Category: სლაიდერი

უკრაინის ეროვნული ანტიკორუფციული ბიურო უკრაინის პრეზიდენტის ადმინისტრაციის ხელმძღვანელის, ანდრეი ერმაკის სახლში ჩხრეკას ატარებს.

როგორც „უკრაინსკაია პრავდა“ წერს, ადგილზე დაახლოებით ათი ოფიცერი იმყოფება.

რამდენიმწ წუთის წინ, ერმაკმა დაადასტურა, რომ ანტიკორუფციული ბიურო (НАБУ) და ანტიკორუფციული პროკურატურა (САП-ი) ნამდვილად ატარებს ჩხრეკას მის სახლში, რათა შეამოწმონ მისი შესაძლო კავშირები კორუფციონერ ტიმურ მინდიჩის დანაშაულებრივ სქემასთან.

”დღეს ჩემს სახლში [უკრაინის ეროვნული ანტიკორუფციული ბიურო] НАБУ და [პროკურატურის სპეციალიზებული ანტიკორუფციული სამსახური] САП საპროცესო მოქმედებებს მართლაც ატარებენ.გამომძიებლებს არანაირი დაბრკოლება არ აქვთ. მათ ბინაზე სრული წვდომა მიეცათ და ადგილზე ჩემი ადვოკატები იმყოფებიან, რომლებიც სამართალდამცავებთან თანამშრომლობენ. ჩემი მხრიდან, [გამოძიებასთან] სრულიად ვთანამშრომლობ.”- წერს ანდრეი ერმაკი.

„არსებითი მნიშვნელობა არ აქვს 30 ცალი „ნაცი“ რაღაცას თუ გააპროტესტებს. ცუდი რა არის იმაში, როდესაც სპორტსმენი გამოხატავს მადლიერებას სახელმწიფოს მიმართ. ბოლო წლების განმავლობაში სახელმწიფომ სპორტის მიმართულებით ძალიან ბევრი კარგი საქმე გააკეთა. თქვენ როგორ ფიქრობთ, ის შედეგები რაც მივიღეთ კალათბურთში, ფეხბურთში, ძიუდოში ან სპორტის სხვა სახეობებში, ეს შემთხვევით მოვიდა? ეს ყველაფერი არის ზუსტად იმის შედეგი, რომ სპორტსმენებმა იშრომეს თავდაუზოგავად, მათთვის შეიქმნა შესაბამისი ინფრასტრუქტურა, პირობები. ამას უდიდესი მნიშვნელობა აქვს სპორტსმენისთვის. მაგალითად, ფეხბურთელი რომელიც საზღვარგარეთ რომელიმე კლუბში თამაშობს და თავის ნაკრებში სათამაშოდ ჩამოდის, ფიქრობს მხოლოდ და მხოლოდ ერთ რამეზე – როგორ აჩვენოს თავისი საუკეთესო შესაძლებლობები. გიორგი შერმადინს მთელი დარბაზი ტაშს უკრავდა. არსებითი მნიშვნელობა არ აქვს 30 ცალი „ნაცი“ რაღაცას თუ გააპროტესტებს. საბედნიეროდ, მსგავსი ადამიანები არიან უმცირესობაში. ხოლო ქვეყნის უმრავლესობა რეალურად ხედავს, რა ხდება, რა პროცესები მიდის, როგორც ქვეყნის შიგნით, ასევე ქვეყნის გარეთ. ლიბერალური ფაშიზმი მსოფლიოში მარცხდება და რა თქმა უნდა, დამარცხებულია საქართველოშიც“

ამის შესახებ დედაქალაქის მერმა კახა კალაძემ, მედიასთან საუბრისას განაცხადა.

“უკრაინასა და აშშ-ს შორის ჟენევაში გამართული მოლაპარაკებების შემდეგ, მათ გადაწყვიტეს, რომ ეს 28 პუნქტი დაეყოთ ოთხ კომპონენტად, ეს ყოველივე გადმოგვეცა ჩვენ. საბოლოო ჯამში ვთანხმდებით, რომ ეს შესაძლოა, იყოს მომავალი შეთანხმებების საფუძველი.[…]თუ უკრაინელი სამხედროები დატოვებენ იმ ტერიტორიებს, რომლებიც ახლა ოკუპირებული აქვთ, მაშინ ჩვენ შევწყვეტთ საომარ მოქმედებებს, თუ ისინი არ გავლენ, მაშინ ამას ისედაც მივაღწევთ სამხედრო შესაძლებლობებით”.

განაცხადა რუსეთის პრეზიდენტმა, ვლადიმერ პუტინმა.

ერთი წელი სრულდება მას შემდეგ, რაც კობახიძემ უარი განაცხადა ევროინტეგრაციის პროცესზე“ – სრული აბსურდია. ფაქტია, მას შემდეგ სრულწლოვანებაში შევიდა ახალგაზრდების გარკვეული ჯგუფი, რომელიც ძალიან ადვილად მოატყუეს. მათ აჩვენეს კობახიძის განცხადება. იდეაში, ლაპარაკი იმაზე იყო, რომ ჩვენ აღარ მოგმართავთ მოლაპარაკების პროცესის დაწყებაზე, ვინაიდან თქვენგან იგივე შანტაჟს ველით, რაც კანდიდატის სტატუსის მიღების დროს მოხდაო. მცდელობა რეალური იყო. არ გაძლევთ კანდიდატის სტატუსსო, ჩამოვიდნენ საგარეო საქმეთა მინისტრები და ხალხს აჯანყებისკენ მოუწოდეს. აქედან გამომდინარე, თუ კობახიძემ თქვა, რომ ჩვენ არ მოგმართავთო, ეს იმას არ ნიშნავს, რომ ჩვენ ამ მიმართულებით არ ვმუშაობთ. პირიქით, თქვა, რომ 2028 წლისთვის ჩვენ მზად ვიქნებით, თუმცა ხვალვე შეგვიძლია რამდენიმე თემაზე მოლაპარაკების პროცესი გავხსნათ. ეს არის რეალობა.

მეორე მწარე რეალობაა, რომ იქამდე, სწორედ იმიტომ რომ ომში არ ჩავერთეთ, რუსეთს ეკონომიკური სანქციები არ დავუწესეთ, ჩვენი ეკონომიკა არ დავანგრიეთ, გამჭვირვალობის კანონი მივიღეთ, ლგბტ პროპაგანდა ავკრძალეთ, გაცილებით უფრო ადრე, ვიდრე კობახიძე გააკეთებდა განცხადებას, განცხადება გააკეთა ევროკავშირის ელჩმა. ასე რომ, ერთი წელი გავიდა ივნისში უკვე ამ პროცესის ასე დაზიანებიდან. კობახიძეს ბრიფინგზე არცერთი სიტყვა არ უთქვამს, რომ ჩვენ რაიმე შევაჩერეთ. თუკი ვინმე მიტინგს უნდა აწყობდეს, თუკი სადმე მიტინგი უნდა ეწყობოდეს, ეს უნდა ეწყობოდეს ევროკავშირის საელჩოსთან, რომ მოითხოვონ, რატომ გააჩერეთ.

ჩვენ სხვა თემებზე ვიდავოთ, სხვა თემებზე დავუპირისპირდეთ ერთმანეთს, მაგრამ ნუ დავხოცავთ ერთმანეთს იმისთვის, რომ მთავრობა არ შედის ომში, ეკონომიკურ თუ სამხედრო დაპირისპირებაში. ამის გულისთვის ჩვენ ნუ დავუპირისპირდებით ერთმანეთს. საზოგადოება გახლიჩეს. ეს არის საშინელება. ეს არის დივერსია ჩვენი ქვეყნის წინააღმდეგ, როდესაც ახალგაზრდები ახალგაზრდებს დააპირისპირეს.

თქვა ივანიშვილის დეპუტატმა, გია ვოლსკიმ ინტერპრესნიუსის ცნობით.

“16 წლის შემდეგ გერმანიიდან ჩამოვედი, რადგან ჩემს ქვეყანას უჭირს – არავისი მეშინია, არც პასუხისმგებლობას გავურბივარ” – ამის შესახებ 4 ოქტომბრის საქმეზე დაკავებულმა ნანა სანდერმა სასამართლოში განაცხადა.

“მიმალვა, დამალვა არ არის ჩემი სტილი. 20 წლიდან ვცხოვრობ გერმანიაში და გერმანიიდან ვიბრძვი საქართველოს დამოუკიდებლობისთვის. ვინარჩუნებ საქართველოს მოქალაქეობას იმისთვის, რომ ჩემი ქვეყნის არჩევნებში მივიღო მონაწილეობა. რადგანაც ვარ ოპოზიციურად განწყობილი, „ტროლებიდა“ გერმანიაში მქონდა მუქარები, რომ “შენ დაგიჭერენ” და ა.შ. ასე რომც ყოფილი, ანუ ჩემი დაჭერა რეალური, მაინც ჩამოვიდოდი, რადგან მე მიყვარს ჩემი ქვეყანა, მე ჩემი ქვეყნიდან დასამალი არაფერი მჭირს. 16 წლის შემდეგ ჩამოვედი საქართველოში და პირველად, ოჯახის წევრებს შევხვდი ციხეში. მე გერმანიის მოქალაქეობა არ ამიღია, არ წავალ გერმანიაში. ჩამოვედი იმიტომ რომ ვთქვი – ახლა უჭირს ჩემ ქვეყანას-მეთქი. მე არ ჩამოვსულვარ საცხოვრებლად, მე ჩამოვედი იმიტომ, რომ უჭირს ჩემ ქვეყანას და ამიტომ დავბრუნდი 16 წლის მერე. ვიცოდი, რა საფრთხეებიც არსებობს ამ ქვეყანაში, მაგრამ მე, ნანა სანდერს არავისი მეშინია არც გდდ-ების, არც “ტიტუშკების”, არც პასუხისმგებლობას გავურბივარ და არც მიმალვას ვაპირებ”, – განაცხადა ნანა სანდერმა.

ComCom-მა სარეკლამო კომუნიკაციის წესების დარღვევისთვის ტელეკომპანია “ფორმულა” –  7 500 ლარით, TV პირველი კი 2 500 ლარით დააჯარიმა.

“ComCom-ის მიერ განხორციელებული მედიამონიტორინგის შედეგად გამოვლინდა, რომ 5 და 19 ოქტომბერს, ტვ პირველის გადაცემაში ოჯახის ექიმი, ხოლო 11, 12, 18 და 19 ოქტომბერს ფორმულას გადაცემაში ყოველდღე გამოვლინდა სარეკლამო კომუნიკაციის წესების დარღვევები, მათ შორის, პროდუქტებს მიენიჭათ გადაჭარბებული მნიშვნელობა და პროდუქტის განთავსებამ გადაცემის შინაარსზე გავლენა მოახდინა. ამასთან, გაჟღერდა ინფორმაცია პროდუქტის ხელმისაწვდომობის შესახებ. დამატებით, ფორმულას პროგრამაში გაკეთდა პროდუქტის შეძენისკენ მოწოდებები.

გარდა ამისა, ტვ პირველის შემთხვევაში, დარღვეულია სპონსორზე მითითების წესებიც, რადგან სპონსორზე მითითება შეიცავდა, მათ შორის, სარეკლამო შეტყობინებას, რაც „მაუწყებლობის შესახებ“ საქართველოს კანონისა და კომისიის 2016 წლის 14 იანვრის №1 დადგენილებით დამტკიცებული სპონსორზე მითითების სახელმძღვანელო რეკომენდაციების მოთხოვნებს ეწინააღმდეგება.

სარეკლამო კომუნიკაციის დარღვევით განთავსება მაყურებლის ინტერესების უხეში დარღვევაა, ვინაიდან აღნიშნულმა, შესაძლოა, მათ გადაწყვეტილებებზე გავლენა მოახდინოს. აქედან გამომდინარე, მნიშვნელოვანია, რომ მაუწყებელმა დაიცვას საქართველოს კანონით განსაზღვრული წესები, რათა არ დაარღვიოს მაყურებლის უფლებები და არ მოახდინოს პროგრამის შინაარსზე გავლენა, რაც, თავის მხრივ, მედია პროდუქტის ხარისხს აუარესებს.

გამომდინარე იქიდან, რომ ტვ პირველს ანალოგიური დარღვევისთვის მიმდინარე წელს წერილობითი გაფრთხილება მიღებული ჰქონდა, ComCom-მა მაუწყებელი 2500 ლარით დააჯარიმა. ფორმულას კი წერილობით გაფრთხილებასთან ერთად, ანალოგიური დარღვევისთვის 2 500 ლარიანი ჯარიმა უკვე მიღებული ჰქონდა, შესაბამისად, კანონდარღვევისთვის ComCom-მა მაუწყებელი 7 500 ლარით დააჯარიმა”. – წერია განცხადებაში.

„ზუსტად 1 წლის წინ, ეს აქციები დაიწყო გულწრფელი ხალხის გულწრფელი გაბრაზებით, რომელიც სამწუხაროდ, გადაიზარდა გარკვეული პოლიტიკური ძალების მხრიდან ძალიან დამაზიანებელ ქმედებაში და გარკვეულმა პოლიტიკურმა ძალებმა ამ ადამიანების გულწრფელი პროტესტი მიწასთან გაასწორეს და გვირგვინი დაადგეს 4 ოქტომბრის პროვოკაციის სახით. ამიტომ, ჩვენ არ ვიქნებით არსად, სადაც იქნება „ნაცმოძრაობა,“

ამის შესახებ „გახარია საქართველოსთვის“ დეპუტატმა, ვიკა ფილფანმა 28 ნოემბერს დაანონსებულ აქციაზე საუბრისას განაცხადა.

საერთაშორისო გამჭვირვალობა – საქართველო მაღალი დონის კორუფციის შესაძლო დარღვევებზე ინფორმაციას აქვეყნებს.გავრცელებულ კვლევაში აღნიშნულია, რომ კორუფციის კუთხით საქართველოში ამჟამად არსებული ვითარება ხასიათდება, ერთი მხრივ, წვრილმანი კორუფციის შთამბეჭდავად დაბალი დონით და ამავე დროს, მაღალი დონის კორუფციის – თითქმის სრული დაუსჯელობით. 2025 წლის სექტემბერში ქართულ ოცნებას 124 პირმა 4.1 მილიონი ლარი შეწირა. შემომწირველებთან დაკავშირებულ 35 კომპანიას ბოლო 10 წლის განმავლობაში 2.5 მილიარდ ლარზე მეტი ღირებულების ტენდერები აქვს მოგებული.

ივანიშვილის მერის, კახა კალაძის თქმით, ვახუშტის ხიდიდან გიორგი სააკაძის მოედნის მიმართულებით გზაზე გამოიყოფა საზოგადოებრივი ტრანსპორტის ზოლი.მისი განცხადებით, საავტომობილო ზოლების რაოდენობა უცვლელი დარჩება. სამუშაოები 28 ნოემბრის 00:00 საათიდან დაიწყება და, როგორც კალაძე ამბობს, “დაახლოებით ორი კვირის ვადაში” დასრულდება.

BUS LANE იქნება გიორგი სააკაძის მოედნიდან ვახუშტი ბაგრატიონის სახელობის ხიდამდეც.

“ვახუშტის ხიდიდან გიორგი სააკაძის მოედნის მიმართულებით სავალი ნაწილიდან გამოიყოფა საზოგადოებრივი ტრანსპორტის ზოლი. ასევე, უსაფრთხო საფეხმავლო გადაადგილებისთვის მოეწყობა კუნძულები და ზებრა გადასასვლელები. მნიშვნელოვანია, რომ სამანქანო ზოლების რაოდენობა დარჩება უცვლელი. გზის სავალი ნაწილი დაიხაზება და დამონტაჟდება საგზაო ნიშნები და შუქნიშნები. ასევე, ტერიტორიაზე გამწვანების სამუშაოები ჩატარდება”, – თქვა კალაძემ.