Category: სლაიდერი

რუსეთის საგარეო პოლიტიკის ახალი კონცეფცია, რომელიც ვლადიმერ პუტინმა 31 მარტს დაამტკიცა, სავარაუდოდ მიზნად ისახავს მხარი დაუჭიროს კრემლის მცდელობებს შექმნას ანტიდასავლური კოალიცია, წერს ომის შესწავლის ამერიკული ინსტიტუტი (ISW) თავის ყოველდღიურ ანგარიშში.

დოკუმენტი ხაზს უსვამს რუსეთის მიზანს შექმნას მრავალპოლარული მსოფლიო წესრიგი, მათ შორის, შეწყვიტოს აშშ-ის დომინირება მსოფლიო საქმეებში. ამტკიცებენ, რომ კაცობრიობის უმრავლესობა დაინტერესებულია რუსეთთან კონსტრუქციული ურთიერთობით და რომ სასურველი მრავალპოლარული სამყარო გახსნის შესაძლებლობებს არადასავლური მსოფლიო ძალებისა და რეგიონალური ლიდერებისთვის.

ახალი დოკუმენტი, სავარაუდოდ, მხარს უჭერს კრემლის მცდელობებს, გააძლიეროს წინადადებები არამომხრე ქვეყნებისთვის უფრო შეკრული ანტიდასავლური ბლოკის შესაქმნელად, წერს ISW.

მაგრამ რუსეთის ეკონომიკური ძლიერების დაქვეითება და უკრაინაში მისი სამხედრო პოტენციალის შესუსტება ცუდი სტიმულია მოსკოვის წინადადებისადმი სერიოზული ინტერესის გამოვლენისთვის, აცხადებენ მოხსენების ავტორები.

ISW-ის შეფასებით, პუტინის წინადადება ანტიდასავლური ბლოკის შექმნის შესახებ სი ძინპინის მოსკოვში ვიზიტის დროს დადებითად არ მიიღეს, რადგან ჩინეთის ლიდერმა უარი თქვა ჩინეთის ჩათრევაზე პუტინის გეოპოლიტიკურ კონფლიქტში დასავლეთთან.

“რუსეთი მშვიდობიან მოსახლეობას კლავს! 31 იანვარს, რუსებმა დონეცკის ოლქში 4 მშვიდობიანი მოქალაქე მოკლეს: 2 ბახმუტში, 1 პარასკოვიევკაში და 1 ვუჰლედარში. რეგიონში კიდევ 6 ადამიანი დაშავდა. ყველა სამხედრო დამნაშავე დაისჯება!”,

აცხადებს დონეცკის რეგიონული სამხედრო ადმინისტრაციის ხელმძღვანელი პაველ კირილენკო.

“რუსეთი აგრძელებს აგრესიულ ომს უკრაინის წინააღმდეგ და კრემლი ცდილობს შური იძიოს ბრძოლის თითქმის ერთი წლის განმავლობაში განცდილი მარცხებისთვის. ასე რომ, უკრაინისთვის იარაღის სრული დიაპაზონის მიწოდება გადაუდებელი და სასიცოცხლოდ მნიშვნელოვანია და ევროკავშირმა წინასწარ უნდა იმოქმედოს.”

განაცხადა უკრაინის პრეზიდენტის ადმინისტრაციის ხელმძღვანელმა, ანდრეი ერმაკმა.

პრეზიდენტ მიხეილ სააკაშვილის მდგომარეობამ კრიტიკულ ნიშნულს მიაღწია და ყოველწუთიერად  უარესდება. მოვუწოდებ საქართველოს ხელისუფლებას, დაუშვან მისი სასწრაფოდ გადაყვანა კლინიკაში, ინტენსიური თერაპიის განყოფილებაში საჭირო მკურნალობის მისაღებად. პოლიტიკური განხილვების დრო აღარ არის.

ამის შესახებ, ევროპარლამენტარი რასა იუკნევიჩიანე Twitter-ზე წერს.

“ვფიქრობთ ომი მოლაპარაკებების მაგიდასთან დასრულდება. ეს არის ის, რისიც გულწრფელად გვჯერა. ცხადია, ჩვენი სურვილი ეს არის, თუმცა, ამავდროულად უნდა ვიყოთ რეალისტები. ეს უნდა იყოს სამართლიანი მშვიდობა უკრაინისთვის, რადგან უკრაინული მიწები ოკუპირებულია. მშვიდობა უნდა იყოს ორივე მხარესთვის მისაღები. ეს არ უნდა იყოს ნაკარნახევი მშვიდობა, რადგან ამას არცერთი მხარე არ მიიღებს”.

აცხადებს თურქეთის საგარეო საქმეთა მინისტრი მევლუთ ჩავუშოღლუ.

ბოლო ერთ დღეში უკრაინელებმა მტრის თავდასხმები 8 დასახლებულ პუნქტში მოიგერიეს – ამის შესახებ ნათქვამია უკრაინის შეიარაღებული ძალების გენერალური შტაბის მიერ გავრცელებულ განცხადებაში.

“ბოლო 24 საათის განმავლობაში, უკრაინის თავდაცვის ძალებმა რუსი ოკუპანტების თავდასხმები მოიგერიეს დონეცკის ოლქის იამპოლივკას, სპირნეს, რაზდოლოვკას, ბლაგოდატნოეს, კრასნა ჰორას, ბახმუტის, კლიშივკას და პარასკოვიევკას დასახლებულ პუნქტებში”, – ნათქვამია განცხადებაში.

“მეამაყება, რომ ჩემი ქვეყანა ერთ-ერთი პირველია, რომელმაც უკრაინას სამხედრო დახმარება აღმოუჩინა. ცოტა თუ წარმოიდგენდა, რომ დასავლეთის ქვეყნები უკრაინას თანამედროვე საბრძოლო ტანკებითა და ჰაერსაწინააღმდეგო სისტემებით მოამარაგებდნენ. ჩვენ სხვა ალტერნატივა არ გაგვაჩნია. თუ უკრაინას დახმარების გარეშე დავტოვებთ, დიდი ალბათობით, ისინი ამ ომში დამარცხდებიან და თუ ისინი დამარცხდებიან, ეს ნიშნავს, რომ ჩვენ ყველა დავმარცხდით”.

განაცხადა ჩეხეთის ახლადარჩეულმა პრეზიდენტმა, პეტრ პაველმა BBC-სთან ინტერვიუში.