Blog

4-დან 8 წლამდე პატიმრობით დაისჯებით, თუ პირადი ცხოვრების ამსახველ ვიდეოჩანაწერს ნებისმიერი ფორმით შეინახავთ და გაავრცელებთ. ნებისმიერი მოქალაქე, რომელიც უკანონოდ მოპოვებულ პირადი ცხოვრების ამსახველ ვიდეოს, რომელიც სოციალურ ქსელში გავრცელდა, ან პირადად მას გაუზიარეს, ნებისმიერი ფორმით შეინახავს (ტელეფონში ან კომპიუტერში აპლიკაციით ჩამოწერს, ეკრანზე ვიდეოს გადაუღებს) და შემდეგ სხვა პირებს (მეგობრებს, ნაცნობებს) გაუზიარებს, კანონის შესაბამისად დაისჯება.

“საზოგადოებას შევახსენებთ, რომ ადამიანების პირადი ცხოვრების ამსახველი მასალის უკანონო მოპოვება, შენახვა და გავრცელება სისხლის სამართლის დანაშაულია. სისხლის სამართლის წესით ისჯება პირადი ცხოვრების ამსახველი მასალის როგორც ნებისმიერი საშუალებით გავრცელება (მათ შორის მობილური აპლიკაციის მეშვეობით გადაგზავნა), ასევე, მისი შენახვა, რაც ისჯება 4-დან 8 წლამდე ვადით თავისუფლების აღკვეთით. მოვუწოდებთ საზოგადოებას, არ ჩაერთონ დანაშაულებრივ საქმიანობაში და შეწყვიტონ მსგავსი ვიდეოჩანაწერის ნებისმიერი სახით გავრცელება. წინააღმდეგ შემთხვევაში, სამართალდამცავი ორგანოების მხრიდან მიღებული იქნება კანონით გათვალისწინებული ზომები”,განაცხადეს დღეს შსს-ში გამართულ ბრიფინგზე.

თბილისის სახელმწიფო სამედიცინო უნივერსიტეტის წინ, ვაჟა-ფშაველას გამზირზე, ბედნიერების ძეგლი დაიდგა. ძეგლი არქიტექტორმა ლევან ვარდოსანიძემ შექმნა, იდეის ავტორი კი პროფესორი არსენ გვენეტაძეა.

ძეგლზე დატანილია ოლიმპიურ ფერებში შეღებილი ხუთი რკალი, რაც ხუთ კონტინეტს ნიშნავს. ძეგლის თავზე გამოსახულია ნოტები და სამეცნიერო სიმბოლიკა – მეცნიერებისა და ხელოვნების სინთეზის საილუსტრაციოდ. სკულპტურა გვირგვინდება მზის ფიგურით.

“ეს იდეა წლინახევრის წინ დამებადა. ლევან ვარდოსანიძემ ესკიზი შექმნა. უნივერსიტეტმა და ყველა იმ ადამიანმა, რომელსაც სიამოვნება და ბედნიერება მხოლოდ თავისთვის არ უნდა, უზრუნველყო მისი დადგმა”, ამბობს არსენ გვენეტაძე.

(more…)

“ერთიანი ნაციონალური მოძრაობის” აჭარის უმაღლესი საბჭოს წევრმა, გია აბულაძემ პარტიის აქტივისტების დაკავება დღეს გამართულ ბრიფინგზე გააპროტესტა. აბულაძე ამბობს, რომ აქტივისტები უკანონოდ დააკავეს. 

მისივე ინფორმაციით, მმართველ გუნდში არსებობს ვიდეოფაილები, რომელიც საგამოძიებო ორგანომ აუცილებლად უნდა იცოდეს.

აჭარის უმაღლესი საბჭოს წევრი “მორალური ტერორის “ობიექტს” ეკა ბესელიას მოუწოდებს, დაკავებულ ქალებს სოლიდარობა გამოუცხადოს და რეალური დამნაშავეების დასჯა მოითხოვოს.

“მოვითხოვთ, ჩატარდეს ობიექტური გამოძიება. ყველამ იცის, რომ ვიდეოები გავრცელდა ყველგან. ის აქვთ ხელისუფლების წარმომადგენლებსაც და მოვითხოვთ, გამოძიება დაინტერესდეს და გამოიკვლიოს ყველას ტელეფონი, დაწყებული აჭარის მთავრობის თავმჯდომარით. უნდა შემოწმდეს უმაღლესი საბჭოს დეპუტატების ტელეფონებიც. წინააღმდეგ შემთხვევაში ეს ჩაითვლება ოპოზიციის წინააღმდეგ მიზანმიმართულ კამპანიად და პოლიტიკურ ანგარიშსწორებად”, განაცხადა გია აბულაძემ.

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა 1987 წელს დაბადებული, წარსულში ნასამართლევი გ.ფ. ოჯახური კონფლიქტის ნიადაგზე ჩადენილი განზრახ მკვლელობის ბრალდებით დააკავეს. ჩადენილი დანაშაული 13-დან 17 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ ბრალდებულმა მიმდინარე წლის 1 თებერვალს ზესტაფონის რაიონის სოფელ მარტოთუბანში, ურთიერთშელაპარაკების ნიადაგზე, საკუთარი საცხოვრებელი სახლის ეზოში, ძმას – 1994 წელს დაბადებულ დ.ფ.-ს გადაჭრილი თოფიდან გასროლით სასიკვდილო ჭრილობა მიაყენა და შემთხვევის ადგილიდან მიიმალა.

პოლიციამ, ჩატარებული სამძებრო მოქმედებების შედეგად, გ.ფ. მომხდარიდან მალევე, სოფელ მარტოთუბანში დააკავა.
გამოძიება ოჯახის წევრის მიმართ ჩადენილ განზრახ მკვლელობის ფაქტზე, საქართველოს სისხლის სამართლის კოდექსის 11-პრიმა-109-ე მუხლის მე-2 ნაწილის ,,ვ“ ქვეპუნქტით მიმდინარეობს.

{{ARTICLEIMAGE}}
გაერთიანებული ოპოზიციის ლიდერი და პრეზიდენტობის ყოფილი კანდიდატი, გრიგოლ ვაშაძე პირადი ცხოვრების ამსახველი კადრების გავრცელებაზე საუბრისას აცხადებს, რომ “ივანიშვილის მაფიოზურმა დაჯგუფებამ თავისივე სიბინძურის რეკორდი მოხსნა.

გრიგოკლ ვაშაძის თქმითვე, ხელისუფლება საკუთარი მიზნების მისაღწევად ყველა მეთოდს იყენებს, რაც სიძლიერის კი არა, უკიდურესი სისუსტის ნიშანია და ხელისუფლებას ადამიანის კეთილდღეობა და სიცოცხლე არ აინტერესებს. “არჩევნებში დამარცხების შემდეგ, ყველაფერს თავისი სახელი დაერქმევა”, ამბობს გრიგოლ ვაშაძე.

{{ARTICLEIMAGE}}
ცრუ ინფორმაციის, დეზინფორმაციის და ცილისწამების პრევენციისა და რეგულირების საკითხი –  საქართველოს პრეზიდენტი სალომე ზურაბიშვილი არასამთავრობო ორგანიზაციების წარმომადგენლებს ამ თემებთან დაკავშირებით ხვდება.

შეხვედრის დაწყების წინ სალომე ზურაბიშვილმა განაცხადა, რომ პრეზიდენტის ადმინისტრაციაში ფიქრობენ ამ საკანონმდებლო ინიციატივაზე, თუმცა ეს იმას არ ნიშნავს, რომ პრეზიდენტის ყველა ინიციატივა მიღებული და გათვალისწინებული იქნება. მისი სიტყვებით, სწორედ ამიტომ არის საჭირო ამ საკითხზე მუშაობა და თანამშრომლობა.

პრეზიდენტის ადმინისტრაციის უფროსის მოადგილის, ქეთი მახარაშვილის განცხადებით კი, ეს არ არის მხოლოდ საქართველოს პრობლემა:

“გვინდა რომ პირველ რიგში საზოგადოებრივ ორგანიზაციებთან დავიწყოთ ამ თემაზე საუბარი, გამოვკვეთოთ რა პრობლემებია, როგორ ხედავს ჩვენი საზოგადოება ამ პრობლემებს და როგორ ხედავს მატ გადაჭრის მექანიზმებს”, განაცხადა ქეთი მახარაშვილმა ჟურნალისტებთან საუბრისას.

პრეზიდენტის ადმინისტრაციაში შეხვედრას 30-ზე მეტი არასამთავრობო ორგანიზაციის წარმომადგენელი ესწრება.