Category: სლაიდერი

უკრაინა კურსკის ოლქში კიდევ ერთ დასახლებას აკონტროლებს – ამის შესახებ, უკრაინის შეიარაღებული ძალების მეთაურმა, გენერალ-ლეიტენანტმა ოლექსანდრ სირსკიმ, ქვეყნის მეთაურს, ვოლოდიმირ ზელენსკის უკვე აცნობა.

ზელენსკის თქმით, მან სუმის სასაზღვრო ზოლი მოინახულა და შეიარაღებული ძალების მეთაურთან, ასევე სუმის სამხედრო ადმინისტრაციის ხელმძღვანელთან სამუშაო შეხვედრა გამართა.

“შეიარაღებული ძალების მეთაურმა აქტიური მოქმედებების ყველა რაიონში ოპერატიული ვითარების შესახებ მომაწოდა ინფორმაცია, მათ შორის ფრონტის ყველაზე მძიმე მიმართულებებზეც. მაცნობა იმ ნაბიჯების შესახებ, რომელსაც ტორეცკისა და პაკროვის მიმართულებებზე თავდაცვის მიმართულებით ვდგამთ. კურსკის რაიონის გარკვეულ  რაიონებში უკრაინის კონტროლის ქვეშ მოექცა კიდევ ერთი დასახლებული პუნქტი, ასევე გაიზარდა ტყვეების გაცვლითი ფონდი. რაც შეეხება სუმის ოლქში სიტუაციას [რომელიც კურსკის საზღვართან არის] შეინიშნება რუსების მხრიდან თავდასხმების კლება”, – ამბობს ვოლოდიმირ ზელენსკი.

კიდევ ერთხელ დადასტურდა, რომ ქართული ოცნება არის შუღლის, დაპირისპირების და ქაოსის პარტია, რომელსაც არაფერი არ აქვს შესათავაზებელი ქართველი ხალხისთვის. ჩვენ, კოალიცია ცვლილებისთვის, არ ვაპირებთ განხილვას რა ილაპარაკა ადამიანმა, რომელიც მოსახლეობასთანაც შუშის ბარიერებს იშენებს და საკუთარ გუნდთანაც, საკუთარ გუნდსაც ელაპარაკება შუშის ბარიერებიდან. ეს არის ზუსტად ქართული ოცნების საქართველო, როცა ოლიგარქია და უსამართლოდ და უსაფუძვლოდ გამდიდრებულები შუშის ბარიერიდან ელაპარაკებიან მოსახლეობას.

აცხადებს კოალიცია ცვლილებებისთვის ერთ-ერთი ლიდერი ნიკა გვარამია და ბიძინა ივანიშვილის გუშინდელ გამოსვლას ეხმაურება.

რასაკვირველია, როგორც რუსეთის ვასალი, რუსეთის მიერ დარღვეულ ტერიტორიულ მთლიანობას ქართველი ხალხის გასაბრიყვებლად იყენებს.

ამისთვისაც დააქუცმაცა საქართველო რუსეთმა, რომ ტერიტორიული მთლიანობის თემით საქართველო აშანტაჟოს და საქართველოს თავისუფალ სამყაროში ინტეგრაცია შეაჩეროს!

ამ საბჭოთა ლეშის პროპაგანდას საფუძველს მთლიანად აცლის ფედერალისტების კამპანია – ბუჩამდე იყო აფხაზეთი!

ჩვენს გამოძიებას ვინც ნახავს, პოლიტიკოსების გარეშე, მსხვერპლის ნაამბობით მიხვდება, რას ნიშნავს დასავლეთისგან იზოლაცია და რუსეთის პირისპირ დარჩენა.

ჩვენი გამოძიება ნათელს ხდის, რომ 1992-1993 წელს საქართველოში რუსეთ-საქართველოს ომი იყო – რომელშიც მონაწილეობდა რუსეთის რეგულარული არმია, რუსი გენერლები, ავიაცია, ფლოტი, ის სამხედრო დაჯგუფებები, ვინც დღეს უკრაინაში ჩადის გენოციდს.

ჩვენი გამოძიება ნათელყოფს, რომ რუსეთმა აფხაზეთში ჩაიდინა ქართველების – ბავშვების, ქალების, მოხუცების, შშმ პირების გენოციდი სწორედ იმიტომ, რომ ივანიშვილის მსგავს საბჭოთა ლეშებს საქართველოს დასავლეთში ინტეგრაცია არ დაეშვათ!

ჩვენი გამოძიება ნათელყოფს, რომ დაასავლეთისგან იზოლაცია, არათუ მშვიდობას, არამედ მთელი საქართველოს დაკარგვას, საქართველოს სუვერენიტეტის დაკარგვას, მეტ მსხვერპლს და ჩვენ და სხვის ომში ათიათასობით დაღუპულ ქართველს ნიშნავს – აფხაზეთის ომის შედეგად დსთ-ში შეგვათრიეს და ძალოვანი მინისტრები რუსეთმა დაგვინიშნა!

ბუჩამდე იყო აფხაზეთი არის საუკეთესო პასუხი ამ საბჭოთა ლეშის სამარცხვინო მცდელობაზე, გააბრიყვოს ქართველი ხალხი!

და ბოლოს – ჯერ კიდევ 10 წლის წინ, ვერ ვიფიქრებდი რომ დევნილ გვარამიას, “პუტინის პატიმარ” სააკაშვილს და კეზერაშვილს, რომელიც ქართულ ჯარს ხელმძღვანელობდა რუსეთ საქართველოს 2008 წლის ომში, ისე გააფარჩაკებდა და ისე გაანადგურებდა მორალურად ეს საბჭოთა ლეში, რომ “ბუჩამდე იყო აფხაზეთს” ეს უგვანი სამშობლოს მტრები დაბლოკავდნენ, და სალომე ზურაბიშვილი აიღებდა და დროშად დაიჭერდა.

ამით დიდი სიბრძნე მივიღე!

ასე ეხმაურება, ფედერალისტების ლიდერი თამარ ჩერგოლეიშვილი ბიძინა ივანიშვილის განცხადებას.