ჯონდი ბაღათურიას და ქართული დასის ორგანიზებით საზოგადოების ნაწილი საზოგადოებრივი მაუწყებლის შენობასთან არის შეკრებილი. მათი მოთხოვნაა საზოგადოებრივმა მაუწყებელმა გააშუქოს მათი მოთხოვნები საქართველოს “გაეროს მიგრანტთა პაქტიდან გამოსვლის “ შესახებ.
აქციის მონაწილეები აზიიდან და აფრიკიდან საქართველოში მიგრანტთა შეუზღუდავად შემოსვლის აკრძალვას მოითხოვენ. საზოგადოებრივ მაუწყებელს კი სთხოვენ მათი პოზიცია და აქტიურობა გააქშუქოს.
ერთიანი აგროპროექტის“ ფარგლებში, პროექტის „დანერგე მომავალი“ ბენეფიციარმა, მამუკა მერებაშვილმა 6 ჰა-ზე ვაშლის, ქლიავის და ატმის ბაღი გააშენა. ხეხილის ბაღი საოკუპაციო ხაზთან, გორის რაიონის სოფელ მეჯვრისხევში მდებარეობს.
გარემოს დაცვისა და სოფლის მეურნეობის მინისტრის მოადგილე გიორგი ხანიშვილი, შიდა-ქართლში სახელმწიფო რწმუნებულის მოადგილესთან ნუგზარ სამხარაძესთან ერთად, მამუკა მერებაშვილის ხეხილის ბაღს ეწვია და გაშენებული ბაღი დაათვალიერა. ბენეფიციარი პროგრამაში 2017 წელს ჩაერთო. ბაღის გაშენებისა და სარწყავი სისტემების მოწყობისთვის 45,100 ლარის ოდენობის სახელმწიფო დაფინანსება მიიღო, აქედან, 32,700 ლარი ნერგებისთვის, ხოლო 12,400 ლარი, წვეთოვანი სისტემებისთვის.
პროექტის „დანერგე მომავალი“ ფარგლებში,საქართველოს მასშტაბით, ხეხილის ახალი ბაღები 6,347 ჰექტარზეა გაშენებული და სახელმწიფო დაფინანსების მოცულობა 34,261,096 მილიონ ლარს შეადგენს. აქედან, შიდა-ქართლის რეგიონში ხეხილის ბაღები 1,744 ჰა მიწის ფართობზე გაშენდა.
შინაგან საქმეთა სამინისტრომ ფონიჭალაში ნარკორეალიზატორი დააკავა. ნარკოტიკული საშუალების უკანონო შეძენა-შენახვა-გასაღების ბრალდებით დაკავებულია 1987 წელს დაბადებული პირი. გამოძიებამ დაადგინა, რომ ბრალდებული ნარკოტიკებს სისტემატურად ყიდდა. პოლიციის მიერ ნივთმტკიცებად ამოღებულია მის მიერ გაყიდული რამდენიმე შეკვრა ნარკოტიკული საშუალება. დანაშაული 8-დან 20 წლამდე ვადით ან უვადო პატიმრობას ითვალისწინებს.
ტექნოგიგანტები ყოველწლიურად სხვადასხვაგვარ ინოვაციებს გვთავაზობენ. ბოლო დროს დიდმა მობილური ტელეფონის მწარმოებელმა კომპანიებმა დაიწყეს დასაკეცი ტელეფონების შექმნა. გავრცელდა მრავალნაირი პროტოტიპი თუ როგორი შეიძლება ყოფილიყო მომავლის მობილური ტელეფონი, რომელიც პლანშეტის ფუნქციასაც შეითავსებდა.
თუმცა უნდა აღინიშნოს, რომ დასაკეცმა ტელეფონებმა დიდი კრიტიკა გამოიწვია ანალიტიკოსებისგან და მათი თქმით, მსოფლიო ჯერ-ჯერობით არც ტექნოლოგიურად და არც ფსიქოლოგიურად მზად არ არის დასაკეცი ტელეფონებისთვის.
ამას არ შეუშინებია ჩინური ტექნოგიგანტი Huawei და იგი თებერვალში 5G დასაკეც სმარტფონს წარმოგვიდგენს. გაჯეტის პრეზენტაციას ბარსელონაში, სმარტფონების მსოფლიო კონგრესზე (MWC ), 24 თებერვალს გაიმართება.
როგორც ცნობილია, პირველ ეტაპზე ჩინური კომპანია შეზღუდული რაოდენობის სმარტფონების გამოშვებას გეგმავს.
{{ARTICLEIMAGE}}ამერიკული ავტომწარმოებელი Tesla Model Y-ზე მუშაობს. კომპანიის ახალი მოდელი 2020 წლის მიწურულს გამოვა. ავტომობილის 2015 წლიდან მიმდინარეობს მოლაპარაკებები.
თუმცა Tesla-ს ავტომობილის პროტოტიპი ჯერ კომპანიას არ გამოუქვეყნებია. ბოლო ინფორმაციით Tesla-ს Model Y-ს, სხვა ავტომობილებისგან განსხვავებით ნევადაში, კომპანიის ერთ-ერთ უმსხვილეს საწარმოში ააწყობენ.
Model Y-ის ღირებულება ჯერ უცნობია, თუმცა დანამდვილებით შეიძლება იმის თქმა, რომ ახალი ავტომობილი Model 3-ზე იაფი იქნება.
ქართული ოცნების ოფისში უმრავლესობის შეკრება დაიწყო. წინასწარ დაანონსებული ერთადერთი თემა მოსამართლეების შერჩევის საკითხია. როგორც უმრავლესობის წევრები ამბობენ, დღეს კონკრეტულად მოსამართლეთა შერჩევის კრიტერიუმებზე არ იმსჯელებენ, თუმცა იმსჯელებენ იმ პრინციპებზე, რომოლითაც მოსამართლეების შერჩევა, წარდგენა და პარლამენტში დამტკიცება უნდა მოხდეს.სხდომას ესწრება პარტიის თავმჯდომარე, ბიძინა ივანიშვილი. სხდომას ესწრებიან ეკა ბესელია და ირაკლი კობახიძეც.
სხდომის დაწყებამდე ეკა ბესელიამ განაცხადა, რომ მისთვის მნიშვნელოვანია ოთხი საკითხი: სამუშაო ჯგუფის ფორმატის ცვლილება, რომ მოსამართლეთა შერჩევის კრიტერიუმებზე და პროცედურებზე იმსჯელონ კანონმდებლებმა და არ მოხდეს ამ პროექტის დაწერა იმ მოსამართლეების მიერ, ვისაც ინტერესთა კონფლიქტი აქვთ. შეჩერდეს მოსამართლეთა უვადოდ დანიშვნა. კრიტერიუმები და პროცედურა შემუშავდეს პარლამენტში. მეოთხე საკითხი ბესელიას განცხადებით იურიდიული კომიტეტის თავმჯდომარის საკითხია. სხდომაზე საავრაუდოდ ეკა ბესელიას პირადი ცხოვრების ამსახველი კადრების გავრცელების
საკითხსაც განიხილავენ. უმრავლესობის წევრებს შორის დაპირისპირება, რომელიც უმრავლესობის წინა შეხვედრაზე თითქოს დარეგულირდა დღესაც იქნება განხილვის თემა, რადაგნ სწორედ წინა შეკრების შემდეგ იყო მოსამართლეთა სკანდალური კონფერენცია, მოსამართლე გვრიტიშვილის სკანდალური სატელვიზიო გამოსვლა და ეკა ბესელიას პირადი კადრების გავრცელება, რასაც მისი მწვავე შეფასებები მოჰყვა არა მხოლოდ მოსამართლეების,არამედ საკუთარი გუნდის წევრების მიმართაც.