newsreport.ge

Category: სხვადასხვა

  • კანის ფესტივალი გაიხსნა.ვინ როგორ გამოიყურებოდა წითელ ხალიჩაზე

    კანში უკვე დაიწყო კინოფესტივალი, რომელზეც კინოვარსკვლავებმა, მოდელებმა, მუსიკოსებმა მოიყარეს თავი. ტრადიციულად საფესტივალო პროგრამის გარდა მედიის განხილვის თემა ხდება ვარსკვლავების გარეგნობა და ჩაცმულობა. ვინ როგორ გამოიყურებოდა წელს წითელ ხალიჩაზე:

    ერთ–ერთი პირველი წითელ ხალიჩაზე ჯულიანა მური გამოჩნდა დიორის მწვანე კაბაში, რომელიც მის წითურ თმას ძალიან უხდებოდა.

    კონგრესების სასახლეში ალბერტა ფერეტის პროვოკაციულ კაბაში მივიდა ევა ლონგორია. კაბა მის ქალურ ფორმებს უსვამდა ხაზს. ატლასი და ღრმა დეკოლტე დახვეწილად და სექსუალურად გამოიყურებოდა. მაკიაჟის ავტორებმა კი გადაწყვიტეს მისი თვალებისთვის გაესვათ ხაზი.

    Victoria’s Secret–ის ყოფილი ანგელოზი, მოდელი ალექსანდრა ამბროსიო რალფ & რუსოს ფრიალა კაბაში გამოჩნდა. თეთრი ნახევრად გამჭვირვალე კაბა ბუმბულებით და ბუდუარული სტილით როგორც ჩანს, ახლა ტრენდულია. მაკიაჟის ავტორებმა კი აქცენტი მოდელის ლამაზ და მკაფიო ნაკვეთბზე გააკეთეს. მისი სახე სკულპტურას უფრო გავდა.


    სელენა გომესისთვის კანის წლევანდელი ფესტივალი პირველია მის კარიერაში, და პირველი საჯარო გამოჩენაა ოფიციალურ ღონისძიებაზე დეპრესიასთან მძიმე ბრძოლის შემდეგ. სელენა ფესტივალზე წარდგენილ ფილმში “მკვდრები არ კვდებიან“ თამაშობს. წითელი ხალიჩისთვის მან ლუის ვიტონის თეთრი კაბა შეარჩია. მაკიაჟში კი აქცენტი ტუჩებზე გაკეთდა წითელი საცხის გამოყენებით.

    ერთ–ერთი პირველი წითელ ხალიჩაზე ფრანგი მოდელი, ფოტოგრაფი და პარიზული სტილის არაოფიციალური სიმბოლო, კაროლინ დე მერგე გამოჩნდა. ღონისძიებისთვის მან შანელის შავ–ოქროსფერი კაბა შეარჩია.

    ბრაზილიელ მოდელს, იზაბელ გულარს ეტროს ულამაზეს ზურგმოშიშვლებული კაბა ეცვა, რომელიც მის იდეალურ ფიგურას უსვამდა ხაზს.

    წელს კანის ფესტივალზე 21 ფილმია წარდგენილი 13 ქვეყნიდან. თუმცა ამაზე სხვა სტატიებში.

  • კომპანია Bayer–მა 2 მილიარდი უნდა გადაუხადოს წყვილს, რომელიც მისი შესაწამლი პრეპარატის გამო კიბოთი დაავადდა

    აშშ–ს სასამართლომ გერმანულ ფარმაცევტულ კომპანია Bayer–ს 2 მილიარდი დოლარის გადახდა დააკისრა ცოლ–ქმრისთვის, რომელიც ამტკიცებდა, რომ კიბოთი დაავადდა სარეველების საწინააღმდეგო საშუალების გამოყენების შედეგად.
    კალიფორნიაში ნაფიც მსაჯულთა სასამართლომ დაადგინა, რომ Bayer –მა დაუდევრობა გამოავლინა და მომხმარებლები არ გააფრთხილა, რომ სარეველას საწინააღმდეგო ჰერბიციდი გლიფოსატს შეიცავდა და შესაძლოა ჯანმრთელობისთვის საშიში ყოფილიყო.
    გერმანული კომპანია ბრალდებებს უარყოფს და ამტკიცებს, რომ შესაწამლი საშუალება Roundup, რომელსაც სარჩელი ეხებოდა, მოხმარებისას უსაფრთხოა.
    ცოლ–ქმარმა, ელვა და ალბერტა პილიოდებმა სარჩელი ჰერბიციდის მწარმოებელი კომპანია Monsanto–ს წინააღმდეგ შეიტანეს და აცხადებდნენ, რომ მასთან კონტაქტის შედეგად არაჰოჯკინის ლიმფომა განუვითარდათ. გერმანულმა Bayer–მა Monsanto გასულ წელს იყიდა 63 მილიარდ დოლარად.
    ეს უკვე მესამე სასამართლო გადაწყვეტილებაა სარეველების საწინააღმდეგო საშუალება Roundup-ის წინააღმდეგ, რომელიც გლიფოსატს შეიცავს. სულ აშშ–ში ასობით ანალგიური სარჩელია შეტანილი სასამართლოში.
    მარტში სან ფრანცისკოს სასამრათლომ 80 მილიონის გადახდა დააკისრა კომპანიას ამერიკელი ედვინ ჰარდემანისთვის, გასული წლის აგვისტოში კი სასამართლომ კალიფორნიელი მებაღე დეუეინ ჯონსონისთვის 289 მილიონი დოლარის გადახდა დააკისრა ამავე კომპანიას იმის გამო, რომ ორივე მოსარჩელე კიბოთი დაავადდა.
    ცოლ–ქმრის ადვოკატები, რომლებმაც რეკორდული თანხა მოიგეს, სასამართლოს გადაწყვეტილებას “ისტორიულს“ უწოდებენ
    “ნაფიცი მსაჯულები თავად დარწმუნდნენ, რომ კომპანიის დოკუმენტების მიხედვით Monsato-“ს არასოდეს უცდია გაერკვია, არის თუ არა უსაფრთხო მისი პრეპარატი“ – ამბობს ადვოკატი ბრენტ უიზნერი.
    Bayer–ი აცხადებს, რომ სასამართლოს გადაწყვეტილებას არ ეთანხმება და მის გასაჩივრებას გეგმავს. გერმანული კომპანიის განცხადებით ბოლო წლების კვლევებმა აჩვენა, რომ გლიფოსატი ხმარებისას უსაფრთხოა. აშშ–ში 13 400 ზე მეტი ანალოგიური საჩივარია შეტანილი ჰერბიციდის გამოყენებასა და კიბოს განვითარების სავარაუდო კავშირთან დაკავშირებით.
    გლიფოსატი კომპანიამ 1970 წელს შექმნა და მას შემდეგ აშშ–სა და მსოფლიოში დიდი პოპულარობით სარგებლობს. 2015 წელს კიბოს კვლევის საერთაშორისო სააგენტო და კიბოსთან ბრძოლის მსოფლიო ორგანიზაცია მივიდნენ დასკვნამდე, რომ ის სავარაუდოდ ადამიანებისთვის კანცეროგენულია. თუმცა, ამავე დროს ამერიკის გარემოს დაცვის სააგენტო კვლავ ამტკიცებს, რომ ფრთხილად გამოყენებისას პრეპარატი უსაფრთხოა.

  • დღეს დედამიწაზე ძლიერი მაგნიტური ქარიშხალია

    მზეზე ძლიერი აქტიურობის გამო დედამიწაზე ბოლო ორი წლის მანძილზე ყველაზე ძლიერი მაგნიტური ქარიშხალია.  მისმა მაშტაბმა მეცნიერების პროგნოზებს გადააჭარბა.
    ასტრონომების თქმით, ის დედამიწის ყველა გეოგრაფიულ წერტილში დაფიქსირდა. ეს არის მესამე დონის ქარიშხალი ხუთბალიან შკალაზე. ხუთბალიანი ქარიშხლები უკიდურესად იშვიათია და ათ–ოც წელიწადში ერთხელ ხდება. მაგნიტური ველის აღგზნებას დღეისთვის მეცნიერები პროგნოზირებდნენ, თუმცა მათი ვარაუდით მას პირველი დონისთვის არ უნდა გადაეჭარბებინა.
    ქარიშხალი დღეს დილით დაიწყო. დედამიწის მაგნიტური ველის ნორმალიზაცია შუაღამის შემდეგ დაიწყება. დილისთვის კი საბოლოოდ დარეგულირდება.
    სპეციალისტები მეტეომგრძნობელ ადამიანებს სიფრთხილეს ურჩევენ. მაგნიტურ ქარიშხლებს ყველაზე მძიმედ გულ–სისხლძარღვთა სისტემის დაავადებების მქონე ადამიანები გრძნობენ, მათ შორის მიოკარის ინფარქტგადატანილები და ისინი ვინც ჰიპერტონიით არის დაავადებული. ექიმები მათ ურჩევენ მაგნიტური ქარიშხლის დროს წამლები მიიღონ და არტერიული წნევა გააკონტროლონ.
    G5 დონის მაგნიტურ ქარიშხალს ელექტრომომარაგების და რადიოტრანსლაციის სისტემების მწყობრიდან გამოყვანა შეუძლია. ამ მოვლენაზე დაკვირვების მთელი ისტორიის მანძილზე ყველაზე ძლიერი მაგნიტური ქარიშხალი 1959 წელს მოხდა და მან მთელ ევროპასა და აშშ–ში ტელეგრაფები მწყობრიდან გამოიყვანა.

  • ალიასკაზე ერთმანეთს ორი თვითმფრინავი შეეჯახა. არის მსხვერპლი

    ტურისტებით დატვირთული ორი ჰიდროთვითმფრინავი ალასკის სამხრეთ–დასავლეთით ერთმანეთს შეეჯახა. აშშ–ს სანაპირო დაცვის ინფორმაციით დაღუპულია მინიმუმ ოთხი ადამიანი. ორი კი უგზო–უკვლოდ დაკარგულად ითვლება.
    ინციდენტი ქალაქ კეტჩიკანის სიახლოვეს მოხდა. ასოშეითედ პრესის ინფორმაციით ერთი თვითმფრინავის ბორტზე 11 ადამიანი იყო, მეორეზე კი 5. ვრცელდება ინფორმაცია, რომ პირველი თვითმფრინავის 10 მგზავრი გადარჩა და ისინი საავადმყოფოში გადაიყვანეს.
    ორივე თვითმფრინავს საკრუიზო ლაინერის, “როიალ პრინცესის“ მგზავრები გადაჰყავდა პოპულარული ნაკრძალის დასათვალიერებლად.
    ერთ–ერთი თვითმფრინავი კომპანია Taquan Air–ს ეკუთვნოდა. კომპანიამ უკვე გამოთქვა სამიძმარი, ისევე როგორც საკრუიზო ლიანერის პრეს–სამსახურმა.
    აშშ–ს სამოქალაქო ავიაციის ფედერალური სამმართველოს წარმომადგენლის, ალენ კენიტცერის ინფორმაციით ტრაგედიის მიზეზი ჯერჯერობით დადგენილი არ არის. საძებრო–სამაშველო სამუშაოებში ვერტმფრენები, სამხედროები და მოხალისეები მონაწილეობენ.

  • ჰოლივუდის ვარსკვლავი დორის დეი 97 წლის ასაკში გარდაიცვალა

    ჰოლივუდის მსახიობი, მომღერალი და ცხოველთა დამცველი აქტივისტი 97 წლის ასაკში გარდაიცვალა. ის ჰოლივუდის “ოქროს ხანის“ ერთ–ერთი მთავარი ვარსკვლავი იყო.
    გარდაცვალების მიზეზი პნევმონია გახდა – ნათქვამია დორის დეის ცხოველების დაცვის ფონდის განცხადებაში.
    “დეი შესანიშნავ ფიზიკურ ფორმაში იყო მის ასაკთან შედარებით, სანამ ცოტა ხნის წინ პნევმონიის მძიმე ფორმით არ დაავადდა. ამან გამოიწვია მისი გარდაცვალება“ – ნათქვამია განცხადებაში.
    დორის დეი 1922 წლის 3 აპრილს ოჰაიოს შტატის ქალაქ ცინცინატში დაიბადა. მუსიკალური კარიერა 15 წლის ასაკში დაიწყო.
    მისი მთავარი ჰიტი იყო Que Sera Sera, რომელიც საბოლოოდ მსოფლიოს მაშტაბით ბევრმა მომღერალმა იმღერა. დეი ცნობილია ისეთი სიმღერებით, როგორიცაა Perhaps, Perhaps, Perhaps, Sentimental Journey და სხვები.
    ფილმი “დაბრუნდი ჩემო სიყვარულო“, რომელშიც დორის დეიმ როკ ჰადსონთან ერთად ითამაშა, 1950-1960–იანი წლების ყველაზე შემოსავლიანი ფილმი გახდა. სულ დორის დეიმ 30–ზე მეტ ფილმში ითამაშა.
    1970–იანი წლებიდან დეიმ მთელი ყურადღება ცხოველების დაცვაზე გადაიტანა.  2004 წელს დაჯილდოვდა “პრეზიდენტის თავისუფლების ჯილდოთი“, 2008 წელს კი მუსიკალური პრემია გრემით.

  • რა დაემართა მახათაზე პრემიერ ბახტაძეს. არაფხიზელი მდგომარეობა თუ ტექნიკური ხარვეზი

    მახათას მთაზე ტაძრის გახსნისას პრემიერ ბახტაძის გამოსვლამ დიდი ყურადღება მიიქცია არა მისი შინაარსის, არამედ იმის გამო, რომ პრემიერს საუბრისას მეტყველების და მოძრაობების შენელება აღენიშნებოდა. ბახტაძის გამოსვლას დიდი გახილვა მოჰყვა სოციალურ ქსელებში. საზოგადოების ნაწილმა ჩათვალა რომ პრემიერი არაფხიზელ მდგომარეობაში იყო, ან ემოციურად მეტისმეტად გადატვირთული. ცოტა ხანში ბახტაძემ ბრიფინგი გამართა და თქვა, რომ მისი გამოსვლის დროს აუდიო და ვიდეო გადაცემისას შეიქმნა ტექნიკური პრობლემა. მან  ქართველებს ანდრია მოციქულის დღე, ღვთისმშობლის წილხვდომილობის დღე და მახათას ტაძრის გახსნა ერთად კიდევ ერთხელ მიულოცა.
    მალევე განცხადება გაავრცელა საზოგადოებრივი მაუწყებლობის პირველმა არხმა და პრემიერ ბახტაძის უცნაური მეტყველება და მანერები ტექნიკურ ხარვეზს დააბრალა:
    “12 მაისს, მახათას მთაზე ივერიის ყოვლადწმინდა ღვთისმშობლის ხატის სახელობის ტაძრის გახსნისას, პრემიერ-მინისტრ მამუკა ბახტაძის სიტყვით გამოსვლის დროს, ხალხმრავლობის გამო, ფიზიკური კონტაქტის შედეგად დაზიანდა აუდიო-ვიდეო კაბელი, რის გამოც ტრანსლაციის დროს მოხდა ტექნიკური ხარვეზი.
    ტექნიკური წუნის გამო საქართველოს პირველი არხი მაყურებელს ბოდიშს უხდის.“–ნათქვამია პირველი არხის განცხადებაში.
    თუმცა საზოგადოების ნაწილს ტექნიკური მიზეზის არ სჯერა და სოციალურ ქსელებში ბაქრაძის არაფხიზელ მდგომარეობას კვლავ სარწმუნო ვერსიად განიხილავენ.

  • მილა იოვოვიჩი ლოს ანჟელესში დიმა ბილანის კონცერტზე გაერთო(ვიდეო)

    რუსი მომღერლის, დიმა ბილანის კალიფორნიულ კონცერტს ჰოლივუდის ვარსკვლავი, მილა იოვოვიჩი ესწრებოდა. როგორც ჩანს, მილას რუსული ფესვები რუსული ესტრადის სიყვარულსაც განაპირობებს. მუსიკოსმა ინსტაგრამზე ვიდოფრაგმენტი გამოაქვეყნა, რომელშიც მილა კარგად ერთობა და მღერის კიდეც.
    “მილა შენ ხარ ლეგენდა და საოცარი ადამიანურობის ადამიანი!!! ვაღმერთებ შენს ენერგიას და სიმსუბუქეს!!! ძალიან მიყვარხარ!!! მადლობა რომ ამ საღამოს ჩემთან ერთად იყავი“– დაწერა დიმა ბილანმა.
    მომღერლის თაყვანისმცემლები გაახარა იმ ფაქტმა, რომ ბილანი მილა იოვოვიჩს იცნობს და მასთან კარგი ურთიერთობა აქვს.

  • ბავშვის დაბადების შემდეგ მეგან მარკლი დიდი ბრიტანეთიდან აშშ–ში გადასვლას აპირებს

    მეგან მარკლი და პრინცი ჰარი დიდი ბრიტანეთიდან აშშ–ში წასვლას აპირებენ. კალიფორნიაში უძრავი ქონების შეძენის გადაწყვეტილება წყვილმა ბავშვის დაბადების შემდეგ მიიღო.
    მათ ლოს–ანჟელესში შესაფერისი სახლის შერჩევა დაიწყეს. სწორედ ამ ქალაქში გაიზარდა მეგანი. სასექსის ჰერცოგის მეუღლე ამბობს, რომ მოსწონს კალიფორნიის კლიმატი და ცხოვრების წესი.
    „საბოლოო ჯამში, ის კალიფორნიელი გოგოა და აქ უკეთ გრძნობს თავს. ჰოლივუდი მას გენებში აქვს. სწორედ აქ უნდოდა ყოველთვის დაფუძნება„ წერს გამოცემა The Sun ყოფილი მსახიობის მეგობრის კომენტარს.
    მეგანი და ჰარი ვარაუდობენ, რომ კაილფორნიაში თავს უფრო თავისუფლად იგრძნობენ სამეფო სახლისგან და ბრიტანული მედიის ყურადღებისგან. “აქ ჩამოსვლა მას მეტ თავისუფლებას მისცემს სასახლის კარისგან და პრესისგან. ის დიდ ბრიტანეთში ჰერცოგია, თუმცა ლოს–ანჟელესში შეუძლია დედოფალი იყოს“ – ამბობს მეგანის მეგობარი.
    გადასვლის ერთ–ერთი მიზეზი მეგანის დედის ფაქტორია. 63 წლის დორი რეგლანდი მუდმივად ლოს–ანჟელესში ცხოვრობს. ის სოციალური მუშაკი და იოგას ინსტრუქტორია. ცოტა ხნის წინ დორი დიდ ბრიტანეთში ჩავიდა, რომ შვილიშვილის დაბადებას დასწრებოდა. ბრიტანეთის სამეფო ოჯახში ვარაუდობენ, რომ სწორედ დედასთან ურთიერთობამ გადააწყვეტინა მეგანს ამერიკაში გადასვლა.
    ბავშვის დაბადებამდე სამეფო ოჯახის წყვილი ამბობდა, რომ ბავშვის დაბადების შემდეგ აფრიკაში გადასვლას გეგმავდნენ, სადაც საქველმოქმედო საქმიანობით და ბრიტანეთის პოპულარიზაციით დაკავდებოდნენ. თუმცა გადაწყვეტილება ბავშვის დაბადების შემდეგ შეიცვალა.

  • ფულადი ჯილდო ამოუცნობი წარწერის გაშიფვრისთვის. ბრეტანში კონკურსი გამოცხადდა

    საფრანგეთში, ბრეტანის რეგიონში პლუგასტელის კომუნის ადმინისტრაცია ორიათასი ევროს ოდენობის ჯილდოს სთავაზობს მას, ვინც შეძლებს კომუნის სიახლოვეს ნაპოვნ ქვაზე არსებული წარწერის გაშიფვრას.
    ქვა 20 სტრიქონიანი წარწერით რამდენიმე წლის წინ კომუნის სიახლოვეს პლაჟზე აღმოაჩინეს. წარწერა სავარაუდოდ 230 წლის წინანდელია.
    ქვაზე ამოტვიფრული ასოების უმრავლესობა ლათინურია, თუმცა ზოგიერთი მათგანი ამობრუნებულია. გარდა ამისა, გვხვდება სიმბოლოები, რომლებიც ძალიან გავს სკანდინავიურ რუნებს.
    ქვაზე გარკვევით ორი თარიღი 1786 და 1787. შესაძლოა ეს იმას ნიშნავდეს, რომ წარწერა საფრანგეთის რევოლუციამდე ორი წლით ადრე გაკეთდა. იქვე ჩანს იალქენიანი ხომალდის გამოსახულება და „მანათობელი გული“ – გულის გამოსახულება ჯვრით ერთ–ერთი მნიშვნელოვანი კათოლიკური სიმბოლოა.
    თუმცა ადგილობრივი მეცნიერები ვერ ახერხებენ წარწერის შინაარსის გაშიფვრას. ზოგი თვლის, რომ ის ძველ ბრეტონულ ან ბასკების ენაზეა გაკეთებული. ზოგი კი თვლის, რომ ის გაუნათლებელმა ადამიანმა გააკეთა და აზრის ამოკითხვა ამიტომ ჭირს.ერთ–ერთი თეორიით მიხედვით წარწერა უკავშირდება სანაპიროს გასწვრივ თავდაცვითი ზღუდის მშენებლობას.

    1780–იან წლებში ამ ადგილზე სიმაგრეები და საცეცხლე წერტილები იყო სანაპიროს დასაცავად. 1783 წლამდე საფრანგეთი და ინგლისი ერთმანეთთან ომობდნენ.

    ვინაიდან ადგილობრივმა მეცნიერებმა ვერაფერი გაიგეს, პლუგასტელის მერის თქმით მათ გადაწყვიტეს რომ მსოფლიოს მაშტაბით მოძებნონ ადამიანები, ვისაც შესაძლოა საჭირო ცოდნა აღმოაჩნდეს და ამიტომ გადაწყვიტეს კონკურსი გამოაცხადონ.
    კონკურსს “შამპილიონის საიდუმლო პლუგასტელ–დაულასში“ ქვია. ლინგვისტი ჟან ფრანსუა შამპილიონი მსოფლიოში ცნობილია იმით, რომ 19–ე საუკუნეში ძველეგვიპტური იეროგლიფები გაშიფრა როზეტის ქვაზე.
    ლინგვისტიკის და არქეოლოგიის მოყვარულებს მერიის ადმინისტრაციაში დარეგისტრირებას სთავაზობენ, რის შემდეგაც გაუგზავნიან წარწერის სრულ ფოტოებს. ასობით ადამიანი უკვე დაინტერესდა ამოუცნობი წარწერის გაშიფვრით. განაცხადების მიღება ნოემბრამდე გაგრძელდება, რის შემდეგაც კომისია გამოცანის ყველაზე რეალისტურ ინტერპრეტაციას შეარჩევს.

  • შარლიზ ტერონმა საკუთარ ფსიქიკურ პრობლემებზე ეთერში ისაუბრა

    43 წლის შარლიზ ტერონმა ჯეიმს კორდენის გადაცემაში – The Late Late Show გულახდილად ისაუბრა მის ფსიქიკურ პრობლემებზე. მსახიობმა აღიარა, რომ აბსესიურ–კომპულსიური მოშლილობა აწუხებს. ამ დაავადებას ახასიათებს ჩაციკვლა კონკრეტულ საკითხებზე და აიძულებს ადამიანს ერთი და იგივე ქმედება მუდმივად გაიმეოროს განგაშის გრძნობის დასაძლევად.
    მაგალითად, შარლიზი მუდმივად აგდებდა სახლიდან მისი მეგობარი მამაკაცის ფეხსაცმელს, როგორც კი ის ქალაქიდან გადიოდა. ჰოლივუდის ვარსკვლავი ამბობს, რომ ამ დაავადების გამო მშვიდად ძილიც არ შეუძლია. ის განიცდის, მაგალითად რამდენად სწორად და მოწესრიგებულად დევს ნივთები მის კარადებში. „შემიძლია შუაღამისას ავდგე, რომ შევამოწმო, ყველა ნივთი დევს თუ არა სწორად, თავის ადგილზე კარადებში და ხელახლა დავალაგო“– ამბობს მსახიობი. შარლიზ ტერონის თქმით, ამ პრობლემის გამო მას პირადი ცხოვრება ვერაფრით ვერ აეწყო.