Blog

ე.წ. ციანიდის საქმეში ბრალდებული დეკანოზ გიორგი მამალაძის ოჯახი მასშტაბურ საპროტესტო აქციებს აანონსებს. თორნიკე მამალაძე ელოდებოდა, რომ საპატრიარქო პრეზიდენტს მისი ძმის შეწყალების თხოვნით მიმართავდა, რადგან სასულიერო პირებმა ამაზე საჯაროდაც ისაუბრეს. თუმცა როგორც ჩანს, სასულიერო პირები საერთო აზრზე ვერ შეჯერდნენ და დეკანოზი აღდგომას ისევ ციხის საკანში შეხვდება. პროტესტის გამოსახატად, დეკანოზის ოჯახი საპატრიარქოს შემდეგ, კიდევ ერთი კარვის გაშლას უკვე მთავრობის ადმინისტრაციასთან აპირებს.

თორნიკე მამალაძე ფიქრობს, რომ საპატრიარქო შეშინებულია იმ ინფორმაციის გამო, რომელიც დეკანოზმა იცის. დეკანოზის ძმის ინფორმაციითვე, სასულიერო პირები დეკანოზისგან წერილობით აღიარებას ითხოვდნენ და სურდათ, რომ მსჯავრდებულ სასულიერო პირს ღიად ეთქვა, რომ საპატრიარქოში კორუფცია არ არსებობს. თორნიკე მამალაძე ფიქრობს, რომ დეკანოის შეწყალების საკითხს პატრიარქის მდივან-რეფერანტი შორენა თეთრუაშვილი ეწინაღმდეგება. სწორედ თეთრუაშვილის განზრახ მკვლელობის მომზადებას ედავება გამოძიება დეკანოზს. 

შეგახსენებთ, რომ საქართველოს პრეზიდენტმა წინასააღდგომოდ შეწყალების აქტი გამოსცა. სალომე ზურაბიშვილმა 19 პატიმარი და 23 პირობითი მსჯავრდებული შეიწყალა. შეწყალებულ პატიმრებს შორის არ მოხვდა დეკანოზი გიორგი მამალაძე.

დღეიდან, ბათუმსა და სენაკში, 10 ადგილზე სიჩქარის მზომი სექციური რადარები ამოქმედდება. ამის შესახებ ინფორმაცია შსს-მ გაავრცელა.

მათი ინფორმაციის თანახმად, საქართველოს მასშტაბით სრული დატვირთვით ამოქმედებულია 2669 ვიდეოკამერა, რომელთაგანაც 936 არის ნომრის ამომცნობი, ხოლო 1733 არის ზოგადი ხედვის ვიდეოკამერა.

ამ დროისთვის სიჩქარის სექციური კონტროლის სისტემით, მთელი ქვეყნის მასშტაბით, უკვე 447 კმ სიგრძის საავტომობილო გზა გაკონტროლდება.

“საქართველოში ბიზნესი თავისუფალია”-“ქართული ოცნების” წევრი მამუკა მდინარაძე აშშ-ის მხრიდან საქართველოზე შესაძლო სანქციების დაწესებას ეხმაურება.

„საქართველოში ბიზნესი ნამდვილად თავისუფალია და როდესაც ჩვენი უცხოელი პარტნიორები, მაგალითად, სახელმწიფო დეპარტამენტის ანგარიშს გავიხსენებ აღმოჩნდნენ უხერხულ მდგომარეობაში. ეს უხერხულობა გამოიწვია ჩვენი კოლეგების და რამდენიმე არასამთავრობო ორგანიზაციის არასწორმა ინფორმაციამ და ამ შემთხვევაში, სახელმწიფო დეპარტამენტის ანგარიშში ჩასწორება მოხდა და ეს უხერხულობა მე მგონია, რომ უნდა აიცილონ ხოლმე ჩვენმა კოლეგებმა საქართველოში და რამდენად უნდა მტრობდე შენს ქვეყანას, რომ არასწორი ინფორმაციები შენს ქვეყანაში მიმდინარე მოვლენების შესახებ მიაწოდო უცხოელ პარტნიორებს და მთავარ სტრატეგიულ პარტნიორს. ეს არის ცუდი და მეორე, მე ნამდვილად არ ველოდები, არ არის ისეთი მდგომარეობა და არ არის რეალობა ისეთი, რომ ჩვენმა მთავარმა სტრატეგიულმა პარტნიორებმა რაიმე სანქციებზე დაიწყონ ლაპარაკი,“ – განაცხადა მდინარაძემ.

შეგახსენებთ, რომ საქართველოსთვის სანქციების დაწესებას “რესპუბლიკელი” კონგრესმენი მარკვეინ მალინი ითხოვს.

კანონპროექტის თანახმად, სანქციები დაუწესდება საქართველოს მთავრობას, თუ დადგინდება, რომ მისი მოქმედებები ძირს უთხრის ბიზნეს ოპერაციებში ჩართულ ამერიკელებთან დადებულ ხელშეკრულებებს და მათ წინაშე ნაკისრ ვალდებულებებს.

ამ შემთხვევაში საქართველოს შეერთებული შტატებისგან ფინანსური დახმარების შეჩერება ემუქრება ,კონკრეტულ პირებს კი შესაძლოა აშშ-ში შესვლა აეკრძალოთ.

სასტუმრო „Holiday Inn”-ში თიბისი ბანკის ინიციატივით მაკროეკონომიკური მიმოხილვის შესახებ პრეზენტაცია გაიმართა, სადაც ბანკის მომხმარებლებმა მაკროეკონომიკის მიმართულებით ქვეყანაში არსებულ ძირითადი მაჩვენებლების, დინამიკისა და პროგნოზების შესახებ მიიღეს ინფორმაცია. პრეზენტაციას თიბისი ბანკის მთავარი ეკონომისტი, ოთარ ნადარაია უძღვებოდა.

პრეზენტაციაზე განხილული იყო შემდეგი საკითხები:

· საერთაშორისო გარემოს ანალიზი საქართველოს მნიშვნელობის გათვალისწინებით;
· ევროსა და დოლარის შედარებითი რისკიანობის შეფასება;
· ეკონომიკის ზრდა და ლარის გაცვლითი კურსის პროგნოზი;
· დაკრედიტების ტენდენციები და პროგნოზი;
· სხვა აქტუალური საკითხები

თიბისი ბანკის მიმოხილვის მიხედვით, საქართველოსთვის მნიშვნელოვანი საგარეო შემოდინებები 2019 წელს ზომიერად ძლიერი იქნება. საერთაშორისო პროგნოზების შესაბამისად, ამ მხრივ წლის მეორე ნახევარი შედარებით უფრო მეტი აქტიურობით დახასიათდება. ამასთან, მართალია, დაკრედიტების მხრივ შენელებაა მოსალოდნელი, თუმცა სოლიდური ფისკალური ხარჯები მნიშვნელოვანი დამაბალანსებელი ფაქტორი იქნება. რაც შეეხება გაცვლით კურსს, საბაზო სცენარის მიხედვით, მოსალოდნელია ლარის გამყარება, განსაკუთრებით აშშ დოლართან მიმართებაში.პრეზენტაცია კითხვა-პასუხის რეჟიმში გაგრძელდა. დამსწრე აუდიტორიას შესაძლებლობა ჰქონდა, მაკროეკონომიკის საკითხებზე მათთვის საინტერესო შეკითხვებზე მიეღოთ პასუხები.

ახალ სახელოვნებო სივრცეში – „ბარნოვის ხელოვნების სახლში“, თიბისის მხარდაჭერით, გურამ წიბახაშვილის გამოფენა – „ზამთარი გადატანილია“ ფოტოგრაფის ამავე სახელწოდების წიგნის პრეზენტაციით გაიხსნა.ქართულ და ინგლისურენოვანი წიგნები გურამ წიბახაშვილის 250-მდე ფოტოს, ამ ფოტოების ისტორიებსა და ანა კორძაია-სამადაშვილის ესეებს აერთიანებს. წიგნი თიბისისა და გამომცემლობა „ინდიგოს“ თანამშრომლობით, ნინო ლომაძის რედაქტორობით გამოიცა.

წიგნის სათაურს ავტორი თავადვე ხსნის წიგნში მოყოლილი 1990-იანი წლების ერთ-ერთი ისტორიით:„ტყუილი ქვეყანა იშლებოდა.გორბაჩოვის დროს უკვე ვიცოდით, რომ ეს გარდაუვალი იყო.როგორც ყოველთვის, ეს ცვლილებაც იყო ძალიან მტკივნეული და აუცილებელი. უბრალოდ, არ გვეგონა, რომ ტკივილიც გადასატანი გვქონდა და თავიდან, მარტო გვიხაროდა.

მამუკა ცეცხლაძე მოვიდა ერთხელ, მაგას შეუძლია ძალიან მსუბუქად გითხრას მძიმე რამეები და მოდი, გამოფენა გავაკეთოთო. დავთვალოთ, რამდენი ვიქნებით შემოდგომაზე და მერე მარტში ვნახოთ, რამდენი დავრჩებითო. გამოფენასაც ეგრე დავარქვით – ზამთარი გადასატანია.“

ამ გამოფენიდან 25 წლის შემდეგ გურამ წიბახაშვილი დროში მოგზაურობს და თავის ფოტოებში საქართველოს ისტორიის იმ გარდამტეხ მონაკვეთს აღწერს, რომელშიც, ერთი მხრივ, ახალდაბადებული სახელმწიფო ურთულეს პერიოდს ებრძვის, მეორე მხრივ, კი ქვეყანაში თანამედროვე ხელოვნება მოულოდნელად იწყებს აყვავებას.

წიგნი და გამოფენა 1987-1995 წლების საქართველოს ისტორიის ერთდროულად ვიზუალური და ტექსტუალური ფორმატებით გაცოცხლების, გააზრებისა და შეჯამების საშუალებას იძლევა. 1990-იანი წლების ისტორიებს წიგნში თავმოყრილი ამბების გმირები ცოცხლად იმ ფილმში ჰყვებიან, რომელიც თიბისის ორგანიზებით სტუდია – “Film Asylum“-მა მოამზადა. ფილმი ხელოვნების სხვადასხვა დარგის – კინოს, სახვითი ხელოვნების, ლიტერატურისა და მუსიკის ისეთ წარმომადგენლებს აერთიანებს, როგორებიც არიან: ლაშა ბაქრაძე, გოგი გვახარია, ლადო ბურდული, ილიკო ზაუტაშვილი, ოლეგ ტიმჩენკო, მანანა არაბული, ანა კორძაია-სამადაშვილი, თეო ხატიაშვილი, რობი კუხიანიძე და სხვები. ფილმი ექსპოზიციის ნაწილად იქცა და მისი ნახვის საშუალება გამოფენაზე მისულ დამთვალიერებლებს აქვთ.

პროექტის ფარგლებში, გამომცემლობა „ინდიგოსა“ და თიბისის ორგანიზებით, კვირაში ერთხელ ხელოვნების სხვადასხვა დარგის წარმომადგენლების საუბრები შედგება.რუსთაველის N 18-ში „ბარნოვის ხელოვნების სახლი“ სწორედ ამ გამოფენით გაიხსნა და დაიწყო ფუნქციონირება. ახალი სივრცე გურამ წიბახაშვილის გამოფენას 31 მაისის ჩათვლით უმასპინძლებს.

დაპი თიბისი დაზღვევის mobile აპლიკაციაა, მისი დახმარებით შეგიძლია სახლიდან გაუსვლელად გამოიმუშავო დამატებითი შემოსავალი.

როგორ მუშაობს

თუ შენს სამეგობროში ან სანაცნობოში ვინმეს მანქანის ან სახლის დაზღვევა სურს, dapp-ის დახმარებით შეგიძლია მისი საკონტაქტო ინფორმაცია თიბისი დაზღვევაში გააგზავნო.

უფრო კონკრეტულად

აპლიკაციაში უნდა შეიყვანო დაინტერესებული პირის ტელეფონის და პირადი ნომერი და მას თიბისი დაზღვევის მენეჯერები ავტომატურად დაუკავშირდებიან. Dapp – ის საშუალებით ასევე შეგიძლია, თვალი ადევნო შენ მიერ შევსებული საკონტაქტო პირის დაზღვევის მიმდინარე სტატუსს.

საიდან გადმოვწერო DAPP

აპლიკაციის გადმოწერა app/play store-დან არის შესაძლებელი.

დეტალებს აპლიკაციის შესახებ გაეცანი თიბისი დაზღვევის ვებგვერდზე.

თიბისი ბანკი ქვეყნის ფარგლებს გარეთ მცხოვრებ საქართველოს მოქალაქეებს, ასევე მათ, ვინც საქართველოში ცხოვრობს და გზავნილებს უცხოეთიდან იღებს, ფინანსურ პროდუქტს – გამარტივებულ იპოთეკურ სესხს სთავაზობს.ფინანსური პროდუქტი უცხოეთში მცხოვრები საქართველოს მოქალაქეების საჭიროებებზეა მორგებული და მათ საქართველოში უძრავი ქონების შეძენას გაუმარტივებს. პროდუქტით სარგებლობა ქვეყნის ფარგლებს გარეთ მცხოვრებ საქართველოს ყველა მოქალაქეს შეუძლია, რომელსაც აქვს დანაზოგი ან ახორციელებს გზავნილებს. პროდუქტი განკუთვნილია ასევე მათთვის, ვინც საქართველოში ცხოვრობს და გზავნილებს უცხოეთიდან იღებს.

იპოთეკური სესხით სარგებლობა, ისევე როგორც უძრავი ქონების შერჩევა, დისტანციურადაა შესაძლებელი. ამისათვის თიბისი ბანკის ვებ-გვერდზე http://www.tbcbank.ge/web/ka/web/guest/mortgage-for-abroad-citizen მხოლოდ განაცხადის დაფიქსირებაა საჭირო.რეგისტრაციის გავლის შემდეგ, რაც მხოლოდ რამდენიმე მარტივ კითხვას მოიცავს, დაინტერესებულ პირებს თიბისი ბანკის წარმომადგენილი დაუკავშირდება და დეტალურ ინფორმაციას მიაწვდის სესხის პირობებისა და პროდუქტით სარგებლობისთვის საჭირო შემდეგი ნაბიჯების შესახებ.

მომხმარებლები, რომლებიც გამარტივებული იპოთეკური სესხით ისარგებლებენ, ავტომატურად ჩაერთვებიან წამახალისებელ კამპანიაში და შესაძლებლობა ექნებათ, გაემგზავრონ ოჯახის წევრთან. მგზავრობისა და სატუმროს ხარჯებს თიბისი ბანკის სრულად დაფარავს.აქცია 2019 წლის 1 მაისიდან დაიწყება და 30 ივნისის ჩათვლით გაგრძელდება.

იპოთეკური სესხის, ასევე წამახალისებელი კამპანიის შესახებ დეტალური ინფორმაცია განთავსებულია ბმულზე – http://www.tbcbank.ge/web/ka/web/guest/mortgage-for-abroad-citizen, სადაც ასევე შესაძლებელია პროდუქტით სარგებლობისთვის განაცხადის დაფიქსირება. დაინტერესებულ პირებს ინფორმაციის მიღება თიბისი ბანკის ფილიალებში, ასევე ცხელი ხაზის საშუალებითაც შეუძლიათ.

პარლამენტის ფრაქცია „ნაციონალური მოძრაობის“ წევრმა  სალომე სამადაშვილმა აშშ-ს მხრიდან საქართველოსთვის შესაძლო სანქციების დაწესების ფაქტი შეაფასა.

სამადაშვილის შეფასებით,იმის მიუხედავად რა გადაწყვეტილებას მიიღებს კონგრესი, საერთაშორისო დონეზე საქართველოს იმიჯი მაინც  სერიოზულად დაზიანდება.

„ამ კანონპროექტის გააქტიურება გამოიწვია იმ მოვლენებმა, რომელიც შეიქმნა “თიბისისთან” და ანაკლიის პორტთან დაკავშირებით იმიტომ, რომ რეალურად საფრთხე შეექმნა მორიგ ჯერზე დასავლურ ინვესტიციებს ჩვენს სახელმწიფოში და სწორედ ეს არის შედეგი. სამწუხაროდ, ეს არის ძალიან დამაზიანებელი ჩვენი სახელმწიფოსთვის იმიტომ, რომ მიუხედავად იმისა, ამ კანონპროექტს მიიღებენ თუ არ მიიღებენ კონგრესში, მისი არსებობა უკვე თავისთავად შეიძლება ითქვას, რომ არის უკიდურესად დამაზიანებელი საქართველოში უცხოური ინვესტიციების მოზიდვის თვალსაზრისით,“ –  განაცხადა სალომე სამადაშვილმა.

შეგახსენებთ, რომ საქართველოსთვის სანქციების დაწესებას “რესპუბლიკელი” კონგრესმენი მარკვეინ მალინი ითხოვს.

კანონპროექტის თანახმად, სანქციები დაუწესდება საქართველოს მთავრობას, თუ დადგინდება, რომ მისი მოქმედებები ძირს უთხრის ბიზნეს ოპერაციებში ჩართულ ამერიკელებთან დადებულ ხელშეკრულებებს და მათ წინაშე ნაკისრ ვალდებულებებს.

ამ შემთხვევაში საქართველოს შეერთებული შტატებისგან ფინანსური დახმარების შეჩერება ემუქრება ,კონკრეტულ პირებს კი შესაძლოა აშშ-ში შესვლა აეკრძალოთ.

აშშ-მ საქართველოს შესაძლოა, სანქციები დაუწესოს. კონგრესში საქართველოს მთავრობის წინააღმდეგ სანქციების დაწესებასთან დაკავშირებული კანონპროექტი, მეორედ შევიდა.

ინიციატორი  “რესპუბლიკელი” კონგრესმენი მარკვეინ მალინია.

კანონპროექტის თანახმად, სანქციები დაუწესდება საქართველოს მთავრობას, თუ დადგინდება, რომ მისი მოქმედებები ძირს უთხრის ბიზნეს ოპერაციებში ჩართულ ამერიკელებთან დადებულ ხელშეკრულებებს და მათ წინაშე ნაკისრ ვალდებულებებს.

ამ შემთხვევაში საქართველოს  შეერთებული შტატებისგან  ფინანსური დახმარების შეჩერება ემუქრება ,კონკრეტულ პირებს კი შესაძლოა აშშ-ში შესვლა აეკრძალოთ.