Category: სხვადასხვა

კორონავირუსის პანდემიამ მსოფლიო რადიკალურად შეცვალა. შეიცვალნენ ადამიანები, მათი ცხოვრების წესი, საყოველთაოდ ცნობილი ადგილები და ხალხმრავალი ქუჩები. გთავაზობთ ფოტოებს, რომლებიც ბოლო ასახავს ცხოვრებას კორონავირუსის გამოჩენის შემდეგ:

დეზინფექცია აია სოფიას ტაძარში. თურქეთი, სტამბოლი.

{{ARTICLEIMAGE}}

ბალეტის მოცეკვავე ეშლი მონტეგი ნიუ იორკში, მანჰეტენზე დაცარიელებულ თაიმ სქვერზე აირწინაღით ცეკვავს.

პერსონალური ტრენერი, ანტონიეტა ორსინი მისი მეზობლებისთვის ვარჯიშის გაკვეთილს აივნიდან ატარებს. რომი, იტალია.

ახალდაქორწინებული ებრაელი წყვილი ბენ არი და იონათა მეუშარი ხელმოწერის შემდეგ ცეკვავენ დარბაზში, რომელსაც უფასოდ სთავაზობენ ახალგაზრდა წყვილებს, რომლებსაც პანდემიის გამო დაგეგმილი ქორწილი ჩაეშალათ.

შეფმზარეული დენი კონკლინგი ვაშინგტონის შტატის დედაქალაქ სიეტლში London Plane–ის რესტორანში ადგილობრივი ჰოსპიტალის ექიმებისთვის ყოველდღიურად 1000 კერძს ამზადებს. რესტორანი მათ ექიმებს შემოწირულობის სახით, უფასოდ უგზავნის.

დაცარიელებული მიწისქვეშა გადასასვლელი შანჰაიში.

მეტროპოლიტენის მგზავრი ლონდონში

იორდანელმა დიზაინერმა სამია ალზაკლეჰმა მძივებით გაფორმებული ნიღბების დამზადება დაიწყო.

ჩინეთში, შანჰაის სავაჭრო ცენტრში პატარა რობოტი დადის ხელის სადეზინფექციო დისპენსერით.

ჰონკონგის ერთ–ერთი ღამის კლუბი, სანამ ის საგანგებო ზომების გამო დაიხურებოდა.

სამხრეთ კორეა, სეული. ხალხი წვიმის მიუხედავად დამცავი ნიღბების გრძელ რიგში დგას.

სამხრეთ კორეა, სეული. დეზინფექცია ძველებულ ბაზარში.

შანჰაი, ჩინეთი, ბალეტის რეპეტიცია.

ჩინელი ტაქსის მძღოლი მგზავრებისგან გამყოფ ბარიერად ცელოფანს აკრავს.

უხანელი ქალი

ჩინეთი. პეკინის ერთ–ერთი სავაჭრო ცენტრი

ვაშინგტონი, სიეტლი, ქალი შეჩერდა, რათა მაღაზიასთან გამართულ სახელდახლო მემორიალურ სტენდთან პატივი მიაგოს გამყიდველის, სტივ შულმანის ხსოვნას, რომელიც კორონავირუსისგან გარდაიცვალა.

თაიმსქვერი, ნიუ იორკი.

დაცარიელებული სანაპირო პლაჟი ფლორდიაში, მაიამი ბიჩზე მას შემდეგ, რაც ხელისუფლებამ ხალხმრავალი შეკრებები აკრძალა.

დაცარიელებული ტროკადერო პარიზში, ეიფელის კოშკის ხედით, მას შემდეგ რაც საფრანგეთში კარანტინი გამოცხადდა.

დაცარიელებული სიდნეის ოპერა, სადაც ყველა წარმოდგენა გაუქმებულია

პიზის კოშკი იტალიაში. ადგილი, რომელიც მუდმივად ტურისტებით არის სავსე კარანტინის შემდეგ დაცარიელებულია.

ბრუკლინის ხიდი ნიუ იორკში, სადაც მოძრაობა თითქმის აღარ შეიმჩნევა.

კალიფორნიის ქუჩა სან ფრანცისკოში, რომელიც როგორც წესი ხალხით, მანქანებით და ტრამვაის ვაგონებით არის სავსე. ორშაბათიდან აქ საგანგებო მდგომარეობა გამოცხადდა და მილიონობით მაცხოვრებელს სახლიდან გამოსვლა აეკრძალა.

დაცარიელებული სავაჭრო ცენტრის პარკინგი კალიფორნიაში

პარიზი, Rue de Rivoli

ლონდონი. ვესტმინსტერის ხიდი

ესპანეთი, ბარსელონა. კატალუნიის მოედანზე მყოფი ერთადერთი მამაკაცი სელფს იღებს.

მეტროსადგურის ესკალატორი მერილენდში. აშშ

პარიზი, ნოტრდამის ტაძრის მოედანი

კუვეიტში ეგვიპტიდან, სირიიდან და ლიბანიდან დაბრუნებული ესპატრიატები სქრინინგ ზონაში კორონავირუსზე შემოწმებას ელოდებიან.

ალბანეთი, ტირანა, ქალაქის მთავარი გამზირი.

ხალხი მაღაზიის რიგში. მილანი , იტალია.

რომი. ქუჩაში არავინ არის გარდა საკვების მიტანის სერვისის კურიერისა.

იტალია. კატანიის უნივერსიტეტი. პროფესორი ცარიელი აუდიტორიიდან ონლაინ ლექციას ატარებს.

ამსტერდამი. ხალხი კოფიშოფთან მარიხუანას რიგში. მას შემდეგ, რაც ქვეყანაში ყველა ხალხმრავალი ადგილი დაიხურა.

დახურული კაფე პარიზში

თვითიზოლაციის დასრულების შემდეგ ჩინეთში განქორწინების რიცხვმა იმატა. ამის შესახებ ინფორმაციას უცხოური მედია ავრცელებს. როგორც ირკვევა წყვილები ერთად ბევრ დროს ატარებდნენ და წვრილმანებზე ხშირად კამათობდნენ. 

როგორც Daily Mail-ის გამოქვეყნებულ სტატიაშია აღნიშნული, სტატისტიკის მიხედვით 24 თებერვლიდან 300-ზე მეტი წყვილი გაეყარა ერთმანეთს.

ერთ-ერთი რეესტრის მენეჯერი ინტერვიუში ამბობს : “წყვილები დიდ დროს ატარებენ ერთად სახლში და წვრილმანებზეც კი კამათობენ. სწორედ ეს იწვევს განქორწინებას“  

ყნოსვის უცაბედი დაკარგვა შესაძლოა ახალი ტიპის კორონავირუსით დაავადების კიდევ ერთი სიმპტომი იყოს. ამის შესახებ ბრიტანეთის ოტოლარინგოლოგების განცხადებაშია ნათქვამი.

ეს სიმპტომი შესაძლოა დაავადების სხვა სიმპტომების არარსებობისასაც გამოჩნდეს, ანუ ასეთი პაციენტები შესაძლოა Covid19–ის ვირუსის ფარული მატარებლები იყვნენ.

ორგანიზაციის მონაცემებით არსებობს სარწმუნო მტკიცებულებები, რომ ეს სიმპტომი კორონავირუსით დაავადებულ პაციენტებს აღმოაჩნდათ სამხრეთ კორეაში, ჩინეთში და იტალიაში.

დიდ ბრიტანეთში, აშშ–ში, საფრანგეთში და იტალიაში ანოსმიის (ყნოსვის უქონლობა) შემთხვევების უცაბედი ზრდა აღინიშნება – ნათქვამია ბრიტანეთის რინოლოგთა საზოგადოების წევრის, პროფესორ კლერ ჰოპკინსის და ოტოლარინგოლოგთა ასოციაციის წევრის, პროფესორ ნირმალ კუმარის ერთობლივ განცხადებაში.

“ეს პაციენტები შეიძლება მანამდე უცნობი ფარული მატარებლები იყვნენ, რომლებიც ვირუსის სწრაფ გავრცელებას უწყობენ ხელს. სამწუხაროდ ამ პაციენტების სიმპტომები არ შეესაბამება ანალიზების ჩაბარების, თვითიზოლაციის და ტესტირებისთვის საჭირო ამჟამინდელ კრიტერიუმებს.“– ნათქვამია განცხადებაში.

ექიმები რეკომენდაციას იძლევიან ეს სიმპტომი გათვალისწინებულ იქნას როგორც  კორონავირუსის აღმოჩენის ერთ–ერთი ინსტრუმენტი იმ პაციენტებში, რომლებსაც მაღალი ტემპერატურა ან მშრალი ხველა არ აქვთ.

“არსებობს ალბათობა, რომ თუ ანოსმიის მქონე ადამიანებს, რომლებსაც სხვა სიმპტომები არ გააჩნიათ შვიდ დღიან იზოლაციაში მოაქცევენ, შევძლებთ უსიმპტომო დაავადებულების რაოდენობის შემცირებას, რომლებიც ინფორმაციის გადამტანები არიან და ვერ აცნობიერებენ თვითიზოლაციის აუცილებლობას“– ნათქვამია განცხადებაში.

სოციალურ ქსელში დღეს გვერდმა “ტკბილი ხარ შენ უფალო“  გაავრცელა სამების ტაძარში დღეს დილით გადაღებული ვიდეო, სადაც ჩანს, რომ მრევლის ზიარება კვლავ საერთო კოვზით მიმდინარეობს. გუშინ საპატრიარქოს სინოდმა მიიღო გადაწყვეტილება, რომ კორონავირუსის პანდემიის მიუხედავად  ზიარების წესი არ შეიცვლება. საპატრიარქომ ცოტა ხნის წინ დაუშვა ზიარების შემდგომი სიტკბოების მიღება ერთჯერადი ჭურჭლით. ვიდეოში ჩანს, რომ ამ მიზნისთვის მართლაც ერთჯერადი ჭიქები გამოიყენება.