Category: სლაიდერი

„როდესაც შენ ხელს უწყობ კონკრეტულ ორგანიზაციას სახელმწიფოს საზიანო ყალბი ინფორმაციის გავრცელებაში, ეს შეიძლება იყოს შეფასებული კრიმინალად. მე არ ვარ ის სუბიექტი, რომელიც დანაშაულის კვალიფიკაციას ადგენს, ეს არის შესაბამისი უწყების საქმე. მაგრამ ზოგადად, ყალბი ინფორმაციის მიწოდება სახელმწიფო ინტერესების წინააღმდეგ შეიძლება დანაშაულად ჩაითვალოს. თუმცა, მე არ ვაძლევ [კვალიფიცირდეს].

ეს შთაბეჭდილება კი არ იყო, კონკრეტულად ტელევიზიას მიაწოდეს ყალბი ინფორმაცია იმასთან დაკავშირებით, თითქოს კონკრეტული ნივთიერება იყო გამოყენებული. ეს იყო შეგნებულად მიწოდებული ყალბი ინფორმაცია, რაც პირდაპირ იყო მიმართული სახელმწიფო ინტერესების წინააღმდეგ. შესაბამისად, ამას თავისუფლად შეიძლება მიენიჭოს დანაშაულის კვალიფიკაცია.

როცა კონკრეტული ტელევიზია შეგნებულად ავრცელებს ცრუ ინფორმაციას, რაც მიმართულია საქართველოს სახელმწიფო ინტერესების წინააღმდეგ, ეს რა თქმა უნდა, სამართლებრივადაც შეფასდეს, როგორც მტრული საქმიანობა“.

ასე უპასუხა, “ფორმულას” კითხვას: დანაშაულია თუ არა საერთაშორისო მედიასთან თანამშრომლობა და თუ არა, როგორ ახსნის, რომ სუსმა გამოძიების ერთ-ერთ მუხლად შეარჩია მტრულ საქმიანობაში დახმარება? “ქართული ოცნების” პრემიერ-მინისტრმა, ირაკლი კობახიძემ.

პედიატრი კონსტანტინე ჩახუნაშვილი, რომელიც BBC-ის ჟურნალისტურ საგამოძიებო ფილმში ფიგურირებს, ”ოცნების” სახელმწიფო უსაფრთხოების სამსახურმა გამოკითხვაზე დაიბარა.

“სუს-ში დამიბარეს გამოკითხვაზე, ახლა მოდიან უწყების ჩასაბარებლად ციციშვილის კლინიკაში (მოსამართლესთან გამოკითხვა მოვითხოვე).” – ნათქვამია მის Facebook პოსტში.

გამოცემა BBC მოპოვებულ მტკიცებულებებზე დაყრდნობით გამოაქვეყნა გამოძიება, რომ გასულ წელს ქართული ოცნების რეჟიმმა ანტისამთავრობო და პროევროპული საპროტესტო აქციების დასარბევად პირველი მსოფლიო ომის დროინდელი ქიმიური იარაღი გამოიყენა.

“ჩვენ ვიცავთ ჩვენს ჟურნალისტურ სამუშაოს და მადლობას ვუხდით მონაწილე მამაც კონტრიბუტორებს!” – ასე პასუობს, “ფორმულასთან” , BBC- ი “ქართული ოცნების” დავის წამოწყებას მათ წინააღმდეგ.

“ჩვენი დოკუმენტური ფილმი, “როდესაც წყალი გწვავს: ბრძოლა საქართველოსთვის”, რომელიც ჯილდოს მფლობელმა BBC EYE-ს გუნდმა მოამზადა, თბილისში შარშან, დემონსტრანტების წინააღმდეგ საქართველოს მთავრობის ქმედებების გამოძიებაა. ის მოიცავს არაერთი წყაროს მტკიცებულებას, როგორც ქვეყნის შიგნით, ასევე მის ფარგლებს გარეთ – მათ შორისაა თავად დემონსტრანტების, არაერთი ინფორმატორის, გაეროს ექსპერტების და საქართველოში მომუშავე ექსპერტების ჩვენებები, ასევე სამედიცინო კვლევები, წერილობითი საბუთები და ანგარიშები. ეს რეპორტაჟი მტკიცედ ემსახურება საზოგადოების ინტერესს და შეგროვებული მტკიცებულებები აუდიტორიას ნათლად წარედგინა. ჩვენ ვიცავთ ჩვენს ჟურნალისტურ სამუშაოს და მადლობას ვუხდით მონაწილე მამაც კონტრიბუტორებს”. – ვკითხულობთ მათ განცხადებაში.

“მნიშვნელოვანია, რომ მე-11 კლასი პროფილური გავხადოთ. ამიტომ, მე-11 კლასში ე.წ. რეპეტიტორიუმი შემოგვაქვს – რითიც, ბავშვებს შესაძლებლობა ექნებათ, რომ მხოლოდ ის საგნები ისწავლონ, რაც ეროვნულ გამოცდებზე უნდა ჩააბარონ. ეს ინტენსიური, 1-წლიანი სასწავლო პროგრამა იქნება, რომელიც მოსწავლეებს საშუალებას მისცემს, რომ მაქსიმალურად ჩაერთონ”

აცხადებს ივანიშვილის განათლების მინისტრი, გივი მიქანაძე.

”საქართველოს მთავრობა მომიტინგეების დასაშლელად ტოქსიკურ ქიმიურ ნივთიერებას იყენებს. ზემოქმედება კვირების განმავლობაში გრძელდება. სისასტიკის ახალი დონე. ერთადერთი კითხვა ის არის, თავად მოიგონეს ეს თუ რუსმა უფროსებმა დაავალეს,” 

ასე ეხმაურება, მაგნიტსკის აქტის შემქმნელი, სერ უილიამ ბროუდერი BBC-ის მიერ ჩატარებულ გამოძიებას.

„მაგნიტსკის აქტი“,  2012 წელს, ამერიკის კონგრესის მიერ მიღებული კანონია, რომელმაც სანქციები დაუწესა 2009 წელს რუსი ბიზნესმენის, სერგეი მაგნიტსკის სიკვდილში დამნაშავე რუს მოხელეებს. წლების განმავლობაში აქტის ადრესატების სია გაფართოვდა და ამჟამად მასში 650-ზე მეტი ადამიანის სახელია შესული. „მაგნიტსკის სიაში“ ხვდებიან ადამიანები, რომლებიც, შეერთებული შტატების ხელისუფლების კვლევებით, მონაწილენი არიან ადამიანის უფლებათა სერიოზულ დარღვევებსა და კორუფციაში.

შეერთებული შტატების სახაზინო დეპარტამენტმა 2024 წლის 16 სექტემბერს სანქციები დაუწესა საქართველოს კიდევ ოთხ მოქალაქეს – ორ მოქმედ მაღალჩინოსანსა და ძალადობრივი ექსტრემისტული ჯგუფის ორ ლიდერს. ესენი არიან:

• ზვიად „ხარება“ ხარაზიშვილი, შსს-ს განსაკუთრებულ დავალებათა დეპარტამენტის დირექტორი;
• მილერი ლაგაზაური, „ხარებას“ მოადგილე;
• კონსტანტინე (კოკა) მორგოშია, ულტრამემარჯვენე, ძალადობრივი მოწოდებებით ცნობილი „ალტ-ინფოს“ ლიდერი;
• ზურაბ მახარაძე, ასევე „ალტ-ინფოს“ ლიდერი.

„ჩვენც ახლახან ვნახეთ მედიაში გავრცელებული ინფორმაცია დემონსტრანტების წინააღმდეგ ქიმიური იარაღის გამოყენების შესახებ. ასე რომ, თუ ეს სიმართლე აღმოჩნდება, ეს მიუღებელი იქნება. ჩვენ ველოდებით სწრაფ, გამჭვირვალე და სანდო გამოძიებას ამ ბრალდებებთან დაკავშირებით“,

ასე ეხმაურბეა, ევროკომისიის პრესსპიკერის, ანიტა ჰიპერი BBC- ის მიერ გავრცელებულ ინფორმაციას, რომლის მიხედვით, ქართულმა ოცნებამ მომიტინგეების წინააღმდეგ ქიმიური იარაღი გამოიყენა.

პარტია თავისუფლების მოედანი BBC-ის მიერ ჩატარებულ გამოძიებას ეხმაურება და აცხადებს, რომ  ქიმიური იარაღის გამოყენება კაცობრიობის წინაშე ჩადენილი დანაშაულია და ასეთი რამ საქართველოში არ მომხდარა 1989 წლის 9 აპრილის შემდეგ. პარტიის ინფორმაციით, იწყებენ მზადებას საერთაშორისო გამოძიების უზრუნველსაყოფად, რათა ქიმიური იარაღის გამოყენებაში მონაწილე ყველა პირმა პასუხი აგოს.

“ქიმიური იარაღის გამოყენება კაცობრიობის წინაშე ჩადენილი დანაშაულია! მსგავსი დანაშაული საქართველოს ისტორიაში გვახსოვს მხოლოდ 1989 წლის 9 აპრილს რუსების მხრიდან.

ჩვენ ვიწყებთ მზადებას საერთაშორისო გამოძიების უზრუნველსაყოფად და თანამშრომლობას ყველა დემოკრატიულ პოლიტიკურ ძალასთან და ექსპერტთა ჯგუფთან. ყველაფერს გავაკეთებთ იმისათვის, რომ ბიძინა ივანიშვილმა პასუხი აგოს სისხლის სამართლის საერთაშორისო სასამართლოში.

ყველა ის ადამიანი, რომელიც მონაწილეობას იღებდა ათი ათასობით მშვიდობიანი დემონასტრანტის წინააღდეგ ქიმიური იარაღის გამოყენაბაში, პასუხს აგებს ყველა შესაბამისი საერთაშორისო მექანიზმებით!

ჩადენილი დანაშაულის სიმძიმეს ემატება ქიმიური იარაღის მჭიდროდ დასახლებულ ზონაში გამოყენება, სადაც არის სკოლა და ზიანი მიადგა არამხოლოდ დემონსტრანტებს, არამედ საფრთხე შეექმნა სკოლის მოსწავლეებს და იმ ტერიტორიაზე მცხოვრებ მოქალაქეებს.

არცერთი დაზარალებული არ დარჩება უყურადღებოდ!

არცერთი ფაქტი არ ჩაიფარცხება!

და არცერთი გადაწყვეტილების მიმღები არ დარჩება დაუსჯელი!” – ნათქვამია თავისუფლების მოედნის განცხადებაში.

გამოცემა BBC მოპოვებულ მტკიცებულებებზე დაყრდნობით წერს, რომ გასულ წელს ქართულმა ოცნებამ, პროევროპული საპროტესტო აქციების დასარბევად პირველი მსოფლიო ომის დროინდელი ქიმიური იარაღი გამოიყენა.

„ეს არის ჩვეულებრივი სისულელე. ხედავთ, როგორ მიდის შეტევა ჩვენს ქვეყანაზე – თუკი რაიმე სიბინძურე შეიძლება, ყველაფერს კადრულობენ, ყველაფერს აკეთებენ, რათა გაავრცელონ ინფორმაციები, რომელიც მხოლოდ ტყუილით არის გაჯერებული. არ ვიცი, საერთოდ ღირს თუ არა სერიოზული პასუხის გაცემა ამ ტიპის სისულელეებზე“,

ამის შესახებ კახა კალაძემ ჟურნალისტებს განუცხადა.

შეგახსენებთ, რომ BBC-მ გამოაქვეყნა ვრცელი სტატია. გამოცემის მიერ მოპოვებული მტკიცებულებები მიუთითებს, რომ გასულ წელს საქართველოს ხელისუფლებამ ანტისახელისუფლებო დემონსტრაციების დასაშლელად პირველი მსოფლიო ომის დროინდელი ქიმიური ნივთიერება გამოიყენა.