„ქართული ოცნების“ მიერ პოლიტიკური პარტიების დასახელებას, რომელთა აკრძალვასაც ითხოვს, „კოალიცია ცვლილებისთვის“ ერთ-ერთი ლიდერი, ელენე ხოშტარია რუსთავის ქალთა ციხიდან ეხმაურება.
- „ამ ხელისუფლების მიერ პარტიების აკრძალვა ისევე უკანონოა, როგორც მთლიანად ეს არალეგიტიმური, რუსული ხელისუფლება. დღეს რაც ბიძინას მონა პაპუაშვილმა ილაპარაკა, როგორც გადაწერა საქართველოს თანამედროვე ისტორია, არის რუსების მიერ შეთხზული და მოგონილი მათი კოლონიის ისტორია. საქართველო რუსეთის კოლონია არასდროს, არასდროს გახდება. ხოლო ეს თანამედროვე ორჯონიკიძეები კი არასდროს, არასდროს დაგვავიწყდება! ბოლომდე“, – წერს ელენე ხოშტარია.
ცნობისთვის, დღეს “ოცნების” პარლამენტის თავმჯდომარემ ის პარტიები ჩამოთვალა, რომლებსაც რეჟიმი აკრძალვას უპირებს:
- ერთიანობა – ნაციონალური მოძრაობა
- კოალიცია ცვლილებისთვის – გვარამია, ნიკა მელია, გირჩი, დროა
- ძლიერი საქართველო – ლელო, ხალხისთვის, თავისუფლებისთვის
“ზემოხსენებულ პოლიტიკურ პარტიებთან მჭიდროდ დაკავშირებულია სხვა პოლიტიკური პარტიებიც, როგორიცაა ელენე ხოშტარია (დროა) და გირჩი – მეტი თავისუფლება, რომლებიც სინამდვილეში, კოალიცია ცვლილებისთვის – გვარამია-მელია-გირჩი-დროას შემადგენლობაში არიან, თუმცა ფორმალურად დამოუკიდებელ პარტიებან არიან რეგისტრირებული”.- განაცხადა პაპუაშვილმა.
ცნობილი ხდება პარტიების სია, რომელიც არ აიკრძალება. შალვა პაპუაშვილის განმარტებით, აღნიშნული პარტიების აკრძალვის აუცილებლობა ამ ეტაპზე არ იკვეთება. მისივე თქმით, საკითხი დღის წესრიგში შესაძლოა, დადგეს იმ შემთხვევაში, თუკი აღნიშნული პარტიები პოლიტიკურ პროცესზე არსებით გავლენას შეიძენენ.
- “ფედერალისტები”;
- “დროა”;
- “გირჩი”;
- “გახარია – საქართველოსთვის”;
- “სტრატეგია აღმაშენებელი”
- “ევორპული საქართველო”
”აგრეთვე – კი ევროპას, სტრატეგია აღმაშენებელი, ევროპული საქართველო – მოძრაობა თავისუფლებისთვის, ფედერალისტური პარტია, საქართველოს რესპუბლიკური პარტია და სხვა ფიქტიური ერთკაციანი და მცირე პარტიები, თუმცა, ვინაიდან მათ ამჟამად, მათი სიდიდით, ორგანიზაციული სტრუქტურით არსებითი გავლენა, მათ შორის საარჩევნო ბარიერის გადალახვის რეალური პერსპექტივა არ გააჩნიათ – ამ ეტაპზე მათი აკრძალვის აუცილებლობა არ იკვეთება”. – განაცხადა პაპუაშვილმა.
