Category: სლაიდერი

“ადეიშვილი, ლორთქიფანიძე ალბათ ასწავლიან, როგორ ხდება გვამის შემოდება” – აღნიშნული განცხადება “ქართული ოცნების” დეპუტატმა ანრი ოხანაშვილმა ჟურნალისტებთან საუბრისას გააკეთა.

”ხელისუფლება ესაუბრება ხელისუფლებას. თუ ხელისუფლებას ექნებოდა კომუნიკაცია ხელისუფლებასთან, ეს პოზიციები გაიცვლებოდა. ჩვენ შუამავალი ნაციონალური მოძრაობა თუ უნდა გვყავდეს უკრაინის ხელისუფლებასთან, მაშინ მშვიდობაში მოახმაროს უკრაინის ხელისუფლებას ნაციონალური მოძრაობა. კარგად თუ დაეხმარებიან ადეიშვილი, ლორთქიფანიძე და სხვები, ალბათ ასწავლიან იმას რაც, არ მგონია, უკრაინის ხელისუფლებისთვის მისაღები იყოს – როგორ ხდება გვამების შემოდება რუსთაველის მსგავსად უკრაინაში. ეს ხალხია მათ გარშემო, რაც ძალიან სამწუხაროა. როდესაც კრიმინალი ადეიშვილი გიზის მოლაპარაკების მაგიდასთან, მათი და შემდგომ ჩვენი რეაქცია გასაკვირი არ უნდა იყოს. ” – ამბობს ადეიშვილი.

• “ჩვენ რომ არ გვქონოდა გავლენა საქართველოზე და სხვა ქვეყნებზე, რომელთა მეშვეობითაც რუსები სანქციების გვერდის ავლას ცდილობენ, ამას დიდი ხნის წინ გააკეთებდნენ და რუსეთზე სანქციების გავლენა მინიმუმამდე იქნებოდა დაყვანილი. ეს ჩვენი ყოველდღიური ამოცანაა. ჩვენ ვმუშაობთ პარტნიორებთან. თუ ჩვენ არ გვაქვს გავლენა ქვეყანაზე, ჩვენ ვპოულობთ ქვეყანას, რომელსაც აქვს მასზე გავლენა და ისე ვმუშაობთ, რომ ისინი რუსეთის ფედერაციას სანქციების გვერდის ავლაში არ დაეხმარონ. რაც შეეხება საქართველოს, ჩვენ ველოდებით ოფიციალურ მტკიცებულებებს და დამაჯერებელ არგუმენტებს, რომ ისინი ამას არ აკეთებენ. შემდეგ გადავწყვეტთ, რა მოვიმოქმედოთ, თუ ეს მტკიცებულებები და არგუმენტები საკმარისად დამაჯერებელი არ იქნება” – აცხადებს კულება. 

უკრაინა საქართველოს ხელისუფლებისგან იმ მტკიცებულებებს ელოდება, რომლითაც დადასტურდება, რომ საქართველო რუსეთს სანქციების გვერდის ავლაში არ ეხმარება. ამის შესახებ, უკრაინის საგარეო საქმეთა მინისტრმა დმიტრო კულებამ განაცხადა.

რამდენიმე ქვეყანა მზადაა, თავშესაფარი მიანიჭოს რუს ჯარისკაცებს, ვინც ბრძანებებს არ დაემორჩილება –  ამის შესახებ ევროპული საბჭოს პრეზიდენტმა შარლ მიშელმა ევროპარლამენტში სიტყვით გამოსვლისას განაცხადა.

„დღეს გამოვხატავთ ჩვენს განრისხებას კაცობრიობის წინააღმდეგ ჩადენილი დანაშაულების გამო, მშვიდობიანი მოსახლეობის წინააღმდეგ ჩადენილი დანაშაულის გამო ბუჩაში და უკრაინის სხვა ბევრ ქალაქში. ეს არის კიდევ უფრო მეტი მტკიცებულება, რომ რუსეთის ქმედებებს უკრაინელი ხალხის წინააღმდეგ საზღვარი არ აქვს. კიდევ უფრო მეტი მტკიცებულებაა იმის, რომ სხეულები მიმოფანტული ქუჩებში, მასობრივი სასაფლაოები ეს არ არის სპეციალური ოპერაცია, ეს არის ომის დანაშაულები და ჩვენ ევროკავშირში არ შევაქცევთ ზურგს და ჩავხედავთ რეალობას პირდაპირ თვალებში. უნდა იყოს და იქნება კიდეც მძიმე შედეგები ყველასთვის, ვინც ამაზე პასუხისმგებელია. ჩვენ უკვე ვუჭერთ მხარს ყველა მცდელობას, შეგროვდეს მტკიცებულებები და გავაკეთებთ ყველაფერს, რათა ამის ჩამდენმა ადამიანებმა კანონის წინაშე პასუხი აგონ. ძვირფასო კოლეგებო, მე მაქვს ერთი გზავნილი რუსი ჯარისკაცებისთვის, რომლებიც ახლა ბრძოლის ველზე არიან: თუ არ გინდათ მონაწილეობის მიღება თქვენი უკრაინელი ძმებისა და დების მკვლელობაში, თუ არ გსურს იყოთ კრიმინალები, დაყარეთ იარაღი, შეწყვიტეთ ბრძოლა, დატოვეთ ბრძოლის ველი. მე ვიცი ძვირფასო კოლეგებო, პარლამენტის წევრებო, რამდენიმე ქვეყანამ უკვე გააკეთა შეთავაზება, მიანიჭოს თავშესაფარი რუს ჯარისკაცებს, ვინც არ დაემორჩილება რუსეთის ბრძანებებს. ჩემი აზრით, ეს ღირებული იდეაა, რომელიც უნდა შესრულდეს.” – განაცხადა შარლ მიშელმა.

გოსტომელის სამხედრო ადმინისტრაციის ხელმძღვანელი ტარას დუმენკო აცხადებს, რომ რუსეთის ოკუპაციის 35 დღის განმავლობაში კიევის რეგიონში, გოსტომელში 400 ადამიანი უგზოუკვლოდ დაიკარგა.  დუმენკო ასევე აცხადებს, რომ გოსტომელის  მიმართულებით, გზაზე ჩაცხრულული მანქანები იყო და ცხედრები ესვენა, მათ შორის იყვნენ ბავშვებიც, თუმცა ეს ცხედრები ახლა გამქრალია.

“ჩვენ ვიცით, რომ ადამიანები მოკლეს. გვაქვს ამის დამადასტურებელი ფოტო და ვიდეო ჩანაწერი, მაგრამ ვერ ვპოულობთ. როდესაც კავშირი იყო, თვითმხილველებმა შეძლეს, ეს ინფორმაცია მოეწოდებინათ. რუსები თავიანთი სისასტიკის კვალს წმენდენ”. –  აცხადებს გოსტომელის სამხედრო ადმინისტრაციის ხელმძღვანელი ტარას დუმენკო.

”დიდი მხედართმთავრის, მაზნიაშვილის დაბადების დღეა, შეუპოვრობის მაგალითია”- ამბობს  პრემიერმინისტრი, ირაკლი ღრიბაშვილი საქართველოს ეროვნულ გმირზე, გენერალ გიორგი მაზნიაშვილზე.

დღეს დიდი მხედართმთავრის, სამშობლოს ერთიანობისათვის თავდადებული მებრძოლის, საქართველოს ეროვნული გმირის გიორგი მაზნიაშვილის დაბადების დღეა.

გიორგი მაზნიაშვილს განსაკუთრებული ადგილი უკავია საქართველოს ხანგრძლივ და სახელოვან სამხედრო ისტორიაში. თანამედროვე ქართული არმიის ერთ-ერთი შემოქმედი, სტრატეგიული ნიჭით გამორჩეული მთავარსარდალი იმავდროულად მამაცობისა და შეუპოვრობის მისაბაძი მაგალითი იყო თანამებრძოლებისათვის.

“მე არც ბოლშევიკების გენერალი ვარ და არც მენშევიკების, მე საქართველოს გენერალი ვარ” – მისი ეს სიტყვები ყველაზე კარგად აღწერს იმ ადამიანის ცხოვრებას, ვინც სამუდამოდ დაიმკვიდრა ღირსეული ადგილი საქართველოს დიდ მამულიშვილთა შორის.

დაუმარცხებელი გენერლის უანგარო მსახურება სამშობლოსა და ხალხისადმი სახელმძღვანელოდ დარჩება თითოეული ჩვენგანისათვის, მომავალი თაობებისთვის.

შეერთებული შტატები უკრაინას დამატებით  100 მილიონი დოლარის ღირებულების დახმარებას გაუწევს. ამის შესახებ სახელმწიფო მდივანმა, ენტონი ბლინკენმა განაცხადა.

დახმარებაში შედის ტანკსაწინააღმდეგო ჯაველინებიც, რომლებსაც აშშ უკრაინას გადასცემს.

საერთო ჯამში, რუსეთის უკრაინაში შეჭრის დღიდან აშშ-ის დახმარება უკრაინისადმი 1,7 მილიარდ დოლარს მიაღწევს.

ასევე, გუშინ, 5 აპრილს ცნობილი გახდა, რომ აშშ უკრაინას დაუყოვნებლივ გაუგზავნის Switchlade-ის უპილოტო საფრენ აპარატს. აღნიშნულის შესახებ, აშშ-ს თავდაცვის მდივანმა ლოიდ ოსტინმა განაცხადა.

კერძოდ, გაიგზავნება Switberland 600 და 300 გაიგზავნება, რომელსაც, თვითმფრინავების მწარმოებელი კომპანია, AeroVironment-ის მიხედვით, სამიზნე 40 წუთზე მეტ ხანს შეუძლია მიიზიდოს.

აშშ-ის კონგრესში შეიარაღებული ძალების კომიტეტში 2023 წლის ფისკალური წლის ბიუჯეტის მოთხოვნის განხილვაზე, თავდაცვის მდივანი, ლოიდ ოსტინი და გენშტაბის ხელმძღვანელთა გაერთიანებული სარდლობის თავმჯდომარე, გენერალი მარკ მილი წარდგნენ.

პენტაგონის ხელმძღვანელი და ამერიკის წამყვანი გენერალი, კანონმდებელთა კითხვებს პასუხობდნენ. შეკითხვების უმეტესობა უკრაინაში მიმდინარე მოვლენებს და შეერთებული შტატების სამხედრო უნარიანობას შეეხო.

საკუთარ გამხსნელ გამოსვლაში, თავდაცვის მდივანმა თქვა, რომ: „რუსეთის არაპროვოცირებული შეჭრა უკრაინაში ტრანსატლანტიკურ უსაფრთხოებას ისტორიული გამოწვევის წინაშე აყენებს. ჩვენ უნდა გავაგრძელოთ მნიშვნელოვანი ინვესტიციები ევროპის უსაფრთხოების ყველა მიმართულებით.

აღნიშნული გაიზიარა ასევე, გენერალმა მილიმ. „რუსეთის შეჭრა უკრაინაში გლობალურ უსაფრთხოებას და სტაბილურობას, რომლის დასაცავადაც, ჩემი მშობლები და ამერიკელთა თაობები თავდაუზოგავად იბრძოდნენ, საფრთხეს უქმნის“, – აღნიშნა მან.

თავდაცვის მდივანმა ისაუბრა, ამერიკის დახმარებაზე უკრაინის მიმართ. თავდაცვის მდივანმა ასევე აღნიშნა, რომ უკრაინამ მოახერხა რუსი სამხედროების წინააღმდეგ ეფექტურად გამოეყენებინა სტინგერები და ჯაველინის სარაკეტო სისტემები.

„ჩვენ ვსწავლობთ… რა სურთ უკრაინელებს. ჩვენ მათ ყოველდღიურად ვესაუბრებით. [დახმარება] იქნება უმეტესწილად იმის გამეორება, რაც უკვე გადავეცით, თუმცა ჩვენ განვიხილავთ ისეთ რამეებს, რაც მათ მისცემთ ბრძოლაში უპირატესობას. და თქვენ ხედავთ, რომ ჩვენ დავიწყეთ მათი [შეარაღების] გადაცემა“, – თქვა ოსტინმა.

გენერალმა მილიმ აღნიშნა, რომ შეერთებული შტატები იზიარებს მოსაზრებას, რომ რუსეთთან დაპირისპირება რეგიონში დიდხანს გაგრძელდება.

„[ეს] უნდა გავზომოთ წლებში. არ ვიცი ათწლეულებში თუ არა, თუმცა წლებში ნამდვილად,“- თქვა მან. „ვფიქრობ ნატო, შეერთებული შტატები, უკრაინა და ყველა მოკავშირე და პარტნიორი, რომლებიც უკრაინას მხარს უჭერენ, ამაში დიდხანს იქნებიან ჩართულნი,“ – თქვა მან.

თავდაცვის მდივანმა და გენერალმა მილიმ დაადასტურეს, რომ შეერთებული შტატები წვრთნის უკრაინელებს, მათ შორის შეერთებულ შტატებში, თუმცა მათი თქმით წვრთნები არ იმართება უკრაინის თუ პოლონეთის შიგნით.

თავდაცვის მდივანმა ასევე ისაუბრა საქართველოზე და თქვა, რომ შეერთებული შტატები განიხილავს გზებს თუ როგორ მიაწოდოს დამატებითი დახმარება ნატოს არაწევრ მოკავშირეებს, მათ შორის საქართველოს.

შეკითხვაზე, განიხილება თუ არა, უკრაინაში რუსული აგრესიის ფონზე, ნატოს აღმოსავლეთ ფლანგზე ალიანსის მუდმივი წარმომადგენლობის განთავსება, მილიმ თქვა, რომ მისი რჩევა „არა მუდმივი ძალების, არამედ მუდმივი ბაზების შექმნაა“, სადაც სამხედროების როტაცია მოხდება.

„მე მჯერა, რომ ბევრი ევროპელი მოკავშირე, განსაკუთრებით ბალტიისპირეთის ქვეყნები, პოლონეთი, რუმინეთი და სხვები ძალიან, ძალიან მოსურნენი არიან მუდმივი ბაზების შექმნისა. ისინი მათ ააშენებენ, მათთვის გადაიხდიან“. – თქვა გენერალმა.

კონგრესმენებმა, აღმასრულებელი ხელისუფლების წარმომადგენლებს, მწვავე კითხვები დაუსვეს იმის თაობაზე, თუ რატომ ვერ მოახერხა ვაშინგტონმა მოსკოვის შეკავება. ოსტინმა და მილიმ, აღნიშნულზე საპასუხოდ განაცხადეს, რომ მათი აზრით ამის გზა ადგილზე ამერიკული სამხედროების განთავსება იყო, თუმცა ეს ქმნიდა რისკებს რუსეთთან პირდაპირი დაპირისპირების.

კომიტეტში გამოსვლისას, ამერიკის თავდაცვის წამყვანმა პირებმა განაცხადეს, რომ მიუხედავად შეიარაღების კუთხით უპირატესობისა, რუსეთმა ვერ მოახერხა მისი უნარების ეფექტური გამოყენება უკრაინის წინააღმდეგ და მოუწიათ, უკრაინის მოულოდნელად მტკიცე თავდაცვასთან გამკლავება.

წყარო: ამერიკის ხმა

“მიზანია, რომ საბოლოოდ ავაშენოთ ღია ევრაზია – ლისაბონიდან ვლადივოსტოკამდე” – ამის შესახებ, რუსეთის უშიშროების საბჭოს თავმჯდომარის მოადგილე, დმიტრი მედვედევი Telegram არხზე წერს.

“ვლადიმირ პუტინმა მტკიცედ დაისახა მიზნად უკრაინის დემილიტარიზაცია და დენაციფიკაცია. ეს რთული ამოცანები ერთდროულად არ ხდება და ისინი არ გადაწყდებიან მხოლოდ ბრძოლის ველზე. უკრაინელების ნაწილის სისხლიანი და ცრუ მითებით სავსე ცნობიერების შეცვლა უმთავრესი მიზანია. მიზანია თავად უკრაინელების მომავალი თაობების მშვიდობა და შესაძლებლობა, რომ საბოლოოდ ავაშენოთ ღია ევრაზია – ლისაბონიდან ვლადივოსტოკამდე.”- განაცხადა მედვედევმა.

ევროკავშირმა დააანონსა, რომ ევროკავშირში რუსეთის წარმომადგენლობის 19 მუდმივ თანამშრომელს ბრიუსელიდან გააძევებენ და პერსონა ნონ გრატად გამოაცხადებენ

“უმაღლესი წარმომადგენლის, ჟოზეფ ბორელის გადაწყვეტილების შესაბამისად, ბრიუსელში მდებარე ევროკავშირში რუსეთის მუდმივი წარმომადგენლობის 19 თანამშრომელი პერსონა ნონ გრატად გამოცხადდა მათი დიპლომატიური სტატუსისთვის შეუსაბამო საქმიანობის გამო.“– ნათქვამია დოკუმენტში.

დღეს ევროპის საგარეოპოლიტიკური სამსახურის გენერალურმა მდივანმა რუსეთის მისიის ხელმძღვანელს, ვლადიმირ ჩიხოვს ამ გადაწყვეტილების შესახებ ინფორმაცია მიაწოდა.

რუსეთის საგარეო საქმეთა სამინისტროს წარმომადგენელმა, მარია ზახაროვამ განაცხადა, რომ მოსკოვი “შესაბამის პასუხს გასცემს“ ამ გადაწყვეტილებას.

მანამდე მსგავსი გადაწყვეტილება ევროკავშირის არაერთმა ქვეყანამ მიიღო: სლოვენიამ, რუმინეთმა, გერმანიამ, საფრანგეთმა, იტალიამ, დანიამ, ლიტვამ და ლატვიამ რუსეთთან დიპლომატიური ურთიერთობების დონე შეამცირეს. დიპლომატიური წარმომადგენლობების თანამშრომელთა ნაწილს ამ ქვეყნებიდან შპიონაჟის ეჭვის გამო აძევებენ. მათ ბრალი ედებათ “დიპლომატიურ სტატუსთან შეუსაბამო საქმიანობაში“. ეს გადაწყვეტილება ევროპის ქვეყნებმა ბუჩაში რუსული არმიის მიერ ჩადენილი სისასტიკის შემდეგ მიიღეს.