Blog

იურიდიული კომიტეტის თავმჯდომარის ყოფილი მოადგილე, ვანო ზარდიაშვილი მოსამართლეებსა და იუსტიციის უმაღლესი საბჭოს მდივანს რუსთაველის გამზირზე მდებარე სკვერში შეხვდა და ამის მიზეზი მოგვიანებით მედიასთან განმარტა. ის ამბობს, რომ მოსამართლეებს ახლობლის პანაშვიდზე წასვლის დეტალებზე ესაუბრებოდა. აღნიშნული შეხვედრის ამსახველი ფოტო გამოცემა “ტაბულამ” გაავრცელა. შეხვედრას უზენაესი სასამართლოს უვადო მოსამართლე ლევან მურუსიძე, უზენაესი სასამართლოს მოსამართლეობის კანდიდატები მიხეილ ჩინჩალაძე, გიორგი მიქაუტაძე და ასევე სააპელაციო სასამართლოს ყოფილი თავმჯდომარე, ვალერი ცერცვაძე ესწრებოდნენ.

“შემთხვევით შევხდი ჩემს მეგობრებს. ქაშვეთის ეკლესიის წინ, ზუსტად 5 წუთი ვისაუბრეთ. თემა თუ გაინტერესებთ, ეს იყო – ჩვენს მეგობარს გარდაეცვალა ოჯახის წევრი და ვისაუბრეთ იმაზე, უნდა წავსულიყავით თუ არა დღეს, გვიანი იყო – თუ შეიძლებოდა მისვლა. შესაბამისად, მივიჩნიეთ, რომ დღეს გვიანი იყო და დავიშალეთ. მსგავს სიებზე თუ მნიშვნელოვან საკითხზე, რუსთაველის გამზირზე, ხალხი არ საუბრობს ხო?,”-განაცხადა ” “რუსთავი 2” – თან სატელეფონო საუბრისას ზარდიაშვილმა. 

“ქართული ოცნების” დეპუტატის თქმით, ეს იყო დაუგეგმავი შეხვედრა მეგობრებთან და მოსამართლეთა სია არ განუხილავთ.

სამოქალაქო მოძრაობის დამფუძნებელი, ალექსანდრე ელისაშვილი ეკა ბესელიას ირგვლივ შექმნილ ვითრებას განიხილავს: 

“ეკა ბესელია როგორ “მეხატება” გულზე, მთელმა საქართველომ იცის. მაგრამ ეკა ბესელიასთანაც კი ასეთი ბრძოლა არის გულის ამრევი და აღმაშფოთებელი. ეს არის ამაზრზენი – ავრცელებს უშიშროება, რომელსაც ივანიშვილი აკონტროლებს. თუ მეტი დაზუსტება გინდათ, დიახ, ივანიშვილი ავრცელებს. ბესელია დიდი ოხერი და შებერტყილი ქალია, თემას დაელოდა, მისი გაგდება უნდოდათ დიდი ხანია. სხვებზე გაცილებით ჭკვიანია – დაინახა მოსამართლეების თემა და ჩაებღაუჭა”.

ელისაშვილი ამბობს, რომ “მასაც სთავაზობდნენ ბესელიასთან ბრძოლას, თუმცა მან ეს არ იკადრა და იკადრა ივანიშვილმა”.

“კარდაკარ დაძრწოდნენ ამ კადრებით, მაგრამ მე არ მაინტერესებს არავის პირადი ცხოვრება. მე ავისხლიტე”. ასე ბინძურად არავის დავუპირისპირდები. “ქართულ ოცნებას” მეტი საქმე არ აქვს, რომ კადრებით ებრძვიან ბესელიას. მადლობა ბატონო ბიძინა, ასეთი ქვეყანა რომ გვაჩუქეთ”. 

{{ARTICLEIMAGE}}
იურიდიული კომიტეტის თავმჯდომარის ყოფილი მოადგილე ვანო ზარდიაშვილი მოსამართლეებსა და იუსტიციის უმაღლესი საბჭოს მდივანს რუსთაველის გამზირზე მდებარე სკვერში შეხვდა.

შეხვედრას უზენაესი სასამართლოს უვადო მოსამართლე ლევან მურუსიძე, უზენაესი სასამართლოს მოსამართლეობის კანდიდატები მიხეილ ჩინჩალაძე, გიორგი მიქაუტაძე და ასევე სააპელაციო სასამართლოს ყოფილი თავმჯდომარე, ვალერი ცერცვაძე ესწრებოდნენ.

“ქართული ოცნების” დეპუტატის თქმით, ეს იყო დაუგეგმავი შეხვედრა მეგობრებთან და მოსამართლეთა სია არ განუხილავთ.

“შემთხვევით შევხდი ჩემს მეგობრებს. ქაშვეთის ეკლესიის წინ, ზუსტად 5 წუთი ვისაუბრეთ. თემა თუ გაინტერესებთ, ეს იყო – ჩვენს მეგობარს გარდაეცვალა ოჯახის წევრი და ვისაუბრეთ იმაზე, უნდა წავსულიყავით თუ არა დღეს, გვიანი იყო – თუ შეიძლებოდა მისვლა. შესაბამისად, მივიჩნიეთ, რომ დღეს გვიანი იყო და დავიშალეთ. მსგავს სიებზე თუ მნიშვნელოვან საკითხზე, რუსთაველის გამზირზე, ხალხი არ საუბრობს ხო?,”-განაცხადა ” “რუსთავი 2” – თან სატელეფონო საუბრისას ზარდიაშვილმა. აღნიშნული შეხვედრის ამსახველი ფოტო გამოცემა “ტაბულამ” გაავრცელა.

ფინანსთა მინისტრი ივანე მაჭავარიანი აცხადებს, რომ საქართველოში გადასახადები იმდენად დაბალია, მეტად დაწევა შეუძლებელია.

“ხშირად არის სპეკულაცია – დავწიოთ გადასახადი და ჩვენ ეკონომიკური ზრდა გვექნება. ჩვენ პრაქტიკულად ისეთ დაბალ დონეზე ვართ გადასახადების, რომ იმის იქით დაწევა უბრალოდ შეუძლებელია,”- განაცხადა ფინანსთა მინისტრმა ივანე მაჭავარიანმა.

მაჭავარიანის განცხადებით, დღეს გადასახადების დამატებითი შემცირება ეკონომიკისთვის მნიშვნელოვან ზრდას არ მოიტანს, ხოლო ამ ნაბიჯის გადადგმის შემთხვევაში კი, სახელმწიფოს შემცირებული შემოსავლების სახით წინ მნიშვნელოვანი პოლიტიკური და სოციალური პრობლემები დაუდგება.

“გადასახადების შემდგომი შემცირება პოლიტიკური და სოციალური რისკების მატარებელია. რეალურად დღეს გადასახადების პრობლემა საქართველოში არ დგას. თუ საგადასახადო რეფორმაზე ვსაუბრობთ, ეს არის ადმინისტრირების ეფექტიანობის ზრდა, მისი გადახდის და შევსების გამარტივება. თავად საგადასახადო განაკვეთების შემცირებისკენ ნაბიჯების გადადგმის გზა, მე ვთვლი, რომ პრაქტიკულად უკვე ამოწურულია. ჩვენ თუ დღეს არ გვაქვს ძალიან მაღალი ეკონომიკურ ზრდა, ეს გადასახადების ბრალი ნამდვილად არ არის. ზღვრული შედეგი ამ გადასახადების დაწევის უკვე მიღწეულია, მისი შემდგომი შემცირებით აღარ უნდა ველოდეთ დიდ ზრდას. ეკონომიკური ზრდის შემაფერხებელი დღეს უფრო მეტად არის დაბალკვალიფიციური მუშახელი, განათლების ნაკლებობა, ამიტომაც ვამბობთ, რომ ჩვენ აბსოლუტურად სხვა მიმართულებით უნდა გადავდგათ ნაბიჯები”, ამბობს მაჭავარიანი.

“ყაზტრანსგაზის” გენერალური დირექტორის გადადგომის მოთხოვნით, კომპანიის ცენტრალურ ოფისთან აქცია გაიმართა. “სამოქალაქო მოძრაობის” ლიდერმა, ალეკო ელისაშვილმა მხარდამჭერებთან ერთად მამუკა კობახიძეს თანამდებობის დატოვებისკენ მოუწოდა. ელისაშვილის თქმით, კობახიძეს უნდა წავიდეს, რადგან 16 იანვარს დიდ დიღომში მომხდარმა ფაქტმა დაადასტურა, რომ “ყაზტრანსგაზი”  არ ზრუნავს მოქალაქეების უსაფრთხოებაზე, რადგან მომხდარზე პასუხიმგებლობა რიგითი თანამშრომლის გარდა, მმართველმაც უნდა აიღოს. ელისაშვილი კობახიძეს პოსტიდან წასვლისთვის რამდენიმე დღეს აძლევს, წინააღმდეგ შემთხვევაში კი ამბობს, რომ სხვა უფრო რადიკალურ ზომებს მიმართავენ.

“უნდა გავაგონოთ ამ უპასუხისმგებლო მენეჯმენტს, რომელიც კლავს, რომ უნდა წავიდეს. რა ნაბიჯები გადადგა ამ კომპანიამ მას შემდეგ, რაც დიდ დიღომში აფეთქება მოხდა, რამე ვიცით?!თუ ავფეთქდით, მერე არც ყვირილს ექნება ფასი და არც დავიდარაბას. მერე ისევ ჩვენს თავს დავიდანაშაულებთ – რატომ უფრო მეტად არ მოვინდომეთ და რატომ უფრო მეტად არ ვეჩხუბეთ ამ ხალხს… არ უნდა მივეჩვიოთ იმას, რომ ეს აფეთქებები და ტრაგედიები მხოლოდ სტატისტიკად იქცეს. არავინ ვართ დაზღვეულები და ნუ გადაგვადგმევინებენ რადიკალურ ნაბიჯებს”, განაცხადა ელისაშვილმა.

{{ARTICLEIMAGE}}
პარლამენტის თავმჯდომარის, ირაკლი კობახიძის განცხადებით, კახა კალაძე ნამდვილად ემსახურება თბილისს და ის იქნება ძალიან წარმატებული მერი. “კახა კალაძე ყოველდღიურად ამტკიცებს, რომ ის არის ძალიან ძლიერი ლიდერი და მენეჯერი. დღეს წარმოდგენილი პროექტები არის შთამბეჭდავი, როგორც თავისი მოცულობით, ასევე იმითაც, რომ ძალიან სწორად არის დაგეგმილი და დანახული ყველაფერი ის, თუ რა სჭირდება ჩვენს დედაქალაქს”, განაცხადა პარლამენტის თავმჯდომარემ, ირაკლი კობახიძე თბილისის მერის, კახა კალაძის მიერ 2019 წელს დაგეგმილი ინფრასტრუქტურული პროექტების პრეზენტაციის დასრულების შემდეგ.

“დღეს კახა კალაძემ აღნიშნა, რომ მერი და მერია უნდა ემსახურებოდეს საკუთარ ქალაქს და ეს სიტყვა ყველაზე კარგად გამოხატავს უშუალოდ კახის დამოკიდებულებას თავის ქალაქისადმი და ასევე, ქალაქის მოსახლეობისადმი. ის ნამდვილად ემსახურება თბილისს და ის იქნება ძალიან წარმატებული მერი”,განაცხადა ირაკლი კობახიძემ.

“პირადი ცხოვრების ამსახველი ნებისმიერი ჩანაწერის და ინფორმაციის გავრცელება არის ამორალური და მე კიდევ ერთხელ მოვუწოდებ, მქონდა პირადი კომუნიკაცია სამართალდამცველი ორგანოების ხელმძღვანელებთან, მაქსიმალურად ჩაჰყვნენ ამ საქმეს, აცხადებს საქართველოს პარლამენტის თავმჯდომარე.

“მით უმეტეს საქმე ეხება პარლამენტის წევრს ამიტომ, მე პირადად ბოლომდე ჩავყვები ამ საქმეს იმისთვის, რომ სამართალდამცავმა ორგანოებმა ზედმიწევნით გამოიკვლიონ ყველაფერი. ჩვენ ვუფრთხილდებით ჩვენს გუნდს და ვმოქმედებთ გუნდის ინტერესების შესაბამისად.

“რაც შეეხება ეკა ბესელიას, უნდა ვკითხოთ რას გულისხმობდა, მეც ვკითხავ რა იგულისხმა ამ ყველაფერში და ბუნებრივ გვექნება რეაგირება, თუ რაიმე ეჭვი აქვს კონკრეტული ქალბატონ ბესელიას ამაზეც უნდა გვქონდეს რეაგირება”,ამბობს ირაკლი კობახიძე.

რაც შეეხება დავით ჭიჭინაძის განცხადებას, კობახიძე ამბობს, რომ ჭიჭინაძე გუნდის წევრი არ არის და შესაბამისად, მის ბრალდებას არ პასუხობს.

{{ARTICLEIMAGE}}
თბილისის მერი კახა კალაძე საერთაშორისო კვლევის შედეგებს აფასებს: 

“ის რომ წინსვლა გვაქვს, მისასალმებელია. თუ პრობლემები არსებობს, მიდგომები უნდა გამკაცრდეს,რომ თუ არის კორუფციის ნიშნები მაქსიმალურად უნდა იყოს აღმოფხვრილი და ამის პრევენცია უნდა მოხდეს – ეს არის ჩემი მიდგომა. :არ მგონია, საქართველოში დემოკრატიის უკუსვლა იყოს, პირიქით, გვაქვს წისვლა, თუმცა ამით არ უნდა დავმკაყოფილდეთ”,ამბობს კახა კალაძე.

მმართველი პარტია, “ქართული ოცნების” გენერალური მდივანი, თბილისის მერი, კახა კალაძე გამორიცხავს, რომ პოლიტიკოსის პირადი ცხოვრების ამსახველი კადრების გავრცელების უკან შესაძლოა, მმართველი გუნდის წევრები იდგნენ. ამის შესახებ კალაძემ ჟურნალისტებს განუცხადა. 

“არ ვიცი, რა ჩანაწერებზეა საუბარი-გუშინ საუბრობდნენ, რომ ვრცელდებოდა, თუმცა ჩანაწერები არავის უნახავს. ზოგადად, ჩემთვის ასეთი დამოკიდებულება, ჩანაწერებით შანტაჟი კატეგორიულად მიუღებელია-ყველა გავერთიანდით და ეს ყველაფერი წარსულს ჩავაბარეთ. გამოძიებამ უნდა დაადგინოს, რასთან გვაქვს საქმე – მე არ ვიცი, შესაძლოა, კონკრეტული ადამიანები რაღაცას აკეთებდნენ, გამოძიება ალბათ ყველა კითხვას გასცემს პასუხს. თუ ასეთი ჩანაწერები იყო ნაჩვენები, ეს ძალიან მძიმე და კატეგორიულად მიუღებელია”,ამობს კახა კალაძე.

{{ARTICLEIMAGE}}
ქარბუქის, ნამქერისა და ლიპყინულის გამო, მცხეთა-სტეფანწმინდა-ლარსის საავტომობილო გზის გუდაური (ფოსტა) – კობის მონაკვეთზე, ყველა სახის ავტოტრანსპორტის მოძრაობა აკრძალულია: “შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ მოქალაქეთა უსაფრთხო გადაადგილების, ქარბუქის, ნამქერისა და ლიპყინულის გამო, მცხეთა-სტეფანწმინდა-ლარსის საავტომობილო გზის გუდაური (ფოსტა) – კობის მონაკვეთზე, ყველა სახის ავტოტრანსპორტის მოძრაობა აკრძალულია. მოქალაქეებს მოვუწოდებთ, დაემორჩილონ საპატრულო პოლიციის თანამშრომლების მითითებებს და მაქსიმალურად დაიცვან საგზაო მოძრაობის წესები”.