Category: სლაიდერი

პროევროპულ აქციებზე, ნარკოდანაშაულის ბრალდებით დაკავებული არტემ გრიბულის და ანტონ ჩეჩინის, დვოკატებმა და მეგობრებმა საჯარო განცხადება გაავრცელეს, რომელშიც ისინი დაკავებას “პოლიტიკურ ანგარიშსწორებად” აფასებენ და მოქალაქეებს მოწოდებით მიმართავენ, ნებისმიერი მტკიცებულება – მათ შორის ვიდეო, აუდიო, ან მოწმის ჩვენება – მიაწოდონ, რაც მათ უდანაშაულობას დაადასტურებს.

რუსეთის მოქალაქეები, ანასტასია ზინოვკინა და არტემ გრიბული,  2024 წლის დეკემბერში თბილისში, რუსთაველის გამზირზე მიმდინარე ანტირუსულ აქციებს ჩაისა და ყავის დარიგებით უჭერდნენ მხარს, თითქმის რვა თვეა, დაკავებული ჰყავთ . მათ წინააღმდეგ ნარკოტიკული დანაშაულის ბრალდებით საქმეა აღძრული.

”განცხადება პოლიტიკური პატიმრების საქმის შესახებ

როგორც უკვე საზოგადოებისთვის ცნობილია, რუსული რეჟიმის წინააღმდეგ გამართულ აქციებში მონაწილეობის გამო, არა ერთი ადამიანი იმყოფება უსამართლო ტყვეობაში.

პოლიტიკურ პატიმრებს შორის არიან რუსეთის მოქალაქეები, ანასტასია ზინოვკინა და არტემ გრიბული. ისინი ქაშუეთის ტაძრის წინ, რუსთაველის გამზირზე, უფასო ჩაის და ყავას არიგებდნენ დემონსტრანტებისთვის, რითაც პოლიტიკური რეჟიმისა და რეჟიმის სამსახურში მყოფი ძალოვანი უწყებების ყურადღება მიიქციეს.

2024 წლის 17 დეკემბერს, არტემი და ანასტასია დააკავეს, ძალის გამოყენებით ჩასვეს მანქანაში, ხოლო, მოგვიანებით, მტკიცებულებათა გაყალბების (ე.წ. ჩადების) შემდეგ, ცრუ ბრალი წარუდგინეს ნარკოტიკული დანაშაულის ჩადენისთვის. დაკავების დროს, მოძალადე პოლიციელებმა არაერთხელ მიუთითეს, რომ დაკავებულები სწორედ აქციებში მონაწილეობის გამო ისჯებოდნენ. ანასტასიასა და არტემისთვის წაყენებული ბრალი, სასჯელის სახით, მკაცრ სასჯელს, მათ შორის, უვადო თავისუფლების აღკვეთასაც ითვალისწინებს.

დაკავების დროს, როცა პოლიციაში დასაქმებულმა ფალსიფიკატორებმა კანონით დადგენილი წესები დაარღვიეს და მტკიცებულებები გააყალბეს, ადგილზე იმყოფებოდა რამდენიმე მოქალაქე, რომლებმაც, შესაძლოა, მობილურის საშუალებით გადაიღეს მიმდინარე პროცესი და არსებული კანონდარღვევები. მათ ტერიტორია დატოვეს პოლიციის მუქარის შემდეგ, თუმცა, შესაძლოა, მოახერხეს ვიდეოჩანაწერების შენარჩუნება.

პოლიტპატიმრები დააკავეს 2024 წლის 17 დეკემბერს, ვახტანგ ჩიქოვანის N1-სა და ბუდაპეშტის N48-ს მიმდებარედ, მაღაზიათა ქსელთან „ორი ნაბიჯი“.

იმისთვის, რომ უდანაშაულო ადამიანების სიმართლე დადასტურდეს, სასიცოცხლოდ მნიშვნელოვანია, რომ მოპოვებული იქნეს მტკიცებულება, რომელიც ობიექტურად ასახავს დაკავების დროს განვითარებულ მოვლენებს. ეს შეიძლება იყოს ვიდეო/აუდიო ჩანაწერი, მოწმის ჩვენება ან/და პოლიციელთა მიერ კანონდარღვევის ამსახველი სხვა მტკიცებულება.

რეალური სურათის აღდგენა დაგვეხმარება, რომ დავადასტუროთ უდანაშაულო ადამიანების სიმართლე, რომელთაც მოძალადე სისტემა სასტიკად სჯის.

სწორედ ამ მიზნით, ვუხმობთ იმ ადამიან(ებ)ს, ვისაც ინფორმაცია აქვს მომხდარის შესახებ და ვთხოვთ მათ ხელთ არსებული ინფორმაციის/მტკიცებულებების მოწოდებას.

ამასთან, არტემისა და ანასტასიას მეგობრების, მათი ქართველი გულშემატივრებისა და უბრალოდ, საკუთარი სამშობლოს პატრიოტთა მხარდაჭერით, ვაწესებთ ჯილდოს საქმის წარმოებაში (სასამართლოში) გამოსაყენებელი ღირებული ინფორმაციის ან/და მტკიცებულების მოწოდებისთვის.

ნებისმიერი პირი, რომელიც ამგვარ ინფორმაციას/მტკიცებულებას მოგვაწვდის, მათი სასამართლოში გამოყენების შემთხვევაში, მიიღებს ფულად ჯილდოს, 10 000 ლარამდე. ასევე, სრულად იქნება უზრუნველყოფილი ანონიმურობა.

ამასთან, კარგად გვესმის, რომ ასეთ შემთხვევებში, ადამიანის მთავარი მოტივაცია მისი ღირსება და სინდისია, თუმცა, გვსურს, მცირედით მაინც გამოვხატოთ ჩვენი მადლიერება კეთილსინდისიერი ადამიანების მიმართ.

დასაკავშირებლად და ვიდეოს ანონიმურად გამოსაგზავნად შეგიძლიათ გამოიყენოთ შემდეგი ელფოსტა: [email protected]

ან დაგვიკავშირდეთ ნომერზე: 599 50 13 86 მანანა”

”მომივიდა ზუსტი ინფორმაცია: ივანიშვილის მაფიოზური სუსი აპირებს ახალ დიდ პროვოკაციას – ნაციონალური მოძრაობის, განსაკუთრებით ლევან ხაბეიშვილის დადანაშაულებას შეიარაღებული გადატრიალების მცდელობაში, ლიდერშიფის დიდი ნაწილის დაპატიმრებას და ბრალის წაყენებას სახელმწიფო გადატრიალებისთვის.

ამისთვის გამოიყენებს ფალსიფიკაციის თანამედროვე მეთოდებს. კატეგორიულად ვაცხადებ, რომ მეც და ჩემი თანამებრძოლებიც კატეგორიულად უარვყოფთ ყველანაირ ძალადობრივ ქმედებებს.

ჩვენი ამოცანაა მაქსიმალურად ფართო საპროტესტო ფრონტის შექმნა და შემტევითი, ოღონდ მშვიდობიანი ქმედებებით ხელისუფლების შეცვლა. ყველა, ვინც სხვა რამეს ქადაგებს, ან ივანიშვილის მოგზავნილია, ან – უბრალოდ პროვოკატორი.”

წერს საქართველოს მესამე პრეზიდენტი მიხეილ სააკაშვილი სოციალურ ქსელში.

”კორუფცია უნდა იქნას განხილული, როგორც ქვეყნის ღალატი – პირადად მე გამოვრიცხავ, რომ ირაკლი ღარიბაშვილი შეიძლება რაიმე ცუდ საქმეში იყოს ჩართული, თუმცა ჩემი გამორიცხვა არ ნიშნავს, რომ გამოძიება ამ კუთხით უნდა გაჩერდეს” – ეს განცხადება პარლამენტის პირველმა ვიცე-სპიკერმა გია ვოლსკიმ თავდაცვის სამინისტროს ყოფილი მაღალჩინოსნების დაპატიმრებაზე დასმული კითხვის პასუხად გააკეთა.

“რასაკვირველია, ვინმეს დაჭერა-დაკავება თვითმიზანი არ არის. კორუფცია, ვისგანაც არ უნდა მოდიოდეს, ის საკითხია, რაც ქვეყანას ანგრევს. ეს იმ დონეზე უნდა იქნას განხილული, როგორიცაა ქვეყნის ღალატი და პასუხისმგებლობას უნდა გრძნობდეს ნებისმიერი ადამიანი რა წარმომავლობისაც არ უნდა იყოს და რომელ პოლიტიკურ გუნდშიც არ უნდა იყოს. ეს პასუხისმგებლობა ოპოზიციაში ითარგმნება, როგორც კლანებს შორის დაპირისპირება. არის არა კლანების დაპირისპირება, არამედ საქართველოს ინტერესების დაპირისპირება იმასთან, რასაც კორუფცია ჰქვია. აქ სხვა არაფერი არ არის. ვის გვართანაც არ უნდა მიდიოდეს – რა გვარისა და რა წარმომავლობის ადამიანიც არ უნდა იყოს, ქვეყნის წინაშე ღალატის ეს დონე, რასაც მასშტაბური კორუფციის ხელშეწყობა და მასში ჩართულობა ჰქვია, დაუსჯელი არ დარჩება! გადახედეთ რეიტინგებს – კორუფციასთან ბრძოლაში საქართველო მათ შორის ევროკავშირის არაერთ ქვეყანას მნიშვნელოვნად უსწრებს წინ.[…] მე გამომძიებელი არა ვარ, მაგრამ კლასიკა იმას მოითხოვს, რომ ყველაფერი შეფასდება. რასაკვირველია, არავინ უყურადღებოდ არ დარჩება, მაგრამ ირაკლი ღარიბაშვილის მიმართულებით კითხვების დასმა, გვარების წამოწევა, რასაკვირველია, გარკვეულ პოლიტიკურ მიზანს ემსახურება. ეს რაიმე მზაკვრული გეგმა არ არის – ეს ჩვეულებრივი ამბავია და კრიტიკულმა მედიამ ასე უნდა ისაუბროს, მაგრამ ამის უკან არის გარკვეული აზრი და გეგმა, რომ როგორმე ხელისუფლების მიმართ უნდობლობა შეიქმნას.

ჩვენთვის არც ერთ გვარს, არც ერთ თანამდებობას მნიშვნელობა არა აქვს, თუკი ეს სახელმწიფოს ინტერესებს უპირისპირდება.

საერთოდ, არასდროს არაფერი არ უნდა გამორიცხო! პირადად მე გამოვრიცხავ, რომ ამაში კიდევ ვიღაც ადამიანები შეიძლება იყვნენ ჩართული, მაგრამ ჩემი გამორიცხვა იმას არ ნიშნავს, რომ გამოძიება ამ მიმართულებით უნდა გაჩერდეს. ჩემი პირადი განწყობა და ის, რომ გამოვრიცხავ იმას, რომ ირაკლი ღარიბაშვილი შეიძლება რაიმე ცუდ საქმეში იყოს ჩართული, თუმცა ეს იმას არ ნიშნავს, რომ გამოძიებამ წესები უნდა დაარღვიოს. თუკი საჭიროა გია ვოლსკის, ირაკლი ღარიბაშვილის თუ ვისიც გინდა, გამოკითხვა, ამაზე გამოძიება უკან არ დაიხევს“, – განაცხადა გია ვოლსკიმ.

იმერეთში, ხონში მიტოვებული ჩვილი იპოვეს -ადგილობრივი გამოცემა მეგა TV-ს ინფორმაციით, ჩვილი ქუთაისში გადაიყვანეს.

გამოძიება სისხლის სამართლის კოდექსის 128-ე მუხლით მიმდინარეობს, რაც განსაცდელში მიტოვებას გულისხმობს.

“ალეკო ელისაშვილი კი არა, დიმიტრი გელოვანი ვერ შეცვლის ამომრჩეველთა განწყობას, რომ 4 ოქტომბრის არჩევნები რუსული სპეცოპერაციაა და ივანიშვილისთვის ლეგიტიმაციის მიცემას ემსახურება” – ამის შესახებ „ერთიანი ნაციონალური მოძრაობის“ ერთ-ერთმა ლიდერმა ლევან სანიკიძემ „გორბის“ კვლევასთან დაკავშირებით განაცხადა.

„ლელო“ და გახარია ამბობდნენ, რომ თვითმმართველობის არჩევნებში არ შევიდოდნენ, ხშირად ჩვენზე უფრო მძიმე რიტორიკა ჰქონდათ „ლელოს“ წარმომადგენლებს, ამბობდნენ, რომ ეს ბრძოლის ღალატი იქნებოდა, ასევე ამბობდნენ, რომ ვინც პარლამენტში დარჩა პუტინის თამაშს თამაშობს, თუმცა ყველაფერი გადათქვეს. ამბობდნენ, რომ ლეღვის ფოთოლი იქნებოდა, ვინ ამ პირობით შევა [არჩევნებში]. რას ამბობდნენ და რას არ ამბობდნენ, ნეიტრალურ კანდიდატს დააყენებენ თუ პარტიულს, მეასე ხარისხოვანია. რაც შეეხება ალეკოს, მე არ მგონია, რომ ქვეყანაში ვინმე დადიოდეს, არა თუ ალეკო ელისაშვილი, რომელიც იმ საზოგადოებრივ განწყობას შეცვლის, რომელიც პროდასავლურ ამომრჩევლებში არსებობს. როცა 70%-ზე მეტი ამბობს, რომ აპრიორი ეს არჩევნებში რუსული სპეცოპერაციაა და ივანიშვილისთვის ლეგიტიმაციის მიცემას ემსახურება, ალეკო ელისაშვილი კი არა, დიმიტრი გელოვანი ვერ შეცვლის ამ განწყობას.

ამ ყველაფერს მე როგორც დოღს – მეორე ადგილისთვის, ისე ვუყურებ. თუ ვინ გავა მეორე ადგილას და ვის ექნება მთავარი ოპოზიციური პარტიის მანტია, როგორც „გორბმა“ დაწერა ეს რიცხვები, ისე დაწერენ საარჩევნოდაც. როგორ წარმოგიდგენიათ, როცა ჩვენ ვამბობთ, რომ ეს პარტიები ივანიშვილისთვის ლეგიტიმაციის თამაშებში მონაწილეობენ, ჩვენი მხარდაჭერა ექნებათ?

მე არ მგონია, რომ ალეკო ელისაშვილის პოზიციის ცვლილების რაიმე ობიექტური გარემოება არსებობდეს. უარესი ცესკო, უფრო მეტი პოლიტპატიმარი, საზოგადოებრივი განწყობა უფრო ანტისაარჩევნოა, ამიტომ რა არის მათი მოტივაცია, ალეკო ელისაშვილს ჰკითხეთ, რადგან უფრო და უფრო იშვიათად ისმის მათ რიტორიკაში სიტყვა – “გამარჯვება”. პარტია, რომელსაც პრეტენზია აქვს, რომ ივანიშვილს დამარცხებითა და გამოგლეჯით დაიწყო, ახლა სიტყვა – გამარჯვებას ვერ იყენებს.

ჩვენ მსჯელობას ვიწყებთ ასე – 4 ოქტომბერს არ ტარდება არჩევნები, როგორც ვერ გააკონტროლებენ იმას თუ რას დაწერს „გორბი“, ისე ვერ გააკონტროლებ, რას დაწერს ცესკო და რა რიცხვი მოუნდება ბიძინა ივანიშვილს, რომ შენი პარტიული ნომრის გვერდით გამოსახოს. 4 ოქტომბერს ტარდება რუსული სპეცოპერაცია, რომლის მიზანიც ბიძინა ივანიშვილისთვის ლეგიტიმაციის მიცემა, სიტუაციის ნორმალიზაციაა და ამას საპროტესტო ტალღის გაძლიერებასთან არანაირი კავშირი არ აქვს. პირიქით, ვინც ე.წ. არჩევნებში მონაწილეობას აღიარებს, რომ პროტესტის არ სჯერა.

შესაბამისად, ჩვენი პოზიცია იყო, არის და იქნება – რასაც პრაგმატული აზროვნება და ქართველი ხალხის ინტერესი გვკარნახობს, ზუსტად იმ ნაბიჯს გადავდგამთ“,- განაცხადა ლევან სანიკიძემ.

სასამართლომ თავდაცვის მინისტრის ყოფილ მოადგილეს, გიორგი ხაინდრავას, ამავე სამინისტროს შესყიდვების დეპარტამენტის ყოფილი უფროსს, ვლადიმერ ღუდუშაურსა და ჯუანშერ ბურჭულაძის ცოლის ძმას, ვასილ მხეიძესაღკვეთის ღონისძიების სახით წინასწარი პატიმრობა შეუფარდა.  მოსამართლემ სასამართლო პროცესზე განაცადა, რომ ბრალდებულების მხრიდან მტკიცებულებათა განადგურების, მოწმეებზე ზემოქმედების ან მიმალვის საფრთხე არსებობს.

ხაინდრავა და აღნიშნული კიდევ 2 პირი 27 ივლისს დააკავეს.

მათ სამსახურებრივი მდგომარეობის გამოყენებით, თავდაცვის სამინისტროს კუთვნილი დიდი ოდენობით თანხის გაფლანგვა და გაფლანგვაში დახმარება ედებათ.

„ანტიამერიკული პარტია „ქართული ოცნება“ კომუნისტურ ჩინეთს კვლავ პატივს მიაგებს, რომელსაც ახასიათებს, როგორც „ზესახელმწიფოს, რომელსაც უნდა მიბაძო“. “MEGOBARI აქტი” საჭიროა, რათა აშშ-მა შუა დერეფნით ვაჭრობასა და კრიტიკულ მინერალებზე წვდომა შეინარჩუნოს და ქართველებს ძნელად მოპოვებული თავისუფლების შენარჩუნებაში დაეხმაროს“,

ამის შესახებ აშშ-ის ჰელსინკის კომისიის თანათავმჯდომარე, კონგრესმენი ჯო უილსონი (რესპუბლიკური პარტია) X-ის საკუთარ გვერდზე წერს.