Category: სლაიდერი

PCR-მა, შესაძლოა, ადრეულ ეტაპზე ომიკრონი ვერ დაადგინოს, გირჩევთ, იზოლაციაში დარჩეთ – ამის შესახებ ჯანდაცვის მინისტრის მოადგილემ, თამარ გაბუნიამ “იმედის” ეთერში განაცხადა. 

“გაჩნდა კითხვის ნიშნები იმასთან დაკავშირებით, რამდენად შეგვიძლია ანტიგენ ტესტის გამოყენება – შემდეგ მეტად ჩაღრმავებული კვლევები ჩატარდა და ჯერჯერობით რეკომენდაცია მაინც არის იმგვარი, რომ კი, ანტიგენ ტესტების გამოყენება ნამდვილად არის რეკომენდებული ომიკრონის დიაგნოსტირებისთვის, თუმცა მაინც მეტი სიფრთხილე გვმართებს – თუ ადამიანს აქვს სიმპტომი და ტესტი არის უარყოფითი, ამ შემთხვევაში დამშვიდების საფუძველი, შეიძლება, არ გვქონდეს და მაინც ფრთხილად უნდა მოეკიდოს მის მდგომარეობას.  სიმპტომების შემთხვევაში, ჩვენი რეკომენდაციაა, რომ ადამიანმა გაიკეთოს სწრაფი ტესტი. თუ სიმპტომები გამოხატულია, სწრაფი ტესტი მარტივად ადგენს დაავადებას. თუ მეტად საეჭვო მდგომარეობაა და სიმპტრომი არ არის, კონტაქტია, რაღაც მიზეზია, რომ PCR ტესტი ჩატარდეს, ექიმი ურჩევს, რომ ჩაიტაროს PCR ტესტი. ” – აცხადებს გაბუნია.

“სწრაფი ტესტით ხშირად არ ხდება „ომიკრონის“ დადასტურება, რამდენიმე შემთხვევაა, როცა PCR-ით არ დადასტურდა ვირუსი, მაგრამ ეს არ ნიშნავს, რომ ადამიანმა, რომელსაც სიმპტომები აქვს, სიფრთხილე არ გამოიჩინოს”- განაცხადა, კლინიკურმა ექსპერტმა, პროფესორმა მაკა ბულეიშვილმა “ინტერპრესნიუსთან”.

“ხშირ შემთხვევაში, რასაც ვაკვირდებით, „ომიკრონი“ უფრო მეტად მსუბუქად მიმდინარეობს, მაგრამ ეს არ ნიშნავს იმას, რომ ქრონიკული დაავადებების მქონე პაციენტებს, ბავშვთა და მოზრდილი ასაკის პაციენტებს არ გავუფრთხილდეთ. ამავე დროს გვაქვს როგორც „დელტას“ და „ომიკრონის“ შტამები, ისე სეზონური გრიპი. ყველაფერი ეს ერთობლიობაში, რა თქმა უნდა, პრობლემას ქმნის. სწრაფი ტესტით ხშირად არ ხდება „ომიკრონის“ შტამის დადასტურება. არის რამდენიმე შემთხვევა, როდესაც PCR ტესტითაც არ დადასტურდა ვირუსი, მაგრამ ეს არ ნიშნავს იმას, რომ ადამიანმა, რომელსაც აღენიშნება სიმპტომები: ცემინება, სურდო, ყელისა და კუნთების ტკივილი, სხეულის ტემპერატურის მატება და ა.შ. სიფრთხილე არ გამოიჩინოს. ამიტომ ყველა ასეთ შემთხვევაში აუცილებელია ადამიანი არ გახდეს წყარო ასეთ დაძაბულ მდგომარეობაში, შემდგომში შესაძლოა აღმოჩნდეს „ომიკრონის“ შტამი”, – განაცხადა მაკა ბულეიშვილმა.

“ნატოელმა პარტნიორებმა მკაფიოდ განაცხადეს, რომ საქართველოს შესახებ გადაწყვეტილება არ მიიღება საქართველოს გარეშე “- განაცხადა,  საგარეო საქმეთა მინისტრმა დავით ზალკანიანმა.მისი თქმით, ბრიუსელში ნატო-ს მიწვევით ვიზიტი კიდევ ერთი დასტურია იმისა, რომ ნატოელი პარტნიორებისთვის საქართველოსთან ურთიერთობა და საქართველოს ნატო-ში ინტეგრაცია არის პრიორიტეტული და ის არ გადაიხედება.

„ვფიქრობ, რომ ჩვენი პოზიციების ურთიერთგაცვლა ვიზიტის დროს, ნატო-ს ხელმძღვანელობასთან ძალიან მნიშვნელოვანია. ასევე მექნება სხვა შეხვედრებიც ნატო-ს წარმომადგენლებთან, რაც იქნება ძალიან სასარგებლო და ჩვენ შევაჯერებთ პოზიციას იმისთვის, რომ შემდგომი მოლაპარაკებების დროს და დარწმუნებული ვარ, რომ ეს მოლაპარაკებები გაგრძელდება რუსეთის ფედერაციასთან, ჩვენი ნატოელი პარტნიორები იყვნენ აღჭურვილი ჩვენი პოზიციითაც და ეს პოზიცია არის სრულ თანხვედრაში”, -განაცხადა ზალკალიანმა.

“აწამეს ბავშვი, გაეკეთებინათ საკეისრო რომ არ იბადებოდა” – 24 წლის მშობიარე ქალის, ანა ჭყონიას ოჯახს, ისინი ბავშვის გარდაცვალებაში მკურნალ ექიმს ადანაშაულებენ.  ბათუმის კლინიკა “ბაუ”-ში, ახალშობილის გარდაცვალების ფაქტზე მოკვლევა დაიწყო. როგორც ოჯახის წევრები აცხადებენ,  ორსული ქალი კლინიკაში სრულიად ჯანმრთელი შეიყვანეს და ახალშობილის გარდაცვალების მიზეზი ექიმების უყურადღებობა გახდა.

“სრულიად ჯანმრთელი ბავშვი იყო, ყველაფერი ნორმალურად მიდიოდა მისი მდგომარეობა. 2 საათი იყო ღამის რომ მოიყვანეს, იმის შემდეგ აწამეს დილის 10 საათამდე. გაეკეთებინათ საკეისრო რომ არ იბადებოდა ბავშვი, ხომ არის ექიმი, ცოდნა ხომ აქვს? ხომ უნდა გააკეთოს ის, რაც გასაკეთებელია. დაიღუპა ალბათ ბავშვი და 20 წუთის მერე იძახდნენ, რომ ბავშვი არის გარდაცვლილი”, – ამბობს მშობიარე ქალის ოჯახის წევრი.

კლინიკის დიერქტორი აცხადებს, რომ კომენტარს მაშინ გააკეთებს როდესაც ექპსერტიზის პასუხი გახდება ცნობილი.

აშშ და ნატო მზად არიან, კვლავ შეხვდნენ რუსეთს – ინფორმაციას აშშ-ის სახელმწიფო დეპარტამენტი ავრცელებს. აშშ-ის სახელმწიფო მდივანი ენტონი ბლინკენი NATO-ს გენერალურ მდივანს იენს სტოლტენბერგს გუშინ ტელეფონით რუსეთისა და უკრაინის საკითხზე ესაუბრა. მათ რუსეთთან დიალოგის მზაობა გამოთქვეს.

“ამერიკის შეერთებული შტატები და ნატო მზად არიან კვლავ შეხვდნენ რუსეთს და დიპლომატიისა და დიალოგის გაგრძელების ერთგული რჩებიან. აშშ და ნატოში მისი მოკავშირეები ერთიანები არიან და მოუწოდებენ რუსეთს, დაუყოვნებლივ მიიღოს ზომების უკრაინაში მიმდინარე აგრესიის დეესკალაციისთვის”, – აღნიშნულია სახელმწიფო დეპარტამენტის განცხადებაში.

ბათუმის ერთ-ერთ კლინიკაში ახალშობილი გარდაიცვალა. 24 წლის მშობიარე ქალი კლინიკაში გუშინ შეიყვანეს ხოლო დღეს ექიმებმა ოჯახს უთხრეს რომ ჩვილი გარდაიცვალა.

კლინიკაში მომხდარზე კომენტარს არ აკეთებენ და ექსპერტიზის პასუხს ელოდებიან. ოჯახის წევრები ექიმებს გულგრილობაში ადანაშაულებენ.

“მის ექიმს ჩავაბარეთ სამის ნახევარზე. გაუკეთდა გაუტკივარება, გადის დრო და ათის ნახევარზე ბავშვი მირეკავს, მამიდა, ვიმშობიარეო, მაგრამ ბავშვი წაიყვანეს და არ ვიცი რატოო. გადის დრო, ვითხოვთ ექიმს, არავინ არ ჩანს. შემდეგ როცა მოვედი, ექიმები დამხვდნენ და მითხრეს, რომ გამოსვლის დროს ბავშვი დამძიმდა”, – ამბობს ოჯახის ერთ-ერთი ახლობელი.

15 იანვრის მონაცემებით, ქვეყნის მასშტაბით 2 603 603 აცრაა ჩატარებული. ვაქცინაციის სტატისტიკა ასეთია:

• სულ მცირე 1 დოზით აცრილია 1 306 788 ადამიანი
• სრულად ვაქცინირებულია 1 189 398 ადამიანი
• ბუსტერ დოზა გაკეთებული აქვს 105 552 ადამიანს.

რუსთავში არასრულწლოვანი გარდაცვლილი იპოვეს. სავარაუდოდ, სიკვდილი ალკოჰოლით ინტოქსიკაციამ გამოიწვია.

საქართველოში ლაბორატორიულად დადასტურებულია „ომიკრონის“ 1185 შემთხვევა. აღნიშნულ ინფორმაციას დაავადებათა კონტროლის ეროვნული ცენტრი ავრცელებს.

ამასთან, ბოლო 24 საათში, საქართველოში კორონავირუსით ინფიცირების 5381 ახალი შემთხვევა დაფიქსირდა, გარდაიცვალა კიდევ 30 პაციენტი.