Blog

40 ათასი ადამიანის ანგარიშიდან 100 მილიონზე მეტი მოიპარეს. დაზარალებულთა შორის არიან საქართველოს მოქალაქეები. ის პირები, ვინც კომპიუტერული ვირუსი შექმნეს და საბანკო ანგარიშებიდან დიდი ოდენობით თანხა მოხსნეს, საქართველოში დააკავეს.

გამოძიებით დადგინდა, რომ საქართველოში მყოფი ჯგუფი ვირუსის საშუალებით ათასობით საბანკო ბარათზე წვდომას ახერხებდა და თანხას ხსნიდა. 

საქმესთან დაკავშირებით საგამოძიებო მოქმედებები ორი წლის განმავლობაში მიმდინარეობდა. მასში ჩართული იყო  როგორც ამერიკის შეერთებული შტატები ასევე  ევროპის სხვადასხვა ქვეყანა და  მათ შორის საქართველოც.

კიბერთავდასხმის ორგანიზებული ჯგუფის წევრები საქართველოდან სპეციალური შექმნილი ვირუსით ახდენდნენ კომპანიებისა და პირების ანგარიშების თანხიდან მოპარვას.

პროკურატურის მიერ გავრცელებული განცხადებიდან ირკვევა, რომ ორი ჰაკერი საქართველოში დააკავეს. მათ სასამართლომ წინასწარი პატიმრობა შეუფარდა.

“საქართველოდან, აღნიშნულ ღონისძიებაში გენერალური პროკურატურასთან ერთად შინაგან საქმეთა სამინისტრო მონაწილეობდა. ორი წლის მანძილზე, ამერიკელ კოლეგებთან ერთად ტარდებოდა საგამოძიებო მოქმედებები ტრანსნაციონალური ორგანიზებული კიბერდანაშაულის ქსელის იმ მონაწილეების გამოსავლენად და უტყუარი მტკიცებულებების მოსაპოვებლად, რომლებიც დანაშაულებრივ საქმიანობას საქართველოდან ახორციელებდნენ.ამერიკელ კოლეგებთან ერთობლივი მუშაობის შედეგად იდენტიფიცირებულია კონკრეტული დაზარალებული კომპანიები და საქართველოში მყოფი ორი პირი. GozNym-ის ქსელის ლიდერის და ორგანიზატორის – ა.კ.-ს (რომელიც ცნობილია ზედმეტსახელით “None”), აგრეთვე მისი მთავარი ასისტენტის, მ.კ.-ს (რომელიც ცნობილია ზედმეტსახელით “Phantom”) მიმართ დაწყებულია სისხლისსამართლებრივი დევნა.

ორგანიზებული დანაშაულებრივი ჯგუფის წევრები ა.კ. და მ.კ., საქართველოს შს სამინისტროს თანამშრომლებმა 2019 წლის 8 მაისს მოსამართლის განჩინების საფუძველზე დააკავეს. მათ იმავე დღეს საქართველოს გენერალურმა პროკურატურამ ბრალდება წარუდგინა.კერძოდ, NONE-ს და PHANTOM-ს ბრალად ედებათ აშშ-ს ათამდე კომპანიის მიმართ ჩადენილ შემდეგ დანაშაულებზე: კომპიუტერულ სისტემაში უნებართვო შეღწევისთვის (საქართველოს სსკ-ის 284-ე მუხლი); კომპიუტერული სისტემიდან კომპიუტერული მონაცემების უნებართვოდ მოპოვებისა და მათი უკანონოდ შენახვა-გავრცელებისთვის, რამაც მნიშვნელოვანი ზიანი გამოიწვია (158-ე მუხლი); კომპიუტერული მონაცემის და კომპიუტერული სისტემის უკანონოდ გამოყენებისთვის (285-ე მუხლი); ორგანიზებული ჯგუფის მიერ ჩადენილი ქურდობისთვის, რამაც დიდი ოდენობით ზიანი გამოიწვია (177-ე მუხლი)”- აღნიშნულია პროკურატურის განცხადებაში.

ცრუ ჩვენების მიცემის გამო  არასრულწლოვანი   დ.ღ. საქალაქო სასამართლომ დამნაშავედ ცნო. სასამართლო პროცესზე პროკურატურა დასკვნითი სიტყვით წარსდგა. 22 მაისს სასჯელის დანიშვნის სხდომა გაიმართება.
დ.ღ.

2017 წლის პირველ დეკემბერს ხორავას ქუჩაზე მომხდარი მკვლელობის ძირითადი საქმიდან გამოყოფილი საქმის ფარგლებში, გამოძიებით დადგინდა, რომ დ.ღ.-მ, რომელიც უშუალოდ შეესწრო განსაკუთრებით მძიმე დანაშაულის ჩადენის ფაქტს, განზრახ არასწორი ინფორმაცია მიაწოდა სასამართლოს და მისცა ცრუ ჩვენება.

გამოძიებამ ასევე დაადგინა, რომ სასამართლო სხდომამდე დ.ღ. შეხვდა გარდაცვლილი დავით სარალიძის მშობელს და ესაუბრა ხორავას ქუჩაზე მომხდარი მკვლელობის ფაქტობრივ გარემოებებთან დაკავშირებით, თუმცა, სასამართლო განხილვის სტადიაზე მსგავსი შეხვედრა უარყო.

2017 წლის პირველ დეკემბერს, ხორავას ქუჩაზე მომხდარი მკვლელობის ძირითადი საქმიდან გამოყოფილი საქმის ფარგლებში დააკავეს. მოგვიანებით ის 5000 ლარიანი გირაოს საფუძველზე სასამართლო დარბაზიდან გაათავისუფლეს. არასრულწლოვანს ექვსთვიანი საპატიმრო ვადა 19 იანვარს ეწურებოდა.

17 მაისს დაგეგმილ ღონისძიებებთან დაკავშირებით, შინაგან საქმეთა სამინისტრო განცხადებას ავრცელებს. უწყების ინფორმაციით, პოლიცია უზრუნველყოფს როგორც საზოგადოებრივი უსაფრთხოებისა და წესრიგის დაცვას, ისე თითოეული ადამიანის გამოხატვის თავისუფლებას, რომელიც არ გასცდება კანონით დასაშვებ ფარგლებს.

„ადამიანის უფლებების დაცვა შინაგან საქმეთა სამინისტროს ერთ-ერთი უმთავრესი პრიორიტეტია. სამინისტრო იცავს გამოხატვის თავისუფლებას ადამიანის პოლიტიკური და სხვა შეხედულების, სქესის, რელიგიური კუთვნილების, სექსუალური ორიენტაციის, გენდერული იდენტობის და სხვა ნიშნის მიუხედავად. ჩვენს ხელთ არსებული ინფორმაციით, 2019 წლის 17 მაისს თბილისში, სხვადასხვა ადგილზე გაიმართება ღონისძიებები.

პოლიცია უზრუნველყოფს როგორც საზოგადოებრივი უსაფრთხოებისა და წესრიგის დაცვას, ისე თითოეული ადამიანის გამოხატვის თავისუფლებას, რომელიც არ გასცდება კანონით დასაშვებ ფარგლებს. სამინისტრო მოუწოდებს ღონისძიებების ორგანიზატორებს და მონაწილეებს დაიცვან კანონი. წინააღმდეგ შემთხვევაში, პოლიცია იმოქმედებს საკუთარი მანდატის ფარგლებში. სამართალდარღვევის თითოეული ფაქტი დაუყოვნებლივ იქნება აღკვეთილი“, – ნათქვამია შსს-ს მიერ გავრცელებულ  განაცხადებაში.

საქართველოში 3.6 მაგნიტუდის სიმძლავრის მიწისძვრა მოხდა. ბიძგები  თბილისის დროით 14 საათსა და 08 წუთზე დაფიქსირდა. ამის შესახებ ინფორმაციას დედამიწის შემსწავლელ მეცნიერებათა ცენტრი ავრცელებს.

ეპიცენტრი წალკის მიმდებარე ტერიტორია იყო.

ქართული ოცნების“ გენერალური მდივანი კახა კალაძე აცხადეს, რომ, ყველას მიმართ, ვინც საარჩევნო პროცესს ხელს შეუშლის, კანონის შესაბამისი ზომები განხორციელდება.

„ყოველთვის ერთნაირად ხდება ხოლმე, არჩევნებისას მაქსიმალურად ხდება ხოლმე ვითარების დაძაბვა, შესაძლოა, ეს ხელოვნურადაც ხდებოდეს. მთავარი და მნიშვნელოვანია არჩევნები ჩატარდეს მშვიდ გარემოში, რასაც ჩვენ უზრუნველვყოფთ. მთავარი ამოცანაა, მოსახლეობასთან, საზოგადოებასთან ერთად, შვძლოთ, პირველივე ტურში დამთავრდეს არჩევნები“ – აცხადებს კახა კალაძე

გაერთიანებული ოპოზიციის განცხადებით, „ქართულმა ოცნებამ“ საარჩევნოდ ჯიხაშკარი ზვიად გამსხურდიას დევნასა და ლიკვიდაციაში მონაწილე გია მხეიძეს ჩააბარა. ნუგზარ წიკლაურის თქმით, გია მხეიძის ზუგდიდში ჩამოყვანა მიმდინარე დაძაბულობის ფონზე ადასტურებს, რომ ხელისუფლებას ძალადობრივი გზა აქვს არჩეული. ვინაიდან წიკლაურის განმარტებით, მხეიძე 1993-94 წლებში უშუალოდ მონაწილეობდა პრეზიდენტ ზვიად გამსახურდიას დევნისა და ლიკვიდაციის ოპერაციაში. წიკლაურის თქმით, მხეიძე ასევე ცნობილია 2016 წელს ჯიხაშკარის საარჩევნო უბნების დარბევით, რისთვისაც იხდიდა სასჯელს. წიკლაურის თქმითვე, მთავრობის წევრების მხრიდან გაკეთებული განცხადებები გამსახურდიას ხსოვნის პატივისცემესთან დაკავშირებით, ფარისევლობაა.

ქართველი სუმოისტი ლევან გორგაძე მეტსახელად ”ტოჩინოშინი” ნაცუ ბაშოს წაუგებლად განაგრძობს.

დღეს მან რანგით პირველი მაეგაშირა ჰოკუტოფუჯი დაამარცხა. იაპონელი რიკიში ლევანისთვის საკმაოდ უხერხული მეტოქე იყო, თუმცა ქარველმა გოლიათმა შეხვედრა მარტივად მოიგო, მეტოქე ძალის ხარჯზე აჯობა, კიდესთან მიიყვანა და იორიკირის ილეთით დაამარცხა.

ხვალ ტოჩინოშინი სეკივაკე იჩინოჯოს დაუპირისპირდება. იჩინოჯოსთან ლევანს დიდი უპირატესობა აქვს. 20 დაპირისპირებიდან ლევანმა მას 15 მოუგო.

შეგახენებთ ლევანი ამ ბაშოზე სეკივაკეს წოდებით გამოდის და მას ამ ბაშოზე მინიმუმ 10 გამარჯვება სჭირდება, რათა ოძეკის ტიტული დაიბრუნოს. ჯერ-ჯერობით იგი შეუდარებლად გამოიყურება და ამას იაპონური მედიაც ამჩნევს. მათი თქმით, ქართველ გოლიათს ”მისტიური” ძალები დაუბრუნდა.

(more…)