ყველაზე რეიტინგული სერიალებია IMDB-ზე
პოპულარული ამერიკული სერიალის “სამეფო კარის თამაშების” ფინალური სეზონით მაყურებელი უკმაყოფილოა. ფანების მრავალრიცხოვანი არმია უკმაყოფილოა სერიალში განვითარებული მოვლენებით, ეს უკმაყოფილება კი ძირითადად ფინალური სეზონის მე-5 ეპიზოდმა გამოიწვია. ყველასათვის კარგად ცნობილი “დრაკონების დედა” დეინერის ტარგარიენი, რომელიც მთელი სერიალის განმავლობაში მონების გათავისუფლებით იყო დაკავებული, მოულოდნელად მონსტრად გადაიქცა და ათასობით უდანაშაულო ადამიანი დრაკონის ცეცხლით გაანადგურა. ფანები უკმაყოფილონი არიან ასევე პერსონაჟების განვითარების ხაზითაც. მათი აზრით სეზონის ერთადერთი დადებითი მხარე მხოლოდ სერიალის მუსიკალური გაფორმება და ლამაზად შერჩეული კოსტიუმებია.
ამდენი იმედგაცრუების გამო ფანებმა სერიალის შემქმნელებს სამაგიერო გადაუხადეს და IMDB-ზე რეიტინგი მთლიანად გაუნადგურეს. მე-5 ეპიზოდს შეფასება მხოლოდ 6.8 აქვს, მე-4 ეპიზოდს კი 6.1.
ფანების არმიამ არ იკმარა მხოლოდ რეიტინგის განადგურება და ერთ-ერთმა მაყურებელმა, ჩათვალა რომ “სამეფო კარის თამაშები” ახალ ფინალურ სეზონს იმსახურებს და შექმნა პეტიცია ამ მოთხოვნით.
“დევიდ ბენიოფმა და დ.ბ ვაისმა დაამტკიცეს, რომ არიან არაკომპეტენტური სცენარისტები. მათ არ შეუძლიათ წერა, როცა არ აქვთ (წიგნები), რომელსაც დაეყრდნობიან. ეს ისტორია იმსახურებს ფინალურ სეზონს, რომელსაც უფრო დიდი აზრი ექნება, მოაწერეთ ჩემს პეტიციას ხელი და ვაქციოთ ყოველივე ეს რეალურად”, — წერს ავტორი.
ამჟამად პეტიციას ხელს 249,783 – ადამიანი აწერს. სულ კი 300 ათასი ადამიანის ხელმოწერაა საჭირო რომ პეტიცია გაიგზავნოს.
”სამეფო კარის თამაშები” დღევანდელობის ყველაზე პოპულარული სერიალია და მასში მომხდარ სცენებს არაერთხელ მოჰყოლია დიდი გამოხმაურება სოციალურ ქსელებში. თუმცა ეს შემთხვევა სხვებისგან რადიკალურად განსხვავდება.
კურიოზული შემთხვევა მერვე სეზონის მეოთხე სერიაში მოხდა, სადაც ერთი შეხედვით ყველაფერი ბუნებრივად მიმდინარეობს, მეომრები სერიალის მთავარ პერსონაჟებთან ერთად ვინტერფელის ომში გამარჯვებასა და ღამის მეფის დამარცხებას აღნიშნავენ.
მაგრამ ამ ერთი შეხედვით ჩვეულებრივ სცენაში რეჟისორებსა და ოპერატორებს ერთი ფაქტი გამორჩათ, რაც, რა თქმა უნდა, მაყურებლების ყურადღების ცენტრში მოექცა და მეორე დღეს ფაქტობრივად ყველა ამაზე საუბრობდა. საქმე იმაშია, რომ დრაკონების დედას, დეინერის ტარგარიენს მაგიდაზე ჩვეულებრივი სასმისის ნაცვლად ”სტარბაქსის” ყავის ჭიქა უდგას. როგორც ჩანს გადამღები ჯგუფიდან ვერავინ ვერ შეამჩნია მაგიდაზე ”განსხვავებული” სასმისის არსებობა.
ამ ფაქტს სერიალის გადამღები კომპანია HBO-ც გამოეხმაურა და მათ ძალიან საინტერესო კომენტარი გააკეთეს. მათი თქმით, მერვე სეზონის მეოთხე სერიაში შემჩნეული ლატე შეცდომა იყო, რადგან დეინერისს ბალახის ჩაი ჰქონდა შეკვეთილიო. მოგვიანებით სერიალის სამხატვრო დირექტორმა ჰოუკი რიხტერმა განაცხადა, რომ მსგავსი ფაქტები ძალიან ხშირად ხდება, თუმცა ამ შემთხვევაში გადამღებ ჯგუფს მთლიანად გამოეპარათ ეს ფაქტი.
რასაკვირველია ამ შემთხვევას რაიმე გადამწყვეტი მნიშვნელობა სერიალის განვითარებაში არ ჰქონია, თუმცა მაინც საინტერესოა შუა საუკუნეების პერიოდზე გადაღებულ სერიალში დრაკონების დედის წინ მაგიდაზე ”სტარბაქსის” ჭიქის არსებობა.
ნეტფლიქსი ტელევიზიაში რევოლუციას განაგრძობს და თავის პროექტებში პირველი კლასის მსახიობებს ეპატიჟება. ამჯერად უმა თურმანი მისტიკურ ტრილერში – “საიდუმლო ოთახები“ გადაიღეს. სერიალი ახალგაზრდა ქალის, საშას ისტორიას მოგვითხრობს, რომლის ცხოვრებაში უცნაური ამბები იწყება მას შემდეგ, რაც გულის გადანერგვას უკეთებენ. უმა თურმანი გოგონს დედის როლს თამაშობს, რომლის გული გადანერგვისთვის გამოიყენეს და რომლის შესახებ მოგონებები საშას ცხოვრებაში აღწევს.
ტელევიაში ბრუნდება კიდევ ერთი დიდი მსახიობი – ჯორჯ ქლუნი, რომელიც ბოლოს სატელევიზიო სერიალში 1990–იანებში გადაიღეს. სერიალი “სასწრაფო“ ბევრს დღემდე ახსოვს. ქლუნი რეჟისორი და მთავარი რლის შემსრულებელია “ხაფანგი 22“–ში. ეს არის სასაცილო და ენამახვილობით გადმოცემული ისტორია დიდ პოლიტიკაზე და პატარა ადამიანზე .
ქლუნიმ ჯოზეფ ჰელერის იმავე სახელწოდების რომანის ეკრანიზაცია გააკეთა, რომელიც 60იან წლებში გაომიცა. მისი მთავარი გმირი ამერიკელი სამხედროა. ძალიან ეშინია ომში დაღუპვის და მთელი ძალებით ცდილობს ბრძოლაში მონაწილეობას თავი დააღწიოს. მაგალითად, თავს იგიჟიანებს. მინი სერიალი ექვსი ეპიზოდისგან შედგება და მასში არაერთი ვარსკვლავი მონაწილეობს.
პრემიერა 17 მაისს შედგება.
მაისში გამოვა კიდევ ერთი პროექტი, რომელსაც დიდხანს ელოდნენ. სერიალი ჩერნობილი HBO –მ ბოლოს და ბოლოს გამოჩნდა. სერიალზე, რომელიც მსოფლიოს ისტორიაში ერთ–ერთ ყველაზე საშინელ კატასტროფას ეხება, ბრწყინვალე გუნდმა იმუშავა. სიუჟენტში აქცენტი კეთდება “მამაც ქალებზე და კაცებზე“, რომლებმაც მსხვერპლი გაიღეს ევროპის გადასარჩენად წარმოუდგენელი კატასტროფისგან. ტრეილერის მიხედვით სიუჟეტი ძალიან მძიმე იქნება.
პრემიერა 6 მაისს შედგება.
კიდევ ერთი სერიალი, რომელიც მაისში გამოდის და რომელშიც პირველი რანგის ვარსკვლავი თამაშობს გახლავთ “საუკეთესოები ლოს ანჯელესში“. მთავარი გმირები ქალი პოლიციელები არიან. მთავარ როლს კი ჯესიკა ალბა თამაშობს. მისი გმირი, ნენსი ლოს ანჯელესში დეტექტივად მუშაობს და თან მარტოხელა დედაა. მისი მეწყვილე სიდი წარსულში ნარკოვაჭრობასთან ბრძოლის დეპარტამენტში მუშაობდა, თუმცა გადაწყვიტა უფრო მშვიდი სამუშაო ეშოვა და უბრალო დეტექტივი გახდა.
ნეტფლიქსმა ბიონსეს შესახებ დოკუმენტურო ფილმი “Homecoming” გადაიღო რომელიც ეკრანებზე 17 აპრილს გამოვა. გუშინ გამოქვეყნდა ფილმის ოფიციალური თრეილერიც.დოკუმენტური ფილმი 2018 წელს კოაჩელაზე ბიონსეს გამოსვლას შეეხება – ფილმში ძირითადად გამოუქვეყნებელი კადრები და ინტერვიუები იქნება.2018 წელს, ბიონსეს კოაჩელაზე გამოსვლა ისტორიული იყო – ის გახდა პირველი შავკნანიანი ქალი, რომელიც ფესტივალის ჰედლაინერი იყო.
გუშინ, 3 აპრილს, ნიუ-იორკში სამეფო კარის თამაშების ფინალური მე-8 სეზონის პრემიერა გაიმართა. პრემიერამდე ვარსკვლავები კამერების წინ საპოზიოროდ შეიკრიბნენ. წითელ ხალიჩაზე არ გაუვლია სერსეი ლანისტერის როლის შემსრულებელ ლინა ჰიდს, რომელიც პრემიერაზე საერთოდ არ მოვიდა.
პოპულარულმა მსახიობმა და მთავარი ერთ-ერთი როლის შემსრულებელმა არყოფნის მიზეზი ინსტაგრამზე განმარტა და თქვა, რომ ავადმყოფობის გამო ნიუ-იორკში ჩაფრენა ვერ მოახერხა
ლინა ჰიდმა დაწერა, რომ ის ძალიან გულნატკენია იმით, რომ პრემიერაზე ყოფნა ვერ მოახერხა და მისი მდგომარეობის ამსახველი ფოტოც ატვირთა.
სერიალის ფინალური სეზონის მსოფლიო პრემიერა 14 აპრილს შედგება.
რამდენიმე დღის წინ ჯიმი ფელონს შოუში მეისი უილიამსი ჰყავდა სტუმრად. მეისი უილიამსი ყველასათვის ცნობილ პერსონაჟის არია სტარკის როლს ასრულებს სერიალში “სამეფო კარის თამაშებში” როდესაც ჯიმი ფელონმა მეისის სთხოვა რომ პატარა დეტალი მაინც გაემხილა ბოლო სეზონიდან, მეისის შემთხვევით წამოსცდა რომ ” გადაღების ბოლო დღეები განსაკუთრებით ემოციური იყო ყველასათვის, როდესაც გავიგე რომ არია მეორე ეპიზოდში კვდება…”
ყველასათვის საყვარელი სტარკების ქალიშვილის სიკვდილი რა თქმა უნდა არავის გახარებია და დარბაზიც რამდენიმე წუთის განმავლობაში შოკში იყო, თუმცა შოუ დადგმული იყო და ეს უბრალოდ 1 აპრილის ხუმრობა იყო.
გუშინ ასევე გამოქვეყნდა სერიალის ბოლო თიზერი სადაც მიტოვებული ვინტერფელი ჩანს, ასევე ჩანს ბრან სტარკის ცარიელი სავარძელი, მეფის მარჯვენის გულსამაგრი, ჯეიმი ლანისტერის მარჯვენა ხელის ოქროს იმპლანტი, არია სტარკის “ნემსი”, ბუმბული რომელიც რობერტმა 1 სეზონში ლიანა სტარკის ქანდაკებაზე დატოვა, ჯონ სნოუს სისხლიანი მახვილი და დეინერის ტარგარიანის გულსაბნევი. თუ რას უნდა ნიშნავდეს თიზერის ეს კადრები ჯერ-ჯერობით უცნობია. ყველაზე რეიტინგული სერიალის ბოლო სეზონის პრემიერა კი 14 აპრილს შედგება.