Category: სხვადასხვა

ოჯახურ ძალადობაში ბრალდებული ცნობილი ჩოგბურთელის, ნიკოლოზ ბასილაშვილის ადვოკატმა “ღამის კურიერის” პირდაპირ ეთერში განაცხადა, რომ მისი დაცვის ქვეშ მყოფი მომჩივანი მხარისგან, ყოფილი ცოლისგან მუდმივი ფსიქოლოგიური ძალადობის ქვეშ იყო.

ადვოკატმა ხაზი გაუსვა, რომ ნეკა დოროყაშვილს არ სურდა ნიკოლოზ ბასილაშვილთან განქორწინება.

“2018 წლის აგვისტოდან წყვილი ერთად არ ცხოვრობს და 2019 წლიდან ისინი ოფიციალურად განქორწინდნენ. განქორწინების ინიციატორი გახლდათ ბატონი ნიკოლოზი. ამას ხაზს ვუსვამ იმიტომ, რომ თუკი ის იყო მოძალადე ადამიანი, მოძალადესთან რატომ არ სურდა ქალბატონ ნეკას განქორწინება. სანამ არ მიმართა სასამართლოს განქორწინებისთვის, რომელიც შეიძლებოდა მარტივად მოგვარებულიყო იუსტიციის სახლში, მსგავსი არ მომხდარა. არცერთ პროცესზე არ განუცხადებია, რომ ის იყო ძალადობის მსხვერპლი – უფრო მეტიც, არსებობს საოქმო ჩანაწერები, სადაც ამბობს, რომ ნიკოლოზი იყო ძალიან კარგი მამა,”-განაცხადა ადვოკატმა.

ადვოკატის თქმით, ნეკა დოროყაშვილმა ამერიკის ღია ჩემპიონატზე ყოფილ მეუღლეს სკანდალიც მოუწყო.

“2019 წელს, როდესაც ბატონ ნიკოლოზს ჰქონდა ამერიკის ღია ჩემპიონატი, კონსპირაციულად ჩავიდა ქალბატონი ნეკა და ბატონი ნიკოლოზის მეგობრის მეუღლის დახმარებით გაიარა აკრედიტაცია, შევიდა მოსასვენებელ სივრცეში და იქ მოუწყო არასასიამოვნო საუბარი, კონფლიქტი. სადაც იყო საუბარი, რომ ის განქორწინებას არ დათანხმდებოდა და მისთვის უნდა გადაეფორმებინა გარკვეული ქონება, თუმცა ამის გადაფორმებაზე პრობლემა არასდროს ჰქონია. იმდენად გამოიყვანა წყობიდან ნიკოლოზი, რომ იძულებული გახდა ჩარეულიყვნენ ორგანიზატორები, ჩემპიონატის დირექტორი, რომელიც ამას დაადასტურებს. პრაქტიკულად, სკანდალი იყო, მას გაუუქმეს აკრედიტაცია და მოგვიანებით ისევ ნიკოლოზ ბასილაშვილის ხარჯებით, მან დატოვა ამერიკის შეერთებული შტატები. ბუნებრივია, ჩვენ ამ მტკიცებულებებსაც წარვადგენთ. ბატონი ნიკოლოზი ბოლო პერიოდის განმავლობაში დაკავებული იყო დაეკმაყოფილებინა ქალბატონი ნეკა დოროყაშვილის კაპრიზები და გარდა ამისა, ყველა ჩემპიონატის წინ ის ცდილობდა გამოეყვანა წყობილებიდან. რეალურად, ნიკოლოზ ბასილაშვილი მუდმივად იმყოფებოდა წნეხის ქვეშ, რაც აისახა მის თამაშებზე,”-განაცხადა ირმა ჭკადუამ.

ჯოან როულინგმა თაყვანისმცემლები გააოცა, როცა ახალი საბავშვო ზღაპრის პუბლიკაციის შესახებ გამოაცხადა. ზღაპარი მის ვებგვერდზე ყოველდღიურად ნაწილ–ნაწილ უფასოდ გამოქვეყნდება. “The Ickabog“ მწერლის პირველი ზღაპრული ისტორიაა, რომელიც ჰარი პოტერის სამყაროს არ ეხება. სინამდვილეში წიგნი 10 წლის წინ დაიწერა. მწერალმა მისი გამოქვეყნება მხოლოდ ახლა გადაწყვიტა.

წიგნი განკუთვნილია “კარანტინში მყოფი ბავშვებისთვის და იმ ბავშვებისთვის, ვისაც ამ უცნაურ და მშფოთვარე დროს სკოლაში დაბრუნება მოუწია“– ამბობს ავტორი.

წარსულში როულინგი ამ წიგნს მოიხსენიებდა როგორც უსახელო “პოლიტიკურ ზღაპარს“.

წიგნი  ათ ივლისამდე თავებად გამოქვეყნდება იმავე დასახელების ვებგვერდზე theickabog.com.

პირველ ორ თავში, რომლებიც სამშაბათს გამოქვეყნდა მკითხველი მეფე ფრედ უშიშარს გაეცნო, რომელიც კორნუკოპიის სამეფოს მართავს. ასევე გაეცნო ხუთი წლის ბერტ ბიმიშს. გამოქვეყნებულ თავებში მოთხრობილია ლეგენდა საშიში მონსტრის შესახებ, რომელსაც იკაბოგი ჰქვია და რომელზეც ამბობენ, რომ პატარა ბავშვებს და ცხვრებს ჭამს.

როულინგის თქმით, მას თავიდან უნდოდა ეს წიგნი 2007 წელს, ჰარი პოტერის მეშვიდე და ბოლო წიგნის გამოშვების შემდეგ გამოეცა, თუმცა გადაიფიქრა და გადაწყვიტა დაესვენა. ხელნაწერი კი სხვენში გადაინახა.

“დროთა განმავლობაში ჩავთვალე, რომ ეს ზღაპარი ჩემს ორ უმცროს შვილს ეკვთნოდა, რადგან როცა ისინი პატარები იყვნენ, საღამოობით სწორედ ამ წიგნს ვუკითხავდი და ამ წიგნთან დაკავშირებით ბედნიერი, ოჯახური მოგონებები შემომრჩა“– წერს მწერალი საკუთარ ვებგვერდზე.

რამდენიმე კვირის წინ როულიგნმა შვილებს შეატყობინა, რომ აპირებდა სხვენიდან ხელნაწერი ჩამოეტანა. როგორც ამბობს, შვილები ამ გადაწყვეტილებას ენთუზიაზმით შეხვდნენ და ერთად ჩამოიტანეს დამტვერილი ყუთი სხვენიდან.

ინფექციური პათოლოგიებისა და შიდსის ცენტრის ფეისბუქ გვერდზე გამოქვეყნდა ფოტოები და ვიდეო, როგორ ჩადის წვიმის წყალი ცენტრის ადმინისტრაციულ შენობაში.

“ასე ვამარცხებთ covid-19-ს… ადმინისტრაციული შენობა“– ამ წარწერით გამოქვეყნდა გვერდზე ვიდეო.

გამოქვეყნებული ფოტოები კი ასახავს რა მდგომარეობაა შენობაში:

საფრანგეთის ქალაქ ტიუა–ლე–მარშენის  კომუნის საბჭომ პრაქტიკულად ერთსულოვნად აირჩია ქალაქის ხალ მერად ტრანსგენდერი ქალი მარი კო.

55 წლის კანდიდატი გარემოს დაცვის და ადგილობრივი ეკონომიკის განვითარების პროგრამით გამოდიოდა. ის საფრანგეთში პირველი ტრანსგენდერი მერია.

მარი კო განათლებით აგროტექნიკოსია.

ტიუა–ლე–მარშენი ქვეყნის ჩრდილო აღმოსავლეთით, ბელგიის საზღვართან მდებარე პატარა ქალაქია 600 მოსახლით.

მუნიციპალური არჩევნები იქ მარტში ჩატარდა და გამარჯვება მოუტანა პოლიტიკურ ძალას “ერთად გადავწყვიტოთ“, რომლის სიით იყრიდა კენჭს მარი კო. ქალაქის მერი მოქალაქეების მიერ პირდაპირ არ აირჩევა. მას კომუნის საბჭო იწვევს. საბჭოს 15 წევრიდან 14–მა შაბათს ხმა კო–ს მისცა.

არჩევის შემდეგ მან სააგენტო ფრანს პრესს განუცხადა, რომ ის “აქტივისტი არ არის“ და აპირებს არა გენდერულ პრობლემებზე, არამედ მუნიციპალიტეტის საქმეებზე კონცენტრირდეს.

“ხალხს იმიტომ არ ავურჩევივარ, რომ ტრანსგენდერი ვარ. მათ ჩემი პროგრამა აირჩიეს“– თქვა მან.

“ტრანსგენდერების არსებობა საზოგადოებაში და მათ მიმართ არსებული ფობიების დაძლევა, მათ შორის, მათ მიერ პოლიტიკური თუ საზოგადოებრივი საქმეების შესრულებაზეა დამოკიდებული. ვულოცავ მარი კო–ს!“– დაწერა ტვიტერზე საფრანგეთის გენდერული თანასწორბის საკითხთა მინისტრმა მარლენ შაპამ.

ტიუა–ლე–მარშენის არჩევნებმა აჩვენა, რომ ფრანგები უფრო პროგრესულები ხდებიან, ხმას აძლევენ ინდივიდის ღირსებებიდან გამომდინარე და არა მათი გენდერული კუთვნილების  მიხედვით – განაცხადა ტრანსგენდერთა ნაციონალური ასოციაციის თანადამფუძნებელმა სტეფანი ნიკომ.

ტელეწამყვანი და პრეზიდენტ მარგველაშვილის ყოფილი პრესმდივანი, ეკა მიშველაძე ტვ პირველში იწყებს მუშაობას. ამის შესახებ მიშველაძემ საკუთარ ფეისბუქ გვერდზე დაწერა:

“კარგი ამბების დრო დადგა, როგორც იქნა! ვისაც ეს გამოუცდია იცის, რა ძნელია საყვარელი საქმის გარეშე დარჩენა. ახალი და ძალიან მაგარი ამბები გველის უმაგრეს გუნდთან ერთად ტვ პირველზე ჩემს საამაყო მეგობრებთან და კოლეგებთან! ინგა გრიგროლია, ამ სიხარულს ვერანაირი სიტყვებით გამოვხატავ! უბრალოდ გეტყვი- ადამიანების რწმენა დამიბრუნე ❤️??? p.s. ხვალ გამოვცხადდები სამუშაოზე დროულად“– წერს ეკა მიშველაძე ფეისბუქზე.

ამ ამბავს ფეისბუქ სტატუსი მიუძღვნა ინგა გრიგოლიამაც, რომელიც რამდენიმე თვის წინ ტვ პირველის დირექტორად დაინიშნა:

“ჩემი მეგობარი და კოლეგა,საკუთარი საქმის პროფესიონალი, . სამსახურიდან პოლიტიკური ეჭვიანობით გამოშვებული. გონიერი,ნიჭიერი და ლამაზი,ეკრანი რომ საოცრად უხდება,უმაგრესი გოგო,დღეიდან უკვე ტვ ..პირველის თანამშრომელია.

კეთილი იყოს შენი ფეხი ჩვენს გუნდში.ისე მიხარიხარ,ისე,ისე,რომ გული მიჩუყდება

ერთად რომ ბევრ საინტერესო რამეს გავაკეთებთ, ეგ კიდევ უფრო მაბედნიერებს)))) ხვალიდან გამოცხადდი სამსახურში-პატივისცემით უკვე შენი დირექტორი ი.გ“– წერს ინგა გრიგოლია.

შეგახსენებთ, რომ ეკა მიშველაძე საზოგადოებრივი მაუწყებლის საზოგადოებრივ–პოლიტიკური თოქშოუს წამყვანობიდან 2015 წელს გაათავისუფლეს. მიზეზი მისი მეუღლის, ბუკა პეტრიაშვილის პოლიტიკური საქმიანობა გახდა. 2016 წლიდან 2018 წლამდე ეკა მიშვლეძე მარგველაშვილის პრესმდივნად მუშაობდა.

საკარანტინე ზომების შემსუბუქებასთან ერთად, ამერიკის დიდ ქალაქებში კიდევ ერთი ახალი ტენდენცია გამოიკვეთა: ნიუ-იორკში, ვაშინგტონში და სხვა დიდ ქალაქებში, ინფიცირების შიშით, ხალხი საზოგადოებრივ ტრანსპორტს თავს არიდებს და მიმოსვლას მანქანით ამჯობინებს. სუბსიდირების ნაკლებობით ცნობილი საზოგადოებრივი ტრანსპორტის სისტემები კიდევ უფრო სერიოზული ფინანსური პრობლემების წინაშე აღმოჩნდნენ.

თვალშისაცემი რეალობა უახლესი გამოკითხვებითაც დასტურდება. ბოლო დღეებში ჩატარებული რამდენიმე კვლევის მიხედვით, ქალაქში მცხოვრები ის ამერიკელებიც კი, ვისაც მანქანა ცხოვრებაში არ ჰყოლია, პირველად იძენენ ავტომობილს. ეს ავტომწარმოებლებისთვის კარგი სიახლეა, მაგრამ ქალაქის მერიების, ქალაქდაგეგმარების, სატრანსპორტო სისტემების და გარემოს დაცვისთვის არც ისე სახარბიელო ტენდენციაა.

იგივე დინამიკა დაფიქსირდა ჩინეთშიც, სადაც კარანტინი უფრო ადრე მოიხსნა და ეკონომიკის ამუშავებასაც შეუდგნენ. იმის მიუხედავად, რომ კარანტინი უკვე ორი თვეა მოიხსნა, საზოგადოებრივი ტრანსპორტით სარგებლობა ისევ 35%-ზე რჩება, მაგრამ გაიზარდა პერსონალური ავტომობილების ყიდვის მაჩვენებლები.

კომპანია „ფორდ მოტორსის“ ოპერაციების ხელმძღვანელი ჯიმ ფარლი ამბობს, რომ მათ ჩინეთში შედარებით ძვირი მანქანების გაყიდვის მაჩვენებლები გაეზარდათ. „ფორდის“ მონაცემებით, ავტომობილებს ძირითადად ოფისში მომუშავე, შედარებით მაღალი ანაზღაურების მოქალაქეები ყიდულობენ.

ანალოგიური მაჩვენებლები აქვს „ფოლკსვაგენის“ ცენტრებს ჩინეთში. წინა წელთან შედარებით, მანქანების გაყიდვა აპრილის ბოლოს მნიშვნელოვნად გაიზარდა – ამბობს ჯერგენ სტაქმენი, „ფოლკსვაგენის“ მსუბუქი ავტომობილების გაყიდვის და მარკეტინგის ხელმძღვანელი.

ჩინეთის მსუბუქი მანქანების ასოციაცია აცხადებს, რომ აპრილის ბოლო კვირაში ავტომობილების გაყიდვა 12.3% -ით გაიზარდა. ჩინეთშიც ფიქრობენ, რომ ეს პანდემიის შემდეგ, საზოგადოებრივი ტრანსპორტისთვის თავის არიდების მიზნით ხდება.

შეერთებულ შტატებში საზოგადოებრივი ტრანსპორტით სარგებლობამ დღეისთვის 95%-ით იკლო. პროგნოზების მიხედვით, დიდი ქალაქების სატრანსპორტო სისტემებს სერიოზული საბიუჯეტო პრობლემები და მწვავე დეფიციტი ემუქრება, რაც სავარაუდოდ, 2022 წლამდე გასტანს. ურთულესი ვითარება იქმნება ქალაქ ნიუ-იორკში, სადაც პანდემიამდე, საზოგადოებრივი ტრანსპორტით ყოველდღიურად 5.5 მილიონი ადამიანი სარგებლობდა.

სატრანსპორტო სააგენტოებმა მთავრობისგან 25 მილიარდი დოლარის ოდენობის მასტიმულირებელი პაკეტი მიიღეს. თუმცა, სპეციალისტები ფიქრობენ, რომ ეს საკმარისი არ არის და ისინი სააგენტოებისთვის დამატებით $33 მილიარდს ითხოვენ. იმის გათვალისწინებით, რომ ამერიკელები საზოგადოებრივ ტრანსპორტს სავარაუდოდ, მომავალშიც ნაკლებად გამოიყენებენ, რისკის ქვეშ მთელი ინდუსტრია დგება.

საკონსულტაციო-კვლევითი ორგანიზაციის „იფსოს“ გამოკითხვების მიხედვით, საზოგადოებრივი ტრანსპორტით მოსარგებლე ამერიკელების 72% ამბობს, რომ ან შეამცირებს ავტობუსებით, ბორნებით, მეტროთი და მატარებლებით სარგებლობას, ან დაელოდება იმ დროს, როცა მგზავრობა უსაფრთხო გახდება. გამოკითხულების 68% მგზავრობას ავტომობილს ამჯობინებს, ან    ამბობს, რომ უფრო მეტად გამოიყენებს მას.

„ჩვენ მართლაც ვამაყობდით იმით, რომ მეტროთი ვსარგებლობდით, მაგრამ ახლა მანქანა გარეთ გასასვლელად უბრალოდ ყველაზე უსაფრთხო საშუალება გახდა“ – ამბობს განა ლინგსტოუნი. ის ქმართან და ხუთ შვილთან ერთად ბრუკლინში ცხოვრობს. მანქანა მათ აქამდე არასდროს ჰყოლიათ, მაგრამ ცოტა ხნის წინ მიხვდნენ, რომ უსაფრთხოებისთვის ეს ყველაზე კარგი გამოსავალი იქნებოდა და აპრილში პირველი ავტომობილი, კომპანია „ჰონდას“ მოზრდილი მანქანა „ოდისეი“ შეიძინეს.

ზოგიერთი სამსახური თანამშრომლებს საზოგადოებრივი ტრანსპორტის გამოყენებას არ ურჩევს. ნიუ-იორკის საფონდო ბირჟა თავის თანამშრომლებს სამსახურში სასიარულოდ საზოგადოებრივი ტრანსპორტის გამოყენებას უკრძალავს კიდეც.

გამოკითხვა ჩაატარა მანქანების გაყიდვის ვებ-პლატფორმამაც, სახელად „თრუქარ“. მათი მონაცემებით, ამერიკელი მყიდველების 8% ამბობს, რომ ავტომობილის ყიდვის ან ქირაობის მთავარი მიზეზი საზოგადოებრივი ტრანსპორტისთვის თავის არიდება გახდა.

ასე თუ გაგრძელდა, სულ მალე კიდევ ერთი პრობლემის წინაშე აღმოვჩნდებით: საცობები გაცილებით რთული დასაძლევი გახდება – ამბობენ ამერიკელი მკვლევარები. მათი მოდელების მიხედვით, ინდივიდუალური გადაადგილების ხანგრძლივობა ამერიკის დიდ ქალაქებში სულ ცოტა 20 წუთით გაიზრდება, თუკი საზოგადოებრივი ტრანსპორტით მოსარგებლე ყოველ 4 ადამიანს შორის, საჭესთან ერთი მაინც გადაჯდება.

ვანდერბილტის უნივერსიტეტის პროფესორი დენ უორკი ამბობს, რომ „თუ ოფიციალური პირები ვერ დაარწმუნებენ ხალხს, რომ საზოგადოებრივი ტრანსპორტი უსაფრთხოა, შეიძლება ამ ტიპის ტრანსპორტიდან მთლიანად გადავერთოთ“. ის უნივერსიტეტის საინჟინრო სკოლაში ჩატარებული ახალი კვლევის თანაავტორია.

ნდობის აღდგენისთვის, ამერიკის სატრანსპორტო სააგენტოები ევროპის და აზიის ქვეყნების გამოცდილებას სწავლობენ. არ არის გამორიცხული, დაინერგოს უსაფრთხოების ზომები, როგორიცაა: ტემპერატურის სავალდებულო გასინჯვა, ნიღბების სავალდებულო ტარება, სოციალური დისტანცირების რეგულაციის დაცვა ავტობუსებში, მეტროს პლატფორმებზე და ვაგონებში.

ნიუ-იორკში უკვე ფართოდ დაინერგა სისტემატური დეზინფექციის მეთოდი. იწმინდება ყველაფერი, ბილეთის ასაღები მოწყობილობა იქნება ეს, ლიფტის ღილაკები, კიბის სახელურები, თუ ვაგონები. ნიუ-იორკის მერია ამბობს, რომ დეზინფექცია ცალკე აღებული, ქალაქს წელიწადში სულ ცოტა, 500 მილიონი დოლარი დაუჯდება.

წყარო: ამერიკის ხმა