Blog

ე.წ. ციანიდის საქმეზე მსჯავრდებული დეკანოზი გიორგი მამალაძე ღუდუშაურის კლინიკიდან ციხის საავადმყოფოში, სასჯელაღსრულების მე-18 დაწესებულებაში გადაიყვანეს. მისი უფლებადამცველი მიხეილ რამიშვილი ამ გადაწყვეტილების გამო სკანდალურ განცხადებას აკეთებს და ამბობს, რომ შესაძლოა, დეკანოზის მოკვლა სურდეთ.

ექიმის თქმით, პაციენტის მდგომარეობა სტაბილურია, თუმცა დეკანოზის დიაგნოზზე ექიმი არ საუბრობს.

“დიაგნოზის შესახებ პაციენტის უფლების კანონიდან გამომდინარე, დიაგნოზს არ ვასაჯაროებ. ეს პაციენტისთვის ცნობილია. მისი მდგომარეობდა შეფასდა როგორც სტაბილური და გაეწერა კლინიკიდან”,ამბობს ღუდუშაურის კლინიკის ექიმი. 

შექმნილი ვითარების გამო მიხეილ რამიშვილი პატრიარქს მიმართავს, დეკანოზის შეწყალების საკითხზე პრეზიდენტთან უშამდგომლოს. ადვოკატი ილია მეორეს პირდება, რომ დეკანოზი პატრიარქს თავად დაარწმუნებს, რომ უდანაშაულოა.

“მამა გიორგი კი არ გადაიყვანეს ციხის საავადმყოფოში, არამედ ისეთივე ქმედება განახორციელეს, როგორც ის მოიპარეს თავის დროზე აეროპორტიდან. ჩვენ არანაირი გაფრთხილება არ მიგვიღია და შემთხვევით გავიგეთ, რომ წერდნენ. ორი საათის განმავლობაში საპატრიარქოს სამსახურიდან და სასჯელაღსრულების დეპარტამენტიდან ყველანაირი პირობა შექმნეს, რომ ჩვენ სამედიცინო დოკუმენტაცია არ აგვეღო, რაზეც გიორგი მამალაძის ხელმოწერა იყო საჭირო”,ამბობს მიხეილ რამიშვილი. 

მისივე ინფორმაციით, სასჯელაღსრულების დეპარტამენტის წარმომადგენელი ექიმზე ზემოქმედებას ახორციელებდა და სწორედ ამ დროს გახდა შეუძლოდ ექიმი.  

“ისეთი თვალებით მიყურებდა, სასაკლაოზე რომ წაიყვან ადამიანს”,თქვა მიხეილ რამიშვილმა დეკანოზზე. 

“გევედრებით, თქვენ არ დაგინახავთ მისი თვალები”, ამბობს ადვოკატი. 

პატრიარქის მდივან-რეფერენტის მკვლლეობის მომზადებისთვის მსჯავრდებული დეკანოზი გიორგი მამალაძე ღუდუშაურის კლინიკაში 15 თებერვალს მიიყვანეს. პენიტენციური სამსახურის ცნობით, მას ჰიპერტონული კრიზი ქონდა, თუმცა ამ დრომდე პატიმარს კლინიკაში დიაგნოზი ვერ დაუდგინეს. ოჯახის ინფორმაციით კი მამალაძის ჯანმრთელობის მდგომარეობა მძიმეა და მისი საკანში დაბრუნება შესაძლოა ფატალური შედეგებით დასრულდეს.

ზვიად კუპრავა, რომელსაც სასამართლომ აღმკვეთი ღონისძიების სახით შეფარდებული გირაო გუშინ დაუსწრებლად პატიმრობით შეუცვალა, ხელისუფლებას პოლიტიკურ დევნაში ადანაშაულებს. სამართალდამცველთა რეფორმირების ცენტრის ხელმძღვანელი, რომელიც გაერთიანებული ოპოზიციის შტაბშია მას შემდეგ, რაც პოლიციაში გამოკითხვაზე არ მივიდა, საქართველოში აკრედიტირებულ საელჩოებს, არასამთავრობო ორგანიზაციებს და პარლამენტს მიმართავს, გაეცნონ სისხლის სამართლის 2 საქმეს, რომლებიც კუპრავას თქმით, შეთითხნილია იმისთვის, რომ მისი დევნის ბერკეტად გამოიყენონ

ზვიად კუპრავა 2 საქმეზეა ბრალდებული. მას წინასწარი პატიმრობა ადვოკატ ირაკლი ზაქარეიშვილის ფიზიკური შეურაცხყოფის გამო შეუფარდეს. სამართალდამცველთა რეფორმირების ცენტრის ხელმძღვანელის წინააღმდეგ საქმე აღიძრა სასამართლოს უპატივცემულობის ბრალდებითაც. ეს საქმე საქალაქო სასამართლოში მომხდარ ინცინდენტს უკავშირდება, როცა კუპრავა შვილმოკლულ ზაზა სარალიძესთან ერთად შესვენებაზე სასადილოში შევიდა, თუმცა როგორც თავად ამბობს, მას ჭამა არ აცალეს და სასადილოდან სხდომათა დარბაზში ძალის გამოყენებით აიყვანეს, რის გამოც პოლიციასთან დაპირისპირება მოუხდა.

ფრაქცია “ქართული ოცნება – სოციალ-დემოკრატების” წევრმა, ბექა ნაცვლიშვილმა საპარლამენტო უმრავლესობა დატოვა მას შემდეგ, რაც დაგროვებით საპენსიო სისტემასთან დაკავშირებით მის კანონპროექტს მმართველმა გუნდმა მხარი არ დაუჭირა. ნაცვლიშვილმა მოგვიანებით განმარტა, რომ ის ტოვებს როგორც პარტია “ქართულ ოცნებასაც”, ასევე ფრაქციასაც და სავარაუდოდ, დამოუკიდებელ დეპუტატად განაგრძობს საქმიანობას.

დეპუტატმა კანონპროექტის წარდგენის შემდეგ განაცხადა, რომ თუ პარლამენტი მხარს არ დაუჭერს საპენსიო რეფორმასთან დაკავშირებით ინიცირებული კანონპროექტს, მაშინ ის საპარლამენტო უმრავლესობას დატოვებდა.

“მე დავტოვე უმრავლესობა, პარტია, ფრაქცია და ვაგრძელებ დამოუკიდებლად მუშაობას,” ალიანსში არავისთან შევდივარ, დამოუკიდებლად ვაგრძელებ მუშაობას, თუ იქნება საკითხები რომელსაც მხარს ვუჭერ და ვეთანხმები, ექნება ჩემგან მხარდაჭერა. და თუ მე დამჭირდება რომელიმე საკითხზე მხარდაჭერა… აქ არ იქნება გარჩევა, ვინ რომელი პარტიის ან ფრაქციის წარმომადგენელია”, განაცხადა ნაცვლიშვილმა

105 დეპუტატიდან ნაცვლიშვილის ინიციატივას მხარი 42-მა წევრმა დაუჭირა, წინააღმდეგ კი 10 დეპუტატი იყო – დასამტკიცებლად სჭირდებოდა სულ მცირე 52 ხმა.

ბექა ნაცვლიშვილის კანონპროექტით, უნდა შექმნილიყო “მეორე საპენსიო სვეტი,” რომელიც დაეფუძნებოდა თაობათა შორის სოლიდარობის პრინციპს, შენატანები უნდა განაწილებულიყო დამსაქმებელსა და სახელმწიფოზე დაუბეგრავი ხელფასის სავალდებულო 2-2%-ის ოდენობით და გადარიცხულიყო საპენსიო ფონდში მოქალაქის ანგარიშზე.

ნაცვლიშვილის კანონპროექტით, სისტემაში მონაწილეობა სავალდებული უნდა ყოფილიყო ყველა დასაქმებულისთვის საპენსიო ასაკის მიღწევამდე, პენსიაზე გასვლის შემდეგ კი ნებაყოფლობითი იმ პენსიონერებისთვის, რომლებიც მუშაობას აგრძელებენ.

115-კაციანი უმრავლესობიდან ბექა ნაცვლიშვილის, ეკა ბესელიას და ლევან გოგიჩაიშვილის გასვლის შემდეგ “ქართულმა ოცნებამ” პარლამენტში 3/4-იანი საკონსტიტუციო უმრავლესობას დაკარგა.

“ქართულ ოცნებას” 112 დეპუტატი დარჩა უმრავლესობაში; კონსტიტუციაში ცვლილებების განხორციელებას სულ მცირე 113 დეპუტატის ხმა სჭირდება.

ბექა ნაცვლიშვილმა საპარლამენტო უმრავლესობა დატოვა. ამის შესახებ პოლიტიკოსმა ჟურნალისტებს განუცხადა. მოგვიანებით კი განმარტა, რომ ის ტოვებს როგორც პარტია “ქართულ ოცნებასაც”, ასევე ფრაქციასაც და სავარაუდოდ, დამოუკიდებელ დეპუტატად განაგრძობს საქმიანობას.

დეპუტატმა კანონპროექტის წარდგენის შემდეგ განაცხადა, რომ თუ პარლამენტი მხარს არ დაუჭერს საპენსიო რეფორმასთან დაკავშირებით ინიცირებული კანონპროექტს, მაშინ ის საპარლამენტო უმრავლესობას დატოვებს.

“მე დავტოვე უმრავლესობა, პარტია, ფრაქცია და ვაგრძელებ დამოუკიდებლად მუშაობას,” ალიანსში არავისთან შევდივარ, დამოუკიდებლად ვაგრძელებ მუშაობას, თუ იქნება საკითხები რომელსაც მხარს ვუჭერ და ვეთანხმები, ექნება ჩემგან მხარდაჭერა. და თუ მე დამჭირდება რომელიმე საკითხზე მხარდაჭერა… აქ არ იქნება გარჩევა, ვინ რომელი პარტიის ან ფრაქციის წარმომადგენელია” – განაცხადა ნაცვლიშვილმა

105 დეპუტატიდან ნაცვლიშვილის ინიციატივას მხარი 42-მა წევრმა დაუჭირა, წინააღმდეგ კი 10 დეპუტატი იყო.

“ნაციონალური მოძრაობის” პოლიტიკური საბჭოს თავჯდომარე ნიკა მელია ამბობს, რომ “ქართული ოცნების” დამფუძნებელს, ბიზნესმენს, ბიძინა ივანიშვილის ” სახელისუფლებო ბერკეტები აქვს მიტაცებული, თუმცა ის ძლევამოსილი არ არის. 

“მანდრაჟის” ქვეშ მოქმედებს – შეშინებული, ნირწამხდარი, მხოლოდ ორიენტირებული ხელისუფლების შენარჩუნებაზე უშვებს სულ უფრო და უფრო მეტ შეცდომას. მისი ავტორიტეტი იფლითება და ვერ ახერხებს საკუთარი გუნდის წევრთა შერიგებას. “ქართული ოცნება” იწყებს დაშლას და ის არამარტო საკონსტიტუციო უმრავლესობას, არამედ ხელისუფლებას დაკარგავს”, თქვა მელიამ “ტვპირველის” პირდაპირ ეთერში.