Category: სლაიდერი

საქართველოში კორონავირუსის 5 219 ახალი შემთხვევა გამოვლინდა, 42 ადამიანი გარდაიცვალა.

დღე-ღამეში 57 301 ტესტი ჩატარდა.

დადებითობის დღიური მაჩვენებელია 9,11%, ბოლო 14 დღის – 8,79%, ბოლო 7 დღის – 9,02%.

“ქართული ოცნების” ყოფილი დეპუტატი, გედევან ფოფხაძე აცხადებს, რომ თბილისის მერობაზე საქართველოს ექსპრეზიდენტი, მიხეილ სააკაშვილი რომ იყრიდეს კენჭს, მასაც მისცემდა ხმას. ამის შესახებ ფოფხაძემ ტელეკომპანია “კავკასიის” ეთერში, ტელეწამყვან არჩილ გამზარდიასთან გადაცემაში გააკეთა.

“ნიკა მელია არის უფრო კომფორტული ფაქტორია ოპოზიციისთვის მაგრამ ერთ-ერთი გარემოება არის ის რომ სააკაშვილს აქვს თავისი მაღალი პოლიტიკური მასშტაბი. “- განაცხადა  გედევან ფოფხაძემ.

ფოფხაძემ ასევე აღნიშნა, რომ მეორე ტურში, ყოფილი პრემიერი გიორგი გახარია რომ ყოფილიყო მასაც ხმას მისცემდა.

“ახლა წყდება საქართველოს მომავალი, მიმაჩნია რომ ვინც არ უნდა გასულიყო მეორე ტურში, გახარია რომ გასულიყო და მელია ვერ გასულიყო, გახარიასთვის უნდა დაგვეჭირა მხარი და შეგვექმნა შანსი რომ ეს ერთპიროვნული ხელისუფლება დასრულებულიყო. მგონია რომ  გახარიას ამომრჩევლის პრინციპი არ უნდა იყოს მხოლოდ გახარიასადმი ერთგულება როგორც პერსონალურად პოლიტიკოსისადმი, არამედ უნდა იყოს რის გამოც ის წამოვიდა “ქართული ოცნებიდან” რაც გააჟღერა, რომ ერთპიროვნული ხელისუფლება აღარ უნდა იყოს. აი ამ პრინციპისადმი ერთგულება უნდა გამოიჩინონ.”- განაცხადა ფოფხაძემ.

“მაშინ, როცა მელია დებატებიდან გარბის, რა თემაზე უნდა ვედებატო? “- ასე პასუხობს, „ქართული ოცნების“ თბილისის მერობის კანდიდატი, კახა კალაძეი საკუთარ ოპონენტს, ენმ-ის თავმჯდომარეს, ნიკა მელიას, რომელმაც მას ღია დებატები შესთავაზა.

“მაშინ, როცა მელია დებატებიდან გარბის. მაშინ, როცა სტუდიაში ხულიგნობს და ილანძღება. მაშინ, როცა წინასაარჩევნო კამპანიისას ჩემი ოჯახის შეურაცხყოფით იყვნენ დაკავებულები. მაშინ, როცა არანაირი ხედვა თბილისთან დაკავშირებით და საარჩევნო პროგრამა არ წარმოუდგენიათ, არჩევნებამდე რამდენიმე დღით ადრე გაახსენდათ დებატები? რამდენიმე დღის წინ ორი დაპირება გააჟღერეს და ორივე დიდი ტყუილი”, – თქვა კახა კალაძემ.

სასწორზე დევს საქართველოს ევროპული მომავალი, ამაზე პასუხისმგებელი “ქართული ოცნებაა” – ამის შესახებ, განცხადებაშია ნათქვამი, რომელსაც ხელს ხუთი ევროპარლამენტარი: ანდრიუს კუბილიუსი, რასა იუნკევიჩიენე, რიჰო ტერასი, მირიამ ლექსმანი და სანდრა კალნიეტე აწერენ. ევროპარლამენტარები ქვეყანაში არსებულ პოლიტიკურ ვითარებაზე პასუხისმგებლობას მთლიანად მამრთველ გუნდს.

”ფაქტი, რომ საქართველოში ოპოზიციის ლიდერი და ყოფილი პრეზიდენტი ციხეშია, აჩენს კითხვას დევნის პოლიტიკური ხასიათის შესახებ. პრემიერ-მინისტრ ღარიბაშვილის საჯარო განცხადებები მხოლოდ ადასტურებს სააკაშვილის წინააღმდეგ აღძრული საქმეების პოლიტიკურ მოტივებს და აბსოლუტურად მიუღებელია ევროპული ტიპის მართლმსაჯულების სისტემისთვის, ძირს უთხრის ხალხის არჩევანს, რომელმაც საქართველოს ევროპული გზით სვლა აირჩია.

სასწორზე დევს საქართველოს ევროპული მომავალი. მთავრობა და მმართველი პარტია “ქართული ოცნება“  ამ შემთხვევაში არიან მთავარი პასუხისმგებლები ამ სიტუაციასა და მის მოგვარებაზე. ისინი არჩევანის წინაშე დგანან – განაგრძონ პოლარიზაციისა და უნდობლობის გაღვივება ქვეყნის შიგნით და საზღვრებს გარეთ, სანამ სააკაშვილი ციხეში რჩება, თუ მოახდინონ ძალისხმევის კონცენტრირება კანონის უზენაესობისა და ევროპული ტიპის მართლმსაჯულების სტანდარტების მხარდასაჭერად, რაც საქართველოს ევროპული მისწრაფებისთვის გადამწყვეტი მნიშვნელობა აქვს.
სააკაშვილის საქმე გადაცემულია ევროპის ადამიანის უფლებათა სასამართლოში.

ეს არის გზა, საქართველოს მომავლისთვის საბედისწეროდ მნიშვნელოვან საქმეში ევროპული მართლმსაჯულება ჩაერიოს. ევროკავშირი ყურადღებით დააკვირდება მის განხილვას იმოქმედებს მისი დასკვნების შესაბამისად. სანამ ევროპის ადამიანის უფლებათა სასამართლო საქმეს განიხილავს, სააკაშვილი ციხიდან უნდა გათავისუფლდეს.“– ნათქვამია განცხადებაში.

“განცხადება საქართველოში კანონის უზენაესობასთან დაკავშირებული სიტუაციის შესახებ“ – ასე ჰქვია განცხადებას, რომელსაც ხელს ხუთი ევროპარლამენტარი: ანდრიუს კუბილიუსი, რასა იუნკევიჩიენე, რიჰო ტერასი, მირიამ ლექსმანი და სანდრა კალნიეტე აწერენ.

გთავაზობთ განცხადებას სრულად: 

“საქართველომ, როგორც ევროკავშირთან ასოცირებულმა ქვეყანამ, აიღო ვალდებულება დაიცვას ევროპული ფასეულობები და პრინციპები, როგორიც არის დემოკრატია, ადამიანის უფლებები და კანონის უზენაესობა. ქართველი ხალხი, რომელიც საქართველოს ევროპული მისწრაფების ძლიერი მხარდამჭერია, და საქართველოს ევროპელი პარტნიორები ელიან, რომ მთავრობა და მმართველი პარტია სრულად განახორციელებენ და დაიცავენ ამ პრინციპებსა და სტანდარტებს.

ახალგაზრდა ევროპულ დემოკრატიებში, რომლებიც ჯერ კიდევ ებრძვიან პოსტოტალიტარულ პოსტსაბჭოთა ჩვევებს, ისეთი მაგალითები, როგორიც არის იანუკოვიჩის დროინდელი უკრაინა, აჩვენებს, რომ პოლიტიკური ოპოზიციის ლიდერის, ყოფილი პრეზიდენტის ან პრემიერ- მინისტრის დაკავება ასეთ ევროპულ ქვეყანაში, დაუყოვნებელი გამაფრთხილებელი სიგნალია მსოფლიოსთვის ამ ქვეყანაში დემოკრატიისა და კანონის უზენაესობის შესაძლო გაუარესების შესახებ.

ის ფაქტი, რომ საქართველოში ოპოზიციის ლიდერი და ყოფილი პრეზიდენტი ციხეშია, აჩენს კითხვას დევნის პოლიტიკური ხასიათის შესახებ. პრემიერ-მინისტრ ღარიბაშვილის საჯარო განცხადებები მხოლოდ ადასტურებს სააკაშვილის წინააღმდეგ აღძრული საქმეების პოლიტიკურ მოტივებს და აბსოლუტურად მიუღებელია ევროპული ტიპის მართლმსაჯულების სისტემისთვის, ძირს უთხრის ხალხის არჩევანს, რომელმაც საქართველოს ევროპული გზით სვლა აირჩია.

სასწორზე დევს საქართველოს ევროპული მომავალი. მთავრობა და მმართველი პარტია “ქართული ოცნება“  ამ შემთხვევაში არიან მთავარი პასუხისმგებლები ამ სიტუაციასა და მის მოგვარებაზე. ისინი არჩევანის წინაშე დგანან – განაგრძონ პოლარიზაციისა და უნდობლობის გაღვივება ქვეყნის შიგნით და საზღვრებს გარეთ, სანამ სააკაშვილი ციხეში რჩება, თუ მოახდინონ ძალისხმევის კონცენტრირება კანონის უზენაესობისა და ევროპული ტიპის მართლმსაჯულების სტანდარტების მხარდასაჭერად, რაც საქართველოს ევროპული მისწრაფებისთვის გადამწყვეტი მნიშვნელობა აქვს.
სააკაშვილის საქმე გადაცემულია ევროპის ადამიანის უფლებათა სასამართლოში. ეს არის გზა, საქართველოს მომავლისთვის საბედისწეროდ მნიშვნელოვან საქმეში ევროპული მართლმსაჯულება ჩაერიოს. ევროკავშირი ყურადღებით დააკვირდება მის განხილვას იმოქმედებს მისი დასკვნების შესაბამისად. სანამ ევროპის ადამიანის უფლებათა სასამართლო საქმეს განიხილავს, სააკაშვილი ციხიდან უნდა გათავისუფლდეს.“– ნათქვამია განცხადებაში.

კონსილიუმმა, საქართველოს მესამე პრეზიდენტის, მიხეილ სააკაშვილის, ჰოსპიტალში გადაყვანის ნებართვა გასცა. კონსილიუმის რეკომენდაციაა, რომ სააკაშვილი კლინიკაში ინტენსიური დაკვირვებისთვის მოათავსონ

„დავაყენეთ საკითხი ე.წ. პროფილაქტიკური ჰოსპიტალიზაციის შესახებ და ახლა განიხილავენ. დამთავრდა, ყველაფერი განვიხილეთ, რეკომენდაცია გავეცით. ეს სასწრაფო ჰოსპიტალიზაცია არ არის, მაგრამ ვინაიდან, გართულების ალბათობა მაღალია, იმისთვის რომ თავი დავიზღვიოთ რეკომენდაცია გავეცით, რომ მისი ჰოსპიტალიზაცია მოხდეს. ეს საათების საკითხი არ არის, თუმცა უახლოეს პერიოდში უნდა მოხდეს“,- განაცხადა კონსილიუმის ერთ-ერთმა წევრმა ექიმმა ზურაბ ფაღავამ .

საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის შესახებ კონსილიუმი დღეს 15:00 საათზე შეიკრიბა.

“ამ რეგიონში, რუსეთი ხშირად იყენებს ძალის გამოყენების მუქარას და საფრთხეს უქმნის სტაბილურობა”- ამის შესახებ, სამხრეთ კავკასიასა და ცენტრალურ აზიაში NATO-ს გენერალური მდივნის სპეციალურმა წარმომადგენელმა, ხავიერ კოლომინამ საგარეო საქმეთა მინისტრთან, დავით ზალკალიანთან შეხვედრის შემდეგ განაცხადა.

“საქართველო და ნატო შეშფოთებულნი არიან რუსეთის საგარეო უსაფრთხოების პოლიტიკით. ამ რეგიონში, რუსეთი ხშირად იყენებს ძალის გამოყენების მუქარას და საფრთხეს უქმნის სტაბილურობის შენარჩუნებას, როგორც საქართველოში, ისე რეგიონის სხვა ქვეყნებში, მაგალითად უკრაინაში და მოლდოვას რესპუბლიკაში”, – განაცხადა კოლომინამ.

“ჩემი ცხოვრების მნიშვნელოვანი ნაწილი ენმ-ის კრიტიკას მივუძღვენი, მაგრამ ხმას ვაძლევ მელიას”- ექპსერტი გია ხუხაშვილი აცხადებს, რომ “ერთიანი ნაციონალური მოძრაობის” მხარდამჭერი არასდროს ყოფილა და არც იქნება, თუმცა 30 ოქტომბერს არჩევნებზე ხმას, ენმ-ის თავჯდომარეს აძლევს. მისი თქმით, ნიკა მელია შეებრძოლება კორუფციას ნეპოტიზმსა და დაინტერესებული იქნება, შექმანს წარმაებული ლოკალური მოდელი სისტემაში. გია ხუხაშვილი ასევე თვლის რომ ნიკა მელიას მერობის შემთხვევაში,  სახელმწიფოებრივად გაჩნდება ძალაუფლების უზურპაციის გარღვევის პრეცედენტი.

“მე არ ვყოფილვარ, არ ვარ და არ ვიქნები ნაც. მოძრაობის ამომრჩეველი.
უფრო მეტიც, ჩემი ცხოვრების მნიშვნელოვანი ნაწილი მათი ხელისუფლების ჯერ კრიტიკას, შემდგომ კი დაპირისპირებას მივუძღვენი ღარიბაშვილის, კობახიძის და ქართული ოცნების სხვა დღევანდელი ლიდერებისგან განსხვავებით.

ამასთანავე, როგორც ამ ქვეყნის მოქალაქე და ამ ქალაქის მკვიდრი, ხმას მივცემ ნიკა მელიას და მიმაჩნია, რომ ამ სახელმწიფოს განვითარებისთვის ეს არის სწორი გადაწყვეტილება და აი, რატომ:
ნიკა მელია აუცილებლად ეცდება იყოს ეფექტური, შეებრძოლება კორუფციას და ამოძირკვავს პარტიულ, თუ სანათესავო ნეპოტიზმს ორი მიზეზით – ერთი, რომ დაინტერესებული იქნება შექმნას წარმატებული ლოკალური მოდელი სისტემურ ჭაობში სამომავლოდ და მეორე, სურვილის შემთხვევაშიც კი ვერ შეძლებს ამას, რადგან ქართული ოცნების მართლმსაჯულება და ძალივანი სისტემა დამოკლეს მახვილივით იქნება მის თავზე აღმართული.

მოკლედ, სახელმწიფოებრივად გაჩნდება ძალაუფლების უზურპაციის გარღვევის პრეცედენტი, ჩემს ქალაქს უკეთესობა დაეტყობა და ეს ყველაფერი მოხდება ნაცების ხელისუფლებაში მოსვლის გარეშე.
სულ ეს არის…”- წერს ხუხაშვილი.

”პრემიერმინისტრის კომენტარები მიხეილ სააკაშვილზე აჩვენებს, რომ საქართველოში პოლიტიზირებული სასამართლოა” – ასე ეხმაურება, ამის შესახებ ლიეტუვის ყოფილი პრემიერმინისტრი და ევროპარლამენტარი ანდრიუს კუბილიუს ირაკლი ღარიბაშვილის, საქართველოს მესამე პრეზიდენტთან დაკავშირებით გაკეთებულ განცხადებებს. 

“სასამართლოს პოლიტიზება ძალიან დიდი პრობლემაა საქართველოსთვის. ამას ემატება სააკაშვილის საკითხი.  ეს ვითარება სააკაშვილთან დაკავშირებით ჩვენ ჩვენს პირველ განცხადებაში აღვნიშნეთ, რომ გაოგნებულები ვიყავით პრემიერ-მინისტრის განცხადებით, რომელშიც ნათქვამი იყო, რომ თუ სააკაშვილი წესიერად არ მოიქცეოდა, მის წინააღმდეგ ახალი საქმეები გაჩნდებოდა. ამან აჩვენა, რომ სასამართლოს პოლიტიზირება საქართველოში დასრულებული არ არის და ეს უდიდესი პრობლემაა.

უკანასკნელი კვირების განმავლობაში მე მქონდა საუბარი ორივე მხარესთან, როგორც ოპოზიციის, ასევე მმართველი პარტიის წარმომადგენლებთან. ისინი ჩამოდიან ბრიუსელში და განმარტავენ ისტორიის მათ ნაწილს. როდესაც მე ვესაუბრე მმართველ პარტიას, აღვნიშნე, რომ მათ ძალიან მალე მოუწევდათ მარტივი კითხვისთვის პასუხის გაცემა, როდესაც პოლიტიკოსები ბრიუსელში დაიწყებდნენ მიხეილ სააკაშვილთან დაკავშირებული ვითარების შედარებას იმასთან, რაც მოხდა უკრაინაში იანუკოვიჩის დროს ტიმოშენკოსთან მიმართებით. რა თქმა უნდა, სავარაუდოდ ეს განსხვავებული ისტორიებია და მათ სხვადასხვა ლეგალური მახასიათებლები აქვთ, მაგრამ ბრიუსელში, პირველ რიგში, საკითხი ეხება აღქმებს.

უნდა ითქვას, რომ პოსტსაბჭოთა ქვეყნისთვის ძალიან ხშირია, რომ სამართლებრივი გადაწყვეტილებები მიიღება არა სამართლიანობის დასამკვიდრებლად, არამედ ოპოზიციის წინააღმდეგ საბრძოლველად.მე არ ვიტყვი რა მიმართულებით უნდა შეამციროს საქართველოს ხელისუფლებამ და მმართველი პარტიის “ლიდერშიფმა” პოლარიზაციის დონე, მაგრამ თუ ისინი ვერ შეძლებენ ამ ვითარებიდან გამოსვლას, მაშინ ბრიუსელში ძალიან ცუდი შთაბეჭდილება შეიქმნება საქართველოზე და ეს დააზიაებს არა მარტო საქართველოს, არამედ ინტეგრაციის მთელ პროცესს,”- თქვა კუბილიუსმა.

“ყველა გათვლებით, იმ შეზღუდვებმა, რაც იყო შარშან გაზაფხულზე, ამ ქვეყანაში, მინიმუმ, 10 000 სიცოცხლე შეინარჩუნა, ეს ყველამ უნდა იცოდეს, მაგრამ დღეს სხვა დროა, ვაქცინა არის. შეზღუდვები, რა თქმა უნდა, საჭირო გახდება იმ შემთხვევაში, თუ სამედიცინო სექტორი ვეღარ უძლებს დატვირთვას. დღეს შეზღუდვა საჭირო არის მხოლოდ ამისთვის, რომ სამედიცინო სექტორს მიეცეს ნორმალურად მუშაობის საშუალება. დანარჩენი კი, ვაქცინა ხომ არის?! კეთილი ინებონ და ადამიანებმა აიცრან, ქვეყანა ვერ გაჩერდება იმიტომ, რომ ვიღაცა არ იცრება. ჩემი პირადი აზრია, რომ როდესაც ქვეყანაშია საკმარისი რაოდენობის ვაქცინა, არავითარ ლოკდაუნზე ლაპარაკი არ უნდა იყოს, თუ სამედიცინო სექტორი უძლებს დატვირთვას”

განაცხადა დაავადებათა კონტროლის ეროვნული ხელმძღვანელის მოადგილემ, პაატა იმნაძემ რუსთავი 2-ის ეთერში.