Category: სხვადასხვა

სალომე ზურაბიშვილის მსვლელობას ჯვრით ხელში წმინდა ნინოს მარშრუტზე ინტერნეტში არაერთგვაროვანი რეაქცია მოჰყვა. სოციალური ქსელების მომხმარებელთა ნაწილი პრეზიდენტს გადაწყვეტილებას უწონებს, ნაწილი კი აკრიტიკებს, დასცინის და ხუმრობს. კომენტარების გარდა სოციალურ ქსელში უამრავი ფოტო და გიფი  გამოჩნდა, სადაც სალომე ზურაბიშვილის გამოსახულება  წმინდა ნინოს ჯვრით ხელში სხვადასხვა სიტუაციებშია და კონტექსტშია ჩამონტაჟებული. გთავაზობთ რამდენიმე კომენტარს და სოციალური ქსელებით გავრცელებულ ფოტოებს:

“ყველა მორწმუნე პატივისცემას იმსახურებს. ამასთანავე, საერო პირისგან ამის აქცენტირებული საჯარო დემონსტრირება თვითონ მისივე სარწმუნოების ძირითად მცნებებთან შედის წინააღმდეგობაში. და თუ ეს საერო პირი საერო ხელისუფლებას წარმოადგენს მრავალეროვან ქვეყანაში, ეს უკვე სახუმარო აღარ არის და სახიფათო ფორმები შეიძლება შეიძინოს. ერთი ასეთი ეპიზოდი უკვე გვქონდა დავით-გარეჯთან დაკავშირებით, როდესაც კონკრეტულმა პოლიტიკურმა პრობლემამ ლამის რელიგიური, მსოფლმხედველობრივი განზომილება შეიძინა. პრეზიდენტი უნდა იყოს მორწმუნე და ეს მისასალმებელია. მაგრამ, ამასთანავე თუ რამის აქცენტირებულად დემონსტრირებას უნდა ახდენდეს, ეს არის ის, რომ ის ყველა საქართველოს მოქალაქის პრეზიდენტია, მართლმადიდებლის, კათოლიკეს, მუსულმანის და ა.შ. იმ ნარატივს კი, რომლის დემონსტრირებასაც ის ახდენს, მივყავართ ერთმორწმუნეობის პრიორიტეტულ პრინციპთან, ანუ გასაგებია სადაც..“

“აქ ვიღაცები წერენ, როგორ შეიძლება პრეზიდენტს (ზოგადად ადამიანს) რელიგიურობის გამო დასცინოთ, ქრისტიანობას რომ ეხება საქმე იმიტომ შაყირობთ, თორემ სხვა რელიგიას რომ ეხებოდეს, ეგრევე დაიცავდითო. სინამდვილეში, ვინც პრეზიდენტს იმ მსვლელობის გამო დასცინის ( სხვათა შორის მე აქმდე არაფერი დმიწერია ამ თემაზე), ამას იმიტომ კი არ აკეთებს, რომ ვინმეს რელიგიურობას იგდებს მასხრად, ან ქრისტიანობა მიაჩნია დასაცინად, ამას იმიტომ აკეთებენ, რომ ეს მათ თვალში სიყალბედ ჩანს, პოლიტიკურ პოპულიზმად, რელიგიით სპეკულირებად.“

“ნეტარხსენებულმა ჩერნომირდინმა რომ თქვა, რა საზოგადოებრივი ორგანიზაციაც არ უნდა შევქმნათ, მაინც სკკპ გამოდისო, ისეა ამ ქალის საქმე: რაც არ უნდა გააკეთოს, ყველა ვარიანტში ან რაღაც სამასხარაო გამოსდის, ან რაღაც მავნებლური, უფრო ხშირად კი ორივე ერთდროულად.

განა უნდა? უბრალოდ იმდენად შეუფერებელია თანამდებობისთვის, რომ შანსი არაა რამე სხვანაირად გამოუვიდეს.“

ნიკა გვარამია

“საქართველოს პრეზიდენტი. 21-ე საუკუნის ოციანი წლები.

ps მგონი, ამ ქალის კრიტიკა უკვე არაკორექტულია. ფსიქიკური ჯანმრთელობის მდგომარეობის გამო დაცინვა ტეხავს მაინც“

“იოლად გამოვძვერით!

ხომ შეიძლება მედეას გზის გავლა გადაეწყვიტა, ნიშნიანიძის არგოთი გამგზავრებულიყო და გორჯისტანელი დაებრიდა?“

“ჯერ ვერ გავარკვიე, ეს ავადმყოფი ულტრალიბერალები წმინდა ნინოს ჯვარმა დააფრთხო თუ სალომე ზურაბიშვილმა ჯვრით ხელში.

ამ იქედნეს ნაშიერებს იმდენად სძულთ ეკლესია, ჯვარი და სანთელი, რომ ვერც კი წარმოუდგენიათ ქვეყნის მეთაური ჯვრით ხელში!

ამ შეპყრობილებს “მარტივი ეგზორციზმი” (Simple Exorcism) ვეღარ უშველით და 2020-ში “საზეიმო ეგზორციზმი” (Solemn Exorcism) უნდა მოვუწყოთ, როგორც შარშან, მეორე ტურში და წლეულს, ზუგდიდში მოვუწყვეთ. “

ხო ამდენი ვიცინეთ და მგონი კოცონს მიმზადებენ შესაპიწკინებლად მაგრამ აი მართლა ხალხო ამ მსვლელობის კადრებს ვუყურებ და ყველაფერს გეფიცებით სიზმარში მგონია თავი! მართლა! ბიჯობიჯოო!

“ამ ქალის ხელში, ჯვარსაც კი მშვილდ -ისრის ფორმა აქვს, ეტყობა იმდენად არ ვენდობი ამ პ- რეზიდენტს, რომ უკვე ყველაფერს” ამ თვალით ”ვუყურებ“.

მთელი მსოფლიოს ყურადღება გუშინ ჩემპიონთა ლიგის ფინალისას მადრიდის სტადიონზე მიიპყრო გოგონამ, რომელიც თამაშისას მოედანზე თითქმის შიშველი შევარდა. გოგო მოედნის დაცვამ ძალის გამოყენებით გაიყვანა. მთავარი მსაჯი დამირ სკომინა იძულებული გახდა თამაში შეეჩერებინა, სანა სტიუარტებმა გოგონა არ დაიჭირეს და მოედნიდან არ გაიყვანეს.

მისი ვინაობით გუშინვე მთელი მსოფლიო დაინტერესდა და შეიძლება ითქვას ის ინტერნეტ სივრცის ვარსკვლავი გახდა.

პოლონელი კინსი ვოლანსკი ინსტაგრამ მოდელია. ჩემპიონთა ლიგის გუშინდელი მატჩისას სტადიონზე შერბენის შემდეგ, მის გამომწერთა რაოდენობა 1,9 მილიონამდე გაიზარდა და ახლაც იმატებს.

ჩემპიონთა ლიგის ფინალი მადრიდში გაიმართა. ლივერპულმა ფინალში ტოტენჰემს 2:0 მოუგო.

წელიწადზე ცოტა მეტი გავიდა მას შემდეგ, რაც მეგან მარკლი ბრიტანეთის სამეფო ოჯახის წევრი გახდა, თუმცა მის რთულ ხასიათზე უკვე ლეგენდები დადის. ნაკლებად ცნობილი ამერიკელი მსახიობის ბრიტანეთის პრინცზე გათხოვებას ბევრი კონკიას ზღაპარს ადარებს, თუმცა კონკიას ზღაპრის მიხედვით მას ბევრად უკეთესი ხასიათი ჰქონდა. ყოველ შემთხვევაში ზღაპარში არაფერია ნათქვამი იმის შესახებ, რომ ის სასახლის პერსონალს ცუდად ექცედა. სულ ცოტა ხნის წინ მეგან მარკლს მისი ახალდაბადებული შვილის, არჩის ძიძა გაექცა.

ჰარის და მეგანის ვაჟი 6 მაისს დაიბადა და ბუნებრივია, მას ძიძა აუყვანეს. თანაც ერთი კი არა სამი. ამ დღეებში კი ცნობილი გახდა რომ ერთ–ერთმა მათგანმა სამეფო ოჯახი დატოვა მეგან მარკლის პათოლოგიური სურვილის გამო, რომ ყველაფერი აკოტროლოს. “მას უბრალოდ არ შეუძლია ვინმე არჩისთან მარტო დატოვოს, ნებისმიერ დახმარებაზე უარს ამბობს. ბავშვი სულ მეთვალყურეობის ქვეშ ყავს“ – უყვება ბრიტანულ მედიას სამეფო კართან დაახლოებული წყარო. სხვათა შორის, დადის ჭორები, რომ მეგანი ბავშვს არა მხოლოდ ძიძებს, არამედ საკუთარ დედას, დორიასაც კი არ ანდობს, რომელიც ბრიტანეთში ამერიკიდან ჩავიდა ბავშვის დაბადების მომენტისთვის, რათა შვილს დახმარებოდა. თუმცა დორია მალევე დაბრუნდა ამერიკაში.

აპრილში სამეფო ოჯახთან თანამშრომლობის შვიდი წლის თავზე სამსახური დატოვა ოჯახის კერძო ვერტმფრენის პილოტმა, რომელიც აღშფოთებული იყო იმით, რომ მაღალკვალიფიციურ სტაჟიან სპეციალისტს მეგანის “უცნაური საკვების“ მისატანად უწევდა ფრენა, თითქოს ის 24 საათიანი სახლში საკვების მიტანის სერვისი იყო. მფრინავის უკმაყოფილების შესახებ ასევე ბრიტანულმა მედიამ დაწერა.

სამეფო ოჯახში მეგანის გამოჩენის შემდეგ ოჯახმა სრულფასოვნად იგრძნო რას ნიშნავს “კადრების გადინება“. მეგანს პირად თანაშემწეებთანაც უჭირდა წარმატებული კომუნიკაცია. მაგალითად, მელისა ტუბატმა ცოტა ხნის წინ პოსტი დატოვა. სწორედ ის ეხმარებოდა პრინცი ჰარის ცოლის მთავარი დღესასწაულის – მისივე ქორწილის ორგანიზებაში. თუმცა მელისამ ამ თანამდებობაზე სულ ექვს თვეს გაძლო. თავიდან ის ბუკინგემის სასახლეზე მუშაობდა და მხოლოდ დედოფლის თხოვნით დათანხმდა ჰარის და მეგანის მარჯვენა ხელი გამხდარიყო, თუმცა საბოლოოდ ვეღარ გაძლო და ბავშვის დაბადების შემდეგ პოსტი დატოვა. ბავშვის დაბადების შემდეგ კიდევ ერთმა თანამშრომელმა დატოვა მეგანის გუნდი – პირადი მდივნის თანაშემწემ, ემი პიკერილმა. გოგონამ თქვა, რომ სხვა ქვეყანაში აპირებს ცოტა ხნით ცხოვრებას, თუმცა სანდო წყაროები ამბობენ, რომ ეს მხოლოდ საბაბია და სინამდვილეში მიზეზი მეგანის ხასიათია.

მეგანსაც სამეფო ოჯახის სხვა წევრების მსგავსად პირადი მცველი ყავდა. წარსულ დროში იმიტომ ვამბობთ, რომ ქალი, ვისაც ეს პოსტი ებარა და ვისი სახელიც დღემდე უსაფრთხოების მიზნებიდან გამომდინარე საიდუმლოდ რჩება, მეგანთან ნახევარწლიანი მუშაობის შემდეგ პოსტიდან წავიდა. რა თქმა უნდა, მიზეზად რთული გრაფიკი ან მეგანთან უთანხმოება არ დასახელებულა, არამედ თანამშრომლის “პირადი განცხადება“. ამბობენ, რომ ჰარი და მეგანი ამ გადაწყვეტილებამ გაანაწყენა. თუმცა ალტერნატიული ვერსიაც არსებობს, რომ მეგანს დიდად არ უდარდია ქმრისგან განსხვავებით, რადგან მზად არ იყო უცხო ადამიანის მხრიდან ტოტალური კონტროლისთვის.

“სამეფო ოჯახის სხვა წევრები ბავშვობიდან მიჩვეულები არიან რომ მათ იცავენ, მეგანისთვის კი ეს ერთგვარი შემაკავებელი ფაქტორი იყო. ის ხომ მიჩვეულია, რომ როცა უნდოდა და რასაც უნდოდა იმას აკეთებდა, მათ შორის გადაადგილების თვალსაზრისით“ – ამბობს სამეფო ოჯახის ინსაიდერი. თუმცა, სამეფო ოჯახის წესებიდან გამომდინარე მეგან მარკლს ადრე თუ გვიან მოუწევს იმასთან შეგუება, რომ მას მუდმივად ვიღაც გააკონტროლებს.

ელტონ ჯონზე გადაღებულ ფილმს რუსულ კინოგაქირავებაში რეალურზე ხუთი წუთით ნაკლები ქრონომეტრაჟი აქვს: ფილმიდან გეი–სექსის და ნარკოტიკების შემცველი სცენები ამოჭრეს. რუსეთის კულტურის სამინისტროში ამბობენ, რომ მათ ფილმის ცენზურასთან კავშირი არ აქვთ, კომპანიაში კი, რომელმაც ფილმის კინოგაქირავების უფლება შეისყიდა ამბობენ, რომ ფილმი დაარედაქტირეს, რათა რუსულ კანონმდებლობასთან შესაბამისობაში მოეყვანათ. თუმცა არ აკონკრეტებენ, რომელ კანონმდებლობასთან.

ფილმ “როკეტმენის“ პრემიერა რუსეთში ხუთშაბათს შედგა. ფილმი ბრიტანელი მუსიკოსის, კომპოზიტორის და დაუფარავი ჰომოსექსუალის, ელტონ ჯონის ცხოვრებას ეხება. ბრიტანელი რეჟისორის, დექსტერ ფლეტჩერის ბიოგრაფიული ფილმიდან რომ სცენები იყო გამქრალი, სწორედ პრემიერის დროს გაირკვა. ჟურნალისტებმა შეამჩნიეს, რომ ფილმიდან გამქრალი იყო მამაკაცების ინტიმური ურთიერთობის სცენები და ბევრი ნარკოტიკთან დაკავშირებული ფრაგმენტი.

მაგალითად, ფილმიდან ამოიღეს შიშველი ელტონ ჯონის და მისი მენეჯერის, ჯონ რაიდის სცენა, სადაც მათ სექსი აქვთ.

ამ 40 წამიანი სცენის გაქირავების ვერსიიდან ამოღების რეკომენდაციაზე ადრე დეილი მეილიც წერდა. მისი მონაცემებით კინოკომპანია Paramount Pictures ფილმის შემქმნელებისგან ამ სცენის ამოღებას ითხოვდა, რათა აშშ–ში ჩვენებისთვის ასაკობრივი რეიტინგი შეემცირებინათ.

თავად ელტონ ჯონი კი ყოველგვარი ცენზურის წინააღმდეგ გამოდიოდა და ფილმის შემქმნელებს მოუწოდებდა, ყველაფერი მოეყოლათ, თუნდაც ფილმს მაღალი ასაკობრივი რეიტინგი 17+ დაემსახურებინა.

სექსის სცენების გარდა ფილმის რუსული ვერსიიდან გაქრა სლაიდის ის ნაწილი, სადაც ელტონ ჯონის და მისი მეუღლის ფოტოს აქვს წარწერა: “ელტონ ჯონმა მისი ნამდვილი სიყვარული–დევიდ ფერნიში იპოვნა, რომელთან ერთად უკე 15 წელია ცხოვრობს ქორწინებაში. ისინი ორ შვილს ზრდიან“.

კინოკრიტიკოსები, ვინც ფილმის რუსული ვერსია ნახეს ამბობენ, რომ ამოჭრილი 5 წუთი თითქოს ცოტაა, მაგრამ ძალიან პრინციპული 5 წუთია მხატვრული ჩანაფიქრის მთლიანობის აღქმისთმის.

ფილმიდან სცენების ამოჭრამ მაყურებელი აღაშფოთა. მათი უმრავლესობა თვლის, რომ მათი, როგორც მომხმარებლის უფლებები დაირღვა. ნაწილმა შესაბამისი განცხადებით როსპოტრებნადზორს მიმართა.

ნაწილი კი, ვინც ფილმის გამოსვლას კინოთეატრებში მოუთმენლად ელოდებოდა ამბობს, რომ ცენზურის გამო კინოთეატრის ბილეთებს აღარ იყიდის და დაელოდება როდის გამოჩნდება ფილმი ინტერნეტში.

ფილმის ჩვენება რუსეთის კინოთეატრებში 6 ივნისს დაიწყება.