Blog

ფეისბუქი „საიდუმლო ქრაშის“ ფუნქციას ამატებს-ამის შესახებ სპეციალურ კონფერენციაზე მარკ ცუკერბერგმა განაცხადა.მისი თქმით, სერვისი ამერიკის შეერთებულ შტატებში წლის ბოლოს ამოქმედდება.ასევე დაემატება კიდევ 14 ქვეყანა, სადაც ფეისბუქის მომხმარებლები აღნიშნული ფუნქციით ისარგებლებენ.

“საიდუმლო ქრაშის” საშუალებით ფეისბუქზე ცხრა მეგობრის არჩევა იქნება შესაძლებელი.

თუ მათ აღნიშნული სერვისი გააქტიურებული აქვთ, ისინი შეტყობინებას მიიღებენ იმის შესახებ, რომ რომელიღაც მეგობარი მასზე “დაქრაშულია”, ხოლო თუ ამ მეგობრის საიდუმლო სიაში ერთმანეთი შეიყვანეს, ვინაობები მათთვის ცნობილი გახდება.

როგორც ფეისბუქის წარმომადგენლები ირწმუნებიან, პირადი მონაცემები დაცული იქნება და სოციალური ქსელი არ შეაგროვებს მონაცემებს საიდუმლო ქრაშების შესახებ.

ამ ეტაპზე, „საიდუმლო ქრაშის“ ფუნქცია ხელმისაწვდომია კოლუმბიაში, კანადაში, ტაილანდში, არგენტინასა და მექსიკაში, სადაც Facebook Dating-ით სარგებლობა შეიძლება.

დღეიდან კი, ეს სერვისი კიდევ 14 ქვეყანაში გახდება ხელმისაწვდომი, მათ შორის ბრაზილიასა და მალაიზიაში. ჩამონათვალში საქართველო ვერც ამჯერად მოხვდა, შესაბამისად ფეისბუქის ინოვაციური ფუნქციით საქართველოს ტერიტორიაზე ვერ ისარგებლებთ.

სტრუქტურულად არასწორი გადაწყვეტლება – ასე აფასებს „ევროპული საქართველოს“ წევრი ირაკლი აბესაძე ეროვნული უსაფრთხიების საბჭოს მდივნად შს მინისტრს გიორგი გახარიას დანიშვნას. აბესაძის განცხადებით, „ქართულმა ოცნებამ უშიშროების საბჭო თავიდანვე აქცია პოლიტიკური თამაშების სივრცედ. „პრეზიდენტთან კინკლაობის გამო ის ჯერ გააუქმეს, ახლა ისევ შექმნეს. პრინციპულად არასწორია მისი მდივანი იყოს ერთ-ერთი მინისტრი. არ შეიძლება გახარიას არაფორმალური გავლენების გაძლიერების პოლიტიკური ამოცანის გამო ასე არასწორად ყალიბდებოდეს უსაფრთხოების საბჭო. ეს არის სტრუქტურულად არასწორი გადაწყვეტლება და ემსახურება ნომინალური პრემიერის პირობებში გახარიას პოლიტუიკური არაფორმალური გავლენების გაძლიერებას“ – აცხადებს ირაკლი აბესაძე

„ერთი-ერთში პუტინის ნარატვის გამეორებაა, პირდაპირ რუსული პროპაგანდის ტირაჟირება. საქრთველოს მიერ ომის დაწყებასთან ერთად, ეს არის ყველაზე სკანდალური განცხადება, რაც კი გაუკეთებია ივანიშვილის მიერ ხელდასმულ პრეზიდენტს“ – ასე აფასებს „ნაციონალური მოძრაბის“ წევრი თინა ბოკუჩავა სალომე ზურაბიშვილის განცხადებას, რომ რეკომნდებულად არ მიაჩნია საქართველოში ამერიკული ბაზის აშენება. „ამერიკის ხმასთან“ ინტერვიუში სალომე ზურაბიშვილმა განაცხადა, რომ არ არის საჭირო, საჭიროა გადავდგათ ნაბიჯები, რომლებიც შეიძლება პროვოკაციად შეფასდეს.
„ჩვენს შორის არსებული ურთიერთგაგების საფუძველზე, უნდა გავაღრმავოთ და გავაფართოვოთ თანამშრომლობა და არ გადავდგათ ნაბიჯები, რომლებმაც შესაძლოა სხვების რეაქციის პროვოცირება გამოიწვიოს“, – განუცხადა ამერკის ხმას“ სალომე ზურაბიშვილმა

„ქართული ოცნების“ გენერალური მდივნი კახა კალაძე ამბობს, რომ მისთვის უცნობია რა კონტექსტში გააკეთა სალომე ზურაბიშვილმა განცხადება, რომ საქართველოში ამერიკული ბაზის აშენება რეკომენდებულად არ მიაჩნია.

„მე, უბრალოდ ჩემს მოსაზრებას გეტყვით და ერთი ცხადია, რომ გზა და არჩევანი, რომელიც ქართველმა ხალხმა, ჩვენმა ხელისუფლებამ აირჩია ეს არის იმ დიდი ოჯახის წევრობა, რომელსაც ჰქვია ევროპა, ნატო-სთან თანამშრომლობა. თქვენ იცით, რომ ამერიკა ყოველთვის იყო, არის და იქნება ჩვენი სტრატეგიული პარტნიორი და რაც მთავარია მეგობარი ქვეყანა. ჩვენი ქვეყნის დამოუკიდებლობიდან ყოველთვის გვერდში გვედგა, სხვადასხვა მნიშვნელოვანი პროექტი განხორციელდა და ზოგადად, ყველა გადაწყვეტილება მიღებული იქნება მოლაპარაკებების შედეგად, მოლაპარაკების შედეგის პროდუქტი იქნება ყველა გადაწყვეტილება, რომელსაც ჩვენ მივიღებთ. ამ ეტაპზე, ამ კონკრეტულ თემაზე, რაზეც მკითხეთ, საუბარი და განხილვა არ ყოფილა“, – განაცხადა თბილისის მერმა. კალაძის განმარტებით, სალომე ზურაბიშვილი არ არის პარტიის წევრი და მას არანაირი კავშირი არ აქვს „ქართულ ოცნებასთან“. “ ჩემი თხოვნა იქნება, პარტიასთან ნუ გავაიგივებთ ქალბატონ სალომე ზურაბიშვილს“, – განაცხადა კალაძემ.

შეგახსენებთ, რომ სალომე ზურაბიშვილმა “ამერიკის ხმისთვის” მიცემულ ინტერვიუში ამერიკული ბაზების შესახებ ისაუბრა. პრეზიდენტი  ფიქრობს, რომ ამერიკული ბაზების განთავსება საქართველოში სარისკოა, რადგან შესაძლოა ამ ფაქტმა რუსეთის გაღიზიანება გამოიწვიოს.

თელავში ძლიერი წვიმა და სეტყვაა.  სტიქიამ თელავის მუნიციპალიტეტის სოფლები დააზარალა.

მუნიციპალიტეტის მერის ინფორმაციით, ყველა შესაბამისი სამსახური მობილიზებულია. ამ დროისთვის უცნობია მიყენებული ზარალის ოდენობა.

გარემოს ეროვნული სააგენტოს ცნობით, 2 მაისს, დღის ბოლოდან 4 მაისის გვიან საღამომდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა. 

„ნიკა მელია რაც არის და ვინც არის, არ იცით? კიდე მიიღებს უზრდელობის და უტაქტობის გამო, უზრდელი და პროვოკატორია ჩვეულებრივი,გამომიწვია ჩხუბში, პროვკატორია ჩევულებრივი“ – ასე პასუხობს ჯურნალისტების შეკითხვას საპარლამენტო უმრავლესობის წევრი ზაზა პაპუაშვილი ნიკა მელიასთან მომხდარ ინციდენტთან დაკავშირებით.

შეგახსენებთ, დღეს დილით, პარლამენტის შესასვლელთან, სესიის დაწყებამდე ზაზა პაპუაშვილსა და ნიკა მელიას შორის დაპირისპირება მოხდა. როგორც პაპუაშვილი ამბობს, დაპირისპირება ნაწილობრივ ფიზიკური იყო, ნაწილობრივ – სიტყვიერი.

“ბევრი რამე შერჩა ზაზა პაპუაშვილს, არ ვაპირებ დეპუტატადწოდებული პაპუაშვილის ლანძღვა-გინების მოთმენას. ივანიშვილის კალთას ამოფარებულ პაპუაშვილს რა გაუკეთებია, ერთი სიკეთე მაინც გაუკეთებია“? – აცხადებს „ნაციონალური მოძრაობის“ ერთ-ერთი ლიდერი ნიკა მელია.

შეგახსენებთ, რომ  პარლამენტის შესასვლელთან სესიის დაწყებამდე  დეპუტატები ნიკა მელია და ზაზა პაპუაშვილი ერთმანეთს დაუპირისპირდნენ.

პარიზში საპროტესტო აქციის მონაწილეებსა და პოლიციას შორის შეტაკება მოხდა,აქციაზე  88 ადამიანი დააკავეს.

ფრანგული მედიასაშუალების ცნობით, პირველი შეტაკებები სამართალდამცველებსა და დემონსტრანტებს შორის  ლიონში მოხდა, სადაც საპროტესტო აქციაში ოთხი ათასამდე ადამიანი მონაწილეობს. მომიტინგეებმა პოლიციას საღებავები ესროლეს, პოლიციამ კი საპასუხოდ დემონსტრანტების წინააღმდეგ  ცრემლსადენი გაზი გამოიყენა.

აქციის მონაწილეები ასევე მოლოტოვის კოქტეილებს ისროდნენ.