Category: ჯანმრთელობა

ყოველდღიური პილინგი

რაოდენ უცნაურიც არ უნდა იყოს, ექიმი ლანსერი არ ეთანხმება კოლეგებს, რომლებიც ამტკიცებენ რომ ხშირი პილინგი აზიანებს ეპიდერმისს და კანის დამცავ შრეს ანადგურებს. პირიქით, თავის ყოველ ლექციას ის იწყებს სიტყვებით, რომ იდეალური კანისკენ მიმავალი გზა ყოველდღიური პილინგით იწყება. მისი თქმით ექსფოლიაცია და უფრო ღრმა აშრევების პროცედურები ჯანსაღი და ახალგაზრდა სახის კანის საწინდარია. მიუხედავად იმისა, რომ ამ მეთოდთან დაკავშირებით აზრთა სხვადასხვაობაა, კოსმეტოლოგის პაციენტები ამ მეთოდით და შედეგით კმაყოფილები არიან.

დერმატოლოგის რჩევით დამატენიანებელი კრემი კანზე დაბანიდან მალევე, ერთი წუთის განმავლობაში უნდა წაისვათ. ასეთ დროს კანსა და კრემს შორის უფრო მეტი ტენი ნარჩუნდება. წინააღმდეგ შემთხვევაში კანის ზედაპირიდან წყალი ორთქლდება და დატენიანება ნაკლებ ეფექტური იქნება.

ჰაროლდ ლანსერი გვირჩევს საერთოდ არ გამოვიყენოთ სახის გასაწმენდად ბამბის ფირფიტები: ისინი უფრო მეტს შეიწოვენ, ვიდრე გასცემენ და ძვირადღირებული კოსმეტიკის არაეკონომიურ ხარჯვას იწვევენ. ჯობს სახის ტონიკით პირდაპირ ჩამოიბანოთ სახე. ტონალური კრემი კი ყოველგვარი ღრუბლების და ფუნჯების გარეშე, პირდაპირ გაინაწილეთ სახეზე თითებით.

შამპუნი სახისთვის

რა თქმა უნდა უცნაურად ჟღერს, მაგრამ ექიმმა იცის რაზეც ლაპარაკობს: სახის გაღიზიანებისგან ქერტლის შამპუნი დაგიცავთ. მის შემადგენლობაში ხომ ყოველთვის არის თუთია. ეს  მგრძნობიარე კანის პატრონებსაც ეხება.

მნიშვნელოვანია ოთახის ტემპერატურის წყალი დალიოთ და ამავე ტემპერატურის წყლით დაიბანოთ სახე. ასეთ შემთხვევაში კანი ნაკლებად კარგავს ტენს და აღარ გამოიყურება მოდუნებულად.

კვირაში ერთხელ აუცილებელია განტვირთვის დღე მოაწყოთ მაკიაჟის გარეშე, ანუ 24 საათის განმავლობაში სახეზე მაკიაჟი არ გაიკაროთ. მხოლოდ დამატენიანებელი და მკვებავი კრემი.

ჰაროლდ ლანსერი აღნიშნავს, რომ მათი კანი ვინც ამ წესს იცავს ბევრად უკეთ გამოიყურება ვიდრე მათი, ვინც ამ წესს არ ცნობს. საქმე მარტვადაა: პირველი საკვების მიღებამდე კბილების გახეხვის შემთხვევაში არ მოგიწევთ საკვებთან ერთად იმ უამრავი ბატერიის მირთმევა, რომლებიც პირის ღრუში ღამის განმავლობაში დაგროვდა.

ექიმის თქმით ნაოჭების და ტუჩცხვირის ღარები გაჩენას ძირითადად უკონტროლო მიმიკა აპროვოცირებს. ტუჩების კვნეტა, მათი მოკუმშვის მანერა ან მაგალითად სელფისთვის პოპულარული ტუჩების წინწამოწევა – ეს ყველაფერი უარყოფითად აისახება სახის კანზე.

ვარსკვლავური დერმატოლოგი გვირჩევს, დიდად ნუ გაგიტაცებთ SPF დაცვა. ანუ თუ დამატენიანებელი კრემი უკვე შეიცავს ულტრაიისფერ დაცვას, არ ღირს ტონალური კრემიც SPF დაცვით იყოს – ის კანისთვის დამატებით დატვირთვად იქცევა, რადგან უფრო მყარი ტექსტურა აქვს. იდეალურია, თუ ყოველდღიური მოხმარებისთვის კომბინირებული საშუალებების ისეთ მსუბუქ ფორმულებს გამოიყენებთ, როგორიცაა BB და CC კრემები, რომლებიც კანს ატენიანებენ კიდევაც და დაფარვასაც უზრუნველყოფენ.

კოსმეტოლოგი ეპილაციის წინ ალკოჰოლის მიღებას გვიკრძალავს. ერთმა ჭიქა ღვინომაც კი შესაძლოა პორცედურის ეფექტურობა შეამციროს და ტკივილის შეგრძნება გააძლიეროს. ლანსერი გვირჩევს ფეხის გაპარსვას მშრალად, თუმცა წინასწარ კანის სკრაბით დამუშავებას. ეპილაციის შემდეგ კი კანზე ზეთის ან კრემის წასმას. ამგვარად თავიდან აიცილებთ კანის გაღიზიანებას და თმის ჩაზრდას კანში.

არსებობს ორი მოსაზრება, რომლებიც ერთი შეხედვით ერთმანეთს ეწინააღმდეგება. ერთის მიხედვით ბავშვის გაჩენა ჯანმრთელობისთვის სასარგებლოა. მეორე მოსაზრების თანახმად კი ფეხმძიმობა და მშობიარობა ორგანიზმს ასუსტებს. რომელია აქედან მართალი და რამდენი შვილის გაჩენაა ქალისთვის რეკომენდირებული.

{{ARTICLEIMAGE}}

სპეციალისტები ერთხმად აღნიშნავენ, რომ ბავშვის გაჩენა ქალის ორგანიზმისთვის აუცილებელია. ფეხმძიმობა და მშობიარობა ქალის იმუნიტეტის და ტონუსის უძლიერესი აქტივატორია. ეს პროცესი ქალის ორგანიზმის ყველა ფარული რეზერვის მობილიზებას იწვევს, ხელს უწყობს ჯანმრთელობას და სიცოცხლის ხანგრძლივობას.  ექიმების ნაწილის აზრით ქალის ორგანიზმი სამი–ოთხი შვილის გაჩენაზეა “გათვლილი“ და თუ ეს არ ხდება, ჩნდება სხვადასხვა დისბალანსი ორგანიზმში და გარკვეული დაავადებებიც.

თუმცა ცალსახა პასუხი კითხვაზე,, რამდენი ბავშვის გაჩენა ჯობს ქალის ორგანიზმისთვის არ არსებობს. ეს ბევრ ფაქტორზეა დამოკიდებული. სხვადასხვა ქალი სხვადასხვაგვარად იტანს ფეხმძიმობას და მშობიარობას. ზოგი ხუთ–რვა შვილს აჩენს და ეს მათ ჯანმრთელობაზე უარყოფითად არ აისახება, ზოგი კი ერთი შვილის გაჩენის შემდეგაც დიდხანს ვერ ახერხებს ძალების აღდგენას. ყველაფერი ინდივიდუალურია.

რა პერიოდულობით შეიძლება ბავშების გაჩენა

თეორიულად ქალი შესაძლოა ახალი ფეხმძიმობისთვის მშობიარობიდან ორ–სამ თვეში იყოს მზად. ზოგიერთს სჯერა, რომ ძუძუთი კვების დროს დაფეხმძიმება შეუძლებელია, თუმცა სწორედ ამას შეყავს შეცდომაში ბევრი დედა და მოულოდნელად ფეხმძიმდება. ხშირად შეგხვდებათ ერთ წელს დაბადებული და–ძმა, რაც ზემოთმოყვანილ მითს აცამტვერებს.

სიტუაცია შესაძლოა გართულდეს, თუ წინა ჯერზე ქალმა საკეისრო კვეთით იმშობიარა. თუ დაფეხმძიმება საკეისრო კვეთის შემდეგ პირველ ექვს თვეში მოხდა, ამ შემთხვევაში ყველაფერი ნაკერის მდგომარეობაზეა დამოკიდებული. არ არის გამორიცხული, ფეხმძიმობის დიდი ნაწილის გატარება ქალს სტაციონარში მოუწიოს, რომ ნაკერი არ გაიხსნას. იდეალურ შემთხვევაში საკეისრო კვეთის შემდეგ დაფეხმძიმება 1.5–2 წელი არ არის სასურველი.

ნორმალურ ვითარებაში ქალის ორგანიზმი ბუნებრივი გზით მშობიარობის შემდეგ 2–3 წელში ახერხებს სრულად  აღდგენას. ყოველი  შემდგომი მშობიარობა კი აღდგენის პერიოდს ახანგრძლივებს. თუ ქალი შვილების გაჩენას კიდევ აპირებს, სწორი ცხოვრების წესი უნდა აირჩიოს: თავი არიდოს ზედმეტ დატვირთვას სამსახურში და სახლში, დაკავდეს სპორტით, იკვებოს ჯანსაღი საკვებით და მიიღოს ვიტამინები.

ხშირი ფეხმძიმობა და მშობიარობა ორგანიზმისთვის დიდი სტრესია, რადგან ფეხმძიმობის პერიოდში ინტენსიური ჰორმონალური გადაწყობა ხდება. თუ ფეხმძიმობა ხშირია, ეს ენდოკრინული დარღვევების და შინაგანი ორგანოების პრობლემების გამომწვევი შეიძლება გახდეს. ეს შეიძლება საშიში იყოს როგორც დედისთვის, ასევე ბავშვისთვისაც. არსებობს რიგი პათოლოგიები, რომელთა შემთხვევაში მშობიარობა საერთოდ აკრძალულია ან ნებადართულია მხოლოდ გარკვეული დათქმით. მათ შორის არის  მაგალთად მეორე ხარისხის შაქრიანი დიაბეტი. ამ დაავადების დროს არ არის რეკომენდირებული ერთზე მეტი ბავშვის გაჩენა. ფეხმძიმობის დროს კი მომავალი დედა ზუსტად უნდა დაემორჩილოს ექიმების რეკომენდაციებს.  არასასურველი პროცესების განვითარების რისკს ზრდის როგორც მეტისმეტად ადრეული, ასევე გვიანი ფეხმძიმობა. როგორც ექიმები ამტკიცებენ,  ზოგადად, ფეხმძიმობისთვის ოპტიმალური ასაკი20–30 წელია.

რა თქმა უნდა,  წინა საუკუნეებში ქალები იმდენ შვილს აჩენდნენ, “რამდენსაც ღმერთი მისცემდა,“ ზოგჯერ ყოველ წელს – 17–18 წლის ასაკიდან მენოპაუზამდე. იმ დროს ეს გარდაუვალი იყო, რადგან მაღალი იყო ბავშვთა სიკვდილიანობა, არ არსებობდა ჩასახვის საწინააღმდეგო საშუალებები.  გარდა ამისა, ჩვენი წინაპრები ეკოლოგიურად სუფთა პროდუქტებს მიირთმევდნენ და არა ქიმიას, უფრო ხშირად ინფექციით კვდებოდნენ, ვიდრე კიბოთი ან ათეროსკლეროზით. თუმა ხშირი მშობიარობა საკმაოდ უარყოფითად აისახებოდა ქალის ორგანიზმზე და ჯანმრთელობაზე. ორმოცი წლის ასაკში ქალები მოხუცებივით გამოიყურებოდნენ. მათ უწევდათ ბავშვების გაზრდა, სახლის მოვლა, ზოგჯერ ფიზიკური შრომა ოჯახურ მეურნეობაში. ახლა კი 40 წლის ქალებს ასაკს საერთოდ ვერ შეატყობ.

რისკჯგუფები

ხანგრძლივი კვლევების შედეგად ექიმები მივიდნენ დასკვნამდე, რომ ქალისთვის ფეხმძიმობის და მშობიარობის ოპტიმალური რაოდენობა ორიდან ოთხამდეა. მეცნიერთა ერთი ჯგუფი 37 წლის მანძილზე აკვირდებოდა 45 000 ქალს და მივიდა დასკვნამდე, რომ დედებში, რომლებმაც მხოლოდ ერთი შვილი გააჩინეს ნაადრევი სიკვდილის რისკი 3.7% იყო.   მათში კი ვინც 5 –9 შვილი გააჩინა – 13.5%.  მათ შორის, ვინც 2–4 შვილი გააჩინა ნაადრევი სიკვდილის რისკი მინიმალურია.  გარდა ამისა, მრავალშვილიან დედებს უფრო ხშირად უვითარდებოდათ სიმსივნე, დიაბეტი, გულ–სისხლძარღვთა სისტემის დაავადებები. თუმცა უნდა ითქვას, რომ პირდაპირი ურთიერთკავშირი ამ დაავადებებსა და მშობიარობის რაოდენობას შორის ჯერჯერობით არ დადგენილა.

მოკლედ, საშუალოდ ქალისთვის უსაფრთხო და რეკომენდირებულია სამჯერ მშობიარობა. თუმცა ყველაფერი რა თქმა უნდა ინდივიდუალურია და კონკრეტულ გარემოებებზეა დამოკიდებული.

{{ARTICLEIMAGE}}21 საუკუნეში ვცდილობთ ზედმეტი წონის პრობლემას გონივრულად მივუდგეთ: ვვარჯიშობთ, ჩვეულებრივ ნახშირწყლებს ვერიდებით, ვცდილობთ ხილი და ბოსტნეული მივირთვათ, რაციონი ვაკონტროლოთ. თუმცა ისინიც კი, ვინც კვების რაციონს ყურადღებით არჩევს, პატარა სისუსტეს ვერ ერევიან. ეს არის გვიანი ვახშამი. არადა სწორედ ეს “პატარა ცოდვა“ შეიძლება გახდეს საბედისწერო. ბევრი დიეტოლოგი გვირჩევს, საღამოს ექვსი სათის მერე არაფერი ვჭამოთ. ეს წესი უნივერსალური არ არის, მაგრამ მეცნიერების მიერ მართლაც დამტკიცებულია, რომ სწორედ ღამის საათებში გადამეტებული ჭამა იწვევს წონის მნიშვნელოვან მატებას. როგორ მუშაობს თქვენი ორგანიზმი და რა მოსდის სხეულს, როცა ღამით საკვებს მიირთმევთ.

რატომ ვგრძნობთ შიმშილს განსაკუთრებით მწვავედ ღამის საათებში

დიეტაზე ყოფნისას ნებისყოფა ყველაზე ხშირად საღამოს გვიმტყუნებს ხოლმე. ამას სამი მიზეზი აქვს:
1. ფიზიოლოგიური, ანუ მარტივად რომ ვთქვათ საკვების ნაკლებობა დღის განმავლობაში.
2. ფარული შიმშილი. დაუბალანსებელი კვება დღის განმავლობაში ორგნაიზმში საკვები ნივთიერებების უკმარისობას იწვევს.
3. ფსიქოლოგიური, როცა უბრალოდ სტრესის მოსახსნელად ვჭამთ.

როგორ მოქმედებს ღამით კვება ორგანიზმზე

ღამით, როგორც წესი ადამიანს სძინავს, ამიტომაც ორგანიზმი მშვიდ რეჟიმზეა გადართული. და აი, უცებ კუჭში ხვდება მაგალითად, სტეიკი შემწვარი კარტოფილით და სალათით, თან შესაძლოა ღვინოც მიჰყვეს. პრაქტიკულად მიძინებული ნაწლავი მთელი ძალით ცდილობს, მაგრამ ვერ ახერხებს ასეთი მოცულობის საკვებს გაუმკლავდეს. საკვების სათანადოდ მონელება ვერ ხერხდება, წვრილი ნაწლავის კედლები მის შეწოვას ვერ ახერხებს, მსხვილ ნაწლავში კი პათოგენური მიკროფლორის ზემოქმედებას ექვემდებარება, რაც ტოქსინების გამოყოფას იწვევს. ორგანიზმი წვალობს და თქვენც თავს არცთუ კარგად გრძნობთ. უფრო მეტიც, ნახშირწყლოვანი პროდუქტების სიჭარბე ღამის პერიოდში დიდი რაოდენობით ინსულინის გამოყოფას იწვევს, ღვიძლში და ცხიმოვან ქსოვილებში შაქრის გადანაწილების პროცესი ირღვევა და ორგანიზმში ცხიმის დაგროვება ხდება.

როგორ არ დავუშვათ ღამით ზედმეტი საკვების მიღება

1. დაბალანსებულად იკვებეთ დღისით. დაახლოებით ხუთჯერ, მცირე ულუფებით.
2. გაამრავალფეროვნეთ რაციონი და ყურადღება მიაქციეთ მიღებული ცილების, ცხიმების, ნახშირწყლების, მაკრო და მიკროელემენტების რაოდენობას.
3. მოძებნეთ სტრესთან ბრძოლის ალტერნატიული ხერხები: საღამოს გასეირნება, სპორტი, იოგა, სერიალის ყურება, ინტერნეტით რამე თავშესაქცევის ნახვა და ა.შ.

რა შემთხვევაში შეიძლება ღამით ჭამა

ყველას როდი ჭირდება საღამოობით კვების მკაცრად შეზღუდვა. რამდენიმე წლის წინ მეცნიერებმა ისრაელიდან კვლევის შედეგად დაადგინეს, რომ ადამიანები, რომლებიც საღამოს რვა საათის შემდეგ გემრიელად ვახშმობენ, ხშირად ზედმეტ კილოგრამების უფრო სწრაფად იკლებენ, ვიდრე ისინი, ვინც ნოყიერ ადრეულ ვახშამს მიირთმევს, თუმცა 18 საათის შემდეგ აღარ ჭამს. უნდა აღინიშნოს, რომ ისინი, ვინც ძილის წინ ჭამენ, როგორც წესი, მანამდე არ ვახშმობენ და დღის განმავლობაში არც ისე ბევრს ჭამენ. ანუ გვიანი ვახშმის კალორიულობა დღის რაციონის ენერგეტიკულ ღირებულებას არ აღემატება. მარტივად რომ ვთქვათ, თუ ვახშამს ვერ ასწრებთ, შეგიძლიათ ის რამდენიმე საათით გვიან გადაწიოთ ისე, რომ ფიგურას ზიანი არ მიაყენოთ. თუმცა უნდა გახსოვდეთ, რომ ძილის წინ სასარგებლოა ისეთი პროდუქტების მიღება, რომლებიც ადვილად მოსანელებელ ცილებს შეიცავენ, რათა ინსულინის მერყეობა აიცილოთ თავიდან და მშვიდად დაიძინოთ.

კარგი გარეგნობა, ჯანმრთელობა, კარგი განწყობა და ენერგიულობა დიდ წილად არის დამოკიდებული კვების რაციონზე. გთავაზობთ პროდუქტების მოკლე სიას, რომლებიც ქალის ორგანიზმისთვის აუცილებელია.

1. რძის პროდუქტები

{{ARTICLEIMAGE}}

ყველი და იოგურტი აუცილებელი საფუძველია ფრანგი ქალების რაციონისთვის, რომლებიც ბუნებრივი სილამაზით, ელეგანტურობით და დახვეწილი სხეულით გამორჩევიან. საქმე იმაშია, რომ ყველა რძის პროდუქტის მთავრი მიკროელემენტია კალციუმი. ის აუცილებელია ორგანიზმისთვის, რათა ჯანმრთელი კბილები, თმა და ფრჩხილები შეინარჩუნოთ. კალციუმი ასევე ამაგრებს ძვლებს, რაც იმას ნიშნავს რომ მისი უკმარისობისას ზურგის და კუნთების პრობლემა ჩნდება, შესაბამისად კი წელში გამართული და დახვეწილი სიარული შეუძლებელია. თუ ლაქტოზა თქვენთვის არ შეიძლება, შეგიძლიათ რაციონში ტოფუ, ანუ სოიოს ხაჭო და თხილი ჩართოთ. ეს პროდუქტებიც მდიდარია კალციუმით.

2. წითელი თევზი

ცხიმიანი თევზის სახეობები ქალის ორგანიზმისთვის შეუცვლელ ომეგა3 –ის მჟავებს შეიცავს. სწორედ ეს ნივთიერებები განაპირობებენ კანის ელასტიურობას და უჯრედის მემბრანას დაზიანებისგან იცავენ. ამგვარად, მენიუში წითელი თევზის ჩართვით ნაადრევი ნაოჭების გაჩენისგან თავს დაიცავთ და სახის ოვალის ფორმას დიდხანს შეინარჩუნებთ. დიეტოლოგები გვირჩევენ სიომგა და ვარდისფერი ორაგული მინიმუმ კვირაში ორჯერ მიირთვათ.

3. C ვიტამინით მდიდარი პროდუქტები

კივი, ციტრუსი, მოცვი, ბულგარული წიწაკა – აი მთავარი პროდუქტები ქალის სილამაზისთვის. ისინი C ვიტამინით არის მდიდარი. სწორედ ეს ვიტამინია პასუხისმგებელი კანის სიმკვრივესა და სიჯანსაღეზე. გარდა ამისა, C ვიტამინი იმუნური და ნერვული სისტემების მუშაობაში მონაწილეობს, შესაბამისად ორგანიზმის დაცვით ფუნქციებს აძლიერებს.

4. ბროკოლი

მეცნიერებმა დაადგინეს, რომ B ვიტამინების ჯგუფის შემცველობის გამო ბროკოლი ნერვულ სისტემაზე დადებითად მოქმედებს და ორგანიზმში მავნე ბაქტერიების გამრავლებას უშლის ხელს. ამ ბოსტნეულის რეგულარული გამოყენება მთელი ორგანიზმის ფუნქციონირებას აუმჯობესებს და ახალგაზრდობას ახანგრძლივებს. ქალებისთვის ბროკოლის მინიმუმ კვირაში ორჯერ მიღებაა რეკომენდირებული.

5. მწარე შოკოლადი

დაუჯერებელია, მაგრამ ფაქტია: შოკოლადი ქალისთვის სასარგებლო და შეუცვლელი პროდუქტიც კია. მის შემადგენლობაში შედის მაგნიუმი, მარგანეცი, სპილენძი, თუთია და ფოსფორი. ეს მინერალები ძვლის ქსოვილის გამყარებას უწყობენ ხელს. გარდა ამისა, ჰორმონალურ ფონს არეგულირებენ. თუმცა ექიმები გირჩევენ, მეტისმეტი არ მოგივდეთ და დღეში მხოლოდ 25 გრამი შოკოლადით შემოვიფარგლოთ.

ჯანდაცვის მსოფლიო ორგანიზაციამ ვარიკოზი ცივილიზაციის დაავადებათა სიაში შეიტანა. ეს არც არის გასაკვირი თუ გავითვალისწინებთ, რომ განვითარებულ ქვეყნებში ქალების 23–33 % და კაცების 10–20% ამ დაავადებით იტანჯება და მათი რიცხვი სტაბილურად იზრდება.

{{ARTICLEIMAGE}}

ის, რომ ცხოვრების უძრავი წესი და არასწორი კვება პრობლემას აღრმავებს ყველამ იცის. თუმცა პროფილაქტიკაზე ნაკლებად თუ ზრუნავს ვინმე. სისხლძარღვები განსაკუთრებით მძიმე მდგომარეობაში ახალი წლის დღესასწაულების დროს ვარდება, როცა ადამიანი სრულიად მოდუნებულია, ნაკლებად მოძრაობს, ბევრს ჭამს – მათ შორის ძირითადად არაჯანსაღ საკვებს – და თან ალკოჰოლსაც აყოლებს. როგორ ავიცილოთ თავიდან საახალწლო პერიოდში ვენების პრობლემა.

ნეგატიური ფაქტორები

ვარიკოზული ვენების პრობლემას ორი ძირითადი მიზეზი იწვევს: მემკვიდრეობითი მიდრეკილება, ანუ გენეტიკურად განპირობებული სისხლძარღვების სისუსტე და არაკეთილსასურველი გარე ფაქტორები, რომლებიც ვენების გაგანიერების პროვოცირებას იწვევს. ეს ფაქტორები საახალწლო პერიოდში მომეტებულად გვხვდება.

ფაქტორი პირველი: ხანგრძლივი ჯდომა

საახალწლო ქეიფი და დროსტარება საქართველოში 31 დეკემბერს იწყება და დიდხანს გრძელდება – საშობაო დღეების და ძველით ახალი წლის ჩათვლით. გამოდის, რომ 31 დეკემბრიდან მოყოლებული არაერთ საათს ვატარებთ სუფრასთან მსხდომნი. ხანგრძლივი ჯდომის დროს ფეხის ვენებში სისხლის მიმოქცევა რთულდება და ვარიკოზული დაავადებების გართულების საფრთხე იზრდება.

ფაქტორი მეორე: დიდი რაოდენობით საკვების მიღება

სავსე კუჭი ინტრაპერიტონალურ წნევას ზრდის და ქვედა კიდურებიდან სისხლის მიწოდებას აუარესებს.
ფაქტორი მესამე: წონის მომატება დღესასწაულების პერიოდში
დღესასწაულების პერიოდში როგორც წესი წონაში რამდენიმე კილოგრამს ვიმატებთ. ჭარბწონიანი ადამიანებს ვარიკოზული დაავადება უფრო მეტად აწუხებთ, რადგან სისხლძარღვების შიდა წნევა მნიშვნელოვნად იმატებს, რაც ვენების სარქველური აპარატის არასრულფასოვან განვითარებას იწვევს.

როგორ მოვიქცეთ, რომ ვენების დაავადება არ გაგვირთულდეს:

1. ნუ გადატვირთავთ კუჭს. მიირთვით საკვები პატარა პორციებით
2. მიიღეთ ბევრი ბოჭკოვანი საკვები.
3. არ დაუშვათ კუჭში შეკრულობა. ის უკანა ტანის სისხლძარღვებში წნევის მომატებას იწვევს.
4. დასვენების დღეებში ქეიფთან ერთად ფიზიკური აქტივობისთვისაც გამონახეთ დრო. სიარული, ცურვა, მსუბუქი სირბილი თქვენს სადღესასწაულო გრაფიკს ნამდვილად არ დააზიანებს.
5. თუ ხანგრძლივი ქეიფი გელით ეცადეთ სუფრის წევრებს აქტიური გართობა შესთავაზოთ: ცეკვა, მოძრავი თამაშები, კონკურსები.

და ბოლოს: ნუ დაგავიწყდებათ, რომ ახალი წლის სადღესასწაულო დღეების შემდეგ ცხოვრება ჩვეულებრივად გრძელდება და ამ პერიოდში ორგანიზმისთვის მიყენებული ზიანის გამოსასწორებლად შესაძლოა დიდი ძალისხმევა დაგჭირდეთ. ამიტომ, ჯობს თავი დაზოგოთ და პრობლემები თავიდან აიცილოთ.