მზია ამაღლობელს ახლახან მიუსაჯეს 2 წლით თავისუფლების აღკვეთა. ეს არ არის მხოლოდ ამ შესანიშნავ ჟურნალისტზე პოლიტიკური დევნა. მზია გახდა ევროპული მომავლისთვის საქართველოს ბრძოლის სიმბოლო. ივანიშვილის რეჟიმი თავისუფლებასა და დემოკრატიას უფრო სწრაფად ანადგურებს, ვიდრე ეს კრემლმა გააკეთა რუსეთში.
წერს ამის შესახებ, ევროპარლამენტარი რასა იუკნევიჩიენე X-ზე.
24 დიპლომატიური წარმომადგენლობა საქართველოში ბათუმელებისა და ნეტგაზეთის დამფუძნებლის მზია ამაღლობელის მიმართ გამოტანილ სასამართლო გადაწყვეტილებასთან დაკავშირებით ერთობლივ განცხადებას ავრცელებს.
“ჩვენ, ავსტრიის, ბელგიის, კანადის, ჩეხეთის, დანიის, ესტონეთის, ევროკავშირის, ფინეთის, საფრანგეთის, გერმანიის, ისლანდიის, ირლანდიის, იტალიის, ლატვიის, ლიეტუვის, ლუქსემბურგის, ნიდერლანდების, ნორვეგიის, პოლონეთის, რუმინეთის, ესპანეთის, შვედეთის, უკრაინისა და დიდი ბრიტანეთის დიპლომატიური წარმომადგენლობები, რომლებიც წარმოვადგენთ მედიის თავისუფლების კოალიციის წევრ ქვეყნებსა და მოკავშირე დიპლომატიურ წარმომადგენლობებს საქართველოში, ვგმობთ მზია ამაღლობელის მიმართ გამოტანილ არაპროპორციულ და პოლიტიზირებულ განაჩენს, რომლითაც მას 2 წლით პატიმრობა მიესაჯა.
მზია ამაღლობელის საქმე დამატებით დაამძიმა მისმა გაჭიანურებლმა წინასწარმა პატიმრობამ, როდესაც მისი ჯანმრთელობის მდგომარეობა და განსაკუთრებით მისი მხედველობა მნიშვნელოვნად გაუარესდა.
მზია ამაღლობელის საქმე და “ბათუმელებსა” და “ნეტგაზეთზე” განხორციელებული ზეწოლა საქართველოში ჟურნალისტების მზარდი დაშინების, დაუსჯელი ძალადობისა და სამართლებრივი დევნის მაგალითია, მედიის თავისუფლებისა და გამოხატვის თავისუფლების დაცვის კუთხით საქართველოს მიერ აღებული საერთაშორისო ვალდებულებების აშკარა დარღვევის გზით.
ჩვენ კიდევ ერთხელ ვიმეორებთ 2024 წლის 20 დეკემბერს მედიის თავისუფლების კოალიციის მიერ გავრცელებული განცხადების გზავნილს, ვგმობთ ჟურნალისტებსა და მედიის წარმომადგენლებზე ყველანაირ ძალადობასა და მათ დაშინებას.
ჩვენ სოლიდარობას ვუცხადებთ მზია ამაღლობელს და მოვუწოდებთ მის დაუყოვნებლივ გათავისუფლებას!”, – ვკითხულობთ განცხადებაში.
ბათუმელებისა და ნეტგაზეთის დამფუძნებელს, სინდისის პატიმარ მზია ამაღლობელს 2 წლიანი პატიმრობა მიესაჯა. გადაწყვეტილება მოსამართლე ნინო სახელაშვილმა გამოაცხადა.
მან ჟურნალიტს წარდგენილი მუხლი გადაუკვალიფიცირა.
დღეს ბათუმის საქალაქო სასამართლოში მზია ამაღლობელის 7-თვიანი საქმის განხილვა დასრულდა.
მზია ამაღლობელს ბათუმის პოლიციის უფროსის, ირაკლი დგებუაძისთვის სახეში სილის გაწვნის გამო პოლიციელზე თავდასხმას ედავებოდნენ და ბრალი სისხლის სამართლის კოდექსის 353¹ მუხლის პირველი ნაწილით ჰქონდა წარდგენილი, თუმცა მოსამართლე ნინო სახელაშვილმა ბრალი გადააკვალიფიცირა და მზია ამაღლობელი დამნაშავედ ცნო სისხლის სამართლის კოდექსის 353-ე მუხლის საფუძველზე (წინააღმდეგობა, მუქარა ან ძალადობა საზოგადოებრივი წესრიგის დამცველის ან ხელისუფლების სხვა წარმომადგენლის მიმართ), რაც ითვალისწინებს ჯარიმას ან შინაპატიმრობას ვადით ორ წლამდე ანდა თავისუფლების აღკვეთას 2-დან 6 წლამდე.
სასამართლომ „კოალიცია ცვლილებისთვის“ ერთ-ერთი ლიდერი, ნიკა მელია კვლავ პატიმრობაში დატოვა – ბრალდების მხარემ აღნიშნა, რომ არსებობს მტკიცებულებების განადგურების, მიმალვისა და ახალი დანაშაულის ჩადენის რისკი.
დაცვის მხარემ მოსთხოვა პატიმრობის გაუქმება, თუმცა მოსამართლე ნატო ხუჯაძემ ბრალდების მხარის პოზიცია გაიზიარა.
”ელისაშვილზე პოლიტიკური დევნა როგორც ქვეყნის შიგნით, ისე მის გარეთ დაიწყო, რუსეთი მას უკრაინელი ხალხის დაცვას არ პატიობს”- ამის შესახებ, ნათქვამია კოალიცია „ლელო-ძლიერი საქართველოს“ მიერ გავრცელებულ განცხადებაში.
„კოალიცია „ლელო-ძლიერი საქართველოს“ ლიდერზე, ალეკო ელისაშვილზე მიმდინარე პოლიტიკური დევნის ოპერაციაში უკვე რუსეთის პროკურატურა ჩაერთო.
„ქართული ოცნების“ ბატონმა დღეს ახალი განკარგულება გასცა – პუტინის რუსეთმა ალეკო ელისაშვილის წინააღმდეგ საერთაშორისო ძებნა გამოაცხადა.
ახლა ელისაშვილზე პოლიტიკური დევნა, როგორც ქვეყნის შიგნით, ისე მის გარეთაც დაიწყო! რუსეთი მას უკრაინელი ხალხის დაცვას არ პატიობს!
„ლელო-ძლიერი საქართველოს“ პოლიტიკური გუნდი მტკიცედ ვდგავართ ჩვენი პოლიტიკური ლიდერის გვერდით და არ დავუშვებთ ალეკო ელისაშვილის მიმართ ანტიკონსტიტუციური ქმედების განხორციელებას, რისი მცდელობაც დამფრთხალი „ქართული ოცნების“ მხრიდან დარწმუნებულები ვართ იქნება!
სრული მხარდაჭერა ალეკო ელისაშვილს! დიდება უკრაინას! ცეცხლი რუსულ ოლიგარქიას!“,- აღნიშნულია განცხადებაში.
„პირველ რიგში, ჩემს კოლეგა მზია ამაღლობელს უნდა გამოვუცხადო ძალიან დიდი სოლიდარობა. მზია ამაღლობელი თავისი საქციელით სამაგალითოა. როცა ვსაუბრობთ ღირსეულ ქალზე, აუცილებლად უნდა ვახსენო ნინო დათაშვილი, რომელსაც სისტემა ძალიან უსამართლოდ ექცევა.
თუ ვინმეს ბოდიში აქვს მოსახდელი, აქვს რეჟიმს იმ ახალგაზრდებისთვის, რომლებიც სასიკვდილოდ გაწირეს. ასევე, ბოდიში აქვს მოსახდელი რეჟიმს თითოეული – 60-ზე მეტი პატიმრისთვის. ქვეყნის გაუბედურებისთვის, ბევრი ადამიანის შეურაცხყოფისთვის.
მოდის ძალიან ბევრი ხმა, რომ რაღაცებს გვთხოვენ. ერთხელ და სამუდამოდ – ბოდიშს მოვიხდი კი არა, ეს სიმართლე კიდევ უფრო ხმამაღალი იქნება, ჩვენი ხმა მისწვდება კოსმოსს“,
ამის შესახებ საპროტესტო აქციებში მონაწილეობის გამო დაკავებულმა ჟურნალისტმა ნიკა კაციამ სასამართლო დარბაზში, ჩვენების მიცემამდე განაცხადა.
რეალურად, ოპოზიციას საკმაოდ ბევრი მაშველი რგოლი გადმოუგდეს, თუმცა არც ერთმა არ უშველა, გამომდინარე იქიდან, რომ საზოგადოება ხედავს ამ ყველაფერს. მთავარია, საზოგადოების შეფასება ყველაფერთან დაკავშირებით. თუ რომელიმე აქტში, მაგალითად, ევროპარლამენტის რეზოლუციაში, ან იგივე MEGOBARI Act-ში არის ასახული ცრუ ინფორმაცია, ამას ვერავითარი ფასი ვერ ექნება, ბუნებრივია, ქართული საზოგადოებისთვის. აბსოლუტურად გაცვდა ყველა სიცრუე, რომელიც ქართველი ხალხის წინააღმდეგ ვრცელდებოდა კონკრეტული ინსტიტუტების მხრიდან. ამიტომ, თუ ვინმეს იმედი აქვს, რომ MEGOBARI Act-ს რაიმე ეფექტი შეიძლება ჰქონდეს, რა თქმა უნდა, ძალიან ცდება. ქართული საზოგადოება აფასებს არა გარეთ დამტკიცებულ დოკუმენტებს, არამედ იმას, თუ რამდენად არის ამ დოკუმენტებში ასახული სიმართლე.
თქვა ”ოცნების” პრემიერმა ირაკლი კობახიძემ.
„პირველი აღიარება უკვე მოვისმინეთ. რეალურად, აღიარებულია ის, რომ ხაზარაძე კონკრეტული გარიგების საფუძველზე გადასახადებს არ იხდიდა, თუმცა კიდევ უფრო საინტერესოა, არსებობდა თუ არა რეალურად ასეთი გარიგება. ეს არის მთავარი კითხვა, რომელსაც პასუხი უნდა გაეცეს. რეალურად, მართლა გადასახადის არ გადახდას ჰქონდა ადგილი თუ სინამდვილეში არ იყო არავითარი ფინანსური გარიგება, რომელიც უკავშირდებოდა ამ კონკრეტული ქონების დაქირავებას. ეს არის მთავარი კითხვა ახლა. პირველი აღიარება მოვისმინეთ, თუმცა შეიძლება უფრო საინტერესო აღმოჩნდეს მეორე აღიარება, რომელიც მომავალში შეგვიძლია მოვისმინოთ“,
ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს, შემოსავლების სამსახურის განცხადების საპასუხოდ განუცხადა, რომელიც გერმანიის ელჩის, პეტერ ფიშერის მიერ „ლელო-ძლიერი საქართველოს“ ლიდერის, მამუკა ხაზარაძის ოჯახის საკუთრებაში არსებული ბინის ქირაობის საკითხზე მოკვლევის დაწყებას შეეხებოდა.
საქართველოს არცერთხელ არ უთქვამს, რომ ის ევროკავშირთან ინტეგრაციაზე უარს ამბობს და ამასთან დაკავშირებით, მათ საქართველოს ხელისუფლებისგან რაიმე კონკრეტულად გაკეთებული განცხადება არ გააჩნიათ.
სინამდვილეში, ისინი იმ დესტრუქციულ პოლიტიკას აგრძელებენ, რომელიც, სამწუხაროდ, საქართველოს მიმართ გამოიჩინეს – მათ შორის, არჩევნებთან დაკავშირებითაც. არჩევნების წინა პერიოდი, არჩევნები და მისი შემდგომი პერიოდი. საქართველოს მიმართ ეს სიტყვიერი შანტაჟი გრძელდება. სწორედ ეს არის დანიის ხელისუფლების განცხადების რეალური მოტივაცია და შინაარსი.
შემოსავლების სამსახური ადასტურებს, გავრცელებულ ინფორმაციას, რომლის მიხედვით 15 000 ტონა რუსული საწვავი ტანკერით ბათუმში შემოიტანეს, მაგრამ ამასთანავე აღნიშნავენ რომ სანქცირებული არც ტვირთია და არც გემი.
“გემსა და გემის მფლობელ კომპანიაზე არ ვრცელდება საერთაშორისო სანქციები. ამასთან, შემოსავლების სამსახურის მიერ გადამოწმების შედეგად, დადგინდა, რომ საერთაშორისო სანქციები არც ტვირთზე ვრცელდება, ვინაიდან საქონლის ფასი არ აღემატება სანქციებით დაწესებული ფასის ზედა ზღვარს”, – აცხადებენ შემოსავლების სამსახურში
ამასთან დაკავშირებით, ინფორმაცია, დღეს დილით ენმ-ს ერთ-ერთმა ლიდერმა ლევან ხაბეიშვილმა გაავრცელა.
“ივანიშვილი არ ჩერდება! ამ წუთებში ბათუმის პორტში დგას ნავთობტანკერი – “Capibara”, რომელიც დატვირთულია 15 000 ტონა “Газпром нефть”-ის სანქცირებული დიზელით. მომწოდებელი შუამავალი ოფშორული კომპანია “BONEX”-ია. ამ სქემით და ერთი გემით, მინიმუმ 5 მილიონ ლარს მოიგებს ივანიშვილი…”, – განაცხხადა ლევან ხაბეიშვილმა და სქემის ხელმძღვანელობაში სუს-ის უფროსი ანრი ოხანაშვილი დაადანაშაულა.