Category: სხვადასხვა

გუშინ ირინა შეიკი ფლორენციის ქუჩებში შენიშნეს. თუმცა ის იქ ბრედლი კუპერთან დაშორების შემდეგ გულის გადასაყოლებლად და დასასვენებლად არ ჩასულა. მოდელი ფლორენციას გრანდიოზულ შოუზე ჩავიდა სახელწოდებით CR Runway x LuisaViaRoma 90th Anniversary Show.

შთამბეჭდავი იყო არა მხოლოდ შოუსთვის შერჩეული ადგილი – მოდელები პოდიუმზე დავითის ქანდაკების გვერდით დადიოდნენ– არამედ შემადგენლობაც. დეფილეში შეიკის გარდა მონაწილეობდნენ ჯიჯი და ბელა ჰადიდები, ნატაშა პოლი, კაროლინა კურკოვა, ალესანდრა ამბროსიო, სტელა მაქსველი, ჯოან სმოლსი და ბევრი სხვა. მაყურებელმა პოდიუმზე პერის ჯექსონიც ნახა, რომელიც როგორც წესი მოდურ შოუებზე მაყურებლის როლშია.

ირინა შეიკისთვის ეს პირველი ოფიციალური საჯარო გამოჩენაა ბრედლი კუპერთან დაშორების შესახებ გავრცელებული ამბის შემდეგ. თუმცა ის პაპარაცებს არ ემალება. ფლორენციაში ჩვენებამდე კი ისლანდიაში ახალ ფოტოსესიაში მონაწილეობაც მოასწრო.

თავად ჩვენება მოდის მოყვარულთათვის ნამდვილ ზეიმად იქცა. მოდელები პოდიუმზე ყველაზე სახელოვანი ბრენდების არქივებიდან ამოღებული სამოსით გამოვიდნენ. მაგალითად, ირინა შეიკს Ermanno Scervino–ს ტყავის კაბა ეცვა, ბელა ჰადიდს კი Off-White–ს კოსტუმი და Mugler-ის ორიგინალური ქუდი. 

იყო ამაღელვებელი მომენტებიც. მაგალითად, ვიქტორია ჩერეტი და მარიაკარლა ბოსკონე პოდიუმზე კარლ ლაგერფილდის სამოსით გამოვიდნენ. შეგახსენებთ, რომ ლეგენდარული დიზაინერი თებერვალში გარდაიცვალა.

მანჰეტენზე, ვესტ ვილიჯის ერთ-ერთი საჯარო სკოლის კედელზე, ამერიკაში საუკუნის წინ ჩამოსული ხუთი იმიგრანტის სახეა დახატული. კედლის მხატვრობა “თავისუფლების ფერების” სერიის ნაწილია და გასულ წელს, ბრაზილიელმა მურალისტმა, ედუარდო კობრამ დახატა. მურალი მონუმენტურია და იმიგრანტების სახეები 800 კვადრატულ მეტრზეა დახატული.

ნიუ-იორკის ერთ-ერთ ყველაზე მასშტაბურ კედლის მხატვრობაზე, მკვლევარმა ირაკლი მახარაძემ, გურული მხედრის, მშვიდობაძის სახე ამოიცნო.

ირაკლი მახარაძე, ამერიკაში გურული მოჯირითეების ისტორიას უკვე 20 წელია იკვლევს და ამ თემაზე უამრავი დოკუმენტური მასალა მოიძია. მკვლევარი ამბობს, რომ გურულ მოჯირითეებზე, რომელთაგან ბევრი თბილისშიც კი არ იყო ნამყოფი, დასავლეთმა და ყველაზე მეტად კი ამერიკამ უდიდესი შთაბეჭდილება მოახდინა.

“გურული მოჯირითეების თავგადასავალი ბავშვობიდანვე მიტაცებდა, განსაკუთრებით, როცა მოხუცები ყვებოდნენ ამის შესახებ: “ბიძია, გურულებმა ამერიკა სუნთლა გადარიენ მარა, თვითონაც გადარეულები ჩამევიდნენ,” მაგრამ სერიოზულად ამ თემაზე მუშაობა, დაახლოებით, 20 წელია რაც დავიწყე. ამ ხნის განმავლობაში უამრავი ახალი მასალა შევიძინე როგორც საქართველოში, ასევე ამერიკის არქივებსა და მუზეუმებში,” ამბობს ირაკლი მხარაძე.

გურული მოჯირითეები ამერიკაში

ირაკლი მახარაძის მიერ მოძიებული ინფორმაციით ირკვევა, რომ პირველად გურულები ევროპაში, კერძოდ კი ინგლისში, 1892 წელს მოხვდნენ. ცნობილი ამერიკელი შოუმენის ბაფალო ბილ ქოუდის წყალობით, რომელიც მთელ მსოფლიოში ეძებდა გამოცდილ ცხენოსნებს. რუსეთის იმპერიაში მისმა წარგზავნილებმა მხოლოდ გურული მხედრები შეარჩიეს. მკვვლევარის ცნობით, გურული მოჯირითეები აშშ-ში 1893 წელს ჩამოვიდნენ. გურულები “რუსი კაზაკების” სახელით 30 წელზე მეტ ხანს გამოდიოდნენ ბაფალო ბილის წარმოდგენებში და ცირკებისა და შოუების არენებზე.

ისტორიულ წყაროებში, ე.წ. “რუსი კაზაკების,” იგივე ქართველი მხედრების შესახებ უამრავი დოკუმენტია შემონახული. მკვლევარი ამბობს, რომ ამერიკელებს ქართველი მხედრების სახელების გამოთქმა უჭირდათ, ამიტომ ისინი სანახაობებში, ძირითადად, გამოგონილი სახელებით მონაწილეობდნენ.

“მიუხედავად იმისა, რომ დღემდე ბევრ ისტორიულ წყაროში ისინი “კაზაკებად” არიან მიჩნეულნი, ეს შეცდომა ნელ-ნელა სწორდება: ამერიკის რამდენიმე მუზეუმში მივაღწიე იმას, რომ ფოტოების აღმნიშვნელ წარწერებზე რუსების ნაცვლად, ქართველები დაეწერათ. თანამედროვე ამერიკულ საისტორიო წიგნებში უკვე მითითებულია, რომ მხედრები კაზაკები კი არა, არამედ ქართველი მოჯირითეები იყვნენ, საქართველოს დასავლეთ ნაწილიდან,” ამბობს “ამერიკის ხმასთან” საუბრისას ირაკლი მახარაძე.

მკვლევარი ამბობს, რომ “საბჭოთა ხელისუფლების დამყარების შემდეგ ბოლშევიკებმა გურულებს დასავლეთისაკენ გზა გადაუკეტეს. ვინც საზღვრის იქითა მხარეს იმყოფებოდა, უკან აღარ ისურვა დაბრუნება და დროთა განმავლობაში ამერიკელებში აითქვიფა. კარგი დღე არ დაადგათ სამშობლოში დაბრუნებულ მოჯირითეებს. ბოლშევიკებმა ბევრი დააპატიმრეს, ზოგი გადაასახლეს – ამერიკის “შპიონი” ხარო. მხედრები თავისი და ახლობლების სიცოცხლის გადასარჩენად თავისივე ხელით ანადგურებდნენ და სწვავდნენ ფსევდომამხილებელ მასალებს, ფოტოებს, წერილებს… ამის გამო, გურულების ფოტოები, უამრავი მასალა სამუდამოდ დაიკარგა.”

წყარო: ამერიკის ხმა

ცოტა ხნის წინ 34 წლის კრიშტიანუ რონალდუმ იტალიის ჩემპიონატში გამოსვლა იუვენტუსთან ერთად ტრიუმფალური გამარჯვებით დაასრულა, შემდეგ კი პორტუგალიის ეროვნულ ნაკრებთან ერთად ერთა ლიგა მოიგო. წარმატებული სეზონის შემდეგ კი დამსახურებული დასვენება მოიწყო. გუშინ ფეხბურთელი თავის მეგობარ ქალთან, 25 წლის ჯორჯინა როდრიგესთან და ოთხ შვილთან ერთად გაემგზავრა დასასვენებლად. ცხრა წლის კრიშტიანუ რონალდო უმცროსი და  ორი წლის ტყუპები –  ევა და მატეო რონალდუს სუროგატი დედისგან ყავს.   წლინახევრის გოგონა ალან მარტინა კი ჯორჯინასგან.

როდრიგესმა ინსტაგრამზე მადრიდის აეროპორტში, კერძო თვითმფრინავის ბორტზე გადაღებული ფოტო გამოაქვეყნა და მიაწერა: “დროა დავისვენო ჩემს საუკეთესო ხალხთან ერთად“.

ზუსტად სად გაემგზავრა ოჯახი, უცნობია. თუმცა ფაქტია, რომ ჯორჯინამ უკვე მოასწრო გარუჯვა. მან სოციალურ ქსელში უკვე დადო საცურაო კოსტუმში გადაღებული ფოტო.

შეგახსენებთ, რომ ცნობილი ფეხბურთელის და მოდელის რომანი სამი წლის წინ დაიწყო. ჯორჯინამ რონალდუს წელიწად ნახევრის წინ გოგონა გაუჩინა. გარდა ამისა, მასთან ერთად ზრდის რონალდუს 3 შვილს. დასავლური მედიის ინფორმაციის რონალდუ და როდრიგესი მალე დაქორწინებას აპირებენ.

ბუდაპეშტში მაშველებმა მდინარე დუნაის ფსკერიდან ამოიყვანეს მაისის ბოლოს ჩაძირული კატერი, რომელი დიდ ლაინერთან შეჯახების შედეგად ჩაიძირა. დუნაიზე ბოლო 65 წლის მანძილზე ყველაზე დიდი კატასტროფისას 28 ადამიანი დაიღუპა.

მყვინთავებმა კატერის ნარჩენებიდან ოთხი დაღუპულის ცხედარი ამოიყვანეს. კიდევ ოთხი ადამიანის ცხედარი კი დღემდე ვერ იპოვეს.

შეჯახება 29 მაისის საღამოს ბუდაპეშტის ცენტრში, მარგარეტის ხიდის ქვეშ მოხდა.

როგორც მოგვიანებით გაირკვა მსხვილი შვეიცარული საკრუიზო ლაინერი Viking Sigyn კატერ Hableany–ს შეეჯახა და საშინლად დააზიანა. კატერის ბორტზე 35 ადამიანი იმყოფებოდა – ტურისტული ჯგუფი სამხრეთ კორეიდან და ეკიპაჟის ორი წევრი, კაპიტანი და თანაშემწე. მხოლოდ 7 ადამიანის გადარჩენა მოხერხდა.

თვითმხილველების თქმით კატერი წამებში ჩაიძირა. რამდენიმე გარდაცვლილის ცხედარი მოგვიანებით ავარიის ადგილიდან 100 კილომეტრის დაშორებით იპოვეს. ისინი დინებამ წაიღო. კაპტანი დღემდე უგზო უკვლოდ დაკარგულად ითვლება. დაკარგულად ითვლებოდა ის ოთხი ადამიანიც, რომელთა ცხედრები კატერის ნარჩენებში იპოვეს.

შეჯახების შედეგად შვეიცარიული ლაინერის, Viking Sigyn–ის არცერთი მგზავრი არ დაზარალებულა. კაპიტანი კი 64 წლის უკრაინის მოქალაქეა, რომელიც დაუდევრობის ბრალდებით დააკავეს, რამაც მასობრივი მსხვერპლი გამოიწვია. გამოძიების ინფორმაციით კატასტროფა მსხვილი ლაინერის კაპიტნის არასწორმა მოქმედებებმა გამოიწვია.

44 წლის ლეონარდო დი კაპრიო და მისი 21 წლის შეყვარებული კამილა მორონე პაპარაცების ობიექტივში ლოს ანჯელესში გასეირნების დროს მოხვდნენ. 10 ივნისის საღამოს წყვილმა, რომელიც 2017 წლიდან ერთად არის კალიფორნიის ერთ–ერთ საუკეთესო რესტორანში, Messhall–ში ივახშმა და ქალაქში ფეხით გაისეირნა.

ცოტა ხნის წინ ლეო და კამილა ერთად გამოჩნდნენ კანში ფილმ “ერთხელ ჰოლივუდში“ პრემიერაზე.

მართალია წითელ ხალიჩაზე ისინი ცალ–ცალკე პოზირებდნენ, სამაგიეროდ ოფიციალური ნაწილის დასრულების შემდეგ მთელ დროს ერთად ატარებდნენ. ისვენებდნენ იახტაზე, ვახშმობდნენ რესტორნებში და სეირნობდნენ სანაპიროზე.

პირველად დი კაპრიოს და მორონეს ურთიერთობებზე 2017 წლის ბოლოს ალაპარაკდნენ. შემდეგი წლის გაზაფხულზე კი ისინი ლოს ანჯელესის ქუჩებში ერთად გამოჩნდნენ. აგვისტოში ჰოლივუდის ვარსკვლავმა შეყვარებულთან და მის ოჯახთან ერთად იტალიაში დაისვენა. მაშინ ინტერნეტში გამოჩნდა კადრები, რომლებზეც სელებრითები ზღვაში ერთად ბანაობენ და პლაჟზე ჩახუტებულები სეირნობენ.

წყვილი დღემდე საკუთარი ურთიერთობების აფიშირებას ერიდება. არანაირი ერთობლივი ფოტოები სოციალურ ქსელებში ან ინტერვიუ პირად ცხოვრებაზე. თუმცა ისინი პაპარაცების ობიექტივში ხანდახან მაინც ხვდებიან. გასული წლის ნოემბერში Us Weekly–ს ინფორმირებულმა წყარომ აცნობა, რომ ლეოს და კამილას ძალიან სერიოზული ურთიერთობა აქვთ. წყვილის ახლობლები კი ამბობენ, რომ მალე ისინი დაქორწინებას აპირებენ.

1 ივნისს “პრაიდის თვე“ დაიწყო. ეს არის თვე, როცა ლგბტ საზოგადოების მხარდასაჭერად მსოფლიოს ბევრ ქვეყანაში არაერთი ღონისძიება იმართება. ზაფხულის პირველი თვე პრაიდისთვის “სთოუნვოლის ბუნტის“ ხსოვნის პატივსაცემად შეირჩა, რომელიც 1969 წლის 28 ივნისს დაიწყო, როგორც გეი ბარებში პოლიციის რეიდების საპასუხო რეაქცია.

გასულ შაბათ–კვირას ნიუ–იორკში, ლოს ანჯელესში და აშშ–ს სხვა ქალაქებში ტრადიციული აღლუმები გაიმართა, რომლებშიც ბევრი სელებრითი მონაწილეობდა.

მაგალითად, 46 წლის მოდელი ჰაიდი კლუმი კალიფორნიის აღლუმზე შენიშნეს. მასთან ერთად იყო ჯეი ევანს ჯექსონი, სასცენო სახელით ლეგანჟ ესტრანჟი.

კლუმი როგორც ჩანს ღონისძიებაზე კარგად გაერთო და სოციალურ ქსელებში არაერთი ფოტო და ვიდეო გაავრცელა.

ამავე აღლუმში მიიღო მონაწილეობა ლოს ანჯელესში მსახიობმა კეიტ ბეკინსეილმა. საღამოს კი შეკრებილებმა კონცერტზე მოიყარეს თავი, რომელიც პოლა აბდულამ და ჯგუფმა Years&Years–მა გამართეს.

ლგბტ საზოგადოებას მხარდაჭერა გამოუცხადა 34 წლის კეტი პერიმ და სოციალურ ქსელში ცისარტყელას ფერების სამაჯურით გადაღებული ფოტო დადო.

რიკი მარტინი კი ნიუ იორკში, პუერტორიკოულ პრაიდს შეუერთდა. შეგახსენებთ,რომ მომღერალი წარმოშობით სწორედ ამ ქვეყნიდან არის.

ამავე აღლუმს ესწრებოდა 29 წლის ალექსანდრია ოკასიო–კორტესი – კონგრესში ოდესმე არჩეულ ქალთაგან ყველაზე ახალგაზრდა. ის აქტიურად იბრძვის ლგბტ უფლებებისთვის და ეს საკუთარი პოლიტიკური პროგრამის ნაწილად აქცია.

ლგბტ პრაიდის დაწყება ივნისის დასაწყისიდანვე სხვადასხვა ფორმით აღნიშნა ბევრმა ცნობილმა სახემ.მაგალითად, ინსტაგრამის ოფიციალურ გვერდზე მეგან მარკლმა და პრინცმა ჰარიმ მხარი დაუჭირეს ლგბტ საზოგადოებას:

“ჩვენ თქვენ მხარს გიჭერთ. ყველაფერი ძალიან მარტივია: სიყვარული – სიყვარულია.“ მიაწერეს თემატური ფოტოების კოლაჟს მეგანმა და ჰარიმ.

ლგბტ თემის მხარდამჭერი ფოტო გამოაქვეყნა მომღერალმა მერაია ქერიმაც.

პრაიდის მხარდასაჭერად ფოტო დადო ინსტაგრამზე კრისტინა აგილერამ.

ინდოეთის მიერ კონტროლირებად ქაშმირში 8 წლის გოგოს ჯგუფურ გაუპატიურებაში, წამებასა და მკვლელობაში ბრალდებული რვა მამაკაციდან ექვსი დამნაშავედ ცნეს. ნაწილს სამუდამო პატიმრობა მიუსაჯეს.

რვა წლის გოგონას სხეული, რომელიც მომთაბარე მუსულმანური ტომის, გუჯარის წევრი იყო 2018 წლის იანვარში ქაშმირის ჯამუს შტატის ქალაქ კატუას სიახლოვეს, ტყეში იპოვნეს. რვა ეჭვმიტანილის დაკავების შემდეგ ბევრი ინდუისტური ორგანიზაცია და ადვოკატები მათ დასაცავად აქციებს მართავდნენ.

სამ ბრალდებულს სამუდამო პატიმრობა მიესაჯა. სამი პოლიციელი ბრალდებულად ცნეს ნივთმტკიცებების განადგურებაში და ხუთი წელი მიუსაჯეს.

ბრალდებულები დანაშაულს უარყოფდნენ. ერთ–ერთი ბრალდებულის შვილი უდანაშაულოდ ცნეს.

გოგონა 2018 წლის დეკემბერში, ახალი წლის წინა დღეებში გაუჩინარდა. მისი დასახიჩრებული სხეული სამი კვირის შემდეგ იპოვნეს. გამომძიებლები აცხადებდნენ, რომ გოგონა ადგილობრივ ინდუისტურ ტაძარში ყავდათ გამოკეტილი და საძილე საშუალებას უკეთებდნენ, რათა უგონო მდგომარეობაში ყოფილიყო.

საბრალდებო დასკვნაში ნათქვამია, რომ მას რამდენიმე დღის განმავლობაში აუპატიურებდნენ და აწამებდნენ, რის შემდეგაც მოკლეს.ბრალდება ასევე ამტკიცებს, რომ დამნაშავეებს ამით მომთაბარე გუჯარების დაშინება უნდოდათ, რათა მათ ეს რაიონი დაეტოვებინათ.

ოფიციალური სტატისტიკის მიხედვით ინდოეთში ყოველ 15 წუთში მინიმუმ ერთი ბავშვი ხდება სექსუალური ძალადობის მსხვერპლი. ექსპერტები ამბობენ, რომ რეალურად მსხვერპლთა რიცხვი ბევრად მეტია.

ვინ არიან მოძალადეები?

6 ბრალდებულს შორის არის ყოფილი სახელმწიფო ჩინოვნიკი და ოთხი პოლიციელი.ბრალდლება წაუყენეს ერთ არასრულწლოვანსაც, რომლის სასამართლო ცალკე გაიმართება.

გამოძიება ამტკიცებს, რომ 60 წლის ყოფილმა სახელმწიფო ჩინოვნიკმა, სანჯი რამმა ამ დანაშაულის ორგანიზება ოთხი პოლიციელის დახმარებით მოახდინა. დაკავებულების ადვოკატი ამტკიცებდა, რომ საქმე არაპირდაპირ მტკიცებულებებს ეფუძნება და სასამართლოს მინიმალური სასჯელის გამოყენებისკენ მოუწოდებდა.

ბიბისის ქაშმირელი კორესპონდენტი ყვება, როგორ შეატყობინა გარდაცვლილი გოგონას დედას სასამართლოს ვერდიქტი.

“როცა დედას ვუთხარი, რომ ექვსი ბრალდებული დამნაშავედ ცნეს, ის ატირდა და დამლოცა, რომ კარგი ამბავი მივუტანე. მას და მის ნათესავებს იმის ფულიც კი არ ქონდათ, რომ თავად წასულიყვნენ სასამართლოზე დასასწრებად. ოჯახი თავს ცხვრის ფარის მწყემსვით ირჩენს.

“ყოველთვის მჯეროდა სამართლიანობის და ღმერთმა მომცა ბრძოლის ძალა“–თქვა გოგონას დედამ

გარდაცვლილი გოგონას უფროსი და, რომელიც 15 წლის არის ამბობს, რომ ის და სხვა გოგოები მუდმივ შიშში ცხოვრობენ, ეშინიათ ინდუისტების და სახლიდან უფროსების თანხლების გარეშე ვერ გამოდიან.

ინდოეთის მიერ კონტროლირებად ქაშმირში გოგონას მკვლელობის შესახებ ინფორმაცია მაშინვე გავრცელდა, თუმცა ინდოეთის დანარჩენ შტატებში ამის შესახებ მხოლოდ აპრილში, მას შემდეგ გაიგეს, რაც ინდუისტურმა ჯგუფებმა ბრალდებულების დასაცავი აქციები გამართეს.

მას შემდეგ, რაც ამ საშინელი ამბის დეტალები – წამებისა და გაუპატიურების ამბავი გავრცელდა, მთელი ინდოეთი აღშფოთებამ და პროტესტმა მოიცვა. ამ მკვლელობის შემდეგ მიიღეს კანონი, რომელიც სიკვდილით დასჯას ითვალისწინებს მოძალადისთვის, ვინც 12 წელზე მცირე ასაკის ბავშვს გააუპატიურებს.

მიუხედავად ინდოეთის საზოგადოების მხრიდან მხარდაჭერისა, გოგონას ოჯახი ამბობს, რომ თავს უსაფრთხოდ ვერ გრძნობს კატუას რაიონში, რომელიც ძირითადად ინდუისტებით არის დასახლებული.

46 წლის გვინეტ პელტროუ 48 წლის პროდიუსერს, ბრედ ფელჩაკს ცოლად გასული წლის სექტემბერში გაყვა. თუმცა, ცოლ–ქმარი მუდმივად ერთად არ ცხოვრობს. ამ გზით ისინი ცდილობენ ოჯახში ჰარმონია შეინარჩუნონ.

როგორც ირკვევა, გვინეტი და ბრედი ერთად მხოლოდ კვირაში ოთხ დღეს ატარებენ, რის შემდეგაც საკუთარ სახლებში მიდიან. ასეთი რჩევა წყვილს “ინტიმის საკითხებში გურუმ“ მისცა.

“ყველა ჩემი დაქორწინებული მეგობარი ამბობს, რომ ჩვენი განრიგი იდეალურია და არაფრის შეცვლა არ არის საჭირო“ – უთხრა მსახიობმა The Sunday Times–ს ინტერვიუში.

გვინეტი აღიარებს, რომ ოჯახური ცხოვრების ასეთი განრიგი წყვილს საშუალებას აძლევს სიყვარული და ვნება შეინარჩუნონ.

გვინეტ პელტროუ და ბრედ ფელჩაკი საიდუმლო ვითარებაში დაქორწინდნენ, შემდეგ კი მალდივის კუნძულებზე გაემგზავრნენ. გვინეტ პელტროუს კრის მარტინთან ქორწინებიდან ორი შვილი ყავს: 15 წლის ქალიშვილი ეფლი და 13 წლის ვაჟი მოზესი.