Category: სხვადასხვა

ალექსეი ნავალნის თანაგუნდელებმა ხუთშაბათს გამოაქვეყნეს გამოძიება, რომელიც რუსეთის პრეზიდენტის ყოფილ ცოლს და მის ამჟამინდელ ქმარს ეხება. გამოძიებაში საუბარია მათ ბიზნესზე და საზღვარგარეთულ უძრავ ქონებაზე.

რამდენიმე ფაქტი გამოძიებიდან:

ჯერ კიდევ 2000-იან წლებში ლუდმილა პუტინა კურირებდა სპეციალურად მისთვის შექმნილ “რუსული ენის განვითარების“ ცენტრს. ეს ახალი ამბავი არ არის – მასზე, როგორც ცენტრის ხელმძღვანელზე “ნოვაია გაზეტაც“ კი  წერდა. 2009 წელს ფონდის სახელი შეიცვალა და გაჩნდა ფონდი “  ინტერპერსონალური კომუნიკაციების განვითარების ცენტრი”. 2013 წლის ივნისში პუტინები განქორწინდნენ.

ფონდს არტურ ოჩერეტნი ხელმძღვანელობს. მედია წერდა, რომ ეს პუტინის ყოფილი ცოლის ახალი ქმარია. ლუდმილა პუტინა გათხოვების შემდეგ 2015 წელს მის გვარზე გადავიდა. ამის შესახებ მონაცემები ვიკიპედიაშიც კი იძებნება.

მოსკოვის მერიამ და პრეზიდენტის საქმეთა სამმართველომ ფონდს საკუთრებაში გადასცა კრემლის გვერდით, ვოზდვიჟენკას ქუჩაზე მდებარე 1774 წელს აშენებული ისტორიული შენობა. ახალმა მესაკუთრეებმა მას ორი სართული დააშენეს, რასაც ქალაქის დამცველთა პროტესტო მოჰყვა. ეს ამბავიც არ არის სიახლე.

ინტერპერსონალური კომუნიკაციების განვითარების ცენტრმა ამ ისტორიულ შენობაში ყველა ფართო კომერციულ ფირმა მერიდიანს მიაქირავა, რომელიც ლუდმილა პუტინა–ოჩერეტნაიას ეკუთვნის – წერენ ნავალნის თანამებრძოლები. არც ეს არის სიახლე. 2017 წელს საგენტო როიტერი წერდა, რომ არენდის ფულს “მერიდიანი“ იღებდა, რომელიც 99%–ით ეკუთნოდა ინტერიერსერვისს, რომლის მფლობელი რეესტრის მონაცემებით ლუდმილა ალექსანდრეს ასული შკრებნევა იყო. ეს არის რუსეთის პრეზიდენტის ქალიშვილობის სრული სახელი და გვარი.

არენდიდან შემოსავალი მაშინ როიტერმა წელიწადში 3 მილიონ დოლარად შეაფასა, ნავალნის თანაგუნდელებმა კი ამჟამინდელი შემოსავალი 250 მილიონ რუბლად წელიწადში, რაც დაახლოებით 4 მილიონი დოლარია. არენდატორები არიან ვითიბი ბანკი, სბერბანკი, ბურგერ კინგი, აფთიაქი, კოლექტორული სააგენტო – ამბობენ ნავალნის გუნდის წევრები.

ისინი ამტკიცებენ, რომ დაადგინეს პუტინის ყოფილი ცოლის ხელფასი ინტერპერსონალური კომუნიკაციების განვითარების ცენტრში: მათი თქმით, 2020 წლის ოქტომბრამდე ის საკუთარ თავს თვეში 1 მილიონ რუბლს უხდიდა, 2020 წლის ოქტომბრიდან კი 2 მილიონ რუბლს.

გამოძიების ერთ–ერთი მთავარი მტკიცებაა ის, რომ პუტინის ყოფილი ცოლის და მისი ამჟამინდელი ქმრის სტრუქტურა დაფინანსებას იღებს მოსკოვის მერიიდან, გაზპრომბანკიდან და სევერსტალიდან. თითქოსდა მათ მიერ მოძიებული საბანკო გადარიცხვების მიხედვით გამოძიების ავტორები ამტკიცებენ, რომ ორგანიზაციის სამი უმსხვილესი სპონსორი ეს სამი იურიდიული პირია.

3 წლის მანძილზე მოსკოვის მერიამ ცენტრს 175 მილიონი რუბლი ჩაურიცხა, გაზპრომბანკმა 140 მილიონი, სევერსტალმა კი 100 მილიონი რუბლი.  ეს ორგანიზაციები ამ ფაქტზე კომენტარს არ აკეთებენ.

გამძიებაში საუბარია, რომ ოჩერეტნების ოჯახმა ბინები და სახლი იყიდეს საფრანგეთის სამხრეთით, შვეიცარიაში და ესპანეთში. მათი საერთო ღირებულება გამომძიებლების შეფასებით 600 მილიონი რუბლია.

ისინი ამტკიცებენ, რომ პუტინის ყოფილი ცოლი და მისი ქმარი ფლობენ ვილას ფრანგულ ბიარიცში, რომელშიც 5.3 მილიონი ევრო გადაიხადეს. ჯერ კიდევ 2017 წელს ამ ვილის შესახებ კორუფციის და ორგანიზებული დანაშაულის კვლევის ცენტრი წერდა, რომლის დამფუძნებლები წელს რუსეთში არასასურველ ორგანიზაციად გამოცხადდა. ორგანიზაციამ ვილის ღირებულება 7 მილიონ ევროდ შეაფასა. ამავე სანაპიროზე დაფუძნდა კატერინა ტიხონოვა, რომელსაც პუტინის შვილს უწოდებენ.

ესპანურ მალაგაში პუტინის ყოფილ ცოლს გამოძიების ავტორებმა 2 ბინა აღმოუჩინეს. პირველი ჯერ კიდევ 2011 წელს იყიდა, როცა პუტინის ცოლი იყო. მეორე თითქოსდა  2014 წელს – პუტინთან განქოროწინების შემდეგ შეიძინა.

ლუდმილა ოჩერეტნაია და მისი ქმარი არ არიან ჩართული ევროკავშირის სასანქციო სიაში, თუმცა მაისში ბრიტანეთმა ლუდმილა ოჩერეტნაიას წინააღმდეგ სანქციები შემოიღო.

კიდევ ერთი დეტალი – ნავალნის თანამებრძოლები ამტკიცებენ, რომ რუსეთის პრეზიდენტის ყოფილი ცოლის ანონიმური ბლოგი აღმოაჩინეს ერთ–ერთ ჟურნალში, რომელსაც თითქოსდა გამოგონილი სახელით (llenaa)  აწარმოებდა.

ამერიკაში მცხოვრები ქართველი მუსიკოსი და პიანისტი მარინა გაბუნია, რომელიც წლებია ჯულიარდის სკოლაში ასწავლიდა, ტრაგიკულად გარდაიცვალა. ორი კვირის წინ მას შვილი დაეღუპა ავარიაში, რის შემდეგაც მის ძაღლს უვლიდა.  პიტბულმა მარინა გაბუნია დაგლიჯა, რის შედეგადაც ქალი გარდაიცვალა.

ადგილობრივი მედიის ინფორმაციით ლონგ–აილენდში მცხოვრები ქალის დასახიჩრებული ცხედარი მისი სახლის უკანა ეზოში იპოვნეს მას შემდეგ, რაც მას მას თავს დაესხა ძაღლი, რომელიც მის შვილს ეკუთვნოდა. შვილიშვილი ორი კვირის წინ საგზაო შემთხვევის შედეგად გარდაიცვალა.

ქალის ქმარი სამსახურიდან 13 საათზე დაბრუნდა და ცოლის დასახიჩრებული ცხედარი უკანა ეზოში იპოვნა, ძაღლი კი მის სხეულს კვლავ გლეჯდა. კაცმა პოლიცია გამოიძახა. ადგილზე მოსულმა პოლიციამ ძაღლი ცეცხლსასროლი იარაღით მოკლა მას შემდეგ, რაც ის პოლიციელსაც დაესხა თავს. პოლიციელების თქმით ოფიცერი საავადმყოფოში ტრავმებით გადაიყვანეს.

პოლიცია ნანახს აღწერს, როგორც “შემაძრწუნებელს“.

მათი ინფორმაციით 7 წლის პიტბული ქალის შვილს ეკუთვნოდა, რომელიც ორი კვირის წინ მოტოციკლით ავარიაში დაიღუპა. ის და ძაღლი მშობლების სახლში ცხოვრობდნენ. ბიჭის სიკვდილის შემდეგ კი ძაღლს მშობლები უვლიდნენ.

საათი, რომელიც როგორც ამტკიცებენ, ნაცისტების ლიდერს, ადოლფ ჰიტლერს ეკუთვნოდა აშშ–ში 1.1 მილიონ დოლარად გაიყიდა. საათი ანონიმურმა მყიდველმა მერილენდის შტატში Alexander Historical Auctions–ის აუქციონზე იყიდა.

Huber–ის საათზე გამოსახულია სვასტიკა და გრავირებულია ინციალები AH.

ებრაელმა ლიდერებმა აუქციონის გამართვამდე დაგმეს გადაწყვეტილება ჰიტლერის საათის გასაყიდად გამოტანის შესახებ, თუმცა აუქციონის სახლმა, რომელიც წარსულში სხვა ნაცისტურ რელიქვიებსაც ყიდდა, გერმანულ მადიას განუცხადა, რომ მისი მიზანი ისტორიის შენარჩუნებაა.

აუქციონის კატალოგში ნათქვამია, რომ საათი შესაძლოა ფაშისტების ლიდერს 1933 წელს დაბადების დღეზე აჩუქეს, როცა ის გერმანიის კანცლერი გახდა.

აუქციონის სახლის შეფასებით საათი 1945 წელს სუვენირად წამოიღეს, როცა დაახლოებით 30–მა ფრანგმა ჯარისკაცმა ალპებში მდებარე ჰიტლერის თავშესაფარ ბერგჰოფზე მიიტანა შტურმი.

ითვლება, რომ შემდეგ საათი გადაყიდეს და ის ყოფილი მფლობელის ოჯახის რამდენიმე თაობამ შეინახა.

აუქციონის სხვა ლოტებს შორის იყო ჰიტლერის ცოლის, ევა ბრაუნის კაბა, ნაცისტი ჩინოვნიკების ფოტოები ავტოგრაფებით და ყვითელი ნაჭრის დავითის ვარსკვლავი სიტყვით Jude, რომლის ტანსაცმელზე დაკერებას გერმანელები ებრაელებისგან ითხოვდნენ იდენტიფიკაციისა და სტიგმატიზაციისთვის.

ღია წერილში, რომელიც 34–მა ებრაელმა მოღვაწემ დაწერა, ვაჭრობას “ამაზრზენი“ უწოდეს და მოუწოდეს აუქციონის სახლს ნაცისტური სიმბოლოები გაყიდვიდან მოეხსნა.

რაბინი მენახემ მარგოლინი, რომელიც ებრაელთა ევროპული ასოციაციის თავმჯდომარეა, ამბობს, რომ ეს გარიგება დაეხმარა მათ, ვინც იდეალიზებას უკეთებს ყველაფერს, რაც ნაცისტების პარტიამ დატოვა.

“ რა თქმა უნდა, ისტორიის გაკვეთილები უნდა ვისწავლოთ, და ნამდვილი ნაცისტური არტეფაქტების ადგილი მართლაც არის მუზეუმებში და სამეცნიერო დაწესებულებებში, თუმცა ნივთები, რომლებსაც თქვენ ყიდით, მათ რიცხვს არ განეკუთვნება“– დაწერა მან.

Alexander Historical Auctions–ის წარმომადგენლები აცხადებენ, რომ მათი მიზანი ისტორიის შენარჩუნებაა და გაყიდული ნივთების უმრავლესობა კერძო კოლექციებში ინახება ან ხოლოკოსტის მუზეუმებს საჩუქრად გადაეცა. აუქციონის სახლი აცხადებს, რომ მათ არ აქვთ მტკიცებულება, რომ ამ საათს ჰიტლერი მართლაც ატარებდა. თუმცა, უცნობი ექსპერტი მივიდა დასკვნამდე, რომ სავარაუდოდ საათი მართლაც მას ეკუთვნოდა.

აუქციონერები მისი გაყიდვიდან 2–4 მილიონი დოლარის მიღებას ვარაუდობდნენ, თუმცა ასეთი გულუხვი მყიდველი არ გამოჩნდა.

მომღერალი მამუკა ონაშვილი ავარიაში მოყვა. ინფორმაციას სოციალურ ქსელში მოდელი და ტელეწამყვანი ირინა ონაშვილი ავრცელებს.

ამჟამად ის პირველ საუნივერსიტეტო კლინიკაში იმყოფება. როგორც ექიმები ამბობენ, მისი მდგომარეობა მძიმეა და მართვით სუნთქვაზე იმყოფება.

„მდგომარეობა მძიმეა, იმყოფება მართვით სუნთქვაზე. ჩაუტარდა ქირურგიული ოპერაცია, შიდა ორგანოები ჰქონდა დაზიანებული. ამ ეტაპზე მკურნალობას რეანიმაციულ განყოფილებაში განაგრძობს“, – ამბობენ კლინიკაში.

ავარია გუშინ, ნატახტართან მოხდა, რა დროსაც ერთმანეთს ორი ავტომობილი შეეჯახა. შემთხვევის შედეგად 1 ადამიანი დაიღუპა, 3 კი დაშავდა.

2021 წლის შემოგომაზე ილონ მასკს ხანმოკლე რომანი ქონდა ნიკოლ შანახანთან, გუგლის თანადამფუძნებლის, სერგეი ბრინის ცოლთან, რის გამოც 2002 წლის დასაწყისში განქორწინებაზე განცხადება შეიტანა – წერს გამოცემა Wall Street Journal საკუთარ წყაროზე დაყრდნობით.

“სრული სისულელეა“– ასე რეაგირებს მასკი ბრალდებაზე. სერგეი ბრინი და მისი ცოლი ჯერჯერობით პუბლიკაციაზე კომენტარს არ აკეთებენ.

მასკი ფორბსის ვერსიით მსოლიოს უმდიდრესი ბიზნესმენია. მისი ქონება 253.4 მილიარდს შეადგენს. სერგეი ბრინი, საბჭოთა წარმოშობის ამერიკელი ბიზნესმენი ფორბსის სიაში 9–ე ადგილს იკავებს 89.9 მილიარდი დოლარის ქონებით.

სერგეი ბრინის და ნიკოლ შანახანის განქორწინების სურვილის შესახებ 2022 წლის ივნისში გახდა ცნობილი, თუმცა განცხადება განქორწინების შესახებ სანტა–კლარას უმაღლეს სასამართლოში ჯერ კიდევ 2022 წელს იქნა შეტანილი. განქორწინების მიზეზად დოკუმენტებში მითითებულია “დაუძლეველი უთანხმოებები“. გამოცემის წყაროს ინფორმაციით განქორწინების შედეგად ქალი 1 მილიარდ დოლარს მიიღებს.

მასკი და ბრინი ძველი მეგობრები არიან. მაგალითად, ტესლას მფლობელი მრავალი წლის განმავლობაში რეგულარულად სტუმრობდა ბრინის კალიფორნიულ სახლს. გუგლის დამუძნებლები, სერგეი ბრინი და ლარი პეიჯი 2006 წელს მასკის ტარტაპის პირველი ინვესტორები გახდნენ – ეს იყო ელექტრომობილ ტესლას წარმოების პროექტი.

თავად მასკი კატეგორიულად უარყოფს, რომ შანახანთან რომანი ქონდა. “სრული სისულელეა“– დაწერა მან ტვიტერზე და დასძინა, რომ ბრინთან კვლავინდებურად კარგი ურთიერთობა აქვს და შინა დღით  წვეულებაზე ერთადაც იყვნენ.

“ნიკოლი ბოლო სამი წლის მანძილზე სულ ორჯერ ვნახე. ორივეჯერ ბევრი ხალხის თანდასწრებით. არაფერი რომანტიული არ ყოფილა“– წერს მასკი.

გამოცემა Wall Street Journal ამტკიცებს,  თითქოსდა მასკისა და ბრინის ცოლის რომანის დროს წყვილს უკვე გადაწყვეტილი ქონდა განქორწინება, რადგან მათი ურთიერთობა პანდემიის დროს გაფუჭდა, თუმცა წყვილი ჯერ კიდევ ერთად ცხოვრობდა. იმ დროისთვის მასკი თავის პარტნიორს, მომღერალ გრაიმსს დაშორდა.

გამოცემის ინორმაციით, სერგეი ბრინმა გადაწყვიტა არა მხოლოდ ცოლს გაშორებოდა, არამედ მის მრჩევლებს დაავალა ილონ მასკის კომპანიაში მისი პირადი ინვესტიციები გაეყიდათ. გამოცემა არ აკონკრეტებს ინვესტიციების მოცულობას.

მასკი თვლის, რომ Wall Street Journal მის მიმართ მიკერძოებულია. “იმდენი სისულელე გამოაქვეყნა ჩემზე და ტესლაზე, რომ სათვალავი ამერია“–დაწერა მასკმა ტვიტერზე.