Category: კულტურა

საქართველოს კინოაკადემიის პრეზიდენტი, ზაზა ურუშაძე თანამდებობას ტოვებს. ურუშაძის  მიმართვა საქართველოს კინოაკადემიის წევრებისადმი სოციალურ ქსელში  გავრცელდა.

“კოლეგებო, ბოლო დროს განვითარებული თქვენთვის კარგად ცნობილი მოვლენებიდან გამომდინარე, რამაც ჩემთვის მიუღებელი ფორმა მიიღო, გადავწყვიტე, რომ გადავდგე და დღეიდან ვტოვებ თანამდებობას.
არანაირი სურვილი აღარ მაქვს, მონაწილეობა მივიღო იმ არაჯანსაღ პროცესებში, რომლებიც ბოლო დროს განვითარდა კინოაკადემიაში და პრინციპულად მიუღებელია ჩემთვის.
ნათლად გავაცნობიერე, რომ ურთიერთდაპირისპირებისა და ინტრიგების ფონზე მოგებას ფასი აღარ აქვს.
მინდა, მადლობა გადავუხადო კინოაკადემიის თითოეულ თანამშრომელს, რომლებმაც მართლაც შესანიშნავად, პროფესიონალურად იმუშავეს. მადლობელი ვარ ჩემი მხარდამჭერების და ბოდიშს ვუხდი იმ ადამიანებს, რომლებსაც ჩემმა ამ გადაწყვეტილებამ შესაძლოა, იმედი გაუცრუოს.
და ბოლოს – ჩემი აზრით, აუცილებელია კინოაკადემიის გაახალგაზრდავება, რაც შეიძლება, მეტი ახალგაზრდა უნდა გაწევრიანდეს ამ ორგანიზაციაში, რადგან, დარწმუნებული ვარ, სწორედ ამ შემთხვევაში ექნება პერსპექტივა საქართველოს კინოაკადემიას”-წერს ზაზა ურუშაძე

შეგახსენებთ, რომ 2 აგვისტოს საქართველოს კინოაკადემიის ყრილობაზე ხმაური იყო. აკადემიის წევრების ნაწილი ზაზა ურუშაძის ვადაზე ადრე გათავისუფლებას მოითხოვდა. სხდომა არასაკმარისი რაოდენობის წევრების გამო ჩაიშალა.

ფილმ “მარტო სახლშის” მთავარი გმირი, მსახიობი  მაკალეი კალკინი იმ ინფორმაციას გამოეხმაუარა, რომლის მიხედვითაც  ფილმის რიმეიქს გადაიღებენ.

“დაახლოებით ასეთი იქნება “მარტო სახლშის” ახალი ვერსია”, – წერს მსახიობი საკუთარ ტვიტერის გვერდზე და  ფოტოს აქვეყნებს.

“მარტო სახლში” ეკრანებზე 1990 წელს გამოჩნდა. მაკალეი კალკინი მასში კევინის როლს ასრულებდა.

3 აგვისტოდან კინოთეატრ „ამირანში“, თიბისი სტატუსის მხარდაჭერით, თანამედროვე კინოკლასიკა ბრუნდება.

„ამირანში“ ყოველი თვის დასაწყისი სხვადასხვა რეჟისორის შემოქმედებას დაეთმობა. თიბისი სტატუსისა და „ამირანის“ ერთობლივი კინოკოლექცია ისეთი რეჟისორების უკვდავი ფილმებით შეივსება, როგორებიც არიან: სტენლი კუბრიკი, პოლ ტომას ანდერსონი, ალფრედ ჰიჩკოკი, მიქელანჯელო ანტონიონი, ტიმ ბარტონი, ტერენს მალიკი, მილოშ ფორმანი, ვიმ ვენდერსი, ინგმარ ბერგმანი, ვუდი ალენი და სხვა.

3 აგვისტოს კინოკოლექცია კვენტინ ტარანტინოს ფილმების მარათონით გაიხსნება. ფილმის დაწყებამდე ნახევარი საათით ადრე, ტარანტინოს შემოქმედებაზე აუდიტორიის წინაშე კინომცოდნე – თეო ხატიაშვილი ისაუბრებს.

აფიშა:

· 3 აგვისტო – „კრიმინალური საკითხავი“

· 4 აგვისტო – „ჯეკი ბრაუნი“

· 5 აგვისტო – „უსახელო ნაბიჭვრები“

· 6 აგვისტო-მოკალი ბილი (ნაწილი 1); მოკალი ბილი (ნაწილი 2)

კინოსეანსები ინგლისურ ენაზე ჩატარდება.

ბილეთის ფასი 15 ლარია, ერთთვიანი აბონიმენტის კი – 50 ლარი.

თიბისი სტატუსის მომხმარებლები ბილეთის შეძენისას 20%-იანი ქეშბექით ისარგებლებენ.

ყოველი სეანსი 21:00 საათზე დაიწყება.

ამერიკელი მსახიობის ვინ დიზელის დუბლიორი „ფორსაჟი 9“-ის გადაღებების დროს სერიოზულად დაშავდა. ამის შესახებ ინფორმაცის უცხოური მედია ავრცელებს.

მედიის ინფორმაციით ინფორმაციით, ვინ დიზელის დუბლიორი ჯო უოტსი 9 მეტრი სიმაღლეზე მდებარე აივნიდან ხტებოდა, რა დროსაც  დამცავი თოკი გაწყდა და დაცემისას კასკადიორმა თავი დაარტყა.

ის გადასაღები მოედნიდან ვერტმფრენით ლონდონის საავადმყოფოში გადაიყვანეს და ხელოვნურ კომაში შეიყვანეს.

შეგახსენებთ, რომ  ფორსაჟი 9“ ფილმის 10 წუთიან მონაკვეთს თბილისში გადაიღებენ. ინფორმაციას ამის შესახებ „ბიზნესპრესნიუსი” ავრცელებს. თბილისს ჰოლიბუდიდან 200-მდე სტუმარი ეწვევა, ხოლო გადაღებები აგვისტოში იგეგმება.

ცნობილი ანიმაციური ფილმის “დამბოს” შემქმნელი გარდაიცვალა.

მილტონ კვონი 105 წლის ასაკში კალიფორნიაში საკუთარ სახლში გარდაიცვალა.

წარმოშობით ჩინელი ანიმატორი ლოს-ანჟელესში დაიბადა და 1939 წლიდან  დისნეის სტუდიაში მუშაობდა.

ლეგენდარული მექსიკელი მსახიობი დონა ბარბარას შემსრულებელი ედიტ გონსალესი 54 წლის ასაკში გარდაიცვალა. ინფორმაციას მსახიობის გარდაცვალების შესახებ ტელემუნდო ავრცელებს.

გონსალესს, კიბოს დიაგნოზი 2016 წელს დაუდგინდა და ხანგრძლივი მკურნალობის მიუხედავად მისი გადარჩენა ვერ მოხერხდა.

ქართველი მაყურებელი მისი შესრულებით ყველაზე კარგად სერიალ “დონა ბარბარასა და “ველურ გულს” იცნობს.

მსახიობი სერიალ “ველურ გულში” მთავარი გმირის, მონიკას როლს ასრულებდა.

ედიტ გონსალესმა „ველური გულის“ შემდეგ არაერთ სერიალში მიიღო მონაწილეობა.

ქართველი მსახიობი მერაბ ნინიძე ამერიკულ სერიალ Homeland-ში კლავ გამოჩნდება და ამჯერად ფინალურ სეზონში ითამაშებს.

პირველად ნინიძე „შოუთაიმის” ყველაზე პოპულარული  სერიალის მეშვიდე სეზონში გამოჩნდა და მან  რუსი დაზვერვის მაღალჩინოსნის, მიროვის როლი შეასრულა.

ფინალური სეზონის შესახებ კი ინფორმაცია მსახიობმა „იმედის” ეთერში დაადასტურა.

“სამშობლოს” ფინალური სეზონის პრემიერი ივნისში გაიმართება.

ალბათ ყველას გვსმენია ბოლო პერიოდის ყველაზე ცნობილ სერიალზე ”სამეფო კარის თამაშებზე”. HBO-ს შექმნილმა შოუმ მართლაც უდიდესი პოპულარობა მოიხვეჭა და წლების განმავლობაში არაერთი ფანის გული მოიგო. იმის მიუხედავად, რომ ბოლო სეზონი სხვა სეზონებთან შედარებით ძალზე სკანდალური აღმოჩნდა და ფანებისა და კრიტიკოსებისგან ძალიან დაბალი შეფასება მიიღო, სწორედ ბოლო სეზონი გახდა სამეფო კარის თამაშების ისტორიაში ყველაზე მაღალბიუჯეტური სეზონი და შესაბამისად მსახიობებმაც ყველაზე დიდი ანაზღაურება სწორედ ამ სეზონში მიიღეს.