Category: სლაიდერი

“მე ვთვლი, რომ კრემლის ლიდერმა საკუთარი ლიდერობის დემონსტრაცია უნდა მოახდინოს და თუ მზადაა მოლაპარაკებებისთვის, მაშინ უნდა შემხვდეს ყოველგვარი წინაპირობისა და მსგავსი რაღაცების გარეშე. მოდი, შევხვდეთ. ჩვენ ახლა ანკარაში ვართ. ამის შემდეგ ვგზავნით ჯგუფს სტამბოლში. აქ ის არ არის, არც სტამბოლში არაა. ჩვენ ხომ არ შეგვიძლია მთელ მსოფლიოში ვირბინოთ და ეს ადამიანი ვეძებოთ..[…] მე ვთვლი, რომ ახლა აშშ და თურქეთი უპატივცემულობას გრძნობენ. არც შეხვედრის დრო, არც შეხვედრის დღის წესრიგი, არც დელეგაციის მაღალი დონე – ეს პირადი უპატივცემულობაა. აღარაფერს ვამბობ იმაზე, რომ რუსები ჩვენ პატივს არ გვცემენ, ეს ისედაც მესმის, თუმცა ეს გრძნობა სარკისებურია… უპატივცემულობა აქვთ ერდოღანის მიმართ, ტრამპის მიმართ. ტრამპი გზავნის ადამიანთა დიდ ჯგუფს, სახელმწიფო მდივან რუბიოს. იქნება სახელმწიფო მდივანი რუბიო, იქნება თურქეთის საგარეო საქმეთა მინისტრი, იქნება უკრაინის საგარეო საქმეთა მინისტრი, სადაა შესაბამისი ადამიანი რუსეთის ფედერაციიდან? ეს უპატივცემულობაა არამხოლოდ უკრაინის, არამედ ყველას მიმართ, პირველ რიგში თურქეთის მიმართ, რადგან შეხვედრა აქ იმართება.”

განაცხადა უკრაინის პრეზიდენტმა, ვოლოდიმირ ზელენსკიმ ვლადიმერ პუტინზე საუბრისას.

“გადავწყვიტე, ჩვენი დელეგაცია სტამბოლში გავგზავნო, მას თავდაცვის მინისტრი უხელმძღვანელებს… ის იქ პარასკევს, 16 მაისსაც დარჩება. მოლაპარაკებების მთავარი მიზანი ცეცხლის შეწყვეტაა… დელეგაციის საკმაოდ დაბალი დონის გათვალისწინებით, რუსეთის ფედერაცია სტამბოლის მოლაპარაკებებს სერიოზულად არ აღიქვამს… ჩვენ პუტინს უნდა შევხვდეთ, ჩვენ აქ ვართ [ანკარაში], მაგრამ ის აქ არაა, არც სტამბოლში. ჩვენ არ შეგვიძლია მის საძებნელად მთელ მსოფლიოში ვიაროთ”

ამის შესახებ უკრაინის პრეზიდენტმა, ვოლოდიმირ ზელენსკიმ თურქეთის პრეზიდენტ, რეჯეფ თაიფ ერდოღანთან შეხვედრის შემდეგ განაცხადა.

”რუსეთ-უკრაინასთან დაკავშირებით არაფერი მოხდება, ვიდრე პუტინს არ შევხვდები[…] არაფერი მოხდება, სანამ ჩემი და პუტინის შეხვედრა არ შედგება. რა თქმა უნდა, ის არ ჩავიდოდა თუ მე იქ არ ვიქნებოდი“,

ამის შესახებ აშშ-ის პრეზიდენტმა, დონალდ ტრამპმა ჟურნალისტებს თვითმფრინავის ბორტზე განუცხადა.

“თავდაპირველად, ზელენსკი მოითხოვდა, რომ პუტინი პირადად ჩასულიყო. ჰო, საცოდავი ადამიანია. მერე კი უფროსმა მეგობრებმა აუხსნეს, რომ ასე სულელურად არ უნდა იქცეოდეს და საჭიროა მოლაპარაკებების გამართვა,”

განაცხადა რუსეთის საგარეო საქმეთა მინისტრმა სერგეი ლავროვმა.

11 მაისს პუტინმა განაცხადა, რომ უკრაინისგან სტამბოლში პირდაპირი მოლაპარაკებების უპირობო განახლებას ითხოვს. მან კიევს პირდაპირი საუბრების დაწყება 15 მაისიდან შესთავაზა, რის პასუხადაც უკრაინის პრეზიდენტმა ვოლოდიმირ ზელენსკიმ განაცხადა, რომ თურქეთში შესახვედრად პუტინს პირადად დაელოდებოდა.

“ჩვენ ველოდებით “მეგობარი აქტის” დამტკიცებას შეერთებულ შტატებში, რომელიც სანქციების კუთხით ძალიან მნიშვნელოვან მესიჯს ატარებს. წარმომადგენლობითმა პალატამ გადაწყვეტილება უკვე მიიღო და სენატიც იმავეს იტყვის. იმედი მაქვს, რომ პრეზიდენტი ტრამპი ხელს მოაწერს მეგობარი აქტს, რომელიც ჩემი აზრით, იქნება სერიოზული ბიძგი ევროკავშირის წევრი სახელმწიფოებისთვის, რადგან ეს იქნება ძალიან ძლიერი მესიჯი. იმედი მაქვს, წევრი სახელმწიფოები უფრო აქტიურები იქნებიან, ჩვენ ამ ანგარიშში მათაც ვაკრიტიკებთ, რომ საკმარისად აქტიურები არ არიან სანქციების კუთხით და ჩვენ მოვუწოდებთ მათ ეს მოთხოვნა შეასრულონ.

ჩვენ ისევ დავასახელეთ ის ადამიანები, რომლებიც მეტწილად არიან პასუხისმგებელი ამ სიტუაციაზე, ბიძინა ივანიშვილი, ირაკლი კობახიძე, შალვა პაპუაშვილი, ვახტანგ გომელაური, თბილისის მერი კახა კალაძე და ქართული ოცნების პარტიის ყოფილი თავმჯდომარე ირაკლი ღარიბაშვილი. ეს ადამიანები არიან პასუხისმგებელი საქართველოში მდგომარეობის გაუარესებაზე. “ქართულ ოცნებას” არა მხოლოდ ეშინია, სასოწარკვეთილები არიან. ტრამპისთვის გაგზავნილ ღია წერილში სტრიქონებს შორის ამოვიკითხე, რომ ისინი სასოწარკვეთილები არიან და ეს უფრო დიდ მოტივაციას გვაძლევს, რომ მათ წინააღმდეგ ზეწოლა გავაძლიეროთ. გვაშფოთებს, რომ საქართველოში ევროპულ კონტინენტზე კიდევ ერთი დიქტატურა დამყარდება, მჯერა, რომ წარმომადგენლობით პალატაში ეს ყოვლისმომცველი მხარდაჭერა, სერიოზულ შთაბეჭდილებას მოახდენს სენატზე და ისინიც მიიღებენ ამ კანონს”.

ამის შესახებ,  განაცხადა ევროპარლამენტარმა, რასა იუკნევიჩანემ “ტვ პირველთან”.