Category: სლაიდერი

ჯანმრთელობის მდგომარეობა დამაკმაყოფილებელი და სტაბილურია. მასზე მონიტორინგი მიმდინარეობს უწყვეტ რეჟიმში. ლაბორატორიული კვლევები ტარდება პრაქტიკულად ყოველდღიურად. მნიშვნელოვანი სახის ცვლილებები არ აღინიშნება – აცხადებს სპეციალური პენიტენციური სამსახურის სამედიცინო დეპარტამენტის უფროსი მალხაზ ურთქმელიძე მზია ამაღლობელთან დაკავშირებით, რომელიც უკვე 20 დღეა შიმშილობს.

ბრალდებულს ყოველდღიურად ხვდება სახალხო დამცველის წარმომადგენელი და ეცნობა მის ჯანმრთელობის მდგომარეობას. ინფორმაცია ასევე ხელმისაწვდომია ადვოკატისთვისაც, მისი მხრიდან მოთხოვნის შემთხვევაში.

კიდევ ერთხელ აღვნიშნავთ, რომ ჩვენთვის ნებისმიერი პატიმრის უსაფრთხოება და ჯანმრთელობაზე ზრუნვა პრიორიტეტულია. ამ ეტაპზე, მზია ამაღლობელის სიცოცხლე საფრთხეში არ არის. მის ჯანმრთელობაზე ზრუნვა კვლავ გაგრძელდება უწყვეტ რეჟიმში.

მოვუწოდებთ მზია ამაღლობელს შეწყვიტოს შიმშილობა მისი ჯანმრთელობის საუკეთესო ინტერესებიდან გამომდინარე.” – ამბობს ურთქმელიძე.

რეალურად, ჩვენი მეგობარი ქვეყანა, უკრაინა გაწირეს – და რისთვის? ეს ძალიან დიდი კითხვის ნიშანია. ყოველგვარი შედეგის გარეშე. შედეგი არის ერთადერთი: ეს არის განადგურებული უკრაინა; მისი ტერიტორიების 20%-ის დაკარგვა; ელექტროენერგიის გენერაციის ნახევარზე მეტის დაკარგვა და არაფერს ვამბობ მთავარ ტრაგიკულ მოვლენაზე, ეს არის ასიათასობით დაღუპული უკრაინელი. ეს ყველაფერი რისთვის გაკეთდა, ამაზე პასუხი არავის აქვს. თუმცა, რა თქმა უნდა, პასუხი არსებობს – იყო რაღაც გლობალური ინტერესები, უმახინჯესი, მანკიერი ინტერესები, რასაც უკრაინა შეეწირა.

თქვა “ოცნების” პრემიერმინისტრმა, ირაკლი კობახიძემ ჟურნალისტებთან საუბარში.

თანაინვესტირების ფონდის ყოფილი ხელმძღვანელის, გიორგი ბაჩიაშვილი აცხადებს, რომ ოლიგარქ ბიძინა ივანიშვილს 150-კაციანი სია აქვს, რომლებიც უნდა დააპატიმრონ ან ქვეყნიდან გააძევონ.

“სიაზე მაქვს ინფორმაცია. მე ვერ დავასახელებ სახელებსა და გვარებს, საიდან მაქვს ეს ინფორმაცია, თუმცა შიგნიდან არის და მიდის მუშაობა იმაზე, რომ გამოავლინონ ბოლომდე ის ხალხი, ვისი დაჭერის შემთხვევაშიც მათი აზრით, ჩაიხშობა საყოველთაო პროცესი. [..]ყველა ის ადამიანი, რომელიც არის ამ პროტესტის სახე დღეს, მაგრამ ყოველთვის, რამდენიც არ უნდა დააკავონ, ყოველთვის ახალი ხალხი წამოიწევს ზედაპირზე, რადგან აქ არავის არც ფულს უხდიან და არც ვინმეს გულისთვის დგანან. [..] ყველანაირი სიბინძურე მზადდება, იგეგმება პროვოკაციები, ძალისმიერ მეთოდებზე საუბარი –  დაშინება, დევნა, მოსყიდვა”, – თქვა ბაჩიაშვილმა.

“როდესაც საუბარია კონკრეტულად მზია ამაღლობელზე,  პასუხისმგებლობა უნდა აიღონ მისმა დონორებმა. თქვენ იცით, რომ ის არის უცხოეთიდან დაფინანსებული პირი. მისი ორგანიზაციები ფინანსდება უცხოეთიდან და არც ერთი მისი დონორი არ იღებს პასუხისმგებლობას იმ ძალადობაზე, რომელიც ამ ქალბატონმა განახორციელა პოლიციელის წინააღმდეგ. ყველა მისი დონორი, თითოეული თანხის ჩამდები მის ორგანიზაციებში არის პასუხისმგებელი იმ პარტიულ პოლიტიკურ ძალადობაზე, რომელიც განახორციელა მზია ამაღლობელმა. შესაბამისად. თუ ვინმეს უნდა რაიმეზე საუბარი, პირველ რიგში მოინანიონ და გამოხატონ სინანული ძალადობის წახალისებისათვის. რაც შეეხება ჩვენს პოზიციას, მე კიდევ ერთხელ შემიძლია ვთქვა, რომ მზად ვარ შეხვედრისთვის, მთავარია, ეს შეხვედრა იყოს საქმიანი და დეტალებთან დაკავშირებით ვისაუბრებთ”

ამბობს ივანიშვილის პრემიერი კობახიძე.

“EU სრულ სოლიდარობას უცხადებს ყველა უსამართლოდ დაკავებულს და მათი გათავისუფლებისკენ მოუწოდებს” – საქართველოში ევროკავშირის ელჩი, პაველ ჰერჩინსკი მიმდინარე საპროტესტო აქციებზე დაკავებულების ოჯახის წევრებსა და მეგობრებს შეხვდა. ამის შესახებ ინფორმაცია X-ზე ევროკავშირის დელეგაციამ გამოაქვეყნა.

ყოველი დაკავებულის უკან ოჯახები და მეგობრები დგანან, რომლებიც ასევე უზარმაზარ სირთულეებს განიცდიან. ჩვენი საერთო დემოკრატიული ღირებულებების დაცვის გამო არავინ არ უნდა ისჯებოდეს. ევროკავშირი სრულ სოლიდარობას უცხადებს ყველა უსამართლოდ დაკავებულს და მათი გათავისუფლებისკენ მოუწოდებს. სამართლიანობამ უნდა გაიმარჯვოს. დაუსჯელობა უნდა დასრულდეს.” -წერია განცხადებაში.

„მედიის თავისუფლების კოალიციის“ წევრი 14 ქვეყნის საელჩო მზია ამაღლობელის შესახებ ერთობლივ განცხადებას ავრცელებს, სადაც აღნიშნულია, რომ ის დაუყოვნებლივ უნდა გათავისუფლდეს და მისი საქმე გადაიხედოს.  განცხადების ავტორების თქმით, შეშფოთებულები არიან, რომ აქციის მონაწილეების მიმართ სისტემურ ძალადობის შემდეგ, არც ერთ პოლიციელს არ შეუჩერდა სამსახურებრივი უფლებამოსილება.

„მედიის თავისუფლების კოალიციის” წევრები უკიდურესად შეშფოთებულნი არიან მზია ამაღლობელის მდგომარეობით, რომელიც უკვე 19 დღეა შიმშილობს. როგორც ადამიანის უფლებათა საკითხებში ევროპის საბჭოს კომისარმა აღნიშნა, მისი წინასწარი პატიმრობა დაუსაბუთებელია. ეს კიდევ ერთი შემაშფოთებელი მაგალითია საქართველოში ჟურნალისტების დაშინების, რაც ზღუდავს მედიის თავისუფლებისა და გამოხატვის უფლებას. მზია დაუყოვნებლივ უნდა გათავისუფლდეს, ხოლო მისი საქმე გადაიხედოს.

ამასთანავე, ჩვენ შეშფოთებულები ვართ იმით, რომ სისტემური ძალადობის შემდეგ აქციების მონაწილეების მიმართ, ჯერ კიდევ არც ერთ პოლიციელს არ შეუჩერდა სამსახურებრივი უფლებამოსილება ან მიცემულა პასუხისგებაში. შეგახსენებთ, „მედიის თავისუფლების კოალიციის“ 20 დეკემბრის განცხადებას და მოვუწოდებთ საქართველოს ხელისუფლებას უზრუნველყოს იმ ჟურნალისტთა უფლებები, რომლებმაც სამსახურებრივი მოვალეობის შესრულების დროს პროტესტის გაშუქებისას პოლიციის მხრიდან ძალის გადამეტება განიცადეს”.

ხელმომწერები:

ავსტრიის;
ჩეხეთის;
დანიის;
ესტონეთის;
საფრანგეთის;
გერმანიის;
ლატვიის;
ლიეტუვას;
ნიდერლანდების;
ნორვეგიის;
შვედეთის;
შვეიცარიის;
გაერთიანებული სამეფოს;
უკრაინის საელჩოები.

„კიდევ ერთხელ ვაჩვენეთ ყველას, რომ ვართ დამოუკიდებელი ქვეყანა, თავისუფალი, სუვერენული სახელმწიფო. თავისუფლების მოყვარული ხალხი ვართ და არავის მივცემთ შესაძლებლობას, შეურაცხყოფა მოგვაყენოს, ყოველთვის გვაშანტაჟონ და გაკეთდეს ისეთი განცხადებები, რომლებიც ტყუილზე, სიცრუეზეა დაფუძნებული. ბოლო თვეების, წლების განმავლობაში, ვხედავთ: ყველგან ბრიუსელის ბიუროკრატია, არსად სამართალი. ეს არის დღევანდელი მოცემულობა. არავის მიეცემა შესაძლებლობა, ჩვენი სამშობლო, სხვადასხვა მიზეზითა და მიზნით, აშანტაჟოს და შეურაცხყოფა მიაყენოს. ეს იყო ღირსეული ნაბიჯი. ყოველთვის დავიცავთ ჩვენი ქვეყნის სუვერენიტეტს, დამოუკიდებლობას. კეთილი უნდა ინებოს ყველამ, არ აქვს მნიშვნელობა, ბრიუსელი იქნება თუ რომელიმე სხვა ქვეყანა, პატივი სცეს საქართველოს სახელმწიფოს და ქართველ ხალხს“,

განაცხადა ამის შესახებ თბილისის მერმა, კახა კალაძემ.