებამ უნდა გაიგოს ვინ დგას ამ პროცესების უკან”, განაცხადა კაკულიამ.

“ამას გამოვრიცხავ აშკარად. ვინ მიიღო ყველაზე მეტი დარტყმა ამ პროცესებისგან? მივიღეთ თითოეულმა ჩვენგანმა, არავის ინტერესი არაა ასოცირებული იყოს იმ ძალასთან, რომელიც შეიძლება, კავშირში იყოს ამასთან. ჩემი გუნდის არც ერთი წევრი ამას არ იზიარებს. ძალოვნებს დაველოდოთ, რომელთა კომპეტენციაშიც შედის ამის გამოძიება”, – განაცხადა რომან კაკულიამ.

მისი თქმით, მან აღნიშნული ჩანაწერების შესახებ დეპუტატ დავით ჭიჭინაძისგან გაიგო.

გია ვოლსკის ვარაუდით, არ არის გამორიცხული რომ პირადი ცხოვრების ამსახველი ვიდეომასალის გავრცელება მმართველ გუნდში ახალი სკანდალის გამოწვევას ისახავდეს მიზნად.

“საქმე იმაშია, რომ არავის არ უნახავს თვითონ ეს კადრები. მაგრამ თვითონ ეს თემა კადრების გავრცელების, მნიშვნელოვნად უკავშირდება გარკვეული ადამიანების, თუნდაც პოლიტიკური ჯგუფიც შეიძლება ინტერესს, რომ კიდევ დამატებითი სკანდალური ურთიერთობების თემაზე გადაიყვანოს უმრავლესობის გუნდი,”-განაცხადა მმართველი გუნდის წარმომადგენელმა.

სისხლის სამართლის პასუხისმგებლობასა და კადრების გავრცელების დადასტურების შემთხვევაში, დამნაშავეთა დასჯის აუცილებლობაზე მიუთითებს ვიცე-სპიკერი, თამარ ჩუგოშვილი.

“დასადგენია ზუსტად, გავრცელება მოხდა თუ არ მოხდა, იმიტომ, რომ მე ამაზე ინფორმაცია არ მაქვს. თუ მოხდა და ვინმეს აზრად მოუვიდა, რომ ასეთი ქმედება განეხორციელებინა, ეს იქნება ერთდროულად ამაზრზენი და თანაც დანაშაულებრივი ქმედება. ერთხელ, როდესაც ასეთ ფაქტს ადგილი ჰქონდა, 8 პირი მიეცა სისხლის სამართლებრივ პასუხისგებაში და თუ ასეთი რამ კიდევ ვინმეს თავში მოუვიდა, დარწმუნებული ვარ, რომ ვერ ასცდება სისხლის სამართლებრივ პასუხისმგებლობას და კანონის წინაშე აგებს პასუხს”, ამბობს თამარ ჩუგოშვილი.

თავის მხრივ, არასამთავრობო ორგანიზაციები ეკა ბესელიას მიზანმიმართულ დისკრედიტაციაზე საუბრობენ: “შეიძლება, თამამად ვთქვათ, რომ გარკვეული ეჭვი არსებობს, ხომ არ უკავშირდება მის ბოლოდროინდელ აქტიურობას ამ კადრების გავრცელება. აუცილებელია, რომ სასწრაფოდ და დაუყოვნებლივ იქნას გამოძიებული ეს ფაქტი. ჩვენთვის პრინციპულად მნიშვნელოვანია ადამიანების პირადი ცხოვრება იყოს დაცული,”-აცხადებს საია-ს ხელმძღვანელი სულხან სალაძე.

“საერთაშორისო გამჭვირვალობის” “კორუფციის აღქმის ინდექსის” კვლევაში საქართველოს იმ ქვეყნების სიაშია მოხვედრილი, რომელთაც განსაკუთრებული ყურადღებით უნდა დააკვირდნენ მომავალი წლების განმავლობაში.

ორგანიზაციის “ერთად სახლში” ორგანიზებით, საქართველოს ექსპრეზიდენტი მიხეილ სააკაშვილი ემიგრანტებთან შეხვედრებს განაგრძობს. ამჯერად ის ემიგრანტებს ფილადელფიაში შეხვდა. სააკაშვილმა საქრთველოში არსებული მდგომარეობა მიმოიხილა და ხელისუფლებაში ყოფნის დროს მის მიერ განხორციელებულ პროექდებზე დეტალურად ისაუბრა. სააკაშვილმა ემიგრანტებთან შეხვედრა ორი კვირის წინ დააანონსა. ექსპრეზიდენტის თქმით, ემიგრანტებთან ერთად დაგეგმავს საქართველოში ჩამოსვლის თარიღს და პროცესს.

{{ARTICLEIMAGE}}
ალბათ ჯერ არ მივიღებთ MAP-ს (NATO-ში გაწევრიანების სამოქმედო გეგმას), მაგრამ ამის მოთხოვნა ჩვენი მხრიდან უნდა იყოს მუდმივი, განაცხადა საქართველოს პრეზიდენტმა, სალომე ზურაბიშვილმა დღეს გამართულ პრესკონფერენციაზე, როდესაც ბრიუსელში მისი პირველი სამუშაო ვიზიტი შეაჯამა. ზურაბიშვილი აცხადებს, რომ ჩრდილოატლანტიკურ ალიანსში საქართველოს გაწევრიანებასთან დაკავშირებული კონკრეტული გადაწყვეტილებების მიღებამდე, საქართველომ მეტი NATO- და მეტი უსაფრთხოება უნდა მიიღოს.

საქართველოს პრეზიდენტის თქმით, საქართველო ყველაზე მეტად არის მომზადებული NATO-ში გასაწევრიანებლად და ქვეყანა დგას NATO-ს კართან, რომელიც ღია უნდა იყოს. 

“NATO–ს მხრიდან იყო არანაკლებად, და შეიძლება ითქვას – უფრო მეტად, პოზიტიური მიღება, რადგან საქართველო არის ის პირველი ქვეყანა, რომელიც ყველაზე მეტად არის მზად გაწევრიანებისთვის სამხედრო კუთხით. ყველა იმ პარამეტრით, რაც მოთხოვნილია გაწევრიანებისთვის, ჩვენ, პრაქტიკულად, ვართ NATO-ს კარებთან, რომელიც უნდა იყოს ღია. თუმცა აქაც რეალიზმია საჭირო – ჯერჯერობით პოლიტიკური მოცემულობა ისეთია, რომ დღეს, ალბათ, ჯერ არ მივიღებთ MAP-ს, მაგრამ ამის მოთხოვნა ჩვენი მხრიდან უნდა იყოს მუდმივი და არის… იმ დროს, როცა ჩვენ ველოდებით, არ შეიძლება, რომ ეს მოლოდინი იყოს ადგილის ტკეპნა. ჩვენ გვჭირდება მეტი NATO, მეტი უსაფრთხოება, მეტი თანამშრომლობა და ამ კუთხითაც არის მათი მხრიდან მზაობა”,განაცხადა საქართველოს პრეზიდენტმა.

{{ARTICLEIMAGE}}
საპარლამენტო უმრავლესობის წევრი, ეკა ბესელია, რომელიც მმართველ გუნდს უზენაესი სასამართლოს მოსამართლეების შერჩევის საკითხზე დაუპირისპირდა, მის წინააღმდეგ დაწყებულ კამპანიაზე საუბრობს. ბესელია “საჯაროდ მიმართავს გენერალურ პროკურორს, შალვა თადუმაძეს, შს მინისტრს, გიორგი გახარიას და სუს-ის ხელმძღვანელს, ვახტანგ გომელაურს სასწრაფოდ და უმოკლეს ვადაში დაადგინონ, ვინ განახორციელა და ვინ დგას მორალური ტერორის უკან”.

“ძალიან მოკლედ და გასაგებად ვწერ, ამ ეტაპზე , შეფასებების გარეშე: ჩემი გადადგომის თაობაზე განცხადების გაკეთებიდან დაიწყო ახალი მიზანმიმართული, დაფინანსებული ცილისმწამებლური კამპანია ჩემს წინააღმდეგ სოციალური ქსელებით, მედიით და აკრძალული მეთოდების გამოყენებით. ამ ყველაფერმა მიიღო კამპანიური დაგეგმილი ხასიათი. მე წლების განმავლობაში ბევრჯერ გადავიტანე სააკაშვილის რეჟიმის წარმომადგენლების ძალადობრივი და ცილისმწამებლური თავდასხმები. ბოლო პერიოდში ახალი ფორმების გამოყენებით ხდება ეს შეტევა ჩემს მიმართ. ბოლო ინფორმაცია, რაც მომაწოდეს გუშინ გვიან, სოც ქსელით ჯგუფებში ვრცელდება პირადი და ოჯახური საიდუმლოების უკანონო ჩანაწერი. ეს ჩანაწერი სააკაშვილის ძალადობრივი რეჟიმის დროს დამზადდა და გავრცელდა ჩვენი ხელისუფლების პერიოდში. ამ ფაქტზე 8 პირი გამოავლინა პროკურატურამ დამნაშავედ იქნა ცნობილი. საქმე სააპელაციო სასამართლოში იყო ბოლოს. მე ამ საქმის სასამართლოში გაგზავნას არ მივიჩნევდი სწორად, რათა მასალის გავრცელების საფრთხე არ დამდგარიყო. საპროცესო შეთანხმების გაფორმება ნიშნავს პირის დამნაშავედ ცნობას და საპატიმრო სასჯელის გამოყენებას. რაც მიმაჩდა სწორად ამ ვითარებაში. მე თავად ვიყავი ავტორი იმ საკანონმდებლო ცვლილებების, რომლითაც წინა მოწვევის პარლამენტში გამკაცრდა დანაშაული პირადი და ოჯახური საიდუმლოების და კომუნიკაციის წესის დარღვევის. ეს იმიტომ, რომ ადამიანები დაგვეცვა მორალური ტერორისგან !!! ახლა რა ხდება? ვინ აირჩია ჩემთან ანგარიშსწორება ამ ფორმით? ამ კითხვებზე პასუხი მინდა უმოკლეს ვადაში სამართალდამცავი ორგანოების მხრიდან. ვის ხელში იყო ეს მასალა? ვინც განახორციელა უკანონო ჩაწერა და ცადა ჩემზე მორალური ზეწოლა 2012 წლის 1 ოტომბრის არჩევნების წინ და არაფერი გამოუვიდათ, ვინც გადასცა გამოძიებას და და ბოლოს სააპელაციო სასამართლოს ხელში…აღარ გავაგრძელებ! ახლა კი მივმართავ საჯაროდ შალვა თადუმაძეს, გიორგი გახარიას და ვახტანგ გომელაურს სასწრაფოდ და უმოკლეს ვადაში დაადგინეთ, ვინ განახორციელა და ვინ დგას ამ მორალური ტერორის უკან ვითხოვ ყველა ფაქტზე რეაგირებას დაწყებული აბაშიძის შეკვეთილი პოსტიდან ბოლო ინფორმაციის ჩათვლით.  საჯაროდ გამოავლინეთ!!! მე მგონი კარგად ესმის ყველას რას ნიშნავს წითელი ხაზების გადაკვეთა”,წერს ბესელია სოციალურ ქსელში.

{{ARTICLEIMAGE}}
საქართველოს პრეზიდენტის, სალომე ზურაბიშვილის განცხადებით, მისთვის უცნობია აშშ-ის პრეზიდენტის დონალდ ტრამპისა და მისი რუსი კოლეგის, ვლადიმერ პუტინის შეხვედრის დღის წესრიგი, თუმცა კარგი იქნებოდა, თუ ამ შეხვედრამდე ქართული მხარე ამერიკის პრეზიდენტთან გამართავდა აუდიენციას, რომ ტრამპმა კარგად იცოდეს “ჩვენთვის მტკივნეული საკითხები”.

“თუ რეგიონის საკითხები, ჩვენი საკითხი იქნება დასმული რაიმე ფორმით ამ შეხვედრაზე, ჩვენთვის ყველაზე მნიშვნელოვანია, მანამდე გვქონდეს საშუალება, რომ შეხვედრა გაიმართოს პრეზიდენტ ტრამპთან, რომ კარგად იცოდეს, რა არის ყველაზე საფრთხილო ასეთ დისკუსიაში. ამაზე მუშაობა მიმდინარეობს და ვაშინგტონში შეტანილია თხოვნაც, რომ სამუშაო ვიზიტი გაიმართოს. რამდენად ეცლება ჩემთვის, ვერ გეტყვით”,განაცხადა ზურაბიშვილმა დღეს გამართულ პრესკინფერენციაზე, რომელიც ბრიუსელში ვიზიტის შედეგებს მიუძღვნა.