Category: სლაიდერი

უკრაინის სადაზვერვო სამსახურის ინფორმაციით, რუსეთი თავის ტერიტორიაზე ტერაქტებს გეგმავს, რათა საზოგადოებაში ანტიუკრაინული ისტერია შექმნას.

„რუსული სპეცსამსახურები გეგმავენ ტერაქტების სერიას – რუსეთის დასახლებებში საცხოვრებელი კორპუსების, საავადმყოფოებისა და სკოლების აფეთქებას. ასევე ქალაქ ბელგოროდზე ან ყირიმის ერთ-ერთ ქალაქზე სარაკეტო თავდასხმებს”,– აცხადებს დაზვერვა.

დაზვერვის ხელმძღვანელი კირილ ბუდანოვი ამბობს, რომ მობილიზაციის გეგმის ჩავარდნა რუსეთში, “პუტინის რეჟიმს აიძულებს, წამოიწყოს ბინძური სცენარით მოქმედება, რათა ემოციურად აღძრას რუსული საზოგადოება – შექმნას “უკრაინელი ნაციონალისტების სისასტიკის ემოციური სურათი”.

მისივე აზრით, შესაძლებელია, რომ ტერორისტული თავდასხმები წარადგინონ, როგორც უკრაინელების შურისძიება ბუჩასა და კრამატორსკისთვის.

„ბოლო დღეებში რუსეთის მთავრობა აჩქარებს ანტიუკრაინული ისტერიის ბორბალს. ბელგოროდისა და კურსკის ოლქებში აქტიურად იჭრება თხრილები და პანიკაა უკრაინული მოხალისეთა ბატალიონებისა და დივერსიული ჯგუფების წარმოსახვითი შეტევის გამო“,– აღნიშნა ბუდანოვმა.

36-ე ბრიგადის საზღვაო ქვეითებმა, რომლებიც მარიუპოლს რუსებისგან იცავენ, ჟურნალისტ ნატალია ნაგორნაიას ვიდეო გაუგზავნეს, რომელშიც აცხადებენ, რომ არ დათმობენ პოზიციებს. ინფორმაციას Українська правда ავრცელებს. ჟურნალისტის ცნობით, ვიდეო ჩაწერილია დღეს, დაახლოებით დილის 5 საათზე მარიუპოლში.

საზღვაო ქვეითების თქმით, ისინი ბლოკადაში არიან, თუმცა ბრძოლას ბოლომდე გააგრძელებენ.

“დიდება უკრაინას! ჩვენ ვართ მარიუპოლის დამცველები, 36-ე საზღვაო ბრიგადა, რომელიც ბოლო დრომდე იკავებს და ინარჩუნებს ამ ქალაქის დაცვას. ჩვენ არ დავთმობთ პოზიციებს. ამ ქალაქის ყველა ნაწილს მაქსიმალურად შევინარჩუნებთ, მაგრამ რეალობა ის არის, რომ ქალაქი მართლაც აღმოჩნდა ბლოკადაში, რინგზე – საბრძოლო მასალისა და საკვების მოწოდების გარეშე.

ჩვენ მადლობელი ვართ ყველა უკრაინელის, ვისაც სჯეროდა და სჯერა საზღვაო ქვეითების. იმ რწმენის, რომელსაც ამდენ ხანს ვინარჩუნებდით. ჩვენ არ დავტოვებთ პოზიციებს. ჩვენ ერთგულები ვართ და დავრჩებით ერთგულებად ყოველთვის.

ყველა უკრაინელს უნდა ახსოვდეს ამ წინააღმდეგობის ფასი და დაასრულოს საქმე – დაიცვას გამარჯვება ბოლომდე. უკრაინა, ევროპა, მსოფლიო… გამარჯვების რწმენით ყოველთვის ერთგული ვართ, ბოლომდე ერთგულები“,– აცხადებენ საზღვაო ქვეითები.

ცნობისთვის, ალყაშემორტყმულ მარიუპოლში საზღვაო ქვეითებმა გუშინ წინ განაცხადეს, რომ “უკანასკნელი ბრძოლისთვის” ემზადებიან. ისინი ქალაქს 47 დღეა იცავენ.

გუშინ აზოვის პოლკმა განაცხადა, რომ მარიუპოლში რუსმა ოკუპანტებმა მომწამვლელი უცნობი ნივთიერება გამოიყენეს.

საფრანგეთმა ქვეყნიდან გააძევა ექვსი რუსი, რომლებიც შპიონაჟში იყვნენ ეჭვმიტანილი.

ქვეყნის საგარეო საქმეთა სამინისტროს ინფორმაციით, ისინი თითქოს დიპლომატიური საფარის ქვეშ მუშაობდნენ და საფრანგეთის ნაციონაულრ ინტერესებს ეწინააღმდეგებოდნენ.

სპეცსამსახურებმა “საიდუმლო ოპერაცია“ კვირას გაახმაურეს, თუმცა დეტალები ჯერჯერობით არ ვრცელდება.

მანამდე საფრანგეთმა რუსეთის უკრაინაში შეჭრის პასუხად 35 რუსი დიპლომატი ქვენიდან გააძევა.

დიდი ბრიტანეთის თავდაცვის სამინისტროს დაზვერვის ცნობით, აღმოსავლეთ უკრაინაში ბრძოლები მომდევნო 2-3 კვირის განმავლობაში გამწვავდება, რადგან რუსეთი აგრძელებს იქ თავისი ძალების ფოკუსირებას.

„რუსული თავდასხმები კვლავ კონცენტრირებულია უკრაინის პოზიციებზე დონეცკისა და ლუგანსკის მახლობლად, ბრძოლები გრძელდება ხერსონისა და ნიკოლაევის რეგიონში, ასევე განახლებულია შეტევა კრამატორსკიზე“, – ნათქვამია განცხადებაში.

დაზვერვის ინფორმციით, რუსული ძალები აგრძელებენ ბელარუსიდან უკრაინაში შესვლას,  რათა განლაგდნენ აღმოსავლეთ უკრაინაში ოპერაციების მხარდასაჭერად.

უკრაინის გენშტაბი 12 აპრილის მდგომარეობით რუსეთის სამხედრო დანაკარგებზე განახლებულ ინფორმაციას აქვეყნებს.

მათი ცნობით, ოკუპანტმა ომის დაწყებიდან დღემდე დაკარგა:

• დაახლოებით 19 600 ჯარისკაცი
• ტანკი – 732
• ჯავშანტექნიკა – 1946
• საარტილერიო სისტემები – 349
• MLRS / MLRS – 111
• საზენიტო საბრძოლო სისტემები – 63
• თვითმფრინავი – 157
• ვერტმფრენები – 140
• ავტომობილი – 1406
• გემები / ნავები – 7
• საწვავის ავზი – 76
• უპილოტო საფრენი აპარატი – 124
• სპეციალური აღჭურვილობა – 25
• OTRK / TRK – 4

გენშტაბის განცხადებით, მიმდინარეობს მონაცემების განახლება, რადგან გამოთვლას ართულებს საომარი მოქმედებების მაღალი ინტენსივობა.

“ვრცელდება ინფორმაცია იმის შესახებ, რომ რუსულმა ძალებმა შესაძლოა გამოიყენეს ქიმიური აგენტები მარიუპოლის მოსახლეობაზე თავდასხმისას. ჩვენ ვმუშაობთ პარტნიორებთან დეტალების გადასამოწმებლად.

ასეთი იარაღის ნებისმიერი გამოყენება იქნება ამ კონფლიქტის სასტიკი ესკალაცია და ჩვენ პუტინსა და მის რეჟიმს პასუხისგებაში მივცემთ”

აცხადებს დიდი ბრიტანეთის საგარეო მინისტრი ლიზ ტრასი. ცნობისთვის, Unian-ი აზოვის ბატალიონზე დაყრდნობით იუწება, რომ რუსებმა ალყაშემორტყმულ მარიუპოლში ქიმიური იარაღი გამოიყენეს. ზელენსკიმ მსოფლიოს შეახსენა, რომ ქიმიური იარაღის გამოყენება მათი მხრიდან მკაცრ რეაგირებას ნიშნავდა.

“მარიუპოლი — ქალაქი სადაც სიკვდილი რუსეთის დროშის ქვეშ მოექცა. ათობით ათასი მშვიდობიანი მოქალაქე მოკლეს, შენობების 90% გაანადგურებულია. უკრაინელი სამხედროები გარშემორტყმული და ბლოკირებული არიან. თავიდანვე ვთხოვდით ჩვენს პარტნიორებს ტანკებსა და თვითმფრინავებს, რომ გვქონოდა შანსი. მსოფლიო დუმს და გენოციდს ონლაინ უყურებს”

წერს უკრიანის პრეზიდენტის ადმინისტრაციის უფროსის მრჩეველი, მიხაილო პოდოლიაკი ტვიტერზე.

“შეგახსენებთ, ქიმიური იარაღის გამოყენება ნიშნავდა ხისტ რეაგირებას” – უკრაინის პრეზიდენტის, ვოლოდიმირ ზელენსკი მსოფლიო ლიდერებს მიმართავს.

“დღეს ოკუპანტების მხრიდან გაჟღერდა ახალი განცხადება, რომელიც ცხადყოფს, რომ უკრაინისა და ჩვენი სამხედროების წინააღმდეგ ტერორის ახალი ეტაპი მზადდება. ოკუპანტების ერთ-ერთმა რუპორმა განაცხადა, რომ მათ შეუძლიათ ქიმიური იარაღის გამოყენება მარიუპოლში სამხედროების წინააღმდეგ. ამას სერიოზულად განვიხილავთ. მინდა მსოფლიო ლიდერებს შევახსენო, რომ რუსეთის მიერ ქიმიური იარაღის შესაძლო გამოყენების საკითხი უკვე განხილულია. ამავდროულად, ეს ნიშნავდა რუსულ აგრესიაზე ბევრად უფრო სწრაფ და ხისტ რეაგირებას” – თქვა ზელენსკიმ.

ცნობისთვის, Unian-ი აზოვის ბატალიონზე დაყრდნობით იუწება, რომ რუსებმა ალყაშემორტყმულ მარიუპოლში, ქიმიური იარაღი გამოიყენეს.

გამოცემის ცნობით, ამ წუთებში დგინდება ზუსტად, თუ რა  ნივთიერება გამოიყენეს რუსებმა მარიუპოლში.

უცნობი ნივთიერებით მოწამლულ უკრაინელებს სუნთქვის უკმარისობა,  ვესტიბულური დარღვევა და ატაქსიის სინდრომი აღენიშნებათ.

• “დაახლოებით 1 საათის წინ რუსმა ოკუპანტებმა უკრაინელი სამხედროების და მშვიდობიანი მოქალაქეების წინააღმდგე მარიუპოლში მომწამვლელი უცნობი ნივთიერება გამოიყენეს. რაშისტებმა ის უპილოტო საფრენი აპარატის მეშვეობით ჩამოაგდეს”, – ამბობენ აზოვის ბატალიონში.

აზოვის ბატალიონის მეთაური, ანდრეი ბილეცკი ვიდეო მიმართვაში აცხადებს, რომ ქიმიური იარაღის გამოყენება მარიუპოლში ნიშნავს მხოლოდ ერთს, “რუსებს არ შეუძლიათ მარიუპოლის და უკრაინელი დამცველების აღება, ამიტომ სხვა გზა არ აქვთ გარდა აკრძალული იარაღის გამოყენებისა”.

• “მარიუპოლზე ქიმიური თავდასხმა მხოლოდ ერთს ნიშნავს: რუსებს არ შეუძლიათ მარიუპოლის და უკრაინელი მცველების აღება. და მათ სხვა გზა არ აქვთ გარდა აკრძალული იარაღის გამოყენებისა. ეს არ არის ძალის დემონსტრირება – ეს არის სისუსტე ” – აცხადებს, აზოვის ბატალიონის მეთაური ვიდეოში,  რომელიც ტელეგრამზე ვრცელდება.

Unian-ი  InformNapalm-ზე დაყრდნობით იუწყება, რომ შესაძლოა ადგილზე “ზარინი” გამოიყენეს, რომელიც აკრძალული  ქიმიური იარაღია.  აღნიშნული ნივთიერება, სირიაში გამოიყენეს. კერძოდ, 2017 წელს სირიის ქალაქ ხან-შეიხუნში ნივთიერება მოსახლეობის წინააღმდეგ გამოიყენეს, რასაც 80-ზე მეტი ადამიანის სიცოცხლე ემსხვერპლა.

ასევე აღსანიშნავი ფაქტია, რომ 9 აპრილს, რუსეთის პრეზიდენტმა ვლადიმირ პუტინმა უკრაინაში ომის წარმართვისთვის ახალი მეთაური, გენერალი ალექსანდრ დვორნიკოვი დანიშნა. იუწყებიან, რომ დვორნიკოვმა მნიშვნელოვანი საომარი გამოცდილება მოიპოვა სირიაში რუსეთის ჯარების ხელმძღვანელის რანგში. თეთრი სახლის პრეს-მდივნის, ჯენ საკის განცხადებით სწორედ გენერალი ალექსანდრ დვორნიკოვია პასუხისმგებელი იმ „საშინელებებზე, რაც ჩვენ ვნახეთ სირიაში“. 

ქიმიური იარაღის წარმოება და გამოყენება გაეროს ფარგლებში არსებული „ქიმიური იარაღის კონვენციის“ საერთაშორისო ხელშეკრულებით აკრძალულია. შეთანხმებას, ხელს რუსეთის ფედერაციც აწერს.

როგორ უნდა მოვიქცეთ ზარინის გამოყენების შემთხვევაში:

• გაიხადეთ ტანსაცმელი და ეს ტანსაცმელი მოათავსეთ დახურული პარკში;სხეულის
• დაზიანებული მონაკვეთები დაიბანეთ წყლით (საპნის გამოყენების გარეშე);
• შეძლებისდაგვარად გაეცალეთ იმ ზონას, სადაც ზარინი იქნა გამოყენებული.

ზარინს არ აქვს ფერი და სუნი, ამიტომ მისი დანახვა და სუნის შეგრძნება შეუძლებელია.

მარიუპოლში რუსმა ოკუპანტებმა ქიმიური იარაღი გამოიყენეს – აღნიშნულ ინფორმაციას Unian-ი აზოვის ბატალიონზე დაყრდნობით ავრცელებს. გამოცემის ცნობით, ამ წუთებში დგინდება ზუსტად, თუ რა  ნივთიერება გამოიყენეს რუსებმა მარიუპოლში.

უცნობი ნივთიერებით მოწამლულ უკრაინელებს სუნთქვის უკმარისობა,  ვესტიბულური დარღვევა და ატაქსიის სინდრომი აღენიშნებათ.

• “დაახლოებით 1 საათის წინ რუსმა ოკუპანტებმა უკრაინელი სამხედროების და მშვიდობიანი მოქალაქეების წინააღმდგე მარიუპოლში მომწამვლელი უცნობი ნივთიერება გამოიყენეს. რაშისტებმა ის უპილოტო საფრენი აპარატის მეშვეობით ჩამოაგდეს”, – ამბობენ აზოვის ბატალიონში.

აზოვის ბატალიონის მეთაური, ანდრეი ბილეცკი ვიდეო მიმართვაში აცხადებს, რომ ქიმიური იარაღის გამოყენება მარიუპოლში ნიშნავს მხოლოდ ერთს, “რუსებს არ შეუძლიათ მარიუპოლის და უკრაინელი დამცველების აღება, ამიტომ სხვა გზა არ აქვთ გარდა აკრძალული იარაღის გამოყენებისა”.

• “მარიუპოლზე ქიმიური თავდასხმა მხოლოდ ერთს ნიშნავს: რუსებს არ შეუძლიათ მარიუპოლის და უკრაინელი მცველების აღება. და მათ სხვა გზა არ აქვთ გარდა აკრძალული იარაღის გამოყენებისა. ეს არ არის ძალის დემონსტრირება – ეს არის სისუსტე ” – აცხადებს, აზოვის ბატალიონის მეთაური ვიდეოში,  რომელიც ტელეგრამზე ვრცელდება.

Unian-ი  InformNapalm-ზე დაყრდნობით იუწყება, რომ შესაძლოა ადგილზე “ზარინი” გამოიყენეს, რომელიც აკრძალული  ქიმიური იარაღია.  აღნიშნული ნივთიერება, სირიაში გამოიყენეს. კერძოდ, 2017 წელს სირიის ქალაქ ხან-შეიხუნში ნივთიერება მოსახლეობის წინააღმდეგ გამოიყენეს, რასაც 80-ზე მეტი ადამიანის სიცოცხლე ემსხვერპლა.

ასევე აღსანიშნავი ფაქტია, რომ 9 აპრილს, რუსეთის პრეზიდენტმა ვლადიმირ პუტინმა უკრაინაში ომის წარმართვისთვის ახალი მეთაური, გენერალი ალექსანდრ დვორნიკოვი დანიშნა. იუწყებიან, რომ დვორნიკოვმა მნიშვნელოვანი საომარი გამოცდილება მოიპოვა სირიაში რუსეთის ჯარების ხელმძღვანელის რანგში. თეთრი სახლის პრეს-მდივნის, ჯენ საკის განცხადებით სწორედ გენერალი ალექსანდრ დვორნიკოვია პასუხისმგებელი იმ „საშინელებებზე, რაც ჩვენ ვნახეთ სირიაში“. 

ქიმიური იარაღის წარმოება და გამოყენება გაეროს ფარგლებში არსებული „ქიმიური იარაღის კონვენციის“ საერთაშორისო ხელშეკრულებით აკრძალულია. შეთანხმებას, ხელს რუსეთის ფედერაციც აწერს.

როგორ უნდა მოვიქცეთ ზარინის გამოყენების შემთხვევაში:

• გაიხადეთ ტანსაცმელი და ეს ტანსაცმელი მოათავსეთ დახურული პარკში;სხეულის
• დაზიანებული მონაკვეთები დაიბანეთ წყლით (საპნის გამოყენების გარეშე);
• შეძლებისდაგვარად გაეცალეთ იმ ზონას, სადაც ზარინი იქნა გამოყენებული.

ზარინს არ აქვს ფერი და სუნი, ამიტომ მისი დანახვა და სუნის შეგრძნება შეუძლებელია.

“ევროკავშირი უკრაინას სამხედრო დანაშაულების მტკიცებულებების შეგროვებაში დაეხმარება”- აცხადებს, საგარეო საქმეთა და უსაფრთხოების პოლიტიკის სფეროში ევროკავშირის უმაღლესი წარმომადგენელი ჯოზეფ ბორელი, ბრიფინგზე. 

“მინისტრებს მოვახსენე ჩემი ვიზიტის შესახებ კიევში და განვიხილეთ კონფლიქტის სხვადასხვა ასპექტი. დილით გვქონდა შეხვედრა სისხლის სამართლის საერთაშორისო სასამართლოს პროკურორთან. ამიტომ, პირველი რიგის საქმე იყო, თუ როგორ დაეკისროს რუსეთს პასუხისმგებლობა საერთაშორისო სამართლის უხეში დარღვევისთვის. ჩვენ დავეხმარებით ომის დანაშაულების დოკუმენტირებაში”.- განაცხადა ჯოზეფ ბორელმა.