Blog

ცენტრალურმა საარჩევნო კომისიამ მთაწმინდის ოლქის მაჟორიტარული არჩევნების მეორე ტურის წინასწარი შედეგები გამოაქვეყნა. დათვლილია 31–ივე უბნის მონაცემები, შედეგები კი ასეთია:

ლადო კახაძე 61.83%, შალვა შავგულიძე 38.17%

როგორც ცესკოს თავმჯდომარე თამარ ჟვანიამ ბრიფინგზე განაცხადა, ამომრჩეველთა ხმების 61,83% (10738 ხმა) “ქართული ოცნების” კანდიდატმა ლადო კახაძემ მიიღო, ხოლო 38.17% (6630ხმა) ბლოკ “ევროპული საქართველო – თავისუფალი დემოკრატების” კანდიდატმა შალვა შავგულიძემ.

მთაწმინდის მაჟორიტარულ ოლქში მეორე ტურში 18 105-მა ამომრჩეველმა მიიღო მონაწილეობა, რაც ამომრჩევლის 41.23 პროცენტია.

ზაზა სარალიძის ემოციური გამოსვლა “კვირის აქცენტებში” – ზაზა სარალიძემ ემოციები ვერ შეიკავა და სტუდიაში ფეხზე წამოდგა. შემდეგ კი სტუდია დატოვა. სარალიძემ თქვა, რომ ზოგიერთი ადამიანი ცდილობს მას მოღალატის იარლიყი მიაკეროს.

“ვინც ჩემს წინააღმდეგ წავა და ჩემი შვილის წინააღმდეგ, იმიტომ რომ ჩემს უკან არ დგას ჩემი შვილი მარტო, ჩემს უკან დგას ჩემი ქალიშვილი, ჩემი მეუღლე რომელიც ატირებული მელოდება ეხლა, ჩემი შვილის ძმაკაცები, დრეს ჩემი შვილის ძამაკაცმა სული დალია, თქვენ აქ დამდგარხართ და ზაზა სარალიძე მოღალატეაო, თქვენი დედაც მოვ…ან ყველასი, ვინც ჩემზე იძახის მოღალატეაო…. ეს არ არის სამართლის დასასრული, ყველას დედას მოვ…ავ ვინც გზაზე გადამეღობება, მოსაკლავი იქნება მოვკლავ, თუ ესენი ჭეშმარიტებას არ მიიყვანენ მოვკლავ ყველას,”-აცხადებს ზაზა სარალიძე.

ზაზა სარალიძე უარს ამბობს ჟურნალისტებთან კავშირზე და მოითხოვს რომ ყველამ თავი დაანებოს.

“არც ერთი ჟურნალისტი არ დავინახო ჩემს გვერდით”-ამ ფრაზით დატოვა მან ინტერვიუ და გავიდა სტუდიიდან.

იხილეთ გადაცემის ფრაგმენტი

ერთ–ერთი დამკვირვებელი, რომელსაც დღეს მთაწმინდის არჩევნების მსვლელობისას 18–ე საარჩევნო უბანზე თავს დაესხნენ თამარ ჩერგოლეიშვილის შვილია. ამის შესახებ ტაბულას დამფუძნებელმა სოციალურ ქსელში დაწერა:

“დამკვირვებლები, რომლებსაც თავს დაესხნენ არიან ჩემი შვილი – კატო კოპალეიშვილი და მისი მეგობარი ანა ბარამიძე (ჩემი მეგობრის შვილი Eka Japaridze).

მე სახელმწიფოს ვთხოვ ეს 41 ნომერი ქაჯი კანონის დაცვით და სიმკაცრის იმ სტანდარტით დასაჯოს, რა სტანდარტითიც ლორთქიფანიძის პიჯაკის შემთხვევაში გამოიყენეს.

არაფერს ზედმეტს არ ვითხოვ – პოლიტიკური ოპონენტების მიმართ რა სტანდარტიც თავად შექმენით, ზუსტად იმ სტანდარტით დასაჯეთ ეს პრიმიტივიც.

ასე ჯობია.

შინაგან საქმეთა სამინისტრო / Ministry of Internal Affairs of Georgia

სიუჟეტი ასეთი იყო:

კატო იდგა უბნის შესასვლელში და უბანთან მიმდინარე პროცესს იღებდა. მივიდა ეს ქალბატონი, უთხრა ნუ იღებო. კატომ აუხსნა რომ მისი ინტერესია უბანთან მიმდინარე პროცესის გადაღება და ამის უფლება აქვს. თუ ვინმე წუხდება, შეუძლია უბანს გაეცალოს.

რასაც მოყვა აი ეს ამბავი – ანა ბარამიძე იღებდა, იმას დაარტყა კატო მოასწრო ჩაწერა.“–წერს თამარ ჩერგოლეიშვილი.

ქართული ოცნების აქტივისტებმა დამკვირვებლებს მე-18 საარჩევნო უბანზე სიტყვიერი და ფიზიკური შეურაცხყოფა მიაყენეს.

დამკვირვებლები ყვებიან, რომ მათ ჯერ კაცმა შეაგინათ, შემდეგ კი ქალმა ერთ-ერთი მათგანისთვის ტელეფონის წართმევა სცადა.

მოგვიანებით თამარ ჩერგოლეიშვილმა ამ თემას კიდევ არაერთი სტატუსი მიუძღვნა, მათ შორის კახა კალაძის განცხადებებსაც უპასუხა:

“მიუხედავად იმისა, რომ დილიდან ადგილი ჰქონდა ოპონენტების მხრიდან სიტუაციის დაძაბვის, პროვოკაციების მცდელობას, არცერთი წამით არ შეგვპარვია ეჭვი ჩვენს საერთო გამარჯვებაში” – კალაძე

აჰა UCL ში და Lycée des Pontonniers- ში ასწავლეს ჩემს შვილს პროვოკაციების მოწყობა ქოცი ძონძებისთვის და მიხარია რომ არ აყევით სტერილურო ჯაგებო.“–დაწერა ჩერგოლეიშვილმა.

“როლანდ გაროს” ფინალში  რაფაელ ნადალმა ტიმ დომინიკი დაამარცხა და  მეთორმეტედ გახდა  საფრანგეთის ღია  პირველობის გამარჯვებული.

ნადალმა დომინიკი ანგარიშით 6-3, 5-7, 6-1, 6-1 დაამარცხა.

33 წლის ნადალი მსოფლიოს მეორე ჩოგნად არის განთესილი.  ნადალი როლანდ გაროსის ფინალში არასოდეს დამარცხებულა. მას ტურნირზე 94 შეხვედრა აქვს ჩატარებული და აქედან მხოლოდ 2 მარცხი აქვს.

მთაწმინდის ოლქში კენჭისყრის პროცესის დასრულებიდან რამდენიმე წუთში კახა კალაძემ საკუთარ კანდიდატს გამარჯვება მიულოცა.

„20:00 საათზე დასრულდა ხმის მიცემის პროცესი და საარჩევნო უბნები დაიხურა. ახლა იწყება ხმების დათვლის პროცესი და ყველა უნდა დაველოდოთ საბოლოო შედეგებს, თუმცა წინასწარი მონაცემებით დაფიქსირებული დიდი უპირატესობა მაძლევს საშუალებას, რომ მივულოცო ბატონ ლადო კახაძეს. მადლობას ვუხდი ყველა ჩვენს მხარდამჭერს ამ გამარჯვებისთვის, მადლობას ვუხდით თითოეულ გუნდის წევრს და არჩევნებში ჩართულ ადამიანებს. შუალედურ არჩევნებზე ჩვენ კიდევ ერთხელ ვაჩვენეთ, რომ ვართ ძლიერი გუნდი და რაც მთავარია, გვაქვს ქართველი ხალხის მხარდაჭერა და შეგვწევს ძალა ვმართოთ და საზოგადოებასთან ერთად, სწორი მიმართულებით განვავითაროთ ჩვენი ქვეყანა. ეს შედეგი ჩვენთვის ნამდვილად არ ყოფილა მოულოდნელი რადგან ჩენ ყოველთვის გვჯეროდა და გვჯერა ქართველი ხალხის. მე ყოველთვის მჯეროდა და მჯერა, რომ თბილისელებს, მთაწმინდელებს არ გაუჭირდებათ სწორი გადაწყვეტილების მიღება, სწორი ანალიზის გაკეთება, შავის და თეთრის გარჩევა. ყოველთვის გააკეთებენ არჩევანს არა ტოტალიტარული წარსულის, არამედ სამართლიანი მომავლის, განვითარების სასარგებლოდ“ – განაცხადა კახა კალაძემ.