Category: მსოფლიო

რუსეთის საგარეო საქმეთა სამინისტრო ეხმიანება დიდი ბრიტანეთის განცხადებას, რომ კრემლი უკრაინის ოკუპაციასა და პრორუსი მმართველის დაყენებას გეგმავს.

სერგეი ლავროვის უწყება აღნიშნულ ინფორმაციას დეზინფორმაციას უწოდებს და ბრიტანეთს მოუწოდებს, შეწყვიტოს პროვოკაციული ქმედებები.

“დეზინფორმაცია, რომელიც ბრიტანეთის საგარეო საქმეთა სამინისტრომ გაავრცელა, მორიგი მტკიცებულებაა იმისა, რომ NATO-ს ქვეყნები, ანგლო-საქსების მეთაურობით, ამძაფრებენ ვითარებას უკრაინის ირგვლივ. ჩვენ მოვუწოდებთ ბრიტანეთის საგარეო საქმეთა სამინისტროს, შეწყვიტოს პროვოკაციული ქმედებები, სისულელეების გავრცელება და ფოკუსირდეს თათარ-მონღოლური უღლის ისტორიის შესწავლაზე”, – ნათქვამია რუსეთის საგარეო საქმეთა სამინისტროს განცხადებაში.

დიდი ბრიტანეთის საგარეო უწყების ცნობით, მათ ასევე გამოააშკარავეს, რომ უკრაინის ლიდერობის პოტენციურ კანდიდატად კრემლი უკრაინელ ყოფილ დეპუტატს, ევგენი მურაევს განიხილავს.

ბრიტანეთის საგარეო საქმეთა სამინისტროს განცხადებით, გამოააშკარავეს გეგმა, რომ რუსეთის მთავრობა უკრაინაში პრორუსი ლიდერის დაყენებას გეგმავს, რადგან ისინი ქვეყანაში შეჭრასა და ოკუპაციას განიხილავენ.

უწყების ცნობით, პოტენციურ კანდიდატად უკრაინელი ყოფილი დეპუტატი, ევგენი მურაევი განიხილება. განცხადებაში ასევე ვკითხულობთ, რომ რუსეთის სადაზვერვო სამსახურები ინარჩუნებენ კავშირებს ყოფილ უკრაინელ პოლიტიკოსებთან, მათ შორის:

• სერგეი არბუზოვთან, რომელიც 2012-2014 წლებში უკრაინის ვიცე-პრემიერი იყო და 2014 წელს პრემიერმინისტრის მოვალეობას ასრულებდა.
• ანდრეი კლუევთან, უშიშროების საბჭოს მდივანი 2010-2012 წლებში, უკრაინის ყოფილი პრეზიდენტის იანუკოვიჩის შტაბის უფროსი.
• ვლადიმირ სივკოვიჩთან, უკრაინის ეროვნული უსაფრთხოებისა და თავდაცვის საბჭოს (RNBO) თავმჯდომარის ყოფილი მოადგილესთან
• მიკოლა აზაროვი, უკრაინის პრემიერმინისტრი 2010-2014 წლებში.

“ზოგიერთ მათგანს აქვს კონტაქტი რუს დაზვერვის ოფიცრებთან, რომლებიც ამჟამად არიან ჩართული უკრაინაზე თავდასხმის დაგეგმვაში”,– აღნიშნულია საგარეო უწყების განცხადებაში.

აღნიშნულ ინფორმაციაზე პასუხად, რუსეთის საგარეო საქმეთა სამინისტრომ მოუწოდა გაერთიანებული სამეფოს საგარეო საქმეთა სამინისტროს, “შეწყვიტოს პროვოკაციებში მონაწილეობა და სისულელეების გავრცელება”.

პუტინსა და უკრაინაზე გაკეთებული განცხადებების შემდეგ, გერმანიის სამხედრო-საზღვაო ძალების სარდალი, ვიცე-ადმირალი კაია-ახიმ შიონბახი თანამდებობიდან გადადგა. აღნიშნულ ინფორმაციას გერმანული მედია ავრცელებს. როგორც ცნობილია შესაბამისი თხოვნით მან გერმანიის თავდაცვის მინისტრს უკვე მიმართა და მოთხოვნა დაკმაყოფილებულია.

ვიცე-ადმირალის გადადგომას წინ უძღოდა მის მიერ გაკეთებული განცხადებები ანექსირებულ ყირიმსა და საქართველოზე. კერძოდ, მან განაცხადა, რომ რუსეთის პრეზიდენტი, ვლადიმერ პუტინი “პატივისცემას იმსახურებს” ხოლო კიევი ყირიმს მოსკოვიდან ვერასდროს დაიბრუნებს. გარდა ამისა მან ასევე  განაცხადა, რომ “უკრაინა ნატოში გაწევრიანების კრიტერიუმებს ვერ აკმაყოფილებს, საქართველოს ალიანსში მიღება კი ჭკვიანური არაა”.

“დონბასი ოკუპირებულია რუსეთის არმიის, თუ როგორც უწოდებენ „სახალხო ლაშქრის“ მიერ. შევხედოთ საქართველოს, რომელიც ნატოში ესწრაფვის გაწევრიანებას. შეესაბამება თუ არა ალიანსის ის კრიტერიუმებს? კი. გონივრულია, თუ არა მისის ნატოს წევრად მიღება? არა“, – განაცხადა გერმანელმა ვიცე-ადმირალმა რამდენიმე საათის წინ. 

“გერმანიამ უნდა შეწყვიტოს პუტინის წახალისება”- უკრაინის საგარეო საქმეთა მინისტრი დმიტრო კულება გერმანიას მოუწოდებს, შეწყვიტოს ერთიანობის დარღვევა და საკუთარი განცხადებებით არ წაახალისოს პუტინის ახალი თავდასხმა უკრაინაზე.  ამის შესახებ კულება Twitter-ზე წერს.

უკრაინის საგარეო საქმეთა მინისტრი, ასევე აღნიშნავს, რომ უკრაინა მადლიერია გერმანიის 2014 წელს გაწეული მხარდაჭერისთვის თუმცა ასევე მათი განცხადებები იმედგამაცრუელებელია.

„გერმანელმა პარტნიორებმა უნდა შეწყვიტონ ასეთი განცხადებებითა და ქმედებებით ერთიანობის შელახვა და ვლადიმერ პუტინის მხრიდან უკრაინაზე ახალი თავდასხმის წახალისება“, – წერს კულება „ტვიტერზე“.

Нещодавні заяви Німеччини щодо неможливості передачі Україні оборонної зброї, зокрема через надання дозволу на це третім сторонам, безперспективності повернення Криму, вагання щодо відключення РФ від SWIFT — не відповідають рівню наших відносин і поточній безпековій ситуації 1/3

— Dmytro Kuleba (@DmytroKuleba) January 22, 2022

ცნობისთვის, გერმანია ესტონეთს, რომელიც NATO-ს წევრი ქვეყანაა, გერმანული წარმოების იარაღის უკრაინისთვის გადაცემის უფლებას არ აძლევს. გერმანიის მთავრობის წარმომადგენლები აცხადებენ, რომ გადაწყვეტილება მოსკოვიდან მომავალი საფრთხის გამო მიიღეს.

აშშ–ის საელჩო კიევში აშშ–ის სახ.დეპს მიმართავს ნაკლებ მნიშნველოვანი თანამშრომლები და მათი ოჯახები უკრაინიდან გაიყვანონ. აღნიშნულ ინფორმაციას, CNN-ი რამდენიმე წყაროზე დაყრდნობით ავრცელებს.

აშშ–ის საელჩო კიევში გამოცემასთან ამ ინფორმაციას ევაკუაციის შესახებ არ ადასუტრებს და CNN–ს ამისამართებს აშშ–ის სახელმწიფო დეპარტამენტთთან.გამოცემის ცნობით, მათ უკრაინის მთავრობასთან დაახლოებულმა პირმა, უთხრა რომ აშშ–მა უკვე აცნობა უკრაინას, რომ ევაკუაცია მომავალ კვირაში დაიწყება. ამავე პირის ინფორმაციით, უკრაინის პრეზიდენტი ვოლოდიმირ ზელენსკი საკითხზე აშშ–ის სახელმწიფო მდივანს ენტონი ბლინკენს ესაუბრა და უთხრა, რომ აშშ–ისგან მსგავსად დრამატული რეაქცია გადაჭარბებულია.

პუტინს “ბოროტების იმპერიის” აღდგენა სურს  – ამის შესახებ რესპუბლიკელი სენატორი როჯერ უიკერი CNN-თან.  სენატორი აცხადებს, რომ შესაძლოა რუსეთმა სახელმწიფო მდივან ენტონი ბლინკენსა და რუსეთის საგარეო საქმეთა მინისტრ სერგეი ლავროვს შორის დიპლომატიური მოლაპარაკებები, დროის გაყვანით მიზნით გამოიყენოს.

“აუცილებელია, ამას შევხედოთ რუსეთის წარსული ქმედებების კონტექსტში: 2014 წელს რუსეთმა დაიპყრო ყირიმი, შემდეგ შეიჭრა უკრაინის აღმოსავლეთ ნაწილში, მანამდე, 2008 წელს შეიჭრა საქართველოს ორ რეგიონში. რუსეთს განაგებს ადამიანი, რომელსაც სურს დაბრუნდეს “ბოროტების იმპერიაში”, რაზედაც რონალდ რეიგანი საუბრობდა”, – თქვა სენატორმა.

სენატორი შეერთებული შტატების პრეზიდენტს, ჯო ბაიდენს აკრიტიკებს და აცხადებს, რომ მან შეცდომა დაუშვა როდესაც, უკრაინაში აშშ-ის ჯარების ცალმხრივი შეყვანა გამორიცხა.

“შეერთებული შტატები, ცხადია, მუდამ უნდა ისწრაფვოდეს დიპლომატიისკენ, მაგრამ ამავე დროს, სწორედ ახლაა იმის დრო, გამოავლინოს მზადყოფნა უკრაინისთვის შეიარაღების მიწოდების თაობაზე, რაც კიევს საშუალებას მისცემს, დაიცვას საკუთარი თავი”, – თქვა სენატორმა.

სერბეთმა გადაწყვიტა ავსტრალიურ–ბრიტანული კონცერნი Rio Tinto დახუროს, რომელიც ქვეყნის დასავლეთში ლითიუმს მოიპოვებს. სერბული პრესის ნაწილი თვლის, რომ ეს ჩოგბურთელ ნოვაკ ჯოკოვიჩის ავსტრალიიდან დეპორტაციას უკავშირდება, თუმცა მთავრობა ამბობს, რომ მიზეზი პროექტის მიმართ ეკოლოგიური მოთხოვნები და სერბი ეკოაქტივისტების პროტესტია, რომელიც მის წინააღმდეგ გასული წლის ბოლოს ილაშქრებდნენ. ასეა თუ ისე, სერბებმა უკვე დაამზადეს უზარმაზარი სამგზავრო ბილეთი, რომელზეც კომპანიის სახელწოდება და მიმართულებაა ასახული.

“ჩარჩო პროეტი“ გაუქმებულია. შესაბამისად ყველა ადმინისტრაციული აქტი და ნებართვები, რომლებიც კომპანია Rio Tinto, უფრო სწორად მის შვილობილ ფირმას, Rio Sava Exploration–ს ეხება ანულირებულია. ჩვენ ამ კომპანიის საქმე სერბეთში დავასრულეთ“– თქვა ქვეყნის პრემიერ მინისტრმა ანა ბრნაბიჩმა .

სერბეთის ეკოლოგიური ორგანიზაციების ასოციაცია, რომელიც საბადოს ათვისების წინააღმდეგ აქტიურად გამოდიოდა, ამ გადაწყვეტილებას საკუთარ დამსახურებად თვლის, თუმცა ბევრი სერბი მთავრობის ამ გადაწყვეტილებას და მისი მიღების დროს, სერბეთსა და ავსტრალიას შორის ცოტა ხნის წინანდელ სკანდალს უკავშირებს. ავსტრალიის ხელისუფლებამ ვაქცინაციის არარსებობისა და არასწორად შევსებული დოკუმენტების გამო ჩოგბურთელი ნოვაკ ჯოკოვიჩი ქვეყნიდან გააძევა.

ბევრი სერბული გამოცემა იყენებს მსგავს სათაურებს – “სერბეთი–ავსტრალია: 1:1“

ქვეყნის პრემიერმა ჟურნალისტებს უთხრა, რომ Rio Tinto არასაკმარის ინფორმაციას აწვდიდა ადგილობრივ მოსახლეობას და სერბეთის მთავრობას პროექტის შესახებ.

“ვთხოვე ადგილობრივებთან კომუნიკაცია გაეუმჯობესებინათ და უკეთ აეხსნათ მათთვის პროექტის გავლენა გარემოზე, თუმცა არანაირი რეაქცია“– თქვა ბრნაბიჩმა.

მან ამ კონფლიქტში ასევე დაადანაშაულა სერბეთის ყოფილი მთავრობის წევრები, რომლებიც ამჟამად ოპოზიციაში არიან, თუმცა სწორედ მათ დროს დაიწყო ეს პროექტი და მათ გასცეს თანხმობა.

ავსტრალიის ხელისუფლებამ განაცხადა, რომ სერბეთის ხელისუფლების გადაწყვეტილება სამწუხაროა:

“ვთვლით, რომ Rio Tinto –ს ინვესტიციები სერბეთში დიდ სარგებელს მოიტანდა “– ციტირებს სააგენტო როიტერი ავსტრალიის ხელისუფლების განცხადებას.

თავად კონცერნმა საკუთარ განცხადებაში სერბეთის ხელისუფლების განცხადებები რაიმე დარღვევის შეახებ უარყო:

“პროექტზე მუშაობისას ყოველთვის ვიცავდით სერბეთის რესპუბლიკის კანონებს“– ამბობს კონცერნი და ხაზს უსვამს, რომ ჯერჯერობით სწავლობს სერბეთის მთავრობის გადაწყვეტილების სამართლებრივ საფუძვლებს და მის შესაძლო შედეგებს.

ლითიუმი აკუმლატორების წარმოებაში ერთ–ერთი მთავარი კომპონენტია. სერბული პროექტი კი Rio Tinto–ს სტრატეგიის მნიშვნელოვანი ნაწილი იყო. ეს კონცერნი მსოფლიო მეტალურგიის და სამთომომპოვებელი მრეწველობის გიგანტია და სურს ელექტრომობილების აკუმლატორებისთვის ნედლეულის წამყვანი მიმწოდეელი გახდეს.

კონცერნი სერბულ პროექტში 2.4 მილიარდი დოლარის ჩადებას აპირებდა, საიდანაც 450 მილიონი დოლარი უკვე ჩაიდო კვლევებისა და მოსამზადებელი სამუშაოებისთვის.

ჯერჯერობით უცნობია, რა ბედი ელის პროექტს. ერთის მხრივ, Rio Tinto–მ შესაძლოა სერბეთის მთავრობას უჩივლოს, მეორეს მხრივ კი ეკოაქტივისტები მოითხოვენ საერთოდ არავისზე აღარ გაიცეს ლითიუმის მოპოვების ნებართვა.

ამერიკის შეერთებული შტატების სამხედრო დახმარების პირველი პარტია უკრაინაში უკვე  ჩავიდა, – ამის შესახებ,  უკრაინაში ამერიკის საელჩო განცხადებას ავრცელებს. ტვირთი მოიცავს 200 000 ფუნტ ლეტალურ იარაღს, საბრძოლო მასალის ჩათვლით.

„პრეზიდენტ ბაიდენის მიერ უკრაინისთვის დამტკიცებული უსაფრთხოების პაკეტის რამდენიმე ნაწილიდან პირველი უკვე კიევშია.

ეს დახმარება ადასტურებს შეერთებული შტატების მტკიცე ერთგულებას უკრაინის თავდაცვის გაძლიერების მიმართ რუსული აგრესიის მზარდ ფონზე“, – ნათქვამია საელჩოს განცხადებაში.

ვაშინგტონმა 200 მილიონ დოლარიანი სამხედრო დახმარების პაკეტი დეკემბერში დაამტკიცა.

The Wall Street Journal-ის ინფორმაციით, გერმანია ესტონეთს, რომელიც NATO-ს წევრი ქვეყანაა, გერმანული წარმოების იარაღის უკრაინისთვის გადაცემის უფლებას არ აძლევს. გერმანიის მთავრობის წარმომადგენლები აცხადებენ, რომ გადაწყვეტილება მოსკოვიდან მომავალი საფრთხის გამო მიიღეს.

“შეიარაღების ექსპორტის პრინციპი ერთია, მოდის ის პირდაპირ გერმანიიდან, თუ მესამე ქვეყნიდან. ამ მხრივ ჯერ ნებართვა არ გაცემულა. შეუძლებელია პროცესის შედეგების გამოთვლა”, – თქვა WSJ-სთან გერმანიის მთავრობის წარმომადგენელმა იარაღის ექსპორტის ნებართვასა და უკრაინა-რუსეთის დაძაბულ ვითარებაზე.

საუბარია D-30 ტიპის ქვემეხებზე, რომლებიც საბჭოთა კავშირში დაამზადეს და  განლაგებული იყო ყოფილ აღმოსავლეთ გერმანიაში-გერმანიის დემოკრატიულ რესპუბლიკაში. 1990 წელს ამ ქვემეხების ექსპორტირება ბერლინმა ფინეთში მოახდინა, რომელიც შემდეგ 2009 წელს, ესტონეთს გადაეცა.