Category: სლაიდერი

პუტინს ზელენსკისთვის არანაირი სპეციალური შეტყობინება გვინეა–ბისაუს პრეზიდენტის საშუალებით არ გადაუცია – აცხადებს რუსეთის პრეზიდენტის პრესმდივანი დიმიტრი პესკოვი.

გუშინ გავრცელდა ინფორმაცია, რომ პუტინის მზადყოფნა მოლაპარაკებებისთვის უკრაინის პრეზიდენტს კიევში ჩასულმა გვიანეა–ბისაუს პრეზიდენტმა, უმარუ სისოკუ ემბალომ გადასცა.

მანამდე ის მოსკოვში იმყოფებოდა და პუტინს შეხვდა. პესკოვის თქმით, უმარუ სისოკუ ემბალოსთან შეხვედრაზე პუტინმა დაადასტურა რუსეთის მზადყოფნა უკრაინასთან მოლაპარაკებისთვის, თუმცა არანაირი სპეციალური გზავნილი კიევისთვის გადასაცემად არ დაუბარებია.

“ახლა რუსეთი დე ფაქტო არ ცვლის თავის პოზიციას. ჩვენ მზად ვართ უზრუნველვყოთ ჩვენი ინტერესები მოლაპარაკების მაგიდასთან. ჩვენ ეს გვინდა. მაგრამ ამ შემთხვევაში საქმე ეხება უკრაინის მხრიდან სურვილის არქონას. აი, რაზე იყო საუბარი“–უთხრა პესკოვმა ჟურნალისტებს.

“ჩვენმა კოლეგამ აფრიკული სახელმწიფოდან გამოთქვა სურვილი და თქვა, რომ მას ექნება კონტაქტი და რომ ის პუტინის ამ პოზიციას უკრაინულ მხარემდე მიიტანს. რაიმე სპეციფიური გზავნილი ამ შემთხვევაში არ ყოფილა და ამაზე საუბარი არ არის“–თქვა პესკოვმა.

მანამდე რუსეთის ოფიციალურმა პირებმა არაერთხელ განაცხადეს მზადყოფნის შესახებ დასხდნენ მოლაპარაკების მაგიდასთან, თუმცა მხოლოდ რუსეთის პიროებით.

კიევი აცხადებდა, რომ ასეთი მოლაპარაკებები მშვიდობას ვერ მოიტანს და დროებითი ზავი მხოლოდ რუსეთს აწყობს და მას დროს მისცემს ახალი შეტევისთვის მოემზადოს.

უკრაინული ხელისუფლების თქმით, მხოლოდ რუსეთის მიერ ოკუპირებული ყველა ტერიტორიის სრულად დაბრუნება შეიძლება იყოს გრძელვადიანი მშვიდობის გარანტია.

გუშინ ზელენსკიმ თქვა, რომ პუტინმა მას  გვინეა–ბისაუს პრეზიდენტის პირით გადასცა, რომ მოლაპარაკება და “ურთიერთობების განბლოკვა“ უნდა

“დემოკრატიის ყველაზე დიდი მტერია კორუფცია და ოლიგარქია, რომელიც ანგრევს სახელმწიფო ინსტიტუტებს, აჩერებს განვითარებას და კლავს მომავლის იმედს. ორივე უნდა დამარცხდეს საქართველოში”

პარტია საქართველოსთვის ლიდერი და საქართველოს  ყოფილი პრემიერი გიორგი გახარია აშშ-ს სახელმწიფო მდივანს, ენტონი ბლინკენს ეხმაურება, რომელმაც Twitter-ზე დაწერა, რომ მოლდოვაში ვლადიმირ პლახოტნიუკს, ილან შორს და კიდევ 19 ფიზიკურ პირს, აშშ სანქციებს უწესებს.

“კიდევ ერთი საკითხი, რომელზეც მე და ბატონმა ირაკლი ღარიბაშვილმა ვისაუბრეთ, ევროკავშირის მიმართ საქართველოს სულისკვეთებასა და მისი წევრობის სურვილს ეხება. ჩვენ ყველამ ვიცით, რომ ბრიუსელში ძალიან ცუდი გადაწყვეტილება გამოაცხადეს. როდესაც კანდიდატის სტატუსი უკრაინასა და მოლდოვას მიენიჭა და საქართველოს არა, ვიტყოდი, რომ ეს დისკრიმინაციული იყო. ეს ვერც მორალურად იქნება გამართლებული და საზიანო გადაწყვეტილებაა. ირაკლი ღარიბაშვილი და მისი ქვეყანა კანდიდატის სტატუსს იმსახურებს, რადგან, ბოლო წლებია, ძალიან ბევრს მუშაობენ. ეს გადაწყვეტილება საქართველოსა და ქართველი ხალხის მიმართ უპატივცემულობა იყო. ჩვენ საქართველოს მიმართ მხარდაჭერას გავაგრძელებთ, რომ ამ ქვეყანამ კანდიდატის სტატუსი რაც შეიძლება მალე მიიღოს. ევროკავშირის ფარგლებში საქართველოს საკითხებზე 16 უნგრელი ექსპერტი მუშაობს. “

ამერიკული კომერციული თანამგზავრები, რომლებიც უკრაინაში გამოიყენება შესაძლოა რუსეთის მხრიდან თავდასხმის ობიექტი გახდეს. ამის შესახებ შესაბამის განცხადებას, რუსეთის საგარეო საქმეთა სამინისტრო ავრცელებს.

„ჩვენ გვინდა ხაზი გავუსვათ იმ ძალიან საშიშ ტრენდს, რომელმაც მკაფიოდ იჩინა თავი უკრაინაში განვითარებულ მოვლენებში. ჩვენ ვსაუბრობთ შეერთებული შტატებისა და მისი მოკავშირეების მიერ კოსმოსში არსებული სამოქალაქო ინფრასტრუქტურის კომპონენტების გამოყენებაზე, მათ შორის კომერციული, შეიარაღებულ კონფლიქტში.

კვაზი- სამოქალაქო ინფრასტრუქტურა შესაძლოა აღმოჩნდეს თავდასხმის ლეგიტიმური მიზეზი საპასუხო დარტყმისთვის. დასავლეთის ქმედებების შედეგად მშვიდობიანი კოსმოსური აქტივობებისადმი წინააღმდეგობით, ისევე როგორც დედამიწაზე მიმდინარე სოციო-ეკონომიკური პროცესების გამო, რომელზეც ადამიანების კეთილდღეობაა დამოკიდებული, უპირველესად განვითარებად ქვეყნებში, გაუმართლებელი რისკების შექმნის გამო“ –  განაცხადა რუსეთის საგარეო საქმეთა სამინისტროს იარაღის კონტროლისა და გაუვრცელებლობის დეპარტამენტის ვიცე დირექტორმა კონსტანტინ ვორონცოვმა გაეროს გენერალური ასამბლეის პირველი კომიტეტის შეხვედრაზე.

აშშ-ის ცენტრალური სადაზვერვო სააგენტოს (CIA) დირექტორი, უილიამ ბერნსი ოქტომბრის დასაწყისში უკრაინაში იმყოფებოდა, სადაც ქვეყნის პრეზიდენტს, ვოლოდიმერ ზელენსკისა და სხვა ოფიციალურ პირებს შეხვდა. ინფორმაციას ამის შესახებ CNN-ი ავრცელებს.

აშშ-ის ოფიციალურმა პირმა CNN-თან აცხადებს, რომ ვიზიტის დროს უილიამ ბერნსმა რუსეთის ომის ფონზე  უკრაინის მიმართ აშშ-ს ერთგულება დაადასტურა, მათ შორის სადაზვერვო ინფორმაციის გაზიარების მუდმივი მხარდაჭერის კუთხით.