პატრიარქმა ილია მეორემ დააკმაყოფილა ეპარქიული კომისიის წარდგინება და არქიმანდრიტ ილია თოლორაის მღვდელმსახურება აუკრძალა, “ვიდრე არ გამოავლენს გულწრფელ სინანულს”.
“სამების საპატრიარქო ლავრის მღვდელმსახურს, არქიმანდრიტ ილიას (თოლორაია), ეპისკოპოსის სიტყვიერი შეურაცხყოფისა და ზოგადად ეკლესიის იერარქებისადმი ცილისმწამებლური განცხადებებისათვის, ეპარქიალური კომისიის წარდგინების საფუძველზე, აეკრძალოს მღვდელმოქმედების უფლება, ვიდრე არ გამოავლენს გულწრფელ სინანულს” – წერია ბრძანებაში.
„სრულიად უტიფარი სიცრუით გაჯერებული და ანტიქართული რიტორიკით სავსე ანგარიში მოისმინა გუშინ საზოგადოებამ ევროკომისიის მხრიდან. რთულია სხვა შეფასება მისცე, თუ არა ჩვენი ქვეყნის და ქართველი ხალხის მიმართ აშკარად არაკეთილმეგობრული განწყობა, რომელიც ვერ დამალა ევროკომისიამ და ევროკავშირმა. თითქოს, მართლაც ისეთი შთაბეჭდილება რჩება, რომ ყველაფერს აკეთებენ იმისთვის, რომ ჩვენ, ქართველებს, საქართველოს ხელი ააღებინონ ევროპულ პერსპექტივაზე, იმდენად შეუსაბამო, სინამდვილესთან აცდენილი ე.წ. ფაქტები და არგუმენტებით არის გაჯერებული ეს ანგარიში. პირდაპირ ტყუილი არის ჩაწერილი ანგარიშში, თურმე, როგორ არ დაუჭირა მხარი უკრაინის სასარგებლოდ არსებულ რეზოლუციებს და როგორ მოქმედებდა ის საერთო ევროპული ინიციატივების წინააღმდეგ. თავიდან ბოლომდე ანგარიში იყო გაყალბებული, ეს შეგვიძლია პირდაპირ დავარქვათ. ეს არის ყალბი ანგარიში და ყალბი ანგარიშით მცდელობა, ჩვენს საზოგადოებაზე მოახდინონ ზეწოლა. ამავდროულად, ყველაზე გასაკვირი და მათთვის სამარცხვინო, ვინც ეს ანგარიში დაწერა, არის ის, რომ პირდაპირ ევროკავშირის წიაღში, ევროკომისიის ანგარიშთან ერთად არის უამრავი ინფორმაცია საქართველოს შესახებ გამოქვეყნებული, სადაც ჩვენმა ქვეყანამ უდიდეს პროგრესს მიაღწია და ხშირ შემთხვევაში არის ევროკავშირის არა თუ კანდიდატი ქვეყნების, არამედ ევროკავშირის წევრი ქვეყნების რეიტინგებზე მაღალ საფეხურზე მდგომი. ამ ყველაფერს ასე გაკვრით აღნიშნავენ. ხშირ შემთხვევაში, არც აღნიშნავენ. არც აძლევენ თავის თავს იმის შესაბამის ნიადაგს, რომ საფუძვლიანად ისაუბრონ პროგრესზე,”
ამის შესახებ “ქართული ოცნების” პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა ევროკავშირის გაფართოების ანგარიშზე საუბრისას განაცხადა.
სუპერმარკეტ „სპარის“ ორი თანამშრომლის მიმართ განხორციელებულ ჯგუფურ ძალადობაში მონაწილეებიდან ერთ-ერთი მომღერალ მამუკა ჩარკვიანის შვილი, ჯაკო (ჯანსუღ) ჩარკვიანია. ინფორმაციას ადასტურებს, ჯაკო ჩარკვიანის მამიდა, თაკო ჩარკვიანიც. IPN-ის ცნობით, მისი ძმიშვილი დაკავებული არ არის, ის არ გამოუკითხავთ და არც არსად მიმალვას არ აპირებს.
„ჩემი ინფორმაციით, ამ ქალმა [მანანა გიორგობიანი] დაურეკა, მცემენ და მიშველეო, ის ჯაკოს გარდაცვლილი მეგობრის დედაა. ვიდეოშიც ისმის ფრაზა, „ახლა მე ბიჭებს დავურეკავო“ და მერე ამბობს კიდეც, ამან, მეორემაც დამარტყა ხელიო. აბსოლუტურად შეცდომაში შეყვანაა ადამიანების… შვილის ხელა ბავშვებს რანაირად უნდა დაურეკო ქალმა, არ ვიცი…. გარდაცვლილი მეგობრის დედა რომ გირეკავს, მიშველე, მირტყამენ, მიშველეო, ჩახვალ, ადამიანური რეაქცია იყო. ამას იმიტომ არ ვამბობ, რომ ვამართლებ, ნამდვილად ასე იყო. ძალიან ბევრი თვითმხილველია“, – აცხადებს ჩარკვიანი.
2 ნოემბერს, გვიან ღამით, სუპერმარკეტ „სპარში“ ორ თანამშრომელს ფიზიკურად გაუსწორდნენ. სამართალდამცავებმა ჯგუფური ძალადობის ორგანიზებისა და მასში მონაწილეობის ფაქტზე მანანა გიორგობიანი დააკავეს.
დააკავეს დავით მიქაძის დაცვის უფროსი, დავით ჩუბინიძე. დავით მიქაძეს კი, რომელიც ასევე ბრალდებულია ბიზნესმენ ლევან ჯანგველაძის მკვლელობის საქმეზე, ახალი ბრალდება დაუსწრებლად წარედგინება.
გამოძიები დადგინდა, რომ დავით მიქაძე და მისი დაცვის უფროსი დავით ჩუბინიძე წინასწარი შეთანხმებით, ჯგუფურად დაეუფლნენ ვახტანგ კობიაშვილის სახელზე რეგისტრირებულ ხუთ ერთეულ ცეცხლსასროლ იარაღს, რომელთაგან ერთ-ერთი უკანონოდ გაასაღეს მესამე პირზე.
როგორც შს მინისტრის მოადგილემ, ალექსანდრე დარახველიძემ საგანგებო ბრიფინგზე განაცხადა, ჩუბინიძე თბილისის პოლიციის დეპარტამენტის თანამშრომლებმა დააკავეს. მისი საქმე სსკ-ის 236-ე მუხლის მე-6 და 237-ე მუხლის მე-3 ნაწილებით არის აღძრული.
შეგახსენებთ, ლევან ჯანგველაძის შეკვეთით განხორციელებულ მკვლელობასთან და მისი მძღოლის, გია ჩადუნელის მკვლელობის მცდელობასთან დაკავშირებით დამნაშავედ ცნობილია ყოფილი სპეცრაზმელი გელა უძილაური, რომელსაც უვადო პატიმრობა აქვს მისჯილი.
ამავე საქმეზე ბრალდებულია კიდევ ექვსი პირი – დავით და გიორგი მიქაძეები, გიორგი ჯოხაძე, სანდრო წივწივაძე, გიორგი კაჭკაჭიშვილი და მამუკა ბაღდავაძე. სამი მათგანი – გიორგი მიქაძე, მამუკა ბაღდავაძე და გიორგი კაჭკაჭიშვილი სამართალდამცავებმა უკვე დააკავეს, ხოლო გიორგი ჯოხაძე და დავით მიქაძე ამჟამად ძებნაში იმყოფებიან.
„გუშინ ძალიან მნიშვნელოვანი და ამავდროულად, ძალიან მძიმე ანგარიში გამოქვეყნდა. იყო ძალიან მძიმე ბრიფინგები, სადაც ადასტურებენ ორ რამეს, რომ ივანიშვილის რუსული რეჟიმის პირობებში, სამწუხაროდ, საქართველო, რომელმაც ქართველი ხალხის ძალისხმევით მიიღო ევროკავშირის კანდიდატის სტატუსი, დღეს არანაირი მომავალი ევროკავშირში არ აქვს. ეს არის სწორედ ივანიშვილის რუსული რეჟიმის მოქმედებების, ნაბიჯების, ანტიდასავლური, ანტიევროპული პოლიტიკის შედეგი. და ასევე, მარტა კოსიმ და კაია კალასმა ღიად ისაუბრეს იმაზე, რომ ივანიშვილის რეჟიმი მიზანმიმართულად ატყუებს ქართველ ხალხს ილუზიის შექმნის მიზნით, თითქოსდა, ფორმალურად მაინც საქართველო რჩება ევროკავშირში გაწევრიანების პროცესში. ეს არის ილუზია, ეს არის ტყუილი და სიმართლე მდგომარეობს იმაში, რომ ევროკავშირში გაწევრიანების პროცესი საქართველოს, ქართველ ხალხს, რომელსაც ელოდება ევროკავშირი საკუთარ დიდ, პოლიტიკურ, უსაფრთხო ოჯახში, შეუძლია, რომ აღადგინოს მხოლოდ და მხოლოდ იმ შემთხვევაში, თუ ჩვენ მოვიშორებთ ივანიშვილის რუსულ რეჟიმს. ევროპული პენსია, ევროპული ხელფასი, ევროპული განათლება, ევროპული კეთილდღეობა, ევროპული უსაფრთხოება შეგვიძლია დავიბრუნოთ და მოვიპოვოთ მხოლოდ იმ შემთხვევაში, თუ მოვიშორებთ ივანიშვილის რუსულ რეჟიმს.
ასევე, რა კონკრეტული შედეგი ექნება ამ უკიდურესად მძიმე ანგარიშს, რომელიც გუშინ მოვისმინეთ – სამწუხაროდ, სწორედ ამ ანგარიშს გამოიყენებს ევროკავშირი უვიზო მიმოსვლაზე გადაწყვეტილებისთვის. იცით, რომ „ერთიანი ნაციონალური მოძრაობის“ საგარეო გუნდი მრავალი თვის განმავლობაში მუშაობს ძალიან ინტენსიურად იმაზე, რომ უვიზო მიმოსვლის შეჩერება არ შეეხოთ საქართველოს მოქალაქეებს და ივანიშვილის რუსული რეჟიმის, ავტოკრატიული ნაბიჯების გამო არ დასანქცირდეს ქართველი ხალხი. ჩვენმა შრომამ შედეგი გამოიღო იმიტომ, რომ ახლა ევროკავშირი მსჯელობს უვიზო მიმოსვლის შეჩერებაზე მხოლოდ რეჟიმის წევრების მიმართ. საუბარია, ივანიშვილზე, მის გარემოცვაზე, მოძალადეებზე, ცრუ მოწმეებზე, ე.წ. მოსამართლეებზე, პროპაგანდისტებზე, რომლებიც ატყუებენ ქართველ ხალხს და ფინანსურ ბიზნეს ელიტაზე, რომელიც ქართველ ხალხს ძარცვავს და აფინანსებს ივანიშვილის რეპრესიულ რუსულ მანქანას. ეს ანგარიში დაედება საფუძვლად ამ გადაწყვეტილებას, მაგრამ, იმედი მაქვს, რომ ჩვენი ძალისხმევის შედეგად ეს გადაწყვეტილება არ შეეხებათ საქართველოს მოქალაქეებს და ევროკავშირი აამოქმედებს უვიზო მიმოსვლის შეჩერებას მხოლოდ და მხოლოდ რეჟიმის წევრების მიმართ“,
ამის შესახებ „ერთიანი ნაციონალური მოძრაობის“ თავმჯდომარემ, თინა ბოკუჩავამ დღეს გამართულ ბრიფინგზე განაცხადა.
„საქართველოს მოქალაქეებმა უნდა გაიაზრონ ის უმძიმესი რეალობა, რომლის წინაშეც ჩვენი ქვეყანა დღეს აღმოჩნდა. გუშინდელმა ანგარიშმა პირდაპირ ყოველგვარი დიპლომატიური ენისა და შეფარვის გარეშე „ქართულ ოცნებას“ და საქართველოს მოქალაქეებს უთხრა, რომ „ქართული ოცნების“ პირობებში საქართველოს ევროპული მომავალი არის დასრულებული.
შეუძლებელია, რომ „ქართული ოცნების“ პირობებში რაიმე წინსვლა იყოს მიღწეული, პირიქით, იმ მომენტთან შედარებით, როდესაც ჩვენ მივიღეთ კანდიდატის სტატუსი საქართველო ბევრად უფრო უკან არის განვითარების თვალსაზრისით, პირველ რიგში, ადამიანის უფლებების, დემოკრატიის და ყველა სხვა კომპონენტის, რომელიც საჭიროა იმისთვის, რომ ევროპის კავშირში საქართველო გაწევრიანდეს. „ქართული ოცნების“ ეს რაღაც ავადმყოფური დამოკიდებულება მოსკოვში დაწერილი სცენარია და დღეს საბოლოოდ გამოვლინდა, რომ მოსკოვში დაწერილი სცენარით „ქართულმა ოცნებამ“ დაასამარა საქართველოს ევროპული პერსპექტივა. ასეთი გამონათქვამი, რომ მხოლოდ ფურცელზე არის საქართველოს კანდიდატის სტატუსი, ნიშნავს, რომ „ქართული ოცნების“ პირობებში საქართველოს ევროინტეგრაციის პროცესი გაჩერებულია“,
ასე შეაფასა „ძლიერი საქართველო- ლელოს“ ერთ-ერთმა ლიდერმა თაზო დათუნაშვილმა გაფართოების ანგარიში, რომელიც ევროკომისიამ გუშინ გამოაქვეყნა.
„მუნი არის ტკიპით გამოწვეული დაავადება. მისი ძირითადი სიმპტომი ძლიერი ქავილია. გადადის მხოლოდ მჭიდრო ხანგრძლივი კონტაქტით კანით კანზე, თუმცა, შესაძლებელია, გადავიდეს თეთრეულით, პირსახოცით, ტანსაცმლით. მკურნალობა საკმაოდ ადვილია, სპეციალური მალამოების საშუალებით.
პროფილაქტიკისთვის, მნიშვნელოვანია, რომ მოვერიდოთ ინფიცირებულთან კონტაქტს, მოვერიდოთ სხვისი პირსახოცის, სხვისი ტანსაცმლის და თეთრეულის გამოყენებას. მკურნალობა აუცილებლად უნდა ჩაუტარდეს არა მარტო იმას ვისაც აქვს მუნი, არამედ მისი ოჯახის ყველა წევრს და ასევე, ვისაც მჭიდრო, ახლო და ხანგრძლივი კონტაქტი აქვს მასთან“,
ამის შესახებ დაავადებათა კონტროლის და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ განაცხადა.
შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჯგუფური ძალადობის ორგანიზებისა და მასში მონაწილეობის ბრალდებით, მოქალაქე მანანა გიორგობიანი დააკავეს. დანაშაული 9 წლამდე ვადით თავისუფლების აღკვეთას ითვალისწინებს.
„მიმდინარე წლის 2 ნოემბერს, გვიან ღამით, ბრალდებულმა გიორგობიანმა სიტყვიერი შეურაცხყოფა მიაყენა ერთ-ერთი სუპერმარკეტის თანამშრომლებს – 2006 წელს დაბადებულ თ.მ.-ს და 2004 წელს დაბადებულ ე.მ.-ს, რის შემდეგაც დაუკავშირდა თავის ნაცნობს – 1996 წელს დაბადებულ ჯ.ჩ.-ს, რომელიც ადგილზე თანმხლებ პირებთან ერთად მივიდა, რა დროსაც მათ, სუპერმარკეტის ორი თანამშრომელი ძალის გამოყენებით გაიყვანეს გარე ტერიტორიაზე და ჯგუფურად ფიზიკურად გაუსწორდნენ.
სამართალდამცველების მიერ იდენტიფიცირებულია დანაშაულში მონაწილე ექვსივე პირი. ფაქტთან დაკავშირებით გრძელდება შესაბამის საგამოძიებო მოქმედებები დანაშაულის ჩამდენი სხვა პირების ადგილსამყოფელის დადგენისა და მათი სისხლისსამართლებრივ პასუხისგებაში მიცემის მიზნით.
გამოძიება საქართველოს სისხლის სამართლის კოდექსის 225-ე და 126-ე მუხლებით მიმდინარეობს, რაც მოცემულ შემთხვევაში ჯგუფურ ძალადობას და ჯგუფური ძალადობის ორგანიზებას გულისხმობს”,- ნათქვამია ინფორმაციაში.
„უნგრეთმა უკრაინიდან ლტოლვილები მიიღო, ომის დაწყებიდან უკრაინიდან ჩვენი საზღვარი 14 მილიონზე მეტმა ადამიანმა გადმოკვეთა. უკრაინელებისთვის ჰუმანიტარულ დახმარებაზე 200 მილიონი ევრო დავხარჯეთ. სამწუხაროა, თუ ეს პრეზიდენტ ზელენსკისთვის არაფერს ნიშნავს. ასევე, პრეზიდენტის ყურადღებას მივაპყრობდი იმ ფაქტს, რომ ევროკავშირისგან უკრაინის მიერ მიღებული მხარდაჭერა უნგრეთის ფულსაც მოიცავს.[…]მინდა შევახსენო პრეზიდენტს, რომ ქვეყნის ევროკავშირში გაწევრიანების შესახებ გადაწყვეტილებას წევრი სახელმწიფოები ერთხმად იღებენ. ეს ნიშნავს, რომ ყველა წევრ სახელმწიფოს აქვს სუვერენული უფლება, მხარი დაუჭიროს ან წინააღმდეგობა გაუწიოს ახალი წევრის მიღებას. უნგრეთი არ უჭერს მხარს და არც დაუჭერს მხარს უკრაინის ევროკავშირში გაწევრიანებას, რადგან ეს ევროპაში ომს შემოიტანს და უნგრელების ფულს უკრაინაში გაიტანს“,
ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელ X-ში გამოქვეყნებულ პოსტში წერს.
საკითხის განხილვა მოხდება უვიზო რეჟიმის შეჩერების განახლებული მექანიზმის საფუძველზე, ვფიქრობთ ამ მექანიზმზე შეთანხმება მოხდება ამ თვის ბოლოს. დეკემბრის ბოლოს ევროკომისია გამოაქვეყნებს უვიზო რეჟიმის შეჩერების ანგარიშის შედეგებს, სხვადასხვა ქვეყნების, მათ შორის, საქართველოს შესახებ. შემდეგ კი ევროკავშირის კონკრეტული ქვეყნები მიიღებენ გადაწყვეტილებას რა ნაბიჯები გადადგან იმ ძალიან სერიოზული უკუსვლიდან გამომდინარე, რაც ხდება საქართველოში