“ამ ეტაპზე საქართველოს ევროკავშირისკენ მიმავალი გზა არ აქვს, თუ თუ გარემოებები მკვეთრად არ შეიცვლება.[…]”საქართველო ახლა მხოლოდ სახელით არის კანდიდატი ქვეყანა”.
აცხადებს, ევროკავშირის საგარეო საქმეთა და უსაფრთხოების პოლიტიკის უმაღლესი წარმომადგენლი, კაია კალასი.
„ბრიუსელის ღირებულებით უკუსვლაზე მეტყველებს ის მხარდაჭერა, რომელსაც ის უწევს ძალადობრივ ჯგუფებს, რომლებმაც 4 ოქტომბერს პრეზიდენტის სასახლის შტურმი სცადეს.
ახლა ბრიუსელი ცდილობს ითამაშოს ღირებულებებზე აპელირებით, მაშინ, როდესაც საქართველოს მთავრობასა და ხალხს აქვს ნამდვილი პასუხი მათ მოთხოვნებზე, როდესაც საქმე ეხება დემოკრატიასა და კანონის უზენაესობას: ეს არის ქართული და ევროპული ღირებულებები – ტოლერანტობა, კანონის უზენაესობა, მშვიდობის პატივისცემა და განვითრება.
სულ უფრო აშკარა ხდება, რომ ბრიუსელის მხრიდან მსგავსი დამოკიდებულების მიზანია, ხალხმა ხელი ჩაიქნიოს ევროკავშირში ინტეგრაციის პროცესზე, რათა უნგრეთის, სლოვაკეთისა და ახლა უკვე ჩეხეთის მსგავსად, არ მიიღონ კიდევ ერთი ქვეყანა, რომელიც ბრმად არ დაემორჩილება ბრიუსელის მითითებებსა და ინსტრუქციებს.
უსამართლო მოქცევის, წინააღმდეგობებისა და დაბრკოლებების წინაშე ხელი ჩაგვექნია თუ არა, ეს არჩევანი არამხოლოდ დღეს, არამედ მთელი ჩვენი ისტორიის მანძილზე გვქონდა.
საქართველოს შანტაჟი და საქართველოზე ზეწოლა არ გამოვა. ჩვენ ხელის ჩაქნევას არ ვაპირებთ. საქართველო გააგრძელებს ქვეყნის მომზადებას ევროკავშირის წევრობისთვის. არა იმ ევროპის კავშირისთვის, რომელსაც ბრიუსელის დღევანდელი ბიუროკრატია ევროპული შინაარსისგან ცლის და მხოლოდ კავშირად ტოვებს, არამედ იმ ევროპის კავშირისთვის, რომლის მიზანიც ევროპული ღირებულებების დაბრუნებაა.
ჩვენ ვხედავთ ნამდვილ გამოღვიძებას ევროპაში, როდესაც ქვეყნები, ერთმანეთის მიყოლებით, ირჩევენ მთავრობებს და სტრატეგიებს, რომლებიც ევროკავშირს ნამდვილი ღირებულებების სისტემაში აბრუნებს, უარყოფს ბრიუსელის უსამართლო და არასათანადო ჩარევას შიდა საქმეებში, ეროვნულ ღირებულებებში, ხალხის ნებაში, ნამდვილ დემოკრატიასა და კანონის უზენაესობაში.
ჩვენ ნათლად ვხედავთ, თუ როგორ ერწყმის საქართველოს მომავალი ტრაექტორია ევროკავშირის სათანადო ღირებულებებზე დაფუძნებულ განვითარების გზას.
ჩვენ ვაპირებთ უსამართლობის მხილებას, სიმართლით ბრძოლას, ჭეშმარიტების ჩვენებას და სამართლიანი დამოკიდებულების მიღებას. ვაპირებთ ბოლომდე“,
ამის შესახებ საქართველოს პარლამენტის თავმჯდომარემ, შალვა პაპუაშვილმა ბრიფინგზე განაცხადა, რითაც ევროკომისიის მიერ დღეს წარმოდგენილ გაფართოების ანგარის ეხმაურება.
საქართველოს ხელისუფლების ქმედებებით გამოწვეული გაწევრიანების პროცესის დე ფაქტო შეჩერების თაობაზე ევროკომისიის შარშანდელი დასკვნის შემდეგ და ქვეყანაში განგრძობითი დემოკრატიული უკუსვლის ფონზე, კომისია მიიჩნევს, რომ საქართველოს შემთხვევაში, კანდიდატის სტატუსისგან მხოლოდ სახელი დარჩა.
განაცხადა გაფართოების საკითხებში ევროკავშირის კომისარმა მარტა კოსმა
ქართული ოცნება ვერ შეინარჩუნებს ევროპულ გზას – ეს არის კრემლის მარიონეტი რეჟიმი. ზომები, რომლებიც ჩვენ შეგვიძლია მივიღოთ იმ ხალხის დასახმარებლად, რომლებიც ერთი წელია ქუჩაში აქციებს მართავენ ევროპული საქართველოსთვის, არის სანქციები და უვიზო რეჟიმის შეზღუდვა პასუხისმგებელი პირებისა და ასევე დეზინფორმაციის გამავრცელებელი არხების მიმართ. ერთ-ერთი არხი ამ დრომდე აქ თავისუფლად მუშაობს. “რაშა თუდეი” და “სპუტნიკი” აკრძალულია მაგრამ “ქართული ოცნების” არხი – იმედი აქ თავისუფლად მუშაობს, ავრცელებს სიძულვილს ენას ევროპელი პოლიტიკოსების წინააღმდეგ.
აცხადებს ევროპარლამენტარი რასა იუკნევიჩიენე.
მე-8 დღეა შიმშილობის, უკვე 2 ადამიანი შემოგვიერთდა. ამ მომენტისთვის 8 ადამიანი ვშიმშილობთ, 7 აქ, პარლამენტის წინ, ხოლო ერთი სასჯელაღსრულების დაწესებულებაში.
ჯანმრთელობის მდგომარეობა ამ მომენტისათვის დამაკმაყოფილებელია, განსაკუთრებული პრობლემები არ გვაქვს, მხნედ ვგრძნობთ თავს. მიგვაჩნია, რომ ეს აქცია უნდა გაფართოვდეს და გაძლიერდეს, სანამ ქვეყანაში პოლიტიკური გარემო არ შეიცვლება. პარლამენტი, რომელიც არალეგიტიმურია და ამდენი პოლიტიკური პატიმარია ქვეყანაში, გამორიცხავს ქვეყნის სამართლებრივ, სამართლიან და ჯანსაღ განვითარებას.
ამ აქციას პოლიტიკური მიზანი აქვს, რომ ეს პოლიტიკური დღის წესრიგი, რომ ქვეყანაში პოლიტიკური პატიმრები არ უნდა იყვნენ და ახალი საპარლამენტო არჩევნები უნდა ჩატარდეს, იქცეს მთავარ პოლიტიკურ ამოცანად და ამ მიზნების აქტუალიზაცია მოხდეს. მარტო შიმშილობის აქცია ამ შედეგს ვერ მოგვაპოვებინებს, რადგან მეორე მხარეს არის კორუმპირებული, არალეგიტიმურ ყაჩაღთა, ვერცხლის მოყვარულთა კლუბი, რომელიც ამ ქვეყანას ძარცვავს. თავისი ნებით ისინი ამას არ დათმობენ, უნდა გაჩნდეს საპროტესტო დინება, რომელიც იბრძოლებს, დაანგრევს და ძირს გამოუთხრის მათ, რომელიც შემდგომ გაერთიანდება და წალეკავს კორუმპირებულ და არალეგიტიმურ რეჟიმს”
„კოალიცია ცვლილებისთვის“ ერთ-ერთი ლიდერი, გედევან ფოფხაძე, რამდენიმე აქტივისტთან ერთად, პარლამენტის წინ შიმშილობას განაგრძობს.
არქიმანდრიტი ილია თოლორაი, 5 ნოემბერს, 13:00 საათზე, საპატრიარქოშია დაბარებული. თოლორაიას თქმით, ის მისვლას აპირებს.
“მამა მიქაელ ბოტკოველმა დამირეკა და მითხრა, რომ 5 ნოემბერს, 13:00 საათზე საპატრიარქოში დამიბარეს – მეუფე შიოსა და მეუფე თეოდორეს შენთან გასაუბრება უნდაო. მიზეზი არ უთქვამს. სავარაუდოდ, იმის გამო დამიბარეს, რომ მეუფე შიოზე ეგზარქოსი ვთქვი. თვითონ სიტყვა ეგზარქოსი მმართველს ნიშნავს, არის ეპისკოპოსი, უბრალოდ, ეპისკოპოსი, რომელიც რუსეთის მხარეს დგას.
მე ეს ჰაერზე არ მითქვამს. მეუფესგან ერთი სიტყვა არ გამიგია, რომ რუსეთი ოკუპანტი და ჩვენი მტერია. როცა რუსთაველზე გამოსულ ხალხს ამ რუსულმა მთავრობამ სისხლი ანთხევინა, ამ ახალგაზრდების დასაცავად მეუფეს ერთი სიტყვა არ უთქვამს. ამიტომ, მე ჩემი სიტყვები უკან არ მიმაქვს”. – თქვა არქიმანდრიტმა.
მიხეილ სააკაშვილმა პოსტი დადო, სადაც ადანაშაულებს გვარამიას, რომ ბიძინა ივანიშვილის ფულით ატარებდა წინა არჩევნებს და წარმოიდგინეთ, რომ არავინ ამას არ იმჩნევს. ეს ყველამ იცოდა, ცნობილი ფაქტია, რადგან თუ 40 მილიონი შეგიძლია იშოვო, მაშინ რა რუსული რეჟიმი და დიქტატურა? თუ შეგიძლია ბიძინას წინააღმდეგ 40 მილიონი იშოვო და დაახარჯო ბრძოლას, მაშინ არც ისე დიქტატურა ყოფილა, ხომ? […] როდესაც ნაციონალური მოძრაობა იშლებოდა, ცხადია, მაშინ, დარწმუნებული ვარ, ქართულ ოცნებას თავისი წვლილი ჰქონდა, ყველა პროცესში, იქნებოდა ეს პალიკო კუბლაშვილი, თუ ზურა ჯაფარიძე. მაგრამ ეს ხომ დისკუსიის საგანი უნდა იყოს, ნუთუ არ აინტერესებთ ნაციონალური მოძრაობის მხარდამჭერებს, რომ დისკუსია გაიხსნას. რა დროს გაერთიანებაა თუ შენივე პარტნიორს ეძახი მოსყიდულს.
კონგრესმენი ჯო უილსონი, რომელიც თავიდანვე ჩვენთან არის, სამხრეთ კაროლინის მე-2 კონგრესის ოლქის უდიდესი ჩემპიონია!
სამხრეთ კაროლინის არმიის ეროვნული გვარდიის ყოფილი პოლკოვნიკი და წარმომადგენელთა პალატის შეიარაღებული ძალების კომიტეტის წევრი – ჯოს აქვს ის სიბრძნე და სიმამაცე, რომელიც არის საჭირო ჩვენი ქვეყნის დასაცავად, ჩვენი შესანიშნავი სამხედროებისა/ვეტერანების მხარდასაჭერად და „მშვიდობა ძლიერებით“ (PEACE THROUGH STRENGTH) პრინციპის ჩემპიონობისთვის. კონგრესში ჯო ბევრს მუშაობს, რათა შეინარჩუნოს ჩვენი ახლა უკვე ძალიან უსაფრთხო საზღვარი — უსაფრთხოდ, შეაჩეროს მიგრანტების მიერ ჩადენილი დანაშაული, უზრუნველყოს კანონი და წესრიგი, გაზარდოს ჩვენი ეკონომიკა, შეამციროს გადასახადები და რეგულაციები, ხელი შეუწყოს კონცეფციას „დამზადებულია აშშ-ში“ (MADE IN THE U.S.A.), გააძლიეროს ამერიკის ენერგეტიკული დომინირება, ხელი შეუწყოს არჩევნების მთლიანობას და დაიცვას ჩვენი მუდმივი თავდასხმის ქვეშ მყოფი მეორე შესწორება.
ჯო უილსონს აქვს ჩემი სრული და ტოტალური მხარდაჭერა ხელახლა არჩევისთვის — ის არასოდეს გაგიცრუებთ იმედს!
წერს აშშ-ის პრეზიდენტი დონალდ ტრამპი.
ექიმი და ყოფილი სინდისის პატიმარი გიორგი ახობაძე წერს, რომ თავს დაესხნენ და ფიზიკურად გაუსწორდნენ.
“აეროპორტიდან ამეკიდა შავი პრადო, PHP სერიით, ბოლო მოდელი. ტაქსის გადაუჭრა გზა, გადმოხტნენ ვიღაც ტიპები, პოლიციიდან ვართ, ღონისძიება ტარდებაო. კარი გამიღეს უკნიდან და ფიზიკურად გამისწორდნენ. ეგენი არიან ლაშა ბასლანძის სამეგობროს მოგზავნილი ტიპები ან თვითონ ეგენი.
რომ ვიძახი, რომ ტერორირისტები არიან მეთქი, არიან ტერორისტები” – ამბობს ახობაძე Facebook-ზე გავრცელებულ LIVE-ში.
მას ასევე არ აქვს იმედი, რომ მის საქმეს ვინმე გამოიძებს.
“რა თქმა უნდა, ყველა კამერაში ჩანს, სადაც იყო ის ტიპი, აეროპორტთანაც შევამჩნიე, მანქანა იდგა ისე, რომ პოლიციამ სამჯერ უთხრა, გაიწიეო, არც მიდიოდა და არც პატრულს ჰქონდა დიდი რეაგირება.
ასე რომ, ვინ, სად, რანაირად გამოიძიებს, არ გამოიძიებენ. ასე შეკრულებს ერთი მეორესთან მერე ძალიან ჰუმანურ ადამიანებად მოაქვთ თავი, ასე ვირთხულად მოპარვა დავწერე, ვისაც სჩვევია, კეთილი იყოს თქვენი მობრძანება ტერორისტულ საქართველოში” – ამბობს ახობაძე.
მოგვიანებით, მან დაწერა, რომ თითქმის ორი საათით ადრე გამოძახებული პოლიცია ჯერაც არ იყო ადგილზე მისული.
“05:49-ზე ზარი შემოგივიდათ.. უკვე 07:35-ია. 10 კმ-იაო მანძილიო და გზაში ვართო. რითი მოდიხართ. ურმითაც მოხვიდოდით უკვე. სასწრაფო იყო უკვე. მე კარგად ვარ და ასე ვიქნები სულ, მაგრამ თქვენ რა გეშველებათ… ვემსახურები საქართველოსო და ემსახურებით ტერორისტებს.. კრიმპოლი აღარ არსებობს ამ ქვეყანაში. იმის უფლება მაინც მოგვეცით, ჩვენ თვითონ დავიცვათ თავი! რას დაგამსგავსათ ბორინკამ.. რა საცოდავი საყურებელია გაუპატიურებული პოლიცია. იმის მაგივრად, შეიარაღებულ ჯგუფურ ძალადობაზე და თავდასხმაზე მეკითხებოდეთ და კამერების ჩანაწერებს იღებდეთ, ფისასოს ზღაპარში ვართ” – წერს ახობაძე.
სპეციალური პენიტენციური სამსახური პენიტენციური აცხადებს, რომ აქიცების დროს დაკავებული რუსეთის მოქალაქის, ანასტასია ზინოვკინას ჯანმრთელობის მდგომარეობა დამაკმაყოფილებელია.
“სპეციალური პენიტენციური სამსახური საზოგადოების ინფორმირების მიზნით ეხმიანება რუსეთის მოქალაქე მსჯავრდებულ ანასტასია ზინოვკინასთან დაკავშირებულ კამპანიას, რომელიც მიზნად ისახავს საზოგადოებისთვის რეალობასთან შეუსაბამო ინფორმაციის მიწოდებას.
მსჯავრდებული ანასტასია ზინოვკინა განთავსებულია №5 პენიტენციურ დაწესებულებაში, მისი საცხოვრებელი პირობები სრულ შესაბამისობაშია კანონმდებლობით განსაზღვრულ მოთხოვნებთან და იგი უზრუნველყოფილია მისი ჯანმრთელობის მდგომარეობის ადეკვატური სამედიცინო მომსახურებით. სასჯელის მოხდის პერიოდში მას ჩაუტარდა სხვადასხვა ექიმ-სპეციალისტის კონსულტაცია და რეკომენდებული ლაბორატორიული და ინსტრუმენტული, მათ შორის, მაღალტექნოლოგიური, კვლევები როგორც დაწესებულებაში, ისე სამოქალაქო სექტორის საავადმყოფოში.
ამასთან, მსჯავრდებული ანასტასია ზინოვკინა კონსულტირებულია რეაბილიტოლოგის მიერ და ჩატარებული აქვს სამკურნალო-სარეაბილიტაციო ვარჯიშები.
დამატებით განვმარტავთ, რომ 2025 წლის 29 ოქტომბერს ჩატარებული ნევროლოგის კონსულტაციის შედეგად მწვავე ნევროლოგიური სიმპტომატიკა არ გამოვლინდა. დღეის მდგომარეობით, მსჯავრდებულის ჯანმრთელობის მდგომარეობა დამაკმაყოფილებელია და სტაციონარულ ზედამხედველობას არ საჭიროებს.
აქვე გვსურს, გამოვეხმაუროთ ყოფილ სახალხო დამცველ ნინო ლომჯარიას მიერ გავრცელებულ ინფორმაციას ანასტასია ზინოვკინას მეუღლის შიმშილობის შესახებ. №8 პენიტენციურ დაწესებულებაში განთავსებულმა რუსეთის მოქალაქე მსჯავრდებულმა არტემ გრიბულმა შიმშილობა გამოაცხადა 2025 წლის 31 ოქტომბერს, 12:30 საათზე, და შეწყვიტა 2025 წლის 2 ნოემბერს, 12:20 საათზე. საერთო ჯამში, მსჯავრდებულს საკვები არ მიუღია 47 საათისა და 50 წუთის განმავლობაში. ამის შემდეგ მსჯავრდებულმა არტემ გრიბულმა განაახლა საკვების სრულყოფილად მიღება. შესაბამისად, 3 ნოემბერს ყოფილ სახალხო დამცველ ნინო ლომჯარიას მიერ გავრცელებული ინფორმაცია მსჯავრდებულ არტემ გრიბულის შიმშილობასთან დაკავშირებით არ შეესაბამება რეალობას.
სპეციალური პენიტენციური სამსახური კიდევ ერთხელ მოუწოდებს ყველა პირს, თავი შეიკავონ გადაუმოწმებელი ინფორმაციის გავრცელებისგან, რამაც შეიძლება საზოგადოება სიცრუეში შეიყვანოს”. – წერია განცხადებაში.