Category: სლაიდერი

ევროკომისია კორუფციულ სკანდალში მონაწილე ორი დეპუტატის საპარლამენტო იმუნიტეტის ჩამორთმევის პროცესს  იწყებს.

ევროპარლამენტის პრეზიდენტმა რობერტა მეცოლამ განაცხადა, რომ ეს ბელგიის პოლიციის მოთხოვნით კეთდება. თუმცა მის განცხადებაში ამ საქმეში მონაწილე ევროპარლამენტის დეპუტატების ვინაობა არ სახელდება.

სკანდალი გასულ თვეში მას შემდეგ ატყდა, რაც ერთი ევროპარლამენტარი და კიდევ სამი სხვა პირი კორუფციისა და ფულის გათეთრების ბრალდებით დააკავეს.

მიუხედავად იმისა, რომ ხელისუფლებამ არ დაასახელა მექრთამეობის სქემის უკან მყოფი ქვეყანა, ევროკავშირის რამდენიმე წყარომ კატარი დაადანაშაულა.

თუმცა, სპარსეთის ყურის ეს სახელმწიფო კატეგორიულად უარყოფს ყოველგვარ ბრალდებას გადაცდომის შესახებ, მათ უსამართლოს უწოდებს, წყაროებს კი  “უხეშად დეზინფორმირებულებს”.

მეცოლამ, რომელმაც თქვა, რომ როგორც ამ სკანდალმა აჩვენა, ღია, თავისუფალ, დემოკრატიულ საზოგადოებებს საფრთხე ემუქრება, ასევე განაცხადა, რომ ახლა დაიწყებს სასწრაფო პროცედურას ორი ევროპარლამენტარისთვის საპარლამენტო იმუნიტეტის მოხსნის მიზნით პოლიციის მოთხოვნით. როგორც ირკვევა, პოლიცია მის ოფისს 30 დეკემბერს დაუკავშირდა.

16 იანვარს მოთხოვნა ევროპარლამენტს უნდა წარედგინოს, შემდეგ კი ამ ორგანიზაციის იურიდიულ კომიტეტს გადაეცემა. ამის შემდეგ მომზადდება მოხსენება ბრალდებების შესახებ ევროპარლამენტარებისთვის იმუნიტეტის მოხსნის სრულ კენჭისყრამდე.

მეცოლამ აღნიშნა, რომ სურს, რომ მთელი პროცესი 13 თებერვლამდე დასრულდეს.

ყველა ევროპარლამენტარი სარგებლობს გარკვეული იმუნიტეტით, რაც უზრუნველყოფს მათ შესაძლებლობას განახორციელონ თავიანთი სამუშაო, გამოხატონ თავიანთი მოსაზრებები და ხმა მისცენ თავისუფლად დაპატიმრების ან პოლიტიკური დევნის შიშის გარეშე.

თუმცა, პალატას შეუძლია კონფიდენციალური მოსმენის შემდეგ მხარი დაუჭიროს მათი იმუნიტეტის მოხსნას. ეს პროცესი საშუალებას აძლევს ეჭვმიტანილ ევროპარლამენტარებს წარმოადგინონ თავიანთი მტკიცებულებები და დაიცვან თავი ბრალდებებისგან.

ევროპარლამენტის სპიკერმა იასმინა იაკიმოვამ გასულ კვირას განაცხადა, რომ ასეთი იმუნიტეტის ფუნქციაა პარლამენტს ფუნქციონირების საშუალება ჰქონდეს, მაგრამ ხაზგასმით აღნიშნა, რომ ეს არ აძლევს დეპუტატებს კანონის დარღვევის თავისუფლებას.

პალატის ერთ-ერთი ვიცე-პრეზიდენტი, ბერძენი ევროპარლამენტარი ევა კაილი, რამდენიმე სხვა ეჭვმიტანილთან ერთად, გასულ თვეში პოლიციის რეიდების დროს დააკავეს .

თუმცა, 44 წლის სოციალისტ ევროპარლამენტარს, რომელიც უარყოფს რაიმე სახის დანაშაულს, უკვე ჩამოერთვა იმუნიტეტი, რადგან ის “მტკიცებულებებით ხელში“ დაიჭირეს. გავრცელებული ინფორმაციით, პოლიციამ მას  უპოვნა ჩანთები”ნაღდი ფულით“.

მისმა ადვოკატმა უარყო ბრალდებები, რომ მან ქრთამი მიიღო, მიუხედავად იმისა, რომ ბრიუსელის ბინაში 150 000 ევრო იპოვეს.

ზოგიერთი წყაროს თანახმად, კიდევ 600 000 ევრო იპოვეს ერთი ეჭვმიტანილის სახლში, ხოლო 750 000 ევრო ჩემოდანში ბრიუსელის სასტუმროს ნომერში.

ევა კაილი წინასწარ პატიმრობაში იმყოფება თავის პარტნიორ ფრანჩესკო გიორგისთან და ყოფილ იტალიელ ევროპარლამენტარ პიერ ანტონიო პანცერთან ერთად.

გასულ თვეში მოსმენისას გაირკვა, რომ ბელგიის უსაფრთხოების სამსახური ევროკავშირის სხვა ქვეყნებთან თანამშრომლობით, ერთ წელზე მეტი ხნის განმავლობაში მუშაობდა ევროპარლამენტში კორუფციის ბრალდებების გამოსაძიებლად.

უკრაინის თავდაცვის სამინისტროს დაზვერვის მთავარი სამმართველოს ხელმძღვანელმა, კირილ ბუდანოვმა ABC News-თან ინტერვიუში განაცხადა, რომ “რუსეთის ტერიტორიაზე დარტყმები გაგრძელდება და უფრო და უფრო სიღრმისეული იქნება”. მისი თქმით, რუსეთის ტერიტორიაზე დარტყმები “უფრო და უფრო ღრმად” იქნება.

ჟურნალისტის კითხვაზე, იქნება თუ  არა შეტევები ყირიმის ტერიტორიაზე, ბუდანოვმა თქვა: “ყირიმი – უკრაინის ტერიტორიაა. ეს ჩვენი ტერიტორიაა. ჩვენ ვერ გამოვიყენებთ ვერანაირ იარაღს ჩვენს ტერიტორიაზე.”

თბილისში, მოქალაქეს სახლში ბრმა ტყვია შეუვარდა. ინფორმაციას ამის შესახებ სოციალურ ქსელში გვანცა კასრაშვილი ავრცელებს და აცხადებს, რომ მომხდარის დროს სახლში არ იმყოფებოდა და დაბრუნების შემდეგ აღმოაჩინა ჭერიდან ჩამონგრეული ბათქაში, ხოლო სავარძელზე ტყვია.

“სალამი მეგობრებო,

მრავალს დაესწარით და ბედნიერი წელი გქონოდეთ!

ცოტა ვიფიქრე უნდა გამომეფინა თუ არა ეს ამბავი. არა, 2022 წლის შეჯამება არ გელოდებათ წინ

ჩემს მეგობრებს მოგეხსენებათ ჩემი საცხოვრებელი სახლის კონსტრუქცია (დუპლექსი, შიდა კიბით).

ახალი წლის ღამეს ქალაქში არ ვიყავი, გუშინ დავბრუნდი და ყველა კიბის უჯრედი, პირველი სართულის ნაწილი და მეორე სართული სრულად დაფარული იყო თეთრი ბათქაშის ნამსხვრევებ-მტვერით.

სანამ მეორე სართულზე ავედი ცოცხით და აქანდაზით ჩემს ფანტაზიას ძალიან ფართო გზა გაეხსნა, დაუნანებლად

დაკვირვებული შეთვალიერების შემდეგ ჭერში აღმოვაჩინე ნაპრალის ფორმის ნახვრეტი(იხ. პირველი ფოტო), თუმცა ვინ, რამ, რატო, როგორ, როდის მოახერხა მაგ კითხვებს პასუხი ვერ გავეცი(აქ თქვენი ფანტაზიაც შეგიძლიათ ჩართოთ :დ).

დასუფთვების შემდეგ, ჩემს საყვარელ სავარძელზე მიფენილ დუტის ქურთუკს მოვკიდე ხელი და ჰოი საოცრებავ, იატაკზე დიდი ხმაურით თავი ამოყო რაღაც მძიმე საგანმა(იხ. მეორე ფოტო).

კი, არც ჩემი ფანტაზია გაწვდა ამ სცენარს. ნამდვილად ტყვია აღმოჩნდა, თან მსხვილკალიბრიანი, აი ასე უმიზნოდ გასროლილი, ალბათ.

ჩემი წელი ძალიან იღბლიანად დაიწყო, როგორც აღმოჩნდა. უბრალოდ, არ მინდა რომ სამუშაოდ სავარძელში მოთავსებულს შეგრძნება მქონდეს რომ ვიღაცის უშინაარსოდ გასროლილი ტყვია ემანდ თავში არ მომხვდეს, ან ჩემთვის მნიშვნელოვან ადამიანებს დაახლოებითი სცენარი არ ეწვიოთ დაუპატიჟებლად.

ტრაექტორია ზუსტად იყო ისე ,,შერჩეული”, აფერუმ!

ეს ,,პროზა” თუ ერთ ადამიანს მაინც გადაგაფიქრებინებთ ცეცლსასროლი იარაღის მსგავს უმიზნო გამოყენებას, მისიას შესრულებულად ჩავთვლი.

თქვენი გასროლილი ტყვია დასახლებული პუნქტში ვის სავარძელს(ამჯერად) მოხვდება არავინ იცის. ამიტომ, გვაცადეთ, მრავალს დავესწროთ, ჩვენს სახლებში” – წერს მოქალაქე

უკრაინის უშიშროების სამსახურის კონტრდაზვერვის თანამშრომლებმა ლვივის ოლქში რუსი აგენტი დააკავეს, რომელიც ოკუპანტებისთვის სადაზვერვო მონაცემებს აგროვებდა.  2022 წლის მაისში კაცმა უკრაინაში აკრძალული სოციალური ქსელის Odnoklassniki-ის მეშვეობით დონეცკის ოლქში არსებულ უკანონო შეიარაღებულ დაჯგუფებას გაუგზავნა ლიმანის ტერიტორიაზე უკრაინის შეიარაღებული ძალების დისლოკაციის ადგილები, გადაადგილების მეთოდები და შენიღბვის შესახებ ინფორმაცია.

უშიშროების ცნობით, იძულებით გადაადგილებული პირის საფარქვეშ იგი დასახლდა ერთ-ერთ ენერგეტიკულ ობიექტთან და განაგრძო ინფორმაციის შეგროვება მტრის სადაზვერვო სამსახურისთვის.

დაკავების დროს, კაცს აღმოუჩინეს მობილური ტელეფონი, სადაც მისი რუსებთან მმიმოწერაც იყო. ის წინასწარი დაკავების იზოლატორშია გადაყვანილი.

უკრაინელებმა დონეცკის ოლქში, მაკეევკაში რუსი ოკუპანტების ბაზა გაანადგურეს, რომელიც მათ უნივერსიტეტის შენობაში ჰქონდათ მოწყობილი. აფეთქების შედეგად 400 ოკუპანტი დაიღუპა, 300 კი დაიჭრა.

სასწავლებლის საცხოვრებელში, დარტყმის დროს დისლოცირებულები იყვნენ: რუსეთის შეიარაღებული ძალების პრივოს სამხედრო ძალების მე-20 სპეცდანიშნულების რაზმის 24 სამხედრო მოსამსახურე; რუსეთის ფედერაციის შინაგან საქმეთა სამინისტროს შინაგანი ჯარების კომუნიკაციების 360-ე სასწავლო პოლკის 20 სამხედრო მოსამსახურე (სამხედრო ნაწილი 5204); რუსეთის შეიარაღებული ძალების სარაკეტო ჯარების და არტილერიის BP 631-ე რეგიონული სასწავლო ცენტრის 242 სამხედრო მოსამსახურე.

უკრაინის მოქალაქეები არ არიან მზად ტერიტორიების დათმობისთვის ომის დასრულების მიზნით. ეს შედეგები კიევის სოციოლოგიის საერთაშორისო ინსტიტუტის გამოკითხვის ავტორებმა მიიღეს.

2005 გამოკითხულოდან  რესპონდენტთა 85% მიუღებლად მიიჩნევს რაიმე ტერიტორიულ დათმობას. მხოლოდ 8%-ს მიაჩნია, რომ მშვიდობის მისაღწევად და დამოუკიდებლობის შესანარჩუნებლად უკრაინას შეუძლია დათმოს თავისი ტერიტორიის ნაწილი.

ეს შედეგი მსგავსია ყველა რეგიონში, მათ შორის აღმოსავლეთ რეგიონებში, რომლებიც ყველაზე მეტად დაზარალდნენ ომის შედეგად.

გამოკითხვა სრულმასშტაბიანი ომის დაწყებიდან რეგულარულად ტარდება, მაგრამ მისი შედეგები დიდად არ იცვლება. მაისში გამოკითხულთა 82%  ნებისმიერი ტერიტორიული დათმობის წინააღმდეგი იყო, ხოლო სექტემბერში – 87%.

ბრიტანელმა პროკურორმა ჯეფრი ნაისმა, რომელიც მუშაობდა ყოფილი იუგოსლავიის საქმეზე სისხლის სამართლის საერთაშორისო ტრიბუნალთან თანამშრომლობდა, აცხადებს,რომ რუსეთის პრეზიდენტმა ვლადიმერ პუტინმა პასუხი უნდა აგოს უკრაინის ომში ჩადენილი ომის დანაშაულებისთვის.

ნაისმა, რომელიც სერბეთის ყოფილი ლიდერის სლობოდან მილოშევიჩის საქმეში 1998 წლიდან 2006 წლამდე მთავარ პროკურორად მუშაობდა, BBC Radio 4-ს განუცხადა, რომ პუტინის წინააღმდეგ ბრალდებები “სრულიად ცხადია”. „ეს არის დანაშაული კაცობრიობის წინააღმდეგ, რადგან არავითარ შემთხვევაში არ უნდა მოხდეს სამოქალაქო სამიზნეების დაბომბვა ან მათზე თავდასხმა რაიმე ფორმით“, – განაცხადა ნიცამ.

”ეჭვგარეშეა, რომ სარდლობის ჯაჭვი პირდაპირ პუტინთან მიდის. ესენი მისი ჯარისკაცები არიან. სულ მცირე, მან იცის რა ხდება სატელევიზიო რეპორტაჟებიდან – ისევე როგორც ყველა ჩვენგანმა. მაგრამ მან არ უბრძანა [მის სამხედროებს] დაბრუნდნენ, რათა გამოიძიოს აშკარა დანაშაული, ის არის დამნაშავე“, – განაცხადა ნაისმა.

ნაისმა გამოხატა გაკვირვება, რომ პროკურორები და პოლიტიკოსები “ამის ფორმულირებას უფრო თავისუფლად და ღიად არ აკეთებენ” და ვარაუდობენ, რომ პუტინმა მომავალში შესაძლოა მიიღოს იმუნიტეტი სასამართლო დევნისგან, როგორც შესაძლო შეთანხმების ნაწილი უკრაინაში ომის დასრულების შესახებ. „საერთაშორისო სისხლის სამართლის სასამართლოს, რომლის იურისდიქციას განეკუთვნება უკრაინა,  ჯერ არ გაუკეთებია განცხადება პუტინის პასუხისმგებლობის შესახებ ამ დანაშაულის გამო“, – განაცხადა ნაისმა.

“ჩნდება კითხვა, რატომ არ ჩქარობს პროკურორი ამას. იქნებ მას სჯერა (ან აიძულეს დაეჯერებინა ასე), რომ პუტინის წინააღმდეგ ბრალდების არარსებობა პოლიტიკურად მომგებიანია? პოლიტიკური სარგებელი არის დარეგულირება. სავსებით შესაძლებელია, რომ უკრაინელების გარდა ვინმემ მოამზადოს პოლიტიკური შეთანხმება, რომელიც შეიცავს პუნქტს, რომ პუტინის გასამართლება შეუძლებელია. ეს არის საშინელი პერსპექტივა, ეს ნიშნავს, რომ უკრაინელი ხალხი მთლიანად იქნება სამართლიანობას მოკლებული“.

ნაისის თქმით, განსაკუთრებით მნიშვნელოვანია პუტინის გასამართლება და არა ცალკეული ოფიცრებისა, რადგან ამ გზით „პირველ ეტაპზე მორალური პასუხისმგებლობა დადგინდება, შემდეგ კი მისი ეჭვქვეშ დაყენება ან შეცვლა აღარ იქნება შესაძლებელი“.

ნაისი დასძენს,  რომ მისი აზრით, სასამართლო პროცესი შეიძლება დაიწყოს “თუნდაც ხვალ” და ის უნდა ჩატარდეს უკრაინელების მიერ – და უკრაინულ ენაზე. ამასთან, სასამართლოში თავად პუტინის ყოფნა, ყოფილი პროკურორის თქმით, აუცილებელი არ არის.

მტკიცებულებების მოძიება

სისხლის სამართლის საერთაშორისო სასამართლომ  გამოძიება უკრაინის ომის დროს ჩადენილი დანაშაულების შესახებ 2022 წლის მარტის დასაწყისში, ომის დაწყებიდან მალევე დაიწყო. მისმა წარმომადგენლებმა არაერთხელ განაცხადეს, რომ მთელი ძალით ცდილობენ დამნაშავეების პასუხისგებაში მიცემას.

ნაისის ბრალდებების საპასუხოდ, სასამართლომ განაცხადა, რომ მისი პროკურორი, კარიმ ხანი მუშაობდა უკრაინაში, აგროვებდა ომის დანაშაულის მტკიცებულებებს და რომ იგი აპირებს დამნაშავეთა დაკავების ორდერის გაცემას, როდესაც ამისათვის საკმარისი მტკიცებულება იქნება.

„ნებისმიერი ბრალდება იმის შესახებ, რომ პროკურორის ოფისზე, ან თავად პროკურორზე ხდება ზეწოლა ან გავლენის მოხდენა გამოძიების ან სხვა ქმედებების გაჭიანურების მიზნით, სიმართლეს არ შეესაბამება“, – ნათქვამია სასამართლოს განცხადებაში.

რუსეთის ხელისუფლებამ არაერთხელ უარყო ბრალდებები სამხედრო დანაშაულების შესახებ. საპირისპიროზე მეტყველი მრავალი მტკიცებულების, მათ შორის საერთაშორისო ორგანიზაციების მიერ ჩაწერილი მტკიცებულებების მიუხედავად, მოსკოვი აგრძელებს მტკიცებას, რომ ის მხოლოდ სამხედრო ობიექტებს ესხმის თავს.

ზოგიერთი ქვეყანა და ორგანიზაცია, მათ შორის უკრაინა, ითხოვს სპეციალური საერთაშორისო ტრიბუნალის შექმნას, რომელიც გამოიძიებს რუსეთის მიერ უკრაინაში შეჭრის დროს სავარაუდო სამხედრო დანაშაულებს.

“ახალი ნიურნბერგი”. ბრიტანელი პოლიტიკოსები პუტინისთვის ტრიბუნალის მოწვევას ითხოვენ

„როგორც სისხლის სამართლის საერთაშორისო სასამართლოს შექმნაში მონაწილე ქვეყანა,, გაერთიანებული სამეფო მზად არის უზრუნველყოს საჭირო ტექნიკური მხარდაჭერა გამამტყუნებელი განაჩენი სგამოტანისთვის“, – განაცხადა გაერთიანებული სამეფოს მაშინდელმა გენერალურმა პროკურორმა დომინიკ რააბმა 2022 წლის მარტში. ”ნებისმიერმა რუსმა ლიდერმა და ოფიცერმა, რომელიც კრიმინალურ ბრძანებებს გასცემს, უნდა იცოდეს, რომ მას განსასჯელის სკამი და საბოლოოდ, ციხე ემუქრება“–თქვა რააბმა.

რა არის სისხლის სამართლის საერთაშორისო სასამართლო

სისხლის სამართლის საერთაშორისო სასამართლო 20 წლის წინ შეიქმნა და იძიებს გენოციდს, კაცობრიობის წინააღმდეგ ჩადენილ დანაშაულებებს, ომის დანაშაულებებსა და აგრესიის დანაშაულებებს. არავის, მათ შორის სახელმწიფოს მეთაურებს არ აქვთ იმუნიტეტი ამ სასამართლოს წინაშე.

სასამართლო იძიებს ომის დანაშაულების, კაცობრიობის წინააღმდეგ ჩადენილ დანაშაულებებს და გენოციდის შემთხვევებს მისი იურისდიქციის ფარგლებში, მაგრამ მხოლოდ იმ შემთხვევაში, თუ ისინი  2002 წლის შემდეგ მოხდა.

ერთადერთი სასჯელი, რაც სასამართლოს შეუძლია ბრალდებულს დაუწესოს, არის პატიმრობა. ამასთან, მნიშვნელოვანია, რომ სასამართლომ დაუსწრებლად არ განიხილოს საქმეები და საქმის განხილვის დასაწყებად, ჯერ ბრალდებული უნდა დააკავოს.

ამავდროულად, სასამართლოს შეუძლია გამოიძიოს დანაშაულები მხოლოდ იმ ტერიტორიაზე ან იმ ქვეყნების მოქალაქეების მონაწილეობით, რომლებმაც მოახდინეს რომის სტატუტის რატიფიცირება – დოკუმენტისა, რომელიც საფუძვლად დაედო ამ ორგანოს. ამ დროისთვის, ეს არის გაეროს წევრი 120-ზე მეტი ქვეყანა.

რუსეთმა ხელი მოაწერა სისხლის სამართლის საერთაშორისო სასამართლოს რომის სტატუტს 2000 წელს, მაგრამ არ მოახდინა მისი რატიფიცირება. 2016 წელს კი რუსეთის საგარეო საქმეთა სამინისტრომ, პრეზიდენტ პუტინის ბრძანებით, აცნობა გაეროს ამ შეთანხმებაში მონაწილეობაზე რუსეთის უარის შესახებ – მას შემდეგ, რაც ყირიმის ანექსია ოკუპაციად იქნა აღიარებული.

რუსეთი არ არის პირველი ქვეყანა, რომელმაც ხელი მოაწერა რომის სტატუტს, მაგრამ გააუქმა ხელმოწერა მისი რატიფიცირების გარეშე. სასამართლოს მუშაობის დაწყებიდან ორი წლის შემდეგ, შეერთებულმა შტატებმაშეთანხმებაზე ხელმოწერა  გააუქმა .

უკრაინამ ასევე არ მოაწერა ხელი რომის სტატუტზე.

გარდა ამისა, სასამართლო იღებს საქმეებს მხოლოდ იმ შემთხვევაში, თუ სახელმწიფოს, სადაც ჩადენილია დანაშაული (ან რომლის მოქალაქეც არის ეჭვმიტანილი) არ შეუძლია ან არ სურს თავად გამოიძიოს ეს საქმე.

თუმცა, არსებობს გამონაკლისები ამ წესიდან. სასამართლომ შეიძლება დაიწყოს გამოძიება, თუ სახელმწიფოს სამართლებრივი სისტემა ვერ აკმაყოფილებს საერთაშორისო სტანდარტებს, ან თუ ის ცდილობს დაიცვას ბრალდებული.

არსებობის მანძილზე სასამართლომ ბრალდებულის დაკავების 29 ორდერი გასცა, თუმცა საბოლოოდ მხოლოდ რვა დააკავეს. კიდევ 13 ადამიანი სასამართლოს წარმატებით ემალება, რამდენიმე კი დაკავებამდე გარდაიცვალა.

1 იანვრიდან ძალაში შედის „ადმინისტრაციულ სამართალდარღვევათა კოდექსში“, ასევე სისხლის სამართლის კანონმდებლობაში განხორციელებული ცვლილებები, რომლითაც ცივი იარაღის ტარებაზე სანქციები მკაცრდება.

პარლამენტის მიერ მიღებული კანონის თანახმად, ქუჩაში, ეზოში, სტადიონზე, სკვერში, პარკში, საგანმანათლებლო დაწესებულებაში, სასამართლოში, აეროპორტში, კინოთეატრში, თეატრში, საკონცერტო დარბაზში, კაფეში, რესტორანში, ყველა სახის საზოგადოებრივ ტრანსპორტში, ავტოსადგურში, რკინიგზის სადგურში და სხვა საზოგადოებრივი თავშეყრის ადგილებში ცივი იარაღის ტარება 200 ლარის ნაცვლად, 500 ლარის ოდენობით ჯარიმას და ცივი იარაღის კონფისკაციას გამოიწვევს.

ქმედების განმეორებითი ჩადენა კი, გამოიწვევს პირის სისხლისსამართლებრივ პასუხისმგებლობას, ადმინისტრაციული პასუხისმგებლობის ნაცვლად.

ახალი საკანონმდებლო ნორმის თანახმად, „ცივი იარაღის ტარება“ ასევე ისეთი გარემოების არსებობას გულისხმობს, როდესაც პირი ცივ იარაღს იმგვარად ფლობს, რომ მისი დაუყოვნებლივი გამოყენება მოხდეს. (კოდექსის აქამდე მოქმედი რედაქციით “ცივი იარაღის ტარება“ მხოლოდ ისეთი გარემოების არსებობას გულისხმობდა, როდესაც პირს ცივი იარაღი უჭირავს ხელში, მიმაგრებული აქვს სხეულზე ან ინახავს ტანსაცმელში).

ხორვატია  2023 წლის 1 იანვარს შენგენის ზონაში შევიდა და ღია საზღვრების გაერთიანების 27-ე ქვეყანა გახდა.

ახალი წლის ღამეს ხორვატია თავის ვალუტას – კუნასაც დაემშვიდობა და ევროზონის მე-20 წევრი გახდა.

ხორვატია ევროკავშირის წევრი ჯერ კიდევ 2013 წელს გახდა. თუმცა, ქვეყანას 10 წელი დასჭირდა შენგენში შესვლისა და ევროზე გადასვლისთვის.