Category: სხვადასხვა

რესპუბლიკელი დავით ზურაბიშვილი ხელისუფლებას მოუწოდებს მთავარი არხის დამფუძნებელი გიორგი რურუა პატიმრობიდან გაათავისუფლოს:

“პატ. ხელისუფლებავ:

შევეცდები მარტივად და ქართულ-ხალხურად გაგიიასნოთ ერთი ამბავი.

მაგარი ბიჭობა და სთრონგმენობა მოინდომეთ, ვისაც გვინდა დავიჭერთ, რასაც გვინდა შევტენით, რა კანონსაც გვინდა იმას მივიღებთ, ნაცების დედებს იმასვიზამთ და რამე, მაგრამ არ გამოგივიდათ! დაგახურეს თავზე დედის ის და შეირგეთ კარგად და გემრიელად (არ შეირგებდით და თქვენი აჯობებდა!). მოგიწიათ ორი კაცის გამოშვება. კი არ გინდოდათ, მაგრამ მოგიწიათ და ის ზღაპარი, სალომემ რომ თავის თავზე აიღო და ა. შ. მოუყევით ბებიათქვენს. იძულებული გახდით. უფრო სწორად, გაგხადეს!

აშშ–ს გენერალურმა პროკურორმა უილიამ ბარმა  განაცხადა, რომ კორპორაცია Apple რუსეთისა და აშშ–ს ავტორიტარულ რეჟიმებთან თანამშრომლობს, ამასთან არ სურს დაეხმაროს ამერიკელ სამართალდამცავებს დამნაშავეთა დაკავებაში.

“Apple თანამშრომლობდა როგორც ჩინეთის კომპარტიასთან, ასევე რუსეთის რეჟიმთან მონაცემთა დამუშავების ცენტრების განთავსებით და მათი მთავრობების მხრიდან მასობრივი თვალთვალის უზრუნველყოფით“ – განაცხადა ბარმა ფლორიდაში მდებარე სამხედრო–საზღვაო ბაზაზე მომხდარი სროლის გამოძიების შედეგებზე საუბრისას.

“იყო ინფორმაცია, რომ  Apple –მა   iPhone–ის ფუნქცია და აპლიკაცია გამორთო, რომელსაც დემოკრატიის მომხრეები იყენებდნენ, და ამით ხელი შეუწყო ცენზურას და ჩაგვრას. თუ ისეთი ტექნოლოგიური კომპანიები, როგორი არის    Apple, მზად არიან ავტორიტარული რეჟიმების მოთხოვნები შეასრულონ, მათ ბუნებრივია ვერ ექნებათ ახსნა, რატომ არ თანამშრომლობენ ისეთი ქვეყნების ხელისუფლებებთან, სადაც კანონის უზენაესობა, სამოქალაქო თავისუფლებები და პირადი ცხოვრების ხელშეუხებლობა დაცულია და სასამართლო გარანტიები არსებობს“–თქვა ბარმა.

კომპანია Apple უკვე ბვრი წელია უარს ეუბნება აშშ–ს ხელისუფლებას “ბექდორის“ მინიჭებაზე აიფონების გატეხვისთვის.

მაგალითად, სან ბერნარდინოში მომხდარი ტერაქტის განმახორციელებლის, საიედ ფარუქის iPhone 5S–ის გასატეხად ამერიკის ხელისუფლება 2015–2016 წლებში წარუმატებლად შეეცადა კომპანიისგან სასამართლოს გზით მიეღო უფლება. წარუმატებლობის შემდეგ კი დაახლოებით მილიონი დოლარი გადაუხადა უცნობ შემსრულებელს ამ საქმისთვის და მხოლოდ ამის შემდეგ შეძლო ტელეფონის გატეხვა. აშშ–ს ნაციონალური უსაფრთხოების სააგენტომ აღიარა, რომ ტერორისტის სმარტფონის გატეხვა დამოუკიდებლად ვერ შეძლო.

მიმდინარე დავის მიზეზი კი მას შემდეგ გაჩნდა, რაც 2019 წლის დეკემბერში სტუდენტმა მოჰამედ საიდ ალშამრანმა სამი ადამიანი მოკლა და რვა დაჭრა ფლორიდაში მდებარე სამხედრო–საზღვაო აეროდრომზე. აშშ–ს ხელისუფლება თვლის, რომ ალშამრანი, რომელიც ადგილზე მოკლეს ტერორისტულ ორგანიზაცია ალ ქაიდასთან იყო დაკავშირებული. იანვარში გამოძიების ფედერალურმა ბიურომ Apple–ს მისი კუთვნილი iPhone–ის განბლოკვის მოთხოვნით მიმართა. კორპორაციამ განაცხადა, რომ გამოძიებას ყველა შესაძლო გზით ეხმარებოდა, გარდა აიფონისთვის “ბექდორის“ შექმნისა. ამავე დროს, როგორც ფორბსმა გაარკვია, ბიუროს ეფლის გარეშეც შეუძლია ბოლო ვერსიის ტელეფონის გატეხვა ამერიკული კომპანია  Grayshift–ის მოწყობილობა GrayKey –ის საშუალებით.

ამის მიუხედავად, ამერიკის ხელისუფლება ცდილობს მიაღწიოს კორპორაციის მიერ ბექდორის შექმნას, რათა მოწყობილობებზე სწრაფი წვდომა ქონდეს.

აშშ–ს ხელისუფლების კრიტიკის საპასუხოდ Apple-მა განცხადება გაავრცელა:

“კლიენტებს იმედი აქვთ, რომ  კომპანია საკუთარი ინფორმაციის უსაფრთხოებას უზრუნველყოფს. ერთერთი ხერხი, რომლითაც ამას ვაკეთებთ, ჩვენს სერვერებზე და მოწყობილობებზე საიმედო დაშიფვრაა. ჩვენ ერთი და იგივე iPhone-ს ვყიდით ყველგან და არ ვინახავთ კლიენტების პაროლებს, შესაბამისად არ შეგვიძლია მოწყობილობის განბლოკვა, რომლებიც პაროლით არის დაცული. მონაცემთა დამუშავების ცენტრებში ჩვენ დაცვის საიმედო საშუალებებს ვნერგავთ აპარატული და პროგრამული უზრუნველყოფის თვალსაზრისით, რათა ინფორმაციის დაცვა გარანტირებული იყოს და ჩვენს სისტემებში “უკანა ეზოები“ არ არსებობდეს. ყველა ეს მეთოდი თანაბრად გამოიყენება ჩვენს მიერ ყველა ქვეყანაში.  “ – ნათქვამია კომპანიის განცხადებაში.

საქართველოს პარლამენტის წევრი უმრავლესობიდან, ნინი წილოსანი ამბობს, რომ ფეისბუკზე მისი სახელით ყალბი ინფორმაცია გავრცელდა. წილოსანი ამ ამბავს ფეისბუკის საკუთარ გვერდზე გამოეხმაურა.

“აი ეს არის სახე იმ ადამიანების ვინც ჩვენს ოპოზიციაში დგას – ფეიკი, ტყუილი, მავნებლობა, უნიჭო ფოტოშოპი… და ამას ვერაფერი მოერევა თუ არა საზოგადოების პროტესტი უმსგავსობაზე”, – აღნიშნა მან.

პრეზიდენტის მიერ ოპოზიციონერების გიგი უგულავასა და ირაკლი ოქრუაშვილის შეწყალების შემდეგ სოციალურ ქსელში გავრცელდა ფოტო, სადაც ნინო წილოსანის სახელით ეწერა, რომ ამერიკის კონგრესსა და ევროპელ პარტნიორებში უფრო მეტი ნაცი აღმოჩნდა, ვიდრე საქართველოს პარლამენტში. როგორც ირკვევა, ფეისბუქ სტატუსი გაყალბებული იყო.

გერმანიაში მკაცრი კარანტინი მარტის შუა რიცხვებში გამოცხადდა და შეზღუდვების შემსუბუქება აპრილის ბოლოდან დაიწყო ახლა კი კაფე-რესტორნებსაც მიეცათ მუშაობის უფლება თუ ისინი სოციალურ დისტანციასა და ჰიგიენას მკაცრად გააკონტროლებენ.

ერთ-ერთი კაფის მეპატრონემ სოციალური დისტანციის დასაცავად უცნაურ ხერხს მიმართა.მომხმარებლებს  დაურიგდათ სპეციალური ქუდები, რომლებზეც აუზის ტივტივებია დამაგრებული.  კაფის  მომხმარებელი ვალდებულია, რომ სოციალური დისტანციის დასაცავად სწორედ ეს ქუდები უნდა ატაროს.

”მეგონა სახელმწიფო გვქონდა და ამითი ვამაყობდი”- ასე გამოეხმაურა ყოფილი დეპუტატი ხათუნა ხოფერია დღეს სალომე ზურაბიშვილის მიერ შეწყალებულ  გიგი უგულავას და ირაკლი ოქრუაშვილის შეწყალების გადაყწვეტილებას.

”1. ქვეყანაში მოსალოდნელი პოლიტიკური კრიზისი!
2. სახელმწიფოს არ გააჩნია არანაირი ბერკეტი!
3. ორ დამნაშავეს ქვეყანას ვერ გადავაყოლებ!

ეს არის ამონარიდები ქვეყნის პრეზიდენტის დღევანდელი გამოსვლის ტექსტიდან.
ანუ, რას გვეუბნება საქართველის პირველი პირი?! ქვეყანას ყავს ოპოზიცია, რომელსაც ძალუძს პოლიტიკური კრიზისის შექმნა 2 კრიმინალის გამოც კი… (არ დაგვავიწყდეს, რომ პოლიტიკური კრიზისი საფუძველია ხელისუფლების შეცვლის). ასევე, თურმე სახელმწიფოს, რომელსაც აქვს სასამართლო სისტემა და ყველა დანარჩენი სახელისუფლებო შტო აწყობილი და “დაკომპლექტებული”, არ ფლობს საჭირო ბერკეტს, რათა განახორციელოს სამართლიანი და სამართლებრივი ღონისძიებები. და იმასაც გვამცნობს, რომ 2 კრიმინალს შესაძლოა საქართველოს სახელმწიფოებრიობა გადაყვეს. მოკლედ კი, ეს ყველაფერის ასე ჟღერს: საქართველოს სახელმწიფო და ხელისუფლება არ არსებობს! და რაც არსებობს, ისიც შანტაჟის და ძალდატანების ქვეშააო!
მაპატიეთ, ჩემო კარგებო, ჩემო მეგობრებო, მე მეგონა სახელმწიფო გვქონდა და ამითი ვამაყობდი!
შევცდი! პრეზიდენტს მეტი ფაქტები აქვს და, ალბათ, უკეთ იცის!” – წერს ხათუნა ხოფერია. 

ნაციონალური მოძრაობის ერთ–ერთი ლიდერის, ნიკა მელიას დაანონსებული სტუმრობა ინგა გრიგოლიას გადაცემა რეაქციაში დღეს არ შედგა. წამყვანმა გადაცემის მსვლელობისას განაცხადა, რომ პარტიამ მისთვის უცნობი მიზეზით გადაცემამდე ნახევარი საათით ადრე გადაცემიდან მოუხსნა სტუმარი. გრიგოლიამ თქვა, რომ “ტვ პირველს ნაციონალური მოძრაობის დღის წესრიგით  არასოდეს უმუშავია“. ის ამბობს, რომ არ ადარდებს თუ ნაციონალები მის გადაცემაში არ ივლიან, ისევე როგორც ხელისუფლების წარმომადგენლები “არც ნაცები, არც ქოცები დღევანდელ გადაცემაში.“– თქვა გრიგოლიამ.

ეს თემა გადაცემის შემდეგ სოციალურ ქსელშიც გაგრძელდა და განხილვის საგანი გახდა. მოგვიანებით გრიგოლიას ნიკა მელიამ საკუთარ ფეისბუქ გვერდზე უპასუხა.

“გამოცდილებამ მასწავლა არაფერი არ დავტოვო უპასუხოდ, ამიტომაც ვწერ ამ პოსტს.

დღეს სტუმრად უნდა ვყოფილიყავი ინგა გრიგოლიას „რეაქციაში“, რაც სამწუხაროდ ვერ მოხერხდა და რასაც კიდევ უფრო სამწუხაროდ მოჰყვა მძაფრი რეაქცია ინგა გრიგოლიასგან.

ჩემი გადაცემაში ვერ მონაწილეობა, ნაც-ქოცურ დისკურსში გადაზარდა, თურმე ნიკა მელია პარტიას არ გაუშვია მასთან, რომ თურმე ასე გადაუწყვეტია პარტიას და მორჩა და რომ თურმე ჩვენი მონაწილება მას არც აინტერესებს და თურმე ქვეყანა ნაცებად და ქოცებად არ იყოფა და ასე შემდეგ და ასე შემდეგ….

თავს ვალდებულად მივიჩნევ, საზოგადოებას განვუმარტო რა, როგორ და რატომ მოხდა. მაგრამ ვიდრე ამას ავხსნი, მინდა ვთქვა:

1. არაერთხელ ვყოფილვარ ინგა გრიგოლიას გადაცემაში სტუმრად.

2. არ განვეკუთვნები იმ პოლიტიკოსთა რიგს, რომელსაც სადმე „უშვებენ“ ან „არ უშვებენ“, ეს ვფიქრობ ინგამაც ძალიან,ძალიან კარგად იცის.

მქონდა გადატვირთული დღე, რომელიც დაიწყო ბრიფინგით, რომელსაც მოჰყვა 4 სხვადასხვა სატელევიზიო გადაცემაში მონაწილეობა.

გადაცემაში მონაწილოების მიღების შემოთავაზება ცხადია არ იყო მიუღებელი, უბრალოდ თავიდანვე ჩავაყენეთ საქმის კურსში, რომ უკვე შეთანხმებული ვიყავით ნიკა გვარამიასთან, რომ ვიქნებოდი „მთავარი აქცენტების“ სტუმარი და შესაბამისად, მოკრძალებულად ვთხოვეთ რომ ვყოფილიყავი პირველი ან მეორე სტუმარი, რომ ელემენტარულად დროში შესაძლებელი ყოფილიყო ამ ორივე გადაცემაში მონაწილეობა და თან სტუდიიდან სტუდიაში ტრანსპორტით გადაადგილება.

ამ თხოვნაზე უარი თქვეს და შემოგვთავაზეს, რომ მე ვყოფილიყავი ბოლო სტუმარი, რაც ნიშნავს იმას რომ ინგასთთან 21 :40 სთვის უნდა ვყოფილიყავი სტუმრად, რაც გამორიცხავდა გადაადგილების შესაძლებლობას და რეალურად მე „მთავარის“ ოფისიდან უნდა ჩავრთულიყავი „ტვ პირველს“, რაც სრულიად სამართლიანად გააპროტესტა ტელეკომპანია „მთავარმა“. ზუსტად იგივენიარად გააპროტესტებდა თავად ინგა გრიგოლიაც (და უთხოვით კიდეც რომ მათ გადაცემამდე მცირე ხნით ადრე სხვა არხს არ ჩავრთულიყავი და ეს გამითვალისწინებია).

დიახ, ან „მთავარის“ ოფისიდან უნდა ჩავრთყულიყავი, ან იქვე „მთავარის“ შესასვლელ კართან უნდა დავმდგარიყავი.

გარდა ამისა, ბოლო სტუმარმა „რეაქციაში“ გამოსვლა დაასრულა 21:58 წუთზე! ზუსტად იმ დროს, როდესაც დაიწყო ნიკა გვარამიას „აქცენტები“ და მე რომ ინგა გრიგოლიას გადაცემაში მონაწილეობა მიმეღო, მეც ზუსტად ისევე მომიწევდა 21:58-ზე დასრულება!

და რა მოჰყვებოდა ამას? „ტვ პირველის“ ჩართვიდან სინათლის სიჩქარით გავარდნა და შევარდნა „მთავარის“ სტუდიაში.

შექმნილი სიტუაციის მიუხედავად, პარტიას გადაცემაში მონაწილეობაზე უარი არ უთქვამს, მითუმეტეს – მიზეზის ახსნის გარეშე!

აუხსნეს რა უხერხულობაც შეიქმნა, ბოდიშიც მოუხადეს და ძალიან მოკრძალებულად, მოწიწებით სთხოვეს, რომ ჩემს ნაცვლად, ნიკა მელიას ნაცვლად მონაწილეობას მიღებდა ნაციონალური მოძრაობის სხვა წარმომადგენელი. სტუმრის ჩანაცვლებაზე თქვეს უარი.

რაც შეეხება იმას რომ ინგა გრიგოლია მე მირეკავდა და არც ვუპასუხე. კი ნამდვილად მირეკავდა, მაგრამ არ კი არა, ვერ ვუპასუხე – დავით აქუბარდიას გადაცემაში ვიყავი სტუმრად და პირდაპირ ეთერში ტელეფონს ვერ ვუპასუხებდი.

ჩვენი ერთადერთი შეცდომა ის იყო, რომ მაინც დავთანხდით ინგა გრიგოლიას გვიან ეთერში მონაწილეობას და ვერ განვსაზღვრეთ რა უხერხულობას შექმნიდა ეს და ამაზე ნამდვილად ვწუხვარ.

პ.ს.

ინგა გრიგოლიამ ეს ქვეყანა ნაცებად და ქოცებად არ იყოფა საბედნიერეოდო. ეს ქვეყანა არც ჩემთვის იყოფა ნაცებად და ქოცებად, მაგრამ ორად ნამდვილად იყოფა – ან პროგრესის მხარეს ხარ, ან სიბნელის, ან ისტორიის სწორ მხარეს ხარ, ან არასწორ მხარეს.“– დაწერა ნიკა მელიამ.