newsreport.ge

Blog

  • 2019 წლის კინოსენსაციის მოლოდინში

    კვენტინ ტარანტინო, ლეონარდო დი კაპრიო, ბრედ პიტი, მარგო რობი, ალ პაჩინო – ამ გვარების ჩამოთვლა ალბათ საკმარისია, რომ თქვენც მოლოდინით აივსოთ. ყველა ვარსკკვლავმა ერთად მოიყარა თავი ფილმში “ერთხელ ჰოლივუდში“, რომელსაც უკვე უწინასწარმეტყველებენ 2019 წლის კინო სენსაციად ქცევას.

    კრიტიკოსები ნამდვილ შედევრს ელოდებიან. ტარანტინოს ახალ ფილმში როგორც ამბობენ ყველაფერი შესანიშნავია – მსახიობების შემადგენლობიდან დაწყებული სიუჟეტით დამთავრებული. 25 იანვარს რეჟისორმა და კომპანია Sony Pictures–მა ქსელში გამოდეს პირველი ოფიციალური კადრები ფილმიდან, რომელიც რომან პოლანსკის ცოლის, შერონ ტეიტის მკვლელობაზე მოგვითხრობს.


    ერთ–ერთი ყველაზე სისხლიანი და სასტიკი ამბავი, რომელმაც ჰოლივუდი შოკში ჩააგდო 1969 წელს მოხდა. პოლანსკის ახალგაზრდა და ლამაზი ცოლი, რომელიც ცხრა თვის ფეხმძიმე იყო ჩარლზ მენსონის სექტის მსხვერპლი გახდა. ტარანტინოს ფილმში ბრედ პიტი და ლეონრადო დი კაპრიო მსახიობების როლებს თამაშობენ, რომლებიც იმ მოვლენების თვითმხილველები გახდნენ.



    კვენტინ ტარანტინო ფილმის გადაღებისას

    გავრცელებულ კადრებში ჩანს, რომ ფილმში იდეალურად არის გადმოცემული 60–იანი წლების კალიფორნიის სული. საინტერესო სიუჟეტი და ვარსკვლავური შემადგენლობა კი განსაკუთრებულ მოლოდინს აჩენს. თავად ტარანტინომ ბრედ პიტის და დი კაპრიოს დუეტს საუკეთესო ვარსკვლავური დუეტი უწოდა რობერტ რედფორდის და პოლ ნიუმენის ეკრანული დუეტის შემდეგ.



    მარგო რობი შერონ ტეიტის როლში ფილმ “ერთხელ ჰოლივუდში“ გადაღებისას

    მსახიობ მარგო რობისთვის, რომელიც პოლანსკის ცოლის როლს თამაშობს ეს ტარანტინოსთან თანამშრომლობის პირველი შემთხვევაა. ბრედ პიტს და დი კაპრიოს კი ამ რეჟისორთან წარსულშიც არაერთხელ უმუშავიათ. ფილმის “ერთხელ ჰოლივუდში“ პრემიერა ზაფხულში შედგება.

    კადრები ფილმიდან “ერთხელ ჰოლივუდში“

  • დეპუტატის ინფორმაციით, ეკა ბესელიას პირადი ცხოვრების ამსახველი ვიდეოჩანაწერი გავრცელდა

    {{ARTICLEIMAGE}}
    მმართველი პარტია”ქართული ოცნებიდან” გარიცხული დეპუტატი, დავით ჭიჭინაძე მორიგ სკანდალურ განცხადებებს აკეთებს. დეპუტატის თქმით, სოციალურ ქსელში ეკა ბესელიას პირადი ცხოვრების ამსახველი ვიდეოჩანაწერი გავრცელდა, რასაც ჭიჭინაძე ბესელიას მიმართ სადამსჯელო კამპანიას უწოდებს და მას პირდაპირ უკავშირებს სასამართლო სისტემაში მიმდინარე პროცესებს. ამ კამპანიის გამო პაუსხიმებლობას კი პარლამენტის თავმჯდომარეს აკისრებს. ჭიჭინაძემ დღეს ასევე მოუწოდა ჟურნალისტებს, ჰკითხონ ირაკლი კობახიძეს, თუ რატომ მოახდევინეს მას ბოდიშები უმრავლესობის სხდომაზე. დეპუტატის ინფორმაციით, პარლამენტის თავმჯდომარემ ბოდიში სწორედ ბესელიასა და ბიძინა გეგიძეს მოუხადა და დარწმუნებულია, რომ კობახიძე მომავალშიც ბევრჯერ მოიხდის ბოდიშს.  

    შინაგან საქმეთა სამინისტრო დეპუტატის განცხადებით დაინტერესდება. როგორც რადიო თავისუფლებას შსს-ში განუცხადეს, ამ ამბავს, რომელიც, შესაძლოა, დანაშაულის ნიშნებს შეიცავდეს, შესაბამისი სამართლებრივი რეაგირება მოჰყვება.

  • ჯენიფერ ლოპესმა შაბათ–კვირა მაიამიში გაატარა

     

    (more…)

  • დედაქალაქში დაავადებული და ხმობადი ხეების სანიტარიული ჭრა გრძელდება

    {{ARTICLEIMAGE}}
    დაზიანებული ხეების მოჭრა დღეს კარტოზია-ცინცაძის კვეთაზე, ბახტრიონის ქუჩის ასახვევთან და მოსკოვის გამზირზე დაიწყო.

    კარტოზია-ცინცაძის კვეთაზე, სამუშაოების მიმდინარეობას შპს “ეკოსერვისჯგუფის” დირექტორი ვახტანგ ნოზაძე გაეცნო. “ეკოსერვისჯგუფის” დირექტორის განცხადებით, სანიტარიული ღონისძიებების ფარგლებში მოჭრილი ხეები, რგვების შესაბამის სეზონზე, ახალი ხე-მცენარეებით ჩანაცვლდება.

    “სამუშაოები დავიწყეთ იპოდრომის მიმდებარე ტერიტორიიდან და, პარალელურად, ვმუშაობთ მოსკოვის გამზირზე.სანიტარიული ჭრები გაგრძელდება თბილისის სხვა რაიონებშიც. მნიშვნელოვანია, საზოგადოებამ იცოდეს, რომ გაზაფხულზე, რგვების სეზონის დადგომისთანავე, თითოეული მოჭრილი ხის ნაცვლად ახალი ნერგები დაირგვება”,განაცხადა ვახტანგ ნოზაძემ.

    სამუშაოების ფარგლებში, დედაქალაქის მასშტაბით, ჯამში 20 000-ზე მეტი ძირი დაავადებული და ხმობადი ხე-მცენარე მოიჭრება. აღნიშნული ხეები მოჭრამდე, სპეციალური ლაბორატორიული კვლევების საფუძველზე აღიწერა.

    წლების განმავლობაში, დედაქალაქის შემოგარენში და საქართველოს მთელ რიგ რეგიონებში არ იყო საფუძვლიანად შესწავლილი ფიჭვების საკითხი და არ ტარდებოდა შესაბამისი ფიტოსანიტარიული ღონისძიებები.

    დაავადებული ფიჭვების მდგომარეობა, თბილისის მერიის ინიციატივით, უცხოელმა ექსპერტებმა შეისწავლეს. ამ ტიპის კვლევა საქართველოში პირველად ჩატარდა.

    კვლევით დამტკიცდა, რომ რომ ფიჭვის ხეებზე გავრცელებულია თომიცუს Dესტრუენს-ის სახეობის მავნებელი მწერი. შესაბამისად, აუცილებელია მასშტაბური სანიტარული ჭრების განხორციელება დედაქალაქსა და მის შემოგარენში. ჭრების პარალელურად, ასევე, განხორციელდება სხვა ფიტოსანიტარიული ღონისძიებები.

    თბილისის მერია მოსახლეობას მოუწოდებს, საცხოვრებელი სახლების მიმდებარედ, ეზოებში არსებული დაავადებული და ხმობადი ფიჭვების შესახებ ინფორმაცია, ფოტოსურათთან ერთად, გარემოს დაცვის საქალაქო სამსახურს მიაწოდოს, რათა მათზე დროული რეაგირება მოხდეს.

  • თავდაცვის სამინისტრო 2019-ს სტრატეგიული მზადყოფნის პოლიტიკის” წლად აცხადებს

    {{ARTICLEIMAGE}}
    თავდაცვის სამინისტრო 2019 წელს “სტრატეგიული მზადყოფნის პოლიტიკის” წლად აცხადებს. მინისტრმა ლევან იზორიამ დღეს სამინისტრიოს სტრატეგია წარადგინა და მედიის კითხვებს უპასუხა: წლის მთავარი პრიორიტეტი ტოტალური თავდაცვის პრინციპის საფუძველზე თავდაცვის ძალების ორგანიზება იქნება. დაიწყება ავიაციის მიმართულებით შვეულმფრენების მოდერნიზება. 2019 წელს, დასავლეთ საქართველოში ჩატარდება პირველი საერთაშორისო მრავალეროვანი სწავლება “მტკიცე სული”. მინისტრის განცახდებით მსგავსი მასშტაბის სწავლება დასავლეთ საქართველოში აქამდე არ ჩატარებულა. სწავლება მოიცავს ახალ ელემენტებს, მათ შორის, კიბერუსაფრთხოების საკითხებს. ლევან იზორიამ დღეს NATO-სთან ფართომასშტაბიან თანამშრომლობაზეც ისაუბრა და NATO-ს გენერალური მდივნისა და სამხედრო კომიტეტის ვიზიტი დააანონსა

    დღეს მინისტრს პოსტის დატოვებასტან დაკავშირებითაც კითხეს. იზორია არც უარყოფს და არც ადასტურებს ინფორმაციას, რომ იგი შესაძლოა, იმერეთის გუბერნატორმა შავლეგო ტაბატაძემ ჩაანაცვლოს. თავდაცვის მინისტრმა ასევე არ უპასუხა კითხვას, შცვლის თუ არა მამუკა ბახტაძეს პრემიერ-მინისტრის პოსტზე შს მინისტრი გიორგი გახარია. 

  • დაპირისპირება გარემოვაჭრეებსა და პოლიციას შორის

    {{ARTICLEIMAGE}}
    ხმაური იყო ბათუმში, სადაც გარემოვაჭრეებმა ჭავჭავაძის ქუჩა გადაკეტეს, რასაც დაპირისპირება მოჰყვა. სამართალდამცველებმა ერთი ქალი დააკავეს, რომელიც პოლიციის ავტომობილით შემთხვევის ადგილიდან გაიყვანეს. შინაგან საქმეთა სამინისტროს ინფორმაციით, ქალი წვრილმანი ხულიგნობისა და პოლიციის კანონიერი მოთხოვნისადმი დაუმორჩილებლობის მუხლით დააკავეს.

    ბათუმში, გარემოვაჭრეები საპროტესტო აქციას დღეს დილიდან მართავენ და მერიის მიერ, სავაჭროდ განკუთვნილი დახლების მოშლას აპროტესტებენ. თვიდასამქებულები დღეს ბათუმის მერს შეხვდნენ. ისინი ლაშა კომახიძისგან მუშაობის ორი თვით გახანგრძლივებას მოითხოვდნენ, რაზედაც უარი მიიღეს.

  • ადვოკატი: უცხოურ მედიაში ინფორმაცია ვრცელდება, რომ ჯეკ შეფერდი საქართველოში, ციხეში ცუდ პირობებში იმყოფება

    დიდი ბრიტანეთის მოქალაქეს ჯეკ შეფერდს, რომელიც თბილისის საქალაქო სასამართლომ წინასაექსტრადიციო სამთვიანი პატიმრობა შეუფარდა, დღეს მისი ადვოკატი მარიამ კუბლაშვილი მოინახულებს. ადვოკატის ინფორმაციით, უცხოურ მედიაში ინფორმაცია ვრცელდება, რომ ჯეკ შეფერდი საქართველოში, ციხეში ცუდ პირობებში იმყოფება. 

    “თუ როგორ გრძნობს ის თავს, რამდენად ეგუება ამ პირობებს, ხომ არ არის რაიმე დარღვევა მის მიმართ, ამას გავერკვევი და გამოვკითხავ დეტალურად. ვინაიდან, არა ერთი ინფორმაცია ვრცელდება უცხოურ მედიაში, რომ ის ძალიან ცუდ პირობებშია ამ ციხეში. ჩვენ უნდა გამოვკვეთოთ საშიშროების ხარისხი. რამდენად რეალურად ემუქრება საფრთხე მის სიცოცხლეს და მის ფსიქიკურ მდგომარეობას. ვინაიდან მისი მდგომარეობა მეტად ემოციურია. ეს აღნიშნა კიდეც ბრალდების მხარემ, პროკურორმა პროცესზე, რომ მის ისტორიაში ვლინდება ღრმა დეპრესიული ნიშნები, სუიციდისკენ მიდრეკილება და ა.შ. ეს დეტალები არის შესასწავლი აუცილებლად რამდენად გაუარესდება და მკაფიოდ გაუარესდება მისი მდგომარეობა უკვე ბრიტანეთის ციხეში,” განაცხადა მარიამ კუბლაშვილმა. 

  • “მე ამ მდგომარეობის გადამტანი არ ვარ”: ვაკის გამგებლის მოადგილეს და წყალტუბოს საკრებულოს თავმჯდომარეს პატიმრობა შეეფარდათ

    {{ARTICLEIMAGE}}
    თბილისის საქალაქო სასამართლომ წყალტუბოს საკრებულოს თავმჯდომარეს, გრიგოლ ივანეიშვილს და ვაკის რაიონის გამგებლის მოადგილეს, თეიმურაზ ჩოჩუას აღკვეთის ზომად პატიმრობა შეუფარდა. ივანეიშვილს ბრალად ედება დიდი ოდენობით ქრთამის აღება, ხოლო ჩოჩუას ქრთამის აღებაში დახმარება. დღევანდელ სხდომაზე მოსამართლემ რომან ხორავამ დააკმაყოფილა ბრალდების მხარის შუამდგომლობა აღკვეთის ზომად პატიმრობის გამოყენების შესახებ. თავის მხრივ, ადვოკატები ითხოვდნენ ივანეიშვილისთვის 400 000, ხოლო ჩოჩუასთვის 100 000 ლარის გირაოს შეფარდებას. სახელმწიფო უსაფრთხოების სამსახურმა გრიგოლ ივანეიშვილი 25 იანვარს, ხოლო თეიმურაზ ჩოჩუა 26 იანვარს დააკავა. არცერთი მათგანი თავს დამნაშავედ არ ცნობს.

    “მინდა ბოდიში მოგიხადოთ იმ უხერხულობისთვის, რომ დღეს აქ მხედვათ. მინდა ბოდიში მოვუხადო ჩემს კოლეგებს, ჩემს რეკომენდატორებს. ცხოვრებაში სიჩქარე არ გადამიჭარბებია, ვცდილობ კანონით ვიცხოვრო, მე ვერ შევარცხვენ ჩემი ოჯახის სახელს. მინდა იცოდეთ, რომ მე ამ მდგომარეობის გადამტანი არ ვარ არც მორალურად და არც ფიზიკურად. მიყვარხართ და დღეს გემშვიდობებით”,განაცხადა ჩოჩუამ.

    “რაც შეეხება, ჩემ დახმარებას ამ პროცესში, მინდა საზოგადოებამაც იცოდეს, ამ პროცესის ბოლო ეტაპზე მხოლოდ ხელს ვუშლიდი ამ პროცესის წარმოებას. ამიტომ გავემგზავრე სპეციალურად თბილისიდან. ვიცოდი რომ ინვესტორი ეს იყო ჩვეულებრივი სპეცოპერაცია, ამის გამოცდილება მაქვს. მე რომ მცოდნოდა, ამ ისტორიაში ფუგირირებდა თანხის ჩარიცხვა, ამის გაგებიდან პირველივე წუთში ჩემს ხელმძღვანელსა და საგამოძიებო ორგანოს საქმის კურსში ჩავაყენებდი. ამგვარი შეტევები, ზეწოლები ჩემზე 2 წელია მიმდინარეობს. ზოგი სახლში მოდის კონვერტით, ზოგი ვითომ ინვესტორი და მშენებელი მიწყობს მოლაპარაკებას. რამდენი ჩამოვთვალო აღარ ვიცი. 2 წლის განმავლობაში მაქსიმალურ სიფრთხილეს და ყურადღებას ვიჩენდი ჩემი კომპეტენციიისა და უფლებამოსილების ფარგლებში. წყალტუბო ჩემი საყვარელი ადგილია. თავიდან ბოლომდე ავაშენე, პრომეთეს მღვიმე, ყველაფერი ჩემი ხელითაა გაკეთებული, იქაურობა მიყვარს. ჩემ ჯგუფთან ერთად ვმუშაობდი ცენტრის, პარკის და მთლიანად ტურისტული კონცეფციის განვითარებაზე. ხელით ვებღაუჭებოდი ყველა ჩამოსულ ინვესტორს, რომ წყალტუბოთი დამეინტერესებინა. თავის დაძვრენას არ ვაპირებ, თუ ჩემი დანაშაული არის მზად ვარ მთელი სიმკაცრით ვაგო პასუხი. მინდა ბოდიში მოგიხადოთ იმ უხერხულობისთვის, რომ დღეს აქ მხედვათ”,ამბობს თეიმურაზ ჩოჩუა. 

    სუს-ის ოფიციალური ინფორმაციით, თეიმურაზ ჩოჩუამ გრიგოლ ივანეიშვილს დააკავშირა უცხოელი ბიზნესმენი, რომელიც წყალტუბოში საკრებულოს ყოფილი შენობის შესყიდვით იყო დაინტერესებული, ივანეიშვილი უცხოელ ბიზნესმენს დაპირდა შენობის წინასწარ შეთანხმებულ ფასად აუქციონზე გატანას და შესყიდვაში დახმარებას და სანაცვლოდ მოთხოვა 250 000 ლარის ქრთამის გადახდა. სუს-ის ცნობითვე, თეიმურაზ ჩოჩუამ გრიგოლ ივანეიშვილს დახმარება გაუწია თანხის გადახდის გარანტად, უცხოელი ბიზნესმენის მიერ დაფუძნებული კომპანიის 16%-იანი წილის ივანეიშვილის ნდობით აღჭურვილი პირის საკუთრებაში გადაცემასა და 250 000 ლარის ქრთამის აღებაში.

  • ღამის კლუბ “ბასიანსა” და “გალერიში” სპეცოპერაციის დღეს დაკავებულ კიდვ ერთ პირს პატიმრობა მიესაჯა

    {{ARTICLEIMAGE}}
    პროკურატურის მიერ წარდგენილი მტკიცებულებების საფუძველზე, დიდი ოდენობით ნარკოტიკული საშუალების გასაღებისთვის და განსაკუთრებით დიდი ოდენობის ნარკოტიკული საშუალებების შეძენა შენახვისთვის ბრალდებულს 8 წლით თავისუფლების აღკვეთა მიესაჯა. 

    პროკურატურის ინფორმაციით: თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და დიდი ოდენობით ნარკოტიკული საშუალებების გასაღებისთვის და განსაკუთრებით დიდი ოდენობის ნარკოტიკული საშუალებების შეძენა შენახვისთვის ბრალდებული ვ.ჟ. დამნაშავედ ცნო.

    სასამართლო პროცესზე გამოკვლეული მტკიცებულებებით დადასტურდა, რომ ვ.ჟ.-მ უკანონოდ შეიძინა განსაკუთრებით დიდი ოდენობით ნარკოტიკული საშუალება “მდმა”-ს შემცველი 54 აბი, საიდანაც თბილისში, ღამის კლუბ “კაფე გალერი”-ში 2018 წლის 31 მარტს 2 აბი 200 ლარად, ხოლო 15 აპრილს ასევე 2 აბი 200 ლარად უკანონოდ გაასაღა მოქალაქეზე. ხოლო დანარჩენ, განსაკუთრებით დიდი ოდენობით ნარკოტიკული საშუალება “მდმა”-ს შემცველ 50 აბს პირადად ინახავდა.

    სამართალდამცველებმა ვ.ჟ. ქ.თბილისში, 2018 წლის 12 მაისს დააკავეს. მისი პირადი ჩხრეკის შედეგად ამოღებული იქნა აღნიშნული ნარკოტიკული საშუალება. ვ.ჟ.-ს ბრალდება საქართველოს სისხლის სამართლის კოდექსის 260-ე მუხლის მე-6 ნაწილის “ა” ქვეპუნქტით და ორ ეპიზოდში 260-ე მუხლის მე-5 ნაწილის “ა” ქვეპუნქტით (განსაკუთრებით დიდი ოდენობით ნარკოტიკული საშუალების უკანონოდ შეძენა-შენახვა და დიდი ოდენობით ნარკოტიკული საშუალების უკანონოდ გასაღება) წარედგინა და აღკვეთის ღონისძიების სახით პატიმრობა შეეფარდა.

    თბილისის საქალაქო სასამართლომ ბრალდებული ვ.ჟ. დამნაშავედ ცნო წარდგენილ ბრალდებაში და სასჯელის სახედ და ზომად 8 წლით თავისუფლება აღკვეთა განუსაზღვრა.

  • მილიარდერები უმაღლესი განათლების გარეშე

    არის თუ არა უმაღლესი განათლება წარმატების საწინდარი? პირდაპირი კავშირი ფინანსურ კეთილდღეობასა და განათლების ხარისხს შორის რომ არ არსებობს, ამას ბევრი ფაქტი ადასტურებს. გავიხსენოთ ბიზნესმენები, რომლებისთვისაც უმაღლესი განათლების არქონას მილიარდების დაგროვებაში ხელი არ შეუშლია

    მარკ ცუკერბერგი

    მარკი ბავშვობიდანვე პროგრამირებით იყო გატაცებული და საკმაოდ წარმატებულადაც. ჯერ კიდევ უფროს კლასებში სწავლისას ისეთი კომპიუტერული გინატები სთავაზობდნენ საკუთარ კომპანიებში მუშაობის დაწყებას, როგორებიცაა AOL და Microsoft, თანაც საკმაოდ კარგი პირობებით. მაგრამ ცუკერბერგმა გადაწყვიტა სწავლა გაეგრძელებინა და ჰარვარდში ფსიქოლოგიის ფაკულტეტზე ჩააბარა. თუმცა 2 წლის შემდეგ სოციალური ქსელი Facebook შექმნა და სწავლა მიატოვა. ამას მისი წარმატებული კარიერისთვის ხელი არ შეუშლია 2010 წელს ჟურნალმა Times–მა ის წლის ადამიანად დაასახელა.


    სტივ ჯობსი


    კომპიუტერული ინდუსტრიის კიდევ ერთი გენიოსი, რომელსაც უმაღლესი განათლების დიპლომი არ ჰქოშნია სტივ ჯობსია. Apple–ს მომავალმა დამფუძნებულმა პორტლენდის რიდ კოლეჯში ჩააბარა, რომელიც 1972 წელს ამერიკის ერთ–ერთი ყველაზე ძვირადღირებული უმაღლესი სასწავლებელი იყო, თუმცა ლექციებზე დასწრების ნაცვლად დროის დიდ ნაწილს აღმოსავლურ სულიერ პრაქტიკებს უთმობდა და საკუთარ კომპიუტერულ კომპანიაზე ოცნებობდა, რაც 4 წლის შემდეგ რეალობად აქცია.


    რომან აბრამოვიჩი

    ერთ–ერთი ყველაზე წარმატებული რუსი ბიზნესმენი, რომან აბრამოვიჩი ცოტა ხანს უხტის ინდუსტრიალური ინსტიტუტის სატყეო მეურნეობის ფაკულტეტზე სწავლობდა, თუმცა სწავლს პირდაპირ ფულის კეთება ამჯობინა. სწავლა მიატოვა და მთლიანად ბიზნესის კეთებაზე გადაერთო.

    ბილ გეითსი

    კომპანია Microsoft –ის დამფუძნებელი წლების მანძილზე პლანეტის ყველაზე მდიდარი ადამიანი იყო. არადა 1975 წელს ის ჰარვარდის უნივერსიტეტის იურიდიული ფაკულტეტიდან ცუდი სწავლის გამო გარიცხეს. ბილის შემთხვევაში ამან მხოლოდ დადებითი როლი შეასრულა: ბოლოს და ბოლოს შეძლო მთელი დრო და ენერგია საყვარელი საქმიანობისთვის – პროგრამირებსთვის დაეთმო და შედეგად მრავალმილიარდიანი ქონებაც დააგროვა.


    ჰენრი ფორდი

    თავისი პირველი კომპანია ჰენრი ფორდმა 36 წლის ასაკში დააფუძნა. არ იფიქროთ, რომ მანამდე ბეჯითად სწავლობდა მეწარმეობის საფუძვლებს. ჰენრიმ სოფლის სკოლა დაამთავრა და 16 წლიდან ჩვეულებრივ ქარხანაში მექანიკოსად მუშაობდა. უმაღლეს სასწავლებელში ჩაბარებაზე არც უფიქრია.


    ინგვარ კამპრადი



    შესაძლოა ეს სახელი და გვარი ბევრს არაფერს გეუბნებათ, მაგრამ მის კომპანია IKEA –ს წარდგენა ნამდვილად არ ჭირდება. მომავალმა მილიარდერმა სამეწარმეო საქმიანობას ჯერ კიდევ სკოლაში მიჰყო ხელი, როცა თანაკლასელებზე ფანქრების, რვეულების და სხვა საკანცელარიო ნივთების გაყიდვა დაიწყო. ზრდასრულ ასაკში კი იაფფასიანი ავეჯის გაყიდვაზე გადაერთო. შემდეგ საკუთარი საწარმო გახსნა. ამ ისტორიის დასასრული კი ყველამ კარგად იცის.