“დღეს ყველამ იცის, მაგრამ ვერ ბედავენ ამის თქმას, რომ ევროკავშირის სტრატეგია რუსეთ-უკრაინის ომთან დაკავშირებით ჩავარდა. ყველა სამხედრო ექსპერტი ამბობს, რომ უკრაინა ფრონტზე ვერ გაიმარჯვებს. რუსები არ წააგებენ, საჭიროა გეგმა B”
აცხადებს უნგრეთის პრემიერმინისტრი ვიქტორ ორბანი.
„პალესტინაში გენოციდის მმართველ ამერიკელ სახელმწიფო მოღვაწეებს გულწრფელად ვეუბნები: ჩვენ არ მივესალმებით ომის გაფართოებას რეგიონში, მაგრამ თუ ღაზაში გენოციდი გაგრძელდება, ეს ცეცხლი არც აშშ-ს დაინდობს. ეს ჩვენი სახლია და დასავლეთ აზია ჩვენი რეგიონია. ჩვენ კომპრომისზე არცერთ მხარესთან არ მივდივართ და არ გვაქვს დათქმა, როცა საქმე ეხება ჩვენი სახლის უსაფრთხოებას. გენოციდი ღაზაში დაუყოვნებლივ უნდა შეწყდეს. სასწრაფოდ უნდა შეწყდეს ღაზის მოსახლეობის იძულებითი გადაადგილება. დღეს ღაზა ელოდება სასწრაფო და სასიცოცხლო მნიშვნელობის ჰუმანიტარულ დახმარებას. საერთაშორისო სამართლის მიხედვით, პალესტინის განმათავისუფლებელი მოძრაობა „ჰამასი“ ებრძვის ოკუპაციას და აქვს ლეგიტიმური უფლება…
ჩვენი მოლაპარაკებების თანახმად, „ჰამასი“ მზადაა, გაათავისუფლოს მშვიდობიანი პატიმრები. მეორე მხრივ, მსოფლიომ მხარი უნდა დაუჭიროს ისრაელის ციხეებში მყოფი 6 000 პალესტინელის გათავისუფლებას. ირანი მზადაა, კატართან და თურქეთთან ერთად, თავისი როლი შეასრულოს ამ ძალიან მნიშვნელოვან ჰუმანიტარულ წამოწყებაში. ბუნებრივია, 6 000 პალესტინელი პატიმრის გათავისუფლება გლობალური საზოგადოების კიდევ ერთი აუცილებლობა და პასუხისმგებლობაა”.
ამის შესახებ ირანის საგარეო საქმეთა მინისტრი, ჰოსეინ ამირაბდოლაჰიანი საუბრობს.
თეთრი სახლის ეროვნული უშიშროების საბჭოს კოორდინატორის, ჯონ კირბის განცხადებით, რუსულ არმიაში მეთაურები ჯარისკაცებს დაუმორჩილებლობისთვის სიკვდილით სჯიან.
ისრაელის თავდაცვის ძალები (IDF) აცხადებს, რომ ღაზას სექტორში “ჰამასის” ერთ-ერთი ლიდერი, ჰასან ალ-აბდულა მოკლეს. ჰასან ალ-აბდულა სარაკეტო თავდასხმებზე იყო პასუხისმგებელი.
IDF ამბობს, რომ შეტევა მას შემდეგ განხორციელდა, რაც ისრაელის თავდაცვის ძალებმა ალ-აბდულას ადგილმდებარეობის შესახებ ინფორმაცია დაზვერვისგან მიიღეს.
როგორც ცნობილია, საჰაერო თავდასხმებს “ჰამასის” ტერორისტული ორგანიზაციის კიდევ რამდენიმე წევრი შეეწირა.
IDF says it has eliminated the head of Hamas’s North Khan Yunis rocket array, Hassan Al-Abdullah. It adds that several more Hamas members were struck, among other sites belonging to the terror group. pic.twitter.com/s4EsfgFKXk
— Emanuel (Mannie) Fabian (@manniefabian) October 26, 2023
აშშ-ს პრეზიდენტმა ჯო ბაიდენმა თქვა, რომ არ ენდობა პალესტინის მხარის მიერ მოწოდებულ მონაცემებს ღაზას სექტორში დაღუპულთა რაოდენობის შესახებ.
ღაზას ჯანდაცვის სამინისტროს თანახმად, რომელიც ჰამასის ნაწილია, ისრაელის თავდასხმების შედეგად 7 ოქტომბრის შემდეგ დაიღუპა 6,500 პალესტინელი. ეს უწყება ღაზაში დაღუპულთა რაოდენობის შესახებ ინფორმაციის ერთადერთი წყაროა და არ გვაწვდის დაღუპულთა სიებს ან ამ მონაცემების სხვა დადასტურებას.
თეთრ სახლში გამართულ პრესკონფერენციაზე აშშ-ს პრეზიდენტს ჰკითხეს, ნიშნავს თუ არა მსხვერპლის ასეთი რაოდენობა, რომელთა შორის ჰამასის ინფორმაციის მიხედვით დაახლოებით 2700 ბავშვია, რომ ისრაელი უგულებელყოფს აშშ-ს მოთხოვნებს პალესტინის ანკლავის მშვიდობიან მოსახლეობაში მსხვერპლის მინიმიზაციის შესახებ.
„წარმოდგენა არ მაქვს, ამბობენ თუ არა პალესტინელები სიმართლეს იმის შესახებ, თუ რამდენი ადამიანი დაიღუპა. ეჭვი არ მეპარება, რომ დაღუპულებს შორის არიან უდანაშაულო ადამიანები, მაგრამ ეს არის ომის დაწყების ფასი. ისრაელელები წარმოუდგენლად ფრთხილად უნდა იყვნენ, რომ ფოკუსირდნენ ზუსტად იმ ბიჭებზე, რომლებმაც დაიწყეს ეს ომი ისრაელის წინააღმდეგ. და როდესაც ასე არ ხდება, ეს აბსოლუტურად არ შედის ისრაელის ინტერესებში. თუმცა, მე არ ვარ დარწმუნებული იმ ციფრებში, რომლებსაც პალესტინელები იყენებენ“, – დასძინა ამერიკის პრეზიდენტმა.
ბაიდენს არ უსაუბრბია ღაზას სექტორში დაღუპულთა რიცხვის მიმართ სკეპტიციზმის მიზეზებზე.
ღაზადან საერთაშორისო მედიის ფოტოგრაფების მიერ გავრცელებულ სურათებზე ჩანს ბევრი დაღუპული და დაჭრილი, მათ შორის ბავშვები და მოზარდები, მაგრამ სურათები არ იძლევა წარმოდგენას მთლიანი შესაძლო რაოდენობის შესახებ და არც იმაზე, თუ რამდენი მათგანი მოხვდა ისრაელის დარტყმების ქვეშ და რამდენი დაიღუპა თავად პალესტინელების მიერ რაკეტების წარუმატებელი გაშვების შედეგად.
ჰამასი ამტკიცებს, რომ მის მიერ მოწოდებული ინფორმაცია ზუსტია. ამავდროულად, დასავლელი დაზვერვის ანალიტიკოსები მივიდნენ დასკვნამდე, რომ, მაგალითად, ალ-აჰლის საავადმყოფოს მახლობლად პალესტინის რაკეტის დაცემის ინციდენტში, ჰამასის განცხადებები თითქმის 500 გარდაცვალების შესახებ, სავარაუდოდ, დაახლოებით ათჯერ იყო გაზვიადებული.
ისრაელის სამხედროები ამტკიცებენ, რომ მათი სამიზნე სამოქალაქო ობიექტები არ არის, და თუ საჭიროა ჰამასის სამხედრო ინფრასტრუქტურაზე დარტყმა, რომელიც ხშირად მდებარეობს საცხოვრებელ უბნებში, ადგილობრივი მოსახლეობა წინასწარ გაფრთხილებას იღებს.
ისრაელის თავდაცვის ძალებმა განაცხადა, რომ ღაზას სექტორის ჩრდილოეთ ნაწილში ტანკების გამოყენებით მიზანმიმართული რეიდი განახორციელეს.
„ღამის განმავლობაში, IDF-მა ჩაატარა ტანკებით იერიში ჩრდილოეთ ღაზას სექტორში ბრძოლის შემდეგი ფაზებისთვის მომზადების ფარგლებში. რეიდის დასასრულს ჯარისკაცებმა დატოვეს ტერიტორია და დაბრუნდნენ ისრაელის ტერიტორიაზე“, – ნათქვამია მოხსენებაში.
IDF-მა დაამატა, რომ რეიდის დროს სამხედროებმა დაარტყეს „ბევრ ტერორისტული უჯრედს, ინფრასტრუქტურულ ობიექტებს და რაკეტების გამშვებ დანადგარებს“.
მანამდე ისრაელის პრემიერ-მინისტრმა ბენიამინ ნეთანიაჰუმ სატელევიზიო მიმართვაში განაცხადა, რომ ისრაელის თავდაცვის ძალები აგრძელებენ მზადებას სახმელეთო შეჭრისთვის, მაგრამ ოპერაციის დაწყების კონკრეტულ ვადას არ ასახელებენ.
აშშ-ის მენის შტატში, ქალაქ ლუისტონში შეიარაღებულმა მამაკაცმა ცეცხლი გახსნა. გავრცელებული ინფორმაციით, სულ მცირე 22 ადამიანი დაიღუპა და 50-ზე მეტი დაშავდა.
პოლიციის ინფორმაციით, თავდამსხმელი ჯერ კიდევ არ არის განეიტრალებული. პოლიცია აფრთხილებს მოსახლეობას, რომ დამნაშავე შეიარაღებული და უკიდურესად საშიშია.
პოლიციამ ეჭვმიტანილის იდენტიფიცირება შეძლო – ცნობილია, რომ მისი სახელია რობერტ კარდი, ის 40 წლისაა.
როგორც საქალაქო საბჭოს წევრმა რობერტ მაკკარტიმ განუცხადა CNN-ს, ხელისუფლებამ დაადასტურა, რომ დაიღუპა 22 ადამიანი, ასევე “ბევრი, ძალიან ბევრი დაშავდა”.
პოლიციამ განაცხადა, რომ ზარები შევიდა ორი ადგილიდან, Schemengees რესტორნიდან და Sparetime Recreation ბოულინგ ჰოლიდან. მათ შორის მანძილი 6,5 კმ-ია, რაც მანქანით დაახლოებით 10 წუთია.
შტატის სიდიდით მეორე ქალაქის მაცხოვრებლებს ურჩევენ თავი უსაფრთხო ადგილებს შეაფარონ.
ცნობილია, რომ სანამ კრიმინალის ძებნა მიმდინარეობს, ქალაქში სრული ლოქდაუნი გამოცხადდა.
პოლიციამ ეჭვმიტანილის ფოტო გაავრცელა. პოლიციის ცნობით, ინციდენტი “სხვადასხვა ადგილას” მოხდა.
ასევე არსებობს უამრავი, მაგრამ ჯერ დაუდასტურებელი ცნობები, რომ დაშავდა სულ მცირე 50 ადამიანი.
ცენტრალური მეინის სამედიცინო ცენტრმა თქვა, რომ ახდენს რეაგირებას “დიდი სროლის ინციდენტზე დიდი რაოდენობით მსხვერპლით” და კოორდინაციას უწევს ძალისხმევას ახლომდებარე სხვა სამედიცინო დაწესებულებებთან.
მეინის შტატის პოლიციამ სოციალური მედიის X გვერდზე თქვა: ”ლევისტონში აქტიური მსროლელია. მოსახლეობას ვთხოვთ, თავი შეიკავონ გარეთ გამოსვლისგან. გთხოვთ დარჩით თქვენს სახლებში და ჩაკეტეთ კარები.”
ქვეყნის შერიფის ოფისმა გამოაქვეყნა ეჭვმიტანილის ფოტოები – როგორც ჩანს, სათვალთვალო კამერების კადრები და დახმარება ითხოვა მის იდენტიფიცირებაში. გასართობი ცენტრის შესასვლელთან გადაღებულ ავტომატით შეიარაღებულ წვერიან მამაკაცს ყავისფერი ქურთუკი აცვია.
გარდა ამისა, პოლიციამ გაავრცელა თეთრი სამგზავრო მანქანის ფოტო და სთხოვს ყველას, ვისაც ის ეცნობა, პოლიციას დაუკავშირდეს.
თეთრმა სახლმა განაცხადა, რომ პრეზიდენტი ჯო ბაიდენი ინფორმირებულია ინციდენტის შესახებ და განაგრძობის მოვლენების განვითარებისთვის თვალყურის დევნებას.
გაეროს გენერალური მდივანი, ანტონიო გუტერეში აცხადებს, რომ გაეროს უშიშროების საბჭოს სხდომაზე ”ჰამასის” შესახებ მის გუშინდელ განცხადებას არასწორი ინტერპრეტაცია გაუკეთეს.
„შოკირებული ვარ ჩემი ზოგიერთი გუშინდელი განცხადების არასწორი ინტერპრეტაციით. თითქოს, მე „ჰამასის“ ტერაქტებს ვამართლებ, ეს სიცრუეა. პირიქით, გუშინდელი გამოსვლისას, მე მკაფიოდ განვაცხადე, რომ ცალსახად ვგმობ „ჰამასის“ მიერ საშინელ და უპრეცედენტო ტერორისტულ თავდასხმას ისრაელზე. ვერაფერი გაამართლებს მიზანმიმართულ მკვლელობებს, მოქალაქეთა გატაცებებს და სამშვიდობო ობიექტებზე სარაკეტო თავდასხმებს. ნამდვილად, მე ვისაუბრე პალესტინელი ხალხის მწუხარებაზე და ვციტირებ – „პალესტინელი ხალხის მწუხარება ვერ ამართლებს „ჰამასის“ საშინელ თავდასხმებს“, – განაცხადა გუტერეშმა.
ცნობისთვის, გუშინ 24 ოქტომბერს,გაეროს გენერალურმა მდივანმა ანტონიო გუტერეშმა უშიშროების საბჭოს სხდომაზე განაცხადა, რომ “ჰამასის თავდასხმა ვაკუუმში არ მომხდარა, პალესტინელი ხალხი 56-წლიან მახრჩობელა ოკუპაციას ექვემდებარება”.
ანტონიო გუტიერეშის ეს განცხადება, გაეროში ისრაელის ელჩმა, გილად ერდანმა გააკრიტიკა:
მოგვიანებით, გილად ერდანმა გაერო-ს გენერალურ მდივანს, ანტონიო გუტერეშს დაუყოვნებლივ გადადგომისკენ მოუწოდა.
„ჰამასი“ არ არის ტერორისტული ორგანიზაცია, ეს არის მოჯაჰედების ჯგუფი, რომელიც თავის მიწას იცავს.[…]თქვენ შეგიძლიათ დასავლეთთან ერთად „ჰამასი“ ტერორისტულ ორგანიზაციად განიხილოთ. დასავლეთი თქვენთან დიდ ვალშია, მაგრამ თურქეთს თქვენი ვალი არ აქვს“,
ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
“ვაღიაროთ,„ჰამასის“ თავდასხმა ვაკუუმში არ მომხდარა, პალესტინელი ხალხი 56-წლიან მახრჩობელა ოკუპაციას ექვემდებარება” – გაეროს უშიშროების საბჭოს სხდომაზე, გენერალური მდივნის, ანტონიო გუტერეშის ეს განცხადება, ისრაელის ელჩმა, გილად ერდანმა გააკრიტიკა და მისი დაუყოვნებლივ გადადგომა მოითხოვა.
ანტონიო გუტიერეშის ეს განცხადება, გაეროში ისრაელის ელჩმა, გილად ერდანმა გააკრიტიკა:
მოგვიანებით, გილად ერდანმა გაერო-ს გენერალურ მდივანს, ანტონიო გუტერეშს დაუყოვნებლივ გადადგომისკენ მოუწოდა.