Category: სხვადასხვა

მსახიობმა კევინ სპეისიმ ნიუ–იორკის სასამართლოში სექსუალური შევიწროების საქმეზე დავა მოიგო. მას მსახიობი ენტონი რეპი უჩიოდა. სასამართლომ დაადგინა, რომ რეპმა ვერ შეძლო მისი ბრალდებების დადასტურება იმის შესახებ, რომ ჰოლივუდის მსახიობი მას სექსუალურად ავიწროებდა. ბრიტანეთში სპეისის კიდევ რამდენიმე ბრალი აქვს წაყენებული სექსუალურ შევიწროებაზე და აღძრულია სისხლის სამართლის საქმე, რომლის განხილვას სასამართლო მომავალი წლის ზაფხულში დაიწყებს.

რეპი ერთ–ერთი პირველი იყო, ვინც სპეისის სექსუალური შევიწროების ბრალდება წაუყენა. მან 2017 წლის ზაფხულში  ინტერვიუში ისაუბრა 1986 წელს მომხდარ ამბავზე, როცა ის 14 წლის იყო, 26–27 წლის სპეისიმ კი მასთან სექსი სცადა.

რეპის თქმით, ეს სპეისის სახლში წვეულების შემდეგ მოხდა, როცა ყველა სტუმარი წავიდა.

“ხელი მომხვია. მე თავის დახსნა ვცადე, საწოლზე დამაწვინა და ზევიდან დამაჯდა“–მოყვე რეპმა. მისი თქმით, ამ დროს სპეისი ძალიან მთვრალი იყო.

ამჟამად რეპი 50 წლის არის. მან სასამართლოს 2020 წლის სექტემბერში მიმართა და კომპენსაციის სახით 40 მილიონი დოლარი მოითხოვა.

ხუთშაბათს, მანჰეტენის ფედერალურ სასამართლოში სამკვირიანი განხილვის შემდეგ დაადგინა, რომ რეპმა მისი ბრალდებების დამტკიცება ვერ შეძლო. მსაჯულები ვერდიქს საათზე მეტხანს განიხილავდნენ, მისი გამოცხადების შემდეგ კი სპეისი მის ადვოკატებს გადაეხვია და სასამართლოს დარბაზი დატოვა. სასამართლოს შემდეგ მას კომენტარი არ გაუკეთებიან.

სასამართლოს მსვლელობისას მსახიობი ბრალდებებს უარყოფდა. რეპის ინტერვიუს გამოქვეყნების შემდეგ ის ამბობდა, რომ ასეთი შემთხვევა საერთოდ არ ახსენდება, თუმცა მსახიობს ბოდიშს უხდის.

“შეძრწუნებული ვარ ამ ისტორიით. მართალია, არ მახსოვს ეს შემთხვევა, ეს ხომ 30 წლის წინ იყო. მაგრამ თუ ასე ვიქცეოდი, როგორც ის აღწერს, გულწრფელად ვუხდი ბოდის.“– წერდა 2017 წელს სპეისი ტვიტერზე.

სასამართლოზე მან თქვა, რომ შოკირებულია რეპის 5 წლის წინანდელი საჯარო ბრალდებით. “არ ვიცი, ეს როგორ შეიძლებოდა მომხდარიყო“–თქვა 63 წლის მსახიობმა და დასძინა, რომ შეუძლებელი იყო ის რეპს მიეზიდა, როგორც პოტენციური სექსუალური პარტნიორი, რადგან ძალიან პატარა იყო.

სპეისის ადვოკატი ამტკიცებდა, რომ რეპის ისტორია გამოგონილია და ამ სასამართლო საქმით მან შეძლო უფრო დიდი ყურადღების მიქცევა, ვიდრე მთელი მისი სამსახიობო კარიერის განმავლობაში.

სექსუალურ შევიწროებაზე მრავალრიცხოვანმა ბრალდებებმა ფაქტიურად უკვე დაანგრია სპეისის წარმატებული სამსახიობო კარიერა.

ამ ბრალდებების შემდეგ, რომლებიც რეპის აღიარებას მოჰყვა, ნეტფლიქსმა სპეისი პოპულარული სერიალიდან, “ბანქოს სახლი“ გაუშვა, ფილმ “მსოფლიოს ყველა ფულში“ კი ის მისი როლი კრისტოფერ პალმერმა მიიღო.

აგვისტოში აშშ–ს სასამართლომ სპეისის 31 მილიონი დოლარის გადახდა დააკისრა სერიალ “ბანქოს სახლის“ პროდიუსერებისთვის,  მსახიობის შოუდან გაშვების შემდეგ მთელი სეზონის გადაკეთების ხარჯების ასანაზღაურებლად.

საფრანგეთის მოსახლეობა შეძრწუნებულია 12 წლის გოგოს მკვლელობით, რომლის ცხედარი პარიზში, მისი სახლის ეზოში პლასტმასის კონტეინერში იპოვნეს.

12 წლის ლოლა დავიე პარასკევს დილით სკოლაში წავიდა, დღის მეორე ნახევარში კი სახლში არ დაბრუნდა. მამამ განგაში ატეხა. მალევე გოგოს ცხედარი უსახლკარო მამაკაცმა პარიზის 19–ე რაიონში მდებარე მრავალსართულიანი სახლის ეზოში აღმოაჩინა.

პოლიციამ საქმე აღძრა მუხლით – ბავშვის მკვლელობა დამამძიმებელ გარემოებებში წამების სახით. მოგვიანებით ბრალდებას სექსუალური ძალადობაც დაემატა.

საფრანგეთის სამართალდამცავმა ორგანოებმა მკვლელობაში ბრალი წაუყენეს ქალს, რომელსაც “ დაბია ბ“–ს უწოდებენ. მანამდე პრესაში გამოჩნდა ინფორმაცია, რომ ეჭვმიტანილი 24 წლის არის და ის საფრანგეთში ალჟირიდან გადავიდა საცხოვრებლად.

სამშაბათს საფრანგეთის შინაგან საქმეთა მინისტრმა, ჟერალდ დარმანენმა განაცხადა, რომ საქმესთან დაკავშირებით დაკავებულია 25 წლამდე ასაკის ქალი, რომელიც ქვეყანაში არალეგალურად იმყოფებოდა, თუმცა აქამდე პოლიციას არ დაუკავებია.

“ის რეგულარულად ჩამოდიოდა ჩვენი ქვეყნის ტერიტორიაზე როგორც სტუდენტი. დაახლოებით ერთი თვის წინ მას ჩვენი ტერიტორიის დატოვება მოსთხოვეს“–თქვა დარმანენმა რადიოსადგურ RTL-ის ეთერში.

ვრცელდება ინფორმაცია, რომ ლოლა იმ სახლის ზედამხედველის შვილი იყო, სადაც ეჭვმიტანილი დროებით დასთან ერთად ცხოვრობდა.

ბრალდების ვერსიით, ქალმა ლოლა თავის ბინაში შეიტყუა, “ბოროტი განზრახვით ჩაიდინა სექსუალური ხასიათის ქმედებები, რამაც ბავშვის სიკვდილი გამოიწვია, მისი ცხედარი კი კონტეინერში დამალა“. გამოძიებას აქვს გარე მეთვალყურეობის ვიდეოკამერების ჩანაწერები, რომელშიც ჩანს, რომ გოგო ეჭვმიტანილთან ერთად შენობაში შედის.

მოწმეთა ჩვენებით, ამის შემდეგ დაბია ბ. ქუჩაში დიდი პლასტმასის კონტეინერით ნახეს. მოწმეები ამბობენ, რომ ის უცნაურად იქცეოდა. ერთ–ერთი გამვლელის თქმით, ის მას დახმარებას  დახმარებას თხოვდა ფულის სანაცვლოდ, რომელიც “ორგანოებით ვაჭრობის საქმეში იშოვნა.“ თუმცა, პოლიცია ამ ვერსიას სერიოზულად არ განიხილავს და იხრება ვერსიისკენ, რომ ლოლას მკვლელობა რაიმე რაციონალური მოტივის გარეშე მოხდა. გამოძიებაც და სასამართლოც, რომელმაც დაბია ბ.–ს დაპატიმრების გადაწყვეტილება მიიღო, აღიარებენ, რომ ქალს ფსიქიური აშლილობის მძიმე ფორმა აქვს.

ადგილობრივი მედიის ინფორმაციით, ეჭვმიტანილი დროებით დასთან ცხოვრობდა. პოლიციაში ამბობენ, რომ მას საკუთარი სახლი არ ქონდა.

ბრალი წაუყენეს 43 წლის მამააცსაც, რომელიც მედიის ინფორმაციით შეიძლება ქალს ბავშვის ცხედრის ტარნსპორტირებაში ეხმარებოდა. პოლიცია კიდევ ორ ადამიანს კითხავს, რომლებიც მკვლელის თანამონაწილეობაში არიან ეჭვმიტანილი, თუმცა მათი ვინაობა არ სახელდება.

ცხედრის აღმოჩენის შემდეგ გაირკვა, რომ გოგოს ხელ–ფეხი შეკრული ქონოდა. სხეულზე ძალადობის მრავალი კვალი ემჩნეოდა, კისერზე კი ჭრილობა. თუმცა, გაკვეთამ აჩვენა, რომ ის გაგუდვისგან გარდაიცვალა. გოგონას ფეხსაცმელზე მიკრული იყო წარწერები ციფრებით “1“ და “0“.

დაკავებულ 43 წლის მამაკაცს გამოძიების ვერსიით, მკვლელობის შემდეგ გარკვეული დროის განმავლობაში ქალი გოგონას ცხედართან ერთად პარიზის გარეუბნებში დაჰყავდა, შემდეგ კი იმ სახლში დაბრუნდნენ, სადაც მკვლელობა მოხდა. იქ, მოწმეების ჩვენებით დებს შორის ხმამაღალი ჩხუბი მოხდა, შემდეგ კი დაბია ბ. ისევ წავიდა – ამჯერად კონტეინერის გარეშე.

პარასკევ–შაბათის ღამე მან პარიზის ჩრდილო–დასავლეთ გარეუბანში, ბუა–კოლომბში გაატარა, სადაც პოლიციამ დააკავა.

გამოძიების ვერსია რამდენიმე კამერის ჩანაწერს, სატელეფონო ზარებს და ჩხრეკისას აღმოჩენილ მტკიცებულებებს ეყრდნობა. დაკავებული ქალის ადვოკატი ხაზს უსვამს, რომ მის კლიენტს უდანაშაულობს პრეზუმფციის უფლება აქვს.

სკოლაში, სადაც 12 წლის გოგო სწავლობდა, ორშაბათს გლოვა იყო. სკოლაში განათლების მინისტრი პაპ ნდიაი და პარიზის მერი, ან იდალგო მივიდნენ. ამჟამად სკოლაში ფსიქოლოგიური მხარდაჭერის ჯგუფები მუშაობდნენ.

“ჩემი შვილი მთელი შაბათ–კვირა ტიროდა და საერთოდ არ ძინებია. უკვე ვეღარავის ვეღარ ვენდობით ამ რაიონში. ძალიან მეშინია ჩემი შვილების გამო“ – ამბობს გასმი, სოლის ერთ–ერთი მოსწავლის მამა.

“თითქოს შიგნიდან ყველაფერი ამომიტრიალდა. დღეს დილით შვილს სკოლაში გავყევი. რამდენიმე მეტრის დაშორებით მივყვებოდი. მისი უსაფრთხოებისთვის“–ამბობს კიდევ ერთი ქალი.

მეცნიერების საერთაშორისო გუნდმა შეძლო ლაბორატორიულ პირობებში ტვინის უჯრედების კოლონიის გაზრდა, რომლებმაც 70–იანი წლების ვიდეოთამაში Pong “აითვისეს“, რომელიც რაღაცით ტენისს გავს. დღეს ეს თამაში ძალიან პრიმიტიულად გამოიყურება, თუმცა 70–იან წლებში ნამდვილი ფურორი მოახდინა.

როგორც თავის სტატიაში ჟურნალ Neuon–ში ექქიმი ბრეტ კაგანი აცხადებს კომპანია Cortical Labs–იდან, მან და მისმა კოლეგებმა პეტრას ჭიქაში პირველი “გონიერი“ ხელოვნური ტვინი შექმნეს, ანუ, შესაძლოა მას ცნობიერება არ აქვს, მაგრამ მინიმუმ შეუძლია გარე სამყაროს აღქმა და მასთან ურთიერთქმედება.

რიგი ექსპერტების აზრით, მართალია სტატიის ავტორების მიღწევა აღტაცებას იწვევს, მაგრამ ამ ტვინის უჯრედებისთვის გონიერი უჯრედების დარქმევას ისინი არ იჩქარებდნენ.

თავად ექიმი კაგანიც განმარტავს, რომ მათ უბრალოდ ვერ შეძლეს მათი ქმნილებისთვის უკეთესი ტერმინის მოგონება, რადგან მას შეუძლია “გარე წყაროებიდან ინფორმაცია მიიღოს, გადაამუშავოს და რეალურ დროში მასზე რეაგირება იქონიოს.“

პირველად “მინი–ტვინები“, თუ შეიძლება მათ ასე ვუწოდოთ, ლაბორატორიულ პირობებში ჯერ კიდევ 2013 წელს შეიქმნა მიკროცეფალიის შესასწავლად. ეს არის გენეტიკური დარღვევა, რომლის დროსაც ადამიანები განუვითარებელი თავის ტვინით იბადებიან. მას შემდეგ ასეთი უჯრედების მაგალითზე მეცნიერები ტვინის განვითარებას იკვლევენ.

თუმცა, ამჯერად მკვლევარებმა დაახლოებით 800 ათასი უჯრედისგან შემდგარი ადამიანის ტვინის  კოლონია გაზარდეს “უნივერსალური“ ღეროვანი უჯრედების და ნაწილობრივ თაგვის ჩანასახის უჯრედებისგან. შემდეგ ელექტროდების დახმარებით ეს მინი–ტვინი გარე წყაროს მიუერთეს: ამ შემთხვევაში ვიდეოთამაშს, რომელშიც ბურთი მოედნის ერთი ნაწილიდან მეორეში უნდა გადააგდო.

საპასუხოდ უჯრედებმა საკუთარი ელექტრონული აქტივობის გამოვლინება დაიწყეს. თამაშის გაგრძელების პარალელურად ეს აქტივობა სუსტდებოდა, თუმცა გადატვირთვის შემდეგ, როცა ბურთი მოულოდნელ ადგილზე აღმოჩნდებოდა, უჯრედები კვლავ აღეგზნებოდნენ, რადგან მოულოდნელ სიტუაციაზე რეაგირებდნენ.

საინტერესოა, რომ მინი–ტვინს თამაში სულ 5 წუთის განმავლობაში ასწავლეს. და მართალია ის ხშირად აცილებდა ბურთს, მაგრამ წარმატებული გარტყმების რაოდენობა საშუალოზე გაცილებით მაღალი იყო.

ექიმ კაგანს იმედი აქვს, რომ მის მიერ შემუშავებული ტექნოლოგია გამოიყენება ისეთი ნეიროდეგენრატიული დაავადებების მკურნალობის ახალი მეთოდების დასატესტად, როგორიც არის მაგალითად ალცჰეიმერის დაავადება.

“როცა ადამიანები უყურებენ უჯრედებს პეტრას ჭიქაში, ჯერჯერობით მხოლოდ იმის დანახვა შეუძლიათ, ავლენენ თუ არა ისინი აქტივობას. მაგრამ, თავის ტვინის უჯრედების ამოცანა ხომ იმაში მდგომარეობს, რომ ინფორმაცია რეალური დროის რეჟიმში დაამუშაონ. და თუ მათ ამ ჭეშმარიტ ფუნქციას ავამოქმედებთ, შეიძლება ბევრი სხვა სფერო აღმოვაჩინოთ კვლევისა და დეტალური შესწავლისთვის“– ამბობს ის.

თავად ექიმი კაგანის შემდგომი მიზანია შეისწავლოს ალოჰოლის შესაძლო ზემოქმედება მინი–ტვინის უნარზე, ვიდეოთამაში Pong ითამაშოს.

თუ ლაბორატორიული ტვინების რეაქცია ნამდვილი ადამიანური ტვინის რეაქციის მსგავსი აღმოჩნდება, ეს იმას ნიშნავს, რომ მინი–ტვინების გამოყენება წარმატებით შეიძლება ადამიანებზე გათვლილ ექსპერიმენტებში.

თუმცა, უნდა ითქვას, რომ “გონივრულობის“ განმარტება, რომელიც ექიმმა კაგანმა ლაბორატორიაში გაზრდილ უჯრედებს მიანიჭა, განსხვავდება ტრადიციული განმარტებისგან, რადგან ეს ტერმინი გრძნობების და ემოციების განცდის უნარსაც გულისხმობს.

ამიტომაც, კარდიფის ფსიქოლოგიის სკოლის საპატიო მეცნიერ–თანამშრომელი, დინ ბერნეტი ამჯობინებს ტერმინ “მოაზროვნე სისტემის“ გამოყენებას.

“ჩვენ ვხედავთ ინფორმაციის გადაცემას და გამოყენებას, რაც იწვევს აშკარა ცვლილებებს, ასე რომ, უჯრედების მიერ მიღებული სტიმულაციის პრიმიტიულ დონეზე გააზრება ხდება“–განმარტავს ის.

კვლევების გაგრძელების პარალელურად მინი–ტვინები სავარაუდოდ სულ უფრო განვითარებული გახდება, მაგრამ ექიმი კაგანი და მისი კოლეგები აქტიურად თანამშრომლობენ ბიოეთიკის სპეციალისტებთან, რათა შემთხვევით ნამდვილად მოაზროვნე ტვინი არ შეიქმნას, რამაც პოტენციურად, წარმოუდგენელი ეთიკური პრობლემები შეიძლება შექმნას.

ევროპელებს და აშშ–ს აღმოსავლეთ სანაპიროს მაცხოვრებლებს წელს დიდი ალბათობით უჩვეულოდ თბილი ზამთარი ელით. ამის შესახებ ბლუმბერგი წერს.

მეცნიერებმა კლიმატის ცვლილების სამსახურიდან  Copernicus Climate Change Service,  რომელმაც ხუთშაბათს სეზონური პროგნოზი განაახლა, განაცხადეს, რომ ტემპერატურა დეკემბრიდან თებერვლის ჩათვლით სავარაუდოდ ამ პერიოდის საშუალო ნორმაზე ბევრად მაღალი იქნება. ანუ, გათბობის სეზონზე ამ ტერიტორიების მოქალაქეებს ენეგიის მოხმარების ზრდა არ მოუწევთ და არც შეზღუდვები შეაწუხებთ, რომლებიც რუსულ ენერგომატარებლებთან დაკავშირებულ პრობლემებს მოჰყვა.

ანომალურად მაღალი ტემპერატურა სავარაუდოდ შეამცირებს მოთხოვნას ბუნებრივ აირზე, რომლის მომარაგებასაც ევროპული ქვეყნები ასე ჩქარობენ. რუსეთ–უკრაინის ომმა  ენერგომატარებლების ფასები რეკორდულად გაზარდა, რამაც ევროპაში ცხოვრების ღირებულება გააძვირა.

მეცნიერების თქმით, არსებობს 50–60%–იანი ალბათობა, რომ დიდ ბრიტანეთში, ხმელთაშუაზღვის სანაპიროს დიდ ნაწილში და ცენტრალური ევროპის ნაწილში ტემპერატურა ამ პერიოდის საშუალო ტემპერატურაზე ბევრად მაღალი იქნება. კონტინენტის დანარჩენ ნაწილს კი 40–50%–იანი შანსი აქვს ისტორიულად დაფიქსირებულ საშუალო ტემპერატურას წლევანდელი მნიშვნელოვნად აღემატებოდეს.

თუმცა, თბილი ზამთრის პროგნოზი მეტეოროლოგებს შორის უნივერსალური არ არის. კომერციული ამერიკული სინოპტიკური სამსახური, Commodity Weather Group თვლის, რომ ზამთარი ევროპაში შეიძლება უფრო ცივი იყოს ვიდრე გასულ წელს, და ოდნავ უფრო ცივი, ვიდრე ბოლო 10 წლის საშუალო მაჩვენებელი იყო, თუ მას გათბობის გრადუს–დღეებით გავზომავთ.

ეს არის მეთოდი, რომელსაც იყენებენ ენეგიის მოხმარების ტემპერატურის გასაზომად, ამასთან უფრო მაღალი მაჩვენებელი უფრო ცივ რეჟიმს და გათბობისთვის საჭირო უფრო მეტი ენერგიის მოხმარებას ნიშნავს.

მეტეოროლოგ უილიამ ჰენებერგის თქმით, წელს ზამთარში მისი კომპანიის გათვლებით, ეს მაჩვენებელი 2,330–ს გაუტოლდება, როცა შარშან 2085 იყო, ბოლო 10 წლის საშუალო მაჩვენებელი კი 2,233.

ის ვარაუდობს, რომ ზამთარი ევროპაში არასტაბილური იქნება და თბილი და ცივი პერიოდები ერთმანეთს ხშირად შეცვლის.

“რა თქმა უნდა, ჩვენ ვერ გამოვრიცხავთ უცაბედად ყინვის მოძალებას ზამთრის რომელიმე პერიოდში, თუმცა ზოგად სურათს დიდი ალბათობით განაპირობებს სუსტი ცივი ფრონტების ხშირი მოძრაობა “– ამბობს ის.

სანამ ევროპის კონტინენტი შანტაჟის იარაღად ქცეული რუსული გაზის ალტერნატივას ეძებს, რომ ზამთარი ეკონომიკისთვის დანაკარგების გარეშე გაიაროს, მეტეოროლოგები სხვადასხვა ფაქტორებს ითვლიან, რომლებიც ამ ზამთარს ტემპერატურაზე გავლენას მოახდენენ. მაგალითად, აკვირდებიან არქტიკას.თუ ჩრდილოეთ პოლუსის გარშემო მოძრავი ქარების სარტყელი, რომელსაც პოლარულ მორევს უწოდებენ, შესუსტდება, ცივი ჰაერი შეიძლება სამხრეთით, აშშ–ში, აზიაში ან ევროპაში დაიძრას.

ძნელად პროგნოზირებადია, შესუსტდება და გაიშლება თუ არა არქტიკული ქარების სარტყელი, თუმცა ჯერჯერობით მეცნიერები ამის ნიშნებს ვერ ხედავენ.

კომპანია Atmospheric G2–ის მეტეოროლოგიის განყოფილების დირექტორი, ტოდ კროუფორდი, რომელიც ამინდის პროგნოზის სპეციალისტია, ჯერჯერობით ვერანაირ ნიშნებს ვერ ხედავს იმისა, რაც ზამთარში ევროპაში ან ამერიკაში ძლიერ ყინვებს გამოიწვევდა.

მეტეოროლოგები გრენლანდიის თავზე ჰაერის წნევასაც აკვირდებიან, რაც ასევე ახდენს გავლენას ევროპაში ამინდზე. აქაც ევროპაში და აშშ–ს აღმოსავლეთ ნაწილში  ცივი ამინდის არანაირი ნიშნები არ შეიმჩნევა.

Copernicus Climate Change Service–ის მეცნიერები აშშ–ს მთელი კონტინენტური ნაწილის ტერიტორიაზე საშუალოზე მაღალ ტემპერატურას ელიან. ტეხასსა და სამხრეთის სხვა ნაწილებში კი არის ალბათობა, რომ ტემპერატურამ საშუალო მაჩვენებელს 70%–ით გადააჭარბოს.

მამაკაცი, რომელმაც ვაკის პარკის შად­რე­ვან­ში შე­სუ­ლი ბავ­შვე­ბი, სა­კუ­თა­რი სი­ცო­ცხლის რის­კის ფა­სად გა­მო­იყ­ვა­ნა დევი მეზურნიშვილია. როგორც ირკვევა, ის  “ეკო­სერ­ვის ჯგუ­ფის” თა­ნამ­შრო­მე­ლი და  ვა­კის პარ­კის მე­ბა­ღეა.  “ადრე ადიდებული ალაზნიდან გამოიყვანა ადამიანი და გადაარჩინა…” – იხსენებს, დემი მეზურნიშვილის დედა.

• “სა­მამ თბი­ლის­ში წა­ვი­დო­და, ხან ვე­ნა­ხებ­ში მუ­შა­ობ­და, ხან კონ­კრე­ტულ ობი­ექ­ტებ­ზე. ბოლო პე­რი­ოდ­ში თბი­ლის­ში წა­ვი­და, იქ სცა­და თა­ვი­სი ბედი. მუ­შა­ობს ვა­კის პარკში. მის­გან გუ­შინ­დე­ლი საქ­ცი­ე­ლი არ გამ­კვირ­ვე­ბია, რად­გან ბუ­ნე­ბით ასე­თი ადა­მი­ა­ნია. ადრე ალა­ზან­ზე და­დი­ო­და ხოლ­მე, მა­ში­ნაც ვი­ღაც გა­და­არ­ჩი­ნა. ისე­თი ადი­დე­ბუ­ლი წყლი­დან გა­მო­იყ­ვა­ნა ადა­მი­ა­ნი, რომ სა­კუ­თა­რი თავი საფრ­თხე­ში ჩა­იგ­დო. წუ­ხელ გა­ვი­გეთ, რომ რა­ღაც მოხ­და. არ ვი­ცო­დით, რა მოხ­და. როცა დაგ­ვი­რე­კა, თან ტი­რო­და. მოგ­ვიყ­ვა ყვე­ლა­ფე­რი, მარ­თა­ლია დენი მარ­ტყამ­დაო, მაგ­რამ ბავ­შვე­ბი იყ­ვნე­ნო… თა­ვა­დაც 16 წლის შვი­ლი ჰყავს, დი­ლა­საც ვტი­რო­დი, ალ­ბათ, რო­გორ გა­ნიც­დის მომ­ხდარს, იმის თა­ვი­დან ხომ არ ამო­ვა ეს სა­ში­ნე­ლი რა­ღაც. მე­ა­მა­ყე­ბა ჩემი შვი­ლის საქ­ცი­ე­ლი”.-  განაცხადა დევი მეზურნიშვილის დედამ. 

”ტკბილო კოტიკო ეს ბოთლი ჩანთით ჩაიტანე მოსკოვში თუ სხვაგან გედო?” – ასე გამოეხმაურა, „კოკა-კოლა ბოთლერს ჯორჯიას“ სამეთვალყურეო საბჭოს წევრი სოფო ჭყონია სოციალურ ქსელში, „ალტ-ინფოს“ დამფუძნებლის, კოკა მორგოშიას მიერ გავრცელებულ ინფორმაციას, რომლის მიხედვით, რუსეთი “კოკა-კოლით“ საქართველოსგან მარაგდება.

“დასავლეთის მიერ სანქცირებული “კოკა-კოლა”, რომელიც საქართველოდან მთელი რუსეთის მასშტაბით მარაგდება… “დაუმორჩილებელი” თემურ ჭყონია. ერთიანი ნაციონალური მოძრაობა • United National Movement TV Pirveli • ტელეკომპანია პირველი მთავარი არხი • Mtavari Arkhi მთავარი დამფინანსებელი “ტკბილი თემურიკო” – დაწერა,  მორგოშიამ.

რაზეც, სოფო ჭყონიამ მორგოშიას ჰკითხა : “Konstantine Morgoshia/კონსტანტინე მორგოშია, “ტკბილო კოტიკო”, მაინტერესებს, ეს ბოთლი ჩანთით ჩაიტანე მოსკოვში თუ სხვაგან გედო?” 

სოფო ჭყონიას კომენტარის პასუხად, მორგოშიამ ვიდეოები გაავრცელა და განაცხადა : ”სოფო ჭყონიას “კითხვაზე” ვატარებ თუ არა ჩანთებით კოკა-კოლის ბოთლებს, ვუპასუხებ, რომ არ დამჭირდა, ვინაიდან ქალაქ მოსკოვის მარკეტებშიც საკმარისად დამხვდა..არ დამეზარა და აგერ ბატონო, რომ დარწმუნდეთ. ასეთი ვითარებაა… “აღიარებაც რომ უტყდებათ”.

რუსმა სამხედრომ ლიმანში სათვალთვალო კამერა მოიპარა და ბურიატიაში, საკუთარ სახლში დაამონტაჟა. მისი ტრანსლაცია კი ისევ უკრაინაში ხდება. ბლოგერმა იან გორდიენკომ ვიდეო და ფოტოები გამოაქვეყნა და თქვა, რომ გარე მეთვალყურეობის კამერა რუსმა სამხედრომ მისი მეგობრების სახლიდან მოიპარა.

გარკვეული დროის შემდეგ კი მოწყობილობა ბურიატიაში “გაცოცხლდა“. როგორც გაირკვა, ოკუპანტმა ის საკუთარ სახლში დაამონტაჟა. ვინაიდან მისი გადაწყობა არ მომხდარა, კამერის მიერ გადაღებული ვიდეოს ტრანსლირება ისევ მისი ძველი პატრონების მოწყობილობაზე ხდება და ისინი ლაივ რეჟიმში უყურებდნენ ქურდი სამხედროს სახლში მიმდინარე მოვლენებს.