Category: სლაიდერი

”დიდი ბოდიში 2012 წლის პირველი ოქტომბრისთვის, გულწრფელად გეუბნები მიშა” – ამის შესახებ, გაერთიანებული ოპოზიციის წარმომადგენელი მურმან დუმბაძე რუსთავის ციხესთან მიხეილ სააკაშვილის მხარდამჭერ აქციაზე სიტყვით გამოსვლისას განაცახდა.

“დიდი ბოდიში 2012 წლის პირველი ოქტომბრისთვის, გულწრფელად გეუბნები მიშა, ვერავითარ შემთხვევაში ვერ წარმოვიდგენდი, ვინმე ტარიელ ღარიბაშვილის შვილი თუ გახდებოდა საქართველოს პირველი პოლიტიკური პირი, ვერ წარმოვიდგენდი. ბოდიშს ვიხდი ამისათვის…შენი სათაყვანებელი ბათუმი, თვითმმართველობის ბრძოლაში არჩევნებს იგებს”, – თქვა მურმან დუმბაძემ.

ეროვნული ბანკის ინფორმაციით, 4 ოქტომბრის ვაჭრობის შედეგად, ლარი გაუფასურდა.

დოლართან გაუფასურებამ 0.66 თეთრი შეადგინა, რის შედეგადაც დოლარის ოფიციალური ღირებულება 3.1411 ლარი გახდა.

რაც შეეხება ევროს, ეროვნული ვალუტა მასთან მიმართებით 1.77 თეთრით გაუფასურდა, შედეგად, ერთი ევროს ოფიციალური ღირებულება 3.6487 ლარს გაუტოლდა. ბრიტანული გირვანქა სტერლინგი 2.84-თეთრით გაუფასურდა და 4.2669 ლარი გახდა.

დღევანდელი ვაჭრობის შედეგად მიღებული კურსები ძალაში ხვალიდან, 2 ოქტომბრიდან შევა.

“არჩევანი თბილისზეა, ქვეყნის მომავალი სასწორზე ” –  ასე ეხმაურება, ვედეთის ყოფილი პრემიერი და ევროპული საბჭოს მოქმედი თანათავმდჯომარე საგარეო ურთიერთობების საკითხებში კარლ ბილდტი მიხეილ სააკაშვილის დაკავებას ეხმაურება.  მისი თქმით, პოლარიზება, რომელიც სააკაშვილის მომხრეებსა და მართველ პარტიას შორის არსებობს, ქვეყნის დემოკრატიას და ეკონომიკას საფრთხეს უქმნის. როგორც ბილდტი აცხადებს, “ქართულმა ოცნებამ” სააკაშვილს, დაკავების ნაცვლად, სასამართლოს გზით თავდაცვის შესაძლებლობა უნდა მისცეს.

“ახლა საქართველოს მთავრობამ უნდა აჩვენოს, რომ შეუძლია კანონის უზენაესობის დაცვა მყისიერი დაკავების ნაცვლად. მთავრობამ უნდა მისცეს სააკაშვილს შესაძლებლობა, დაიცვას საკუთარი თავი სამართლიანი სასამართლოსა და საერთაშორისო დაკვირვების პირობებში”. – წერს კარლ ბილდტი.

ენმ-ს თავმჯდომარის, ნიკა მელიას განცხადებით, თუ ივანიშვილი ფიქრობს, რომ ის მიხეილ სააკაშვილს ამცირებს მისი ციხეში ყოფნით, ეს პირიქითაა.

მისი აზრით, სააკაშვილის თავგანწირვა უკვალოდ არ ჩაივლის.

“იქ, სადაც ახლა მიხეილ სააკაშვილია, ეს არის პატივი მისთვის. დარწმუნებული ვარ, რომ არის პატივი მიხეილ სააკაშვილისთვის, იცოდეს, რომ ჰყავს მას 100 000-ობით საქართველოს მოქალაქე, რომელიც გულშემატკივრობს მას, ახლა განსაკუთრებით, შეიძლება ბევრი მათგანი ენმ-ს ამომრჩეველი არ იყოს, მაგრამ დარწმუნებული ვარ, თავდადება და თავგანწირვა, რომელსაც მიხეილ სააკაშვილი აჩვენებს, უკვალოდ არ ჩაივლის”, – თქვა ნიკა მელიამ.

ცნობისთვის, რუსთავის ციხესთან მიხეილ სააკაშვილის მხარდამჭერები სოლიდარობის აქციას მართავენ და ყოფილი პრეზიდენტის გათავისუფლებას ითხოვენ.

“ჩვენ ვემზადებით გამარჯვების ბოლომდე მისაყვანად. არავინ აპირებს მესამე პრეზიდენტის ციხეში დატოვებას. მითუმეტეს, ვის ხელში?ზღმურტლიანი კობახიძის, მდინარაძის და ღარიბაშვილის ტყვეობაში ეს კაცი ვერ იქნება. ამას ნახავს მთელი მსოფლიო. დარწმუნებული ვარ, 100 ათასობით ჩვენი თანამოქალაქე გამოვა ქუჩაში და გააპროტესტებს ამ ყველაფერს, როგორც არჩევნების გაყალბებას, ისე სააკაშვილის ციხეში ჯდომას”

თქვა ენმ-ს წევრმა, ლევან ხაბეიშვილმა რუსთავში, ციხესთან აქციაზე.

“განქოცდა ჩვენი სამშობლო, ეს ხომ ფაქტია?! თვითონც დაინახეს. ახლა ჩვენზეა დამოკიდებული, როგორ ვიბრძოლებთ. მე თუ მკითხავთ, ჩემი აზრია, არ მინდა გავაღიზიანო პარტიები – ამათ არ უნდა უღიარონ [არჩევნები]. ასეთი გაყალბების პირობებში, რა მეორე ტური? მეორე ტურზე წამოვდა უფრო მაგრად გააყალბებს”

ამბობს პარტია “კანონი და სამართალის” ლიდერი, თაკო ჩარკვიანი TV პირველის ეთერში.

რუსთავის ციხესთან, სადაც მიხეილ სააკაშვილის გათავისუფლების მოთხოვნით 15:00 საათზე აქცია უნდა გაიმართოს, პოლიციის განსაკუთრებული მობილიზებაა.

აქცია 15:00 საათზე უნდა დაიწყოს. ადგილზე უკვე იკრიბებიან აქციის მონაწილეები. როგორც ცნობილია, აქციას რეგიონებიდანაც შეუერთდებიან.