Category: სლაიდერი

“არსებობს მზაობა, რომ უმაღლეს საპარლამენტო დონეზეც შედგეს ვიზიტი, თუმცა არის ძალიან მკაფიო წინაპირობები” –  ამის შესახებ „ქართული ოცნების“ თავმჯდომარე ირაკლი კობახიძემ განაცხადა.

”არსებობს ზოგადი მზაობა იმის შესახებ, რომ უმაღლეს საპარლამენტო დონეზეც შედგეს ვიზიტი. თუმცა, აქ არის, ძალიან მკაფიო წინაპირობები და ყველამ ვიცით, რას უკავშირდება ეს წინაპირობები. სამწუხაროდ, გადაიდგა რამდენიმე შეურაცხმყოფელი ნაბიჯი უკრაინის ხელისუფლების მხრიდან გასული პერიოდების განმავლობაში. საუბარია სახელმწიფოსთვის შეურაცხმყოფელ ნაბიჯებზე და და არა იგივე, თუნდაც მმართველი გუნდისთვის შეურაცხყოფაზე, ეს ამ შემთხვევაში, მეორე ხარისხოვანი იქნებოდა. რა თქმა უნდა, როდესაც ხდება სახელმწიფოს შეურაცხყოფა ასეთ დროს, საჭიროა პოზიციის დაფიქსირება და ეს უკავშირდებოდა იგივე ელჩის გაწვევის საკითხს. ჯერ იყო გაწვევა კონსულტაციებზე, შემდეგ თანამდებობიდან გათავისუფლდა უკრაინის ელჩი საქართველოში.

დღემდე უკრაინა რჩება დემარშის მდგომარეობაში საქართველოს მიმართ. ასე გამოდის. ყოველშემთხვევაში, ამის შემდეგ რაიმე განსხვავებული ნაბიჯი ჩვენ უკრაინის ხელისუფლების მხრიდან არ გვინახავს. რა თქმა უნდა, ეს ვითარება შესაცვლელია, ეს არის ერთი და ძალიან მნიშვნელოვანი პრინციპული საკითხი.” – აცხადებს კობახიძე.

” გადადგები რუსეთთან მეგობრობის გამო!”  “გადადგები უსამართლო სასამართლოს გამო”  ახალმა სამოქალაქო მოძრაობა “ტალღამ” თავისუფლების მოდენაზე, მთავრობის გადადგომის მოთხოვნით პირველი საპროტესტო აქცია გამართა.

ავსტრიის კანცლერმა კარლ ნეჰამერმა ვლადიმერ პუტინთან მოლაპარაკებების შესახებ კომენტარი გააკეთა და აღნიშნა, რომ ეს „არ იყო მეგობრული ვიზიტი“, შეხვედრა იყო „ძალიან მკაცრი“, ღია და პირდაპირი. ინფორმაციას „როიტერსი“ ავრცელებს.

„ეს არ არის მეგობრული შეხვედრა. ნეჰამერმა თქვა, რომ მისი ყველაზე მნიშვნელოვანი გზავნილი კრემლის ლიდერისთვის არის ის, რომ ომი უნდა დასრულდეს, რადგან „ომში ორივე მხარე მხოლოდ დამარცხებულები არიან“, – აღნიშნულია ავსტრიული მხარის მიერ გავრცელებულ განცხადებაში.

• “ყურადღება გავამახვილე ბუჩასა და სხვა ადგილებში სერიოზულ ომის დანაშაულებზე და აღვნიშნე, რომ ყველა დამნაშავეს პასუხისმგებლობა უნდა დაეკისროს. მე ასევე გასაგებად ვუთხარი პრეზიდენტ პუტინს, რომ რუსეთის წინააღმდეგ სანქციები ადგილზე დარჩება და უფრო გამკაცრდება მანამ, სანამ უკრაინაში ხალხი იხოცება”. – ამბობს ავსტრიის კანცლერი

შეხვედრა პუტინის ოფიციალურ ნოვო-ოგარიოვოს რეზიდენციაში გაიმართა, რომელიც დაახლოებით 90 წუთს გაგრძელდა.

ალყაშემორტყმულ მარიუპოლში საზღვაო ქვეითები “უკანასკნელი ბრძოლისთვის” ემზადებიან. ამის შესახებ,  ქალაქში მყოფმა უკრაინის საზღვაო ქვეითებმა ორშაბათს, 10 აპრილს განაცხადეს. 

“დღეს ალბათ უკანასკნელი ბრძოლა იქნება, რადგან  ტყვია-წამალი თავდება. ზოგიერთი ჩვენგანისთვის ეს სიკვდილია, დანარჩენებისთვის კი – ტყვეობა”. – წერს საზღვაო ქვეითთა 36-ე დანაყოფი Facebook-ზე.

საზღვაო ქვეითები აცხადებენ, რომ პორტს უკვე 47 დღეა იცავენ და გააკეთეს “ყველაფერი, შესაძლებელი და შეუძლებელი” ქალაქზე კონტროლის შესანარჩუნებლად.

საზღვაო ქვეითები ამბობენ, რომ დაჭრილთა უმრავლესობა, რომელთაც ჯერ კიდევ ყველა კიდური აქვთ, დღევანდელი ბრძოლისთვის უკან ბრუნდებიან.

ამერიკელმა მსახიობმა, სტივენ სიგალმა 10 აპრილს საკუთარი 70 წლის იუბილე, მოსკოვის ერთ–ერთ საუკეთესო რესტორანში აღნიშნა. მას უკვე 5 წელზე მეტია რუსეთის მოქალაქეობა აქვს. სოციალურ ქსელში გავრცელდა კადრები, რომელზეც ჩანს, რომ ცნობილი მსახიობი სიტყვას წარმოთქვამს.

“ჩემთვის ბედნიერებაა, რომ დღეს ჩემთან ერთად ხართ, ჩემი ოჯახი, ჩემი მეგობრები, მიყვარხართ ყველა. ჩვენ ერთად ვართ ამ რთულ დროს“ – ამბობს ის.

კადრებზე ჩანს რუსეთის მთავარი პროპაგანდისტი, ვლადიმირ სოლოვიოვი, ასევე ტიგრან კეოსაიანი, რომელიც წვეულებაზე მის ცოლთან, მარგარიტა სიმონიანთან ერთად მივიდა. ეს უკანასკნელი რუსეთის ერთ–ერთი მთავარი პროპაგანდისტი და რუსული ტელეარხის, Russia Today–ს ხელმძღვანელია. სტუმრებს შორის იყვნენ ანატოლი ცოი, ვიქტორ დრობიში, ალექსეი ჩადოვი და სხვები.

“რაშისტებს გადაეყარადა მორჩა, დაიკარგა კაცი? ეს გადამდებია!“– ასეთი კომენტარი გაუკეთა ვიდეოს უკრაინის შს მინისტრის მრჩეველმა, ანტონ გერაშენკომ.

სტივენ სიგალმა დაბადების დღე მოსკოვში, სოლოვიოვისა და სიმონიანის გარემოცვაში აღნიშნა

რუსული მედიის ინფორმაციით, სიგალს არაფერში ეტყობოდა მისი ვარსკვლავური სტატუსი და თავად ზრუნავდა სტუმრების გართობაზე. რესტორნის სცენაზე მან ბლუზიც კი შეასრულა.

რუსეთის პრეზიდენტმა ამერიკელი მსახიობისთვის რუსეთის მოქალაქეობის მინიჭების შესახებ განკარგულებას 2016 წლის ნოემბერში მოაწერა ხელი. სიგალი აქტიურად უჭერდა მხარს პუტინის პოლიტიკას, ასევე ყირიმის ოკუპაციას. იმის გამო, რომ ის ყირიმს არაერთხელ სტუმრობდა, უკრაინის ტერიტორიაზე შესვლა აეკრძალა.

2018 წელს სიგალი დაინიშნა რუსეთის საგარეო საქმეთა სამინისტროს სპეციალურ წარმომადგენლად რუსულ–ამერიკული ჰუმანიტარული კავშირების საკითხში. მის მოვალეობაში შედიოდა რუსულ–ამერიკული ურთიერთობების განვითარებისთვის ხელშეწყობა ჰუმანიტარულ სფეროში, მათ შორის კულტურის, ხელოვნების, საზოგადოებრივ და ახალგაზრდობის გაცვლითი პროგრამების საკითხებში.

მოგვიანებით მან განაცხადა, რომ უნდოდა პრიმორსკის ოლქს გუბერნატორობა. საკუთარი ოცნება მან მაყურებელს ვლადივოსტოკში გამართულ კინოფესტივალზე გაუზიარა. თუმცა ეს ოცნება ვერ აისრულა. სამაგიეროდ, 2021 წელს ოფიციალურად გახდა პარტია “სამართლიანი რუსეთი–სიმართლისთვის“ წევრი.

”ეს არის უდიდესი პასუხისმგებლობა ჩვენი ქვეყნისთვის. ჩვენ ვართ ყველანი დღეს პასუხისმგებელნი ჩვენი შემდეგი თაობის წინაშე. ჩვენ ან შევძლებთ რომ ვუპასუხოთ ამ გამოწვევას, ან ვერ შევძლებთ. ეს ჩვენ გარდა არავისზეა დამოკიდებული, ამიტომ უნდა იყოს მობილიზებული ყველა ძალა.” – ამის შესახებ, საქართველოს პრეზიდენტმა, სალომე ზურაბიშვილმა საგანგებო ბრიფინგზე განაცხადა.

ცნობისთვის, დღეს სამეზობლო პოლიტიკისა და გაფართოების საკითხებში ევროკომისარმა, ოლივერ ვარჰეიმ საქართველოს საგარეო საქმეთა მინისტრს, ილია დარჩიაშვილის ევროკავშირის წევრობის კითხვარი გადასცა. ვარჰეის თქმით, კითხვარზე პასუხები დაეხმარება ევროკომისიას, მოამზადოს მოსაზრებები ქვეყნის განაცხადზე, როგორც ამას ევროკავშირის საბჭო ითხოვს.

უკრაინის პრეზიდენტის, ვოლოდიმირ ზელენსკის მრჩეველის ოლექსი არესტოვიჩი აცხადებს, რომ რუსეთთან ომი შესაძლოა 2035 წლამდე გაგრძელდეს. არესტოვიჩის ინტერვიუს ნაწილს  UNIAN – ი ავრცელებს. უკრაინის პრეზიდენტის მრჩეველი, ასევე აცხადებს, რომ დონბასის ტერიტორიის ოკუპირების შემთხვევაში, უკრაინა ბრძოლას ბოლომდე გააგრძელებს, რაც უზარმაზარ ადამიანურ მსხვერპლს და ეკონომიკურ დანაკარგებს გამოიწვევს.

“რამდენიმე საომარი შეტაკება 2035 წლამდე გარანტირებული გვაქვს. ეს ნიშნავს შეტაკებებს ყოველ ორ, შესაძლოა ყოველ ხუთ წელიწადში. მათ, ვინც ამისთვის მზად არ არის, ვინც ახლა ღელავს იმაზე, როგორ იცხოვროს და გაზარდოს შვილები, სჭირდება რომელიმე სხვა ქვეყანა”- განაცხადა არესტოვიჩმა და დასძინა, რომ თავად ოჯახის წევრების ქვეყნიდან გაყვანას არ გეგმავს.

ეროვნული ბანკის ინფორმაციით, 11 აპრილის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.06 თეთრით გაუფასურდა, შედეგად, ერთი დოლარის ოფიციალური ღირებულება 3.0755 ლარი გახდა.

ეროვნული ვალუტა ევროსთან მიმართებით 0.71 თეთრით გაუფასურდა, რის შემდეგაც ერთი ევროს ოფიციალური ღირებულება 3.3544 ლარს გაუტოლდა.

დღევანდელი ვაჭრობის შედეგად მიღებული კურსები ძალაში ხვალიდან შევა.

„ოპოზიცია ვგეგმავთ ვიზიტს უკრაინაში სამძიმრის სათქმელად, ბუჩას მოვლენებთან დაკავშირებით. მე ძალიან მესიამოვნა, რომ დღეს „ქართულმა ოცნებამ“ მიიღო გადაწყვეტილება, ამ ვიზიტს შემოუერთდეს და ამით ქვეყნის პოზიცია იქნება გამოხატული, მაგრამ მე მაინც ვფიქრობ, რომ ამ ვიზიტს და დელეგაციას უნდა უხელმძღვანელოს პარლამენტის თავმჯდომარემ. მე მას გამოჯანმრთელებას ვუსურვებ, მაგრამ ამავე დროს ვთხოვ, რომ დაივიწყოს, გვერდზე გადადოს ყველა პირადი თუ პარტიული წყენა – ბევრად უფრო დიდი რამე ხდება, ბევრად უფრო მნიშვნელოვანი საკითხია ეს ჩვენი ქვეყნისთვის და მოვა დრო, როდესაც დასრულდება ომი და მოგეცემათ საშუალება გაარკვიოთ თქვენი ურთიერთობა იმ პარტიასთანაც და ვისთანაც გნებავთ, მაგრამ ახლა ამის დრო არ არის. მე ვთხოვ შალვა პაპუაშვილს, რომ თავად ჩაუდგეს დელეგაციას სათავეში და წავიდეთ უკრაინაში და სამძიმარი ვუთხრათ უკრაინელ ხალხს და უკრაინის მთავრობას, რომელიც დღეს ძალიან დიდ ბრძოლაშია რუსეთის წინააღმდეგ“

ასე მიმართა პარლამენტის ვიცე-სპიკერმა და „მოქალაქეების“ წევრმა ლევან იოსელიანმა პარლამენტის თავმჯდომარეს შალვა პაპუაშვილს, ბიუროს სხდომაზე სიტყვით გამოსვლისას.