Category: კავკასია

ბრიტანული სამხედრო დაზვერვის ყოველდღიურ ანგარიშში საუბარია იმაზე, რომ ლიმანიდან უკანდახევისას რუსმა სამხედროებმა სავარაუდოდ დიდი დანაკარგი მიიღეს.

• 1 ოქტომბერს რუსმა სამხედროებმა დონეცკის ოლქის ქალაქი ლიმანი დატოვეს, რორმელსაც სავარაუდოდ დაუკომპლექტებელი ქვედანაყოფები იცავდნენ რუსეთის დასავლეთის და ცენტრალური სამხედრო ოლქებიდან, ასევე მობილიზებული რეზერვისტები. როგორც ჩანს, ამ ძალებმა დიდი დანაკარგები მიიღეს უკანდახევისას ერთადერთი გზით, რომელიც ქალაქიდან გადიოდა და ჯერ კიდევ რუსების ხელში რჩებოდა.
• ოპერატიული თვალსაზრისით ლიმანს დიდი მნიშვნელობა აქვს, რადგან აქ არის საკვანძო გადასასვლელი  პუნქტი მდინარე სევერსკი დონეცკზე, სადაც რუსეთი თავდაცვის პოზიციების გაძლიერებას ცდილობს. რუსეთის ლიმანიდან უკანდახევა ასევე სერიოზული პოლიტიკური წარუმატებლობაა, რადგან ქალაქი დონეცკის ოლქის ფარგბეში მდებარეობს, ანუ იმ რეგიონის, რომლის “გათავისუფლებას“ და ანექსირებას რუსეთი ცდილობდა.
• ჯარების გაყვანამ საჯარო კრიტიკის ახალი ტალღა გამოიწვია რუსეთის სამხედრო ხელმძღვანელობის მიმართ. უკანონოდ ოკუპირებული ტერიტორიების შემდგომი დაკარგვა დიდი ალბათობით კრიტიკის გაძლიერებას და უმაღლეს სამხედრო ხელმძღვანელობაზე ზეწოლის გაძლიერებას გამოიწვევს–ნათქვამია ბრიტანული დაზვერვის ანგარიშში.

ნატო-ს წევრი ცენტრალური და აღმოსავლეთ ევროპის ქვეყნების პრეზიდენტებმა ნატოში უკრაინის გაწევრიანებასა და უკრაინის ტერიტორიების უკანონო ანექსიასთან დაკავშირებულ რუსეთის მცდელობებზე ერთობლივი განცხადება გაავრცელს.

ქვეყნების ლიდერები წერენ, რომ ისინი წარმოადგენენ იმ ქვეყნებს, რომელთა მეთაურები ომის დროს კიევს ეწვივნენ და საკუთარი თვალით ნახეს რუსული აგრესიის შედეგები და არ შეუძლიათ გაჩუმდნენ რუსეთის ფედერაციის მიერ საერთაშორისო სამართლის უხეშ დარღვევაზე.

განცხადებაში წერია, რომ ცხრა ქვეყნი პრეზიდენტები “მტკიცედ დგანან” 2008 წლის ბუქარესტის ნატო-ს სამიტის გადაწყვეტილების გვერდით, უკრაინის მომავალ წევრობასთან დაკავშირებით.

„ჩვენ კიდევ ერთხელ ვადასტურებთ ჩვენს მხარდაჭერას უკრაინის სუვერენიტეტისა და ტერიტორიული მთლიანობის მიმართ. ჩვენ არ ვაღიარებთ და არასოდეს ვაღიარებთ უკრაინის რომელიმე ტერიტორიის ანექსიის რუსეთის მცდელობებს.

ჩვენ მტკიცედ ვდგავართ უკრაინის მომავალ წევრობასთან დაკავშირებით, 2008 წლის ბუქარესტის ნატო-ს სამიტის გადაწყვეტილების გვერდით.

ჩვენ მხარს ვუჭერთ უკრაინას რუსეთის შემოჭრისგან საკუთარ თავდაცვაში, მოვითხოვთ რუსეთმა ყველა ოკუპირებული ტერიტორიიდან დაუყოვნებლივ გაიყვანოს ჯარები და მოვუწოდებთ ყველა მოკავშირეს არსებითად გაზარდონ უკრაინისთვის სამხედრო დახმარება” – აღნიშნულია განცხადებაში.

ნატო-ს წევრი ცენტრალური და აღმოსავლეთ ევროპის ქვეყნების პრეზიდენტები დასძენენ, რომ „ყველა, ვინც აგრესიის დანაშაულს ჩადის, პასუხი უნდა აგოს და დაისაჯოს”.

განცხადებას ხელს აწერენ ჩეხეთის, ესტონეთის, ლატვიის, ლიეტუვის, ჩრდილოეთ მაკედონიის, მონტენეგროს, პოლონეთის, რუმინეთის, სლოვაკეთის პრეზიდენტები.

შინაგან საქმეთა სამინისტროს ინფორმაციით ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს კიბერდანაშაულთან ბრძოლის სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, უცხო ქვეყნების ინტერნეტმომხმარებლების მიმართ განხორციელებულ თაღლითობის ფაქტზე 4 პირი დააკავეს, ხოლო 8 პირს ბრალი წარუდგინეს.

უწყების ინფორმაციით, დაკავებული არიან: 1972 წელს დაბადებული ზ.ს., 1991 წელს დაბადებული ე.ნ., 1995 წელს დაბადებული ი.კ. და 1994 წელს დაბადებული ა.მ.

ბრალი წარედგინათ: 1996 წელს დაბადებულ გ.მ.-ს, 1997 წელს დაბადებულ ნ.ვ.-ს, 1992 წელს დაბადებულ გ.თ.-ს, 1990 წელს დაბადებულ რუსეთის ფედერაციის მოქალაქეს – მ.ქ.-ს, 1998 წელს დაბადებულ ი. მ.-ს, 1992 წელს დაბადებულ გ.კ.-ს, 1984 წელს დაბადებულ რუსეთის ფედერაციისა და ისრაელის სახელმწიფოს მოქალაქეს – ი.ვ.-ს და 1989 წელს დაბადებულ ბელგიის სამეფოს მოქალაქეს – გ. წ.-ს.

“გამოძიებით დადგინდა, რომ ბრალდებულმა ი.ვ.-მ საქართველოში დაარეგისტრირა კომპანია, რომლის თანამშრომლები უცხო ქვეყნის, ძირითადად საფრანგეთის მოქალაქეებს, ინტერნეტბრაუზერში უგზავნიდნენ შეტყობინებას – “pop up”-ს, სადაც კატეგორიული ფორმით, ფრანგულ ენაზე ეწერა, რომ მათი კომპიუტერი დავირუსებული იყო და ხარვეზების გამოსწორებისათვის უნდა დაერეკათ მითითებულ ნომერზე. შეტყობინებას არ ჰქონდა გათიშვის ფუნქცია და მომხმარებლები კომპიუტერით ვეღარ სარგებლობდნენ. მომხმარებლები, რომლებიც დარწმუნებულნი იყვნენ, რომ მათ კომპიუტერებს ჰქონდათ სერიოზული პრობლემა, რეკავდნენ შეტყობინებაში მითითებულ ნომერზე, რომლითაც სარგებლობდა ზემოხსენებული კომპანია. მათ პირველ ეტაპზე ესაუბრებოდნენ კომპანიის ქოლ-ცენტრის თანამშრომლები, რომლებიც ეცნობოდნენ ფრანგული სახელებით, კიდევ უფრო მეტად არწმუნებდნენ პრობლემის სერიოზულობაში და მის მოგვარებას ჰპირდებოდნენ. მომხმარებლები, რომლებიც იჯერებდნენ, იხდიდნენ გარკვეულ საზღაურს სხვადასხვა ონლაინ გადახდის სისტემების გამოყენებით, რომლებთანაც ი.ვ.-ს ჰქონდა დამყარებული კავშირი, რის შემდეგაც ზემოაღნიშნული კომპანიის ე.წ. IT-თანამშრომლები დისტანციური წვდომის პროგრამული უზრუნველყოფის გამოყენებით შედიოდნენ დაზარალებულის კომპიუტერულ მოწყობილობებში და ახდენდნენ „pop up”-ის გათიშვას, ასევე გარკვეული პროგრამული უზრუნველყოფის დაყენებას, რათა დაზარალებულს შექმნოდა ილუზია, რომ მის მიერ გადახდილი თანხის შესაბამისი სერვისი მიიღო კომპანიისგან.

გამოძიებამ დაადგინა, რომ ორგანიზებული დანაშაულებრივი ჯგუფის მართლსაწინააღმდეგო ქმედებებით დაზარალებულებს საერთო ჯამში მიადგათ 767 000 ევროზე მეტი ოდენობის მატერიალური ზიანი.

კომპიუტერულ სისტემაში უნებართვო შეღწევის, ორგანიზებული ჯგუფის მიერ ჩადენილ თაღლითობისა და უკანონო შემოსავლის ლეგალიზაციის ფაქტზე გამოძიება საქართველოს სსკ-ის 284-ე, 180-ე და 194-ე მუხლებით მიმდინარეობს.

დანაშაული 7-დან 12 წლამდე ვადით თავისუფლების აღკვეთას ითვალისწინებს.“,-აღნიშნულია შსს-ის მიერ გავრცელებულ ინფორმაციაში.

Washington Post აქვეყნებს სტატიას, რომელშიც საუბარი იმაზე, რომ ამერიკელი და უკრაინელი ოფიციალურმა პირების ინფორმაციით, რომელთა ვინაობა არ სახელდება, ვლადიმერ პუტინმა არ დაუჯერა “ფეესბეს“ გაფრთხილებას იმის შესახებ, რომ 215 სამხედრო ტყვეს, მათ შორის 10 უცხოელი მებრძოლის და აზოვის 5 მეთაურის გაცვლა ვიქტორ მედვედჩუკზე და 55 რუს ტყვეზე უარყოფით რეაქციას გამოიწვევდა რუსეთის პრეზიდენტის მომხრეებს შორის(რაც რეალურად მოხდა კიდევაც).

ტყვეთა ასეთი გაცვლა პირადად პუტინის გადაწყვეტილება იყო და არავის დაუჯერა, ვინც შესაძლო შედეგებზე აფრთხილებდა.

“საგულისხმოა, რომ პუტინმა ამჯობინა გაეცვალა თავისი ხელისბიჭი და ერთ–ერთი სტაჟიანი მარიონეტი ურაინაში, მედვედჩუკი მარიუპოლის გმირებზე. უკრაინაში ძალიან ბევრს უხაროდა, რომ გათავისუფლდნენ გმირი მებრძოლები, მოსოვში კი უამრავი ადამიანის ზიზღი გამოიწვია იმან, რაც პუტინისთვის მართლაც მნიშვნელოვანია“–უთხრა გამოცემას ერთ–ერთმა ამერიკელმა წყარომ.

სტატიაში ასევე სუბარია იმაზე, რომ ტყვეთა გაცვლის მოლაპარაკებებში შუამავალი რომან აბრამოვიჩი და საუდის პრინცი მოხამედ ბინ სალმანი იყვნენ. ორივესთვის მთავარი მოტივი იყო შესაძლებლობა, ურთიერთობები გაიუმჯობესონ დასავლეთის ქვეყნებთან – ამბობენ გამოცემის წყაროები.

რუსეთის 58–ე არმიიის ყოფილი მეთაური, გენერალ–ლეიტენანტი ანდრეი გურულევი, რომელიც გასული წლიდან რუსეთის დუმის დეპუტატია “ედინაია რასიას“ სიით, რუსეთის გენშტაბს აკრიტიკებს. პროპაგანდისტული თოქშოუს, “სალავიოვ ლაივის“ ეთერში მან განაცხადა, რომ ვერაფრით ვერ ხსნის ლიმანის დაარგვას სამხედრო თვალსაზრისით და რუსული ჯარების უკან დახევას ამ ქალაქიდან ნიშანდობლივ სამხედრო და პოლიტიურ ზღვარს უწოდებს.

“ეს არ იყო მოულოდნელი ბრძოლა. ჩემთვის გაუგებარია, რატომ არ შეაფასეს ამდენი ხნის განმავლობაში სიტუაცია სწორად, არ გააძლიერეს დაჯგუფება“– თქვე გენერალ–ლეიტენანტმა, რომლის აზრით პრობლემა “სრულ ტყუილში და ხელმძღვანელობისთვის მხოლოდ კარგი ამბების მოხსენებაშია“ და ეს სისტემა მისი აზრით ზევიდან ქვევით მოდის.

“მთელი პრობლემა ფრუნზენსკის სანაპიროზეა, სადაც ამ დრომდე არ ფლობენ სიტუაციას, არ ესმით. ჩვენ ჩვენი კვაშინი (1997-2004 წლებში რუსეთის გენშტაბის უფროსი) გვჭირდება, რომელიც ბრძანებებს იძლეოდა, დირექტივებს წერდა, სანგრებში ჯარისკაცებთან მიდიოდა რომ შეემოწმებინა, როგორ სრულდებოდა მისი დავალება. ამიტომაც დავასრულეთ ჩეჩნეთის მეორე კამპანია წარმატებით. სანამ გენშტაბში არ გამოჩნდება ვინმე სრულიად განსხვავებული, არაფერი შეიცვლება. ყველაფერი დანარჩენი – იქიდან წარმოებული პოლიტიკის შედეგია.“– ამბობს ის.

თუ ჩეჩნეთის ლიდერმა, რამზან კადიროვმა ლიმანიდან რუსული არმიის უკანდახევაზე პასუხისმგებლობა ცენტრალური სამხედრო ოლქის მეთაურს, ალექსანდრ ლაპინს დააკისრა, გენერალ–ლეიტენანტი გურულევი თვლის, რომ პრობლემა არა ლაპინში, არამედ გენშტაბის ამჟამინდელ უფროსში, ვალერი გერასიმოვშია.

უკრაინელი სამხედროები აქვეყნებენ პირველ ფოტოებს და ვიდეოებს ლიმანის გარეუბნებიდან. ერთ–ერთ ვიდეოზე ისინი უკრაინის დროშას ამაგრებენ ქალაქის შესასვლელ სტელაზე. ვიდეო ტვიტერზე უკრაინის პრეზიდენტის ოფისის ხელმძღვანელმა, ანდრეი ერმაკმაც გადააზიარა.

ეს სტელა პეტროპავლოვსკის ქუჩაზე – ქალაქის ჩრდილოეთ შესასვლელში მდებარეობს, უკრაინელების მიერ გათავისუფლებული დრობიშევოს მხარეს.

მეორე გამოქვეყნებულ ვიდეოზე უკრაინელი სამხედრო ამბობოს: “Welcome to Лиман”. ამ რდოს ის სავარაუდოდ ქალაქის სამხრეთ გარეუბანში, იამპოლის მხარეს მდებარე სარკინიგზო ხიდზე დგას.

ქალაქის შესაძლო დატოვების შესაძლებლობაზე “ალყიდან გასვლის მიზნით“ რუსულმა ტელეგრამ არხებმაც დაიწყეს წერა, რომლებიც ფრონტზე არსებულ სიტუაციას აშუქებენ.

თუ ლიმანი უკრაინის კონტროლქვეშ დაბრუნდება, ის პირველი ქალაქი გახდება დონეცკის ოლქში, რომელიც რუსეთის მიერ ამ რეგიონის ანექსიის შემდეგ გათავისუფლდა.

?? pic.twitter.com/gJX6GbKtca

— Andriy Yermak (@AndriyYermak) October 1, 2022

ომის შესწავლის ინსტიტუტის (ISW) ინფორმაციით, რუსეთის პრეზიდენტი უკრაინის ტერიტორიების უკანონშო ანექსირებას იმის გამო ჩქარობდა, რომ დრო მოეგო რუსეთის მდგომარეობის დასასტაბილურებლად ფრონტზე და ძალების აღსადგენად შემდეგი შეტევისთვის.

ამის შესახებ ინსტიტუტის ანგარიშშია ნათქვამი.

“ოთხი უკრაინული ოლქის უკანონო ანექსია არ ნიშნავს, რომ პუტინმა უარი თქვა გაცხადებულ მიზანზე – უკრაინის სახელმწიფოს განადგურებაზე უფრო მცირე მიზნისთვის. თუ ანექსია ფრონტის ახალი ხაზების გასწვრივ კონფლიქტის სტაბილიზაციას მოახდენს, კრემლმა შეიძლება ძალები აღიდგინოს და უკრაინაში ხელახალი შეჭრა უახლოეს წლებში განახორციელოს, ამ შემთხვევაში უკვე უფრო მეტი ძალის და ტერიტორიული უპირატესობის პოზიციიდან“– ამბობენ ექსპერტები.

ამავე დროს, ანალიტიკოსებმა პუტინის 30 სექტემბრის სიტყვაში ვერ დაინახეს ვერანაირი ნიშანი რუსეთის განზრახვისა, დაუყოვნებლივ გამოიყენოს უკრაინაში ბირთვული იარაღი, თუ უკრაინული კონტრშეტევა გაგრძელდება.

ანალიტიკოსები აღნიშნავენ, რომ რუსეთის პრეზიდენტს არ გამოუკვეთავს რაიმე “წითელი ხაზები“. უფრო მეტიც, ამ ომის განმავლობი უკრაინამ არაერთხელ გადაკვეთა მანამდე კრემლის მიერ დასახელებული “ხაზები“ რუსეთის საზღვრისპირა რეგიონების დაბომბვით.

პუტინს უნდა კონფლიქტი ფრონტის ამჟამინდელი ხაზების ფარგლებში გაყინოს და დრო მოიგოს რუსეთში გამოცხადებული მობილიზაციით რუსული ძალების აღსადგენად–წერენ ანალიტიკოსები.

ამავე დროს, ინსტიტუტი მიუთითებს, რომ არ შეუძლია წინასწარ განჭვრეტა, როდის შეიძლება რუსეთმა ბირთვული იარაღი გამოიყენოს, იმიტომ რომ ეს პუტინის პირადი გადაწყვეტილება იქნება.

ბირთვული იარაღით მუქარის ნაცვლად კრემლი შეეცდება საკუთარ მიზნებს ნაწილობრივი მობილიზაციით და ზამთრის პეროიდში ენერგეტიკული ზეწოლით მიაღწიოს.

თუმცა, ფრონტის სტაბილიზაცია და კონფლიქტის გაყინვა მოუმზადებელი ახალწვეულებით პუტინს არ გამოუვა – წერენ ანალიტიკოსები.

თუ პუტინი მაინც შეეცდება უკრაინაში ბირთვული იარაღი გამოიყენოს, მაგალითად ერთი ან რამდენიმე ქალაქის ან კრიტიკული ინფრასტრუქტურის ობიექტების წინააღმდეგ შეტევა განახორციელოს, ეს  ნაბიჯი ვერ აიძულებს უკრაინას და დასავლეთს უკან დაიხიოს და რეალურად მხოლოდ “გრანდიოზულ ავანტურად“ დარჩება.

ანალიტიკოსების თქმით, პუტინს ტაქტიკური ბირთვული იარაღის გამოყენების ორი ძირითადი ვარიანტი აქვს: დარტყმები კავშირის საკვანძო სახმელეთო ხაზებზე და სამეთაურო პუნქტებზე, რათა უკრაინის კონტრშეტევის პარალიზება მოახდინოს, ან დარტყმები უკრაინული ძალების დიდი თავმოყრის ადგილებზე შეხების ხაზების სიახლოვეს. თუმცა, “ერთი ბირთვული იარაღი არ იქნება გადამწყვეტი ნებისმიერი ამ მიზნისთვის“.

“პუტინს მოუწევ რამდენიმე ტაქტიკური ბირთვული იარაღის გამოყენება მთელ უკრაინაში, რათა მნიშვნელოვან შედეგებს მიაღწიოს და უკრაინის კონტრშეტევა შეაჩეროს. ბირთვული იარაღის გამოყენების მაშტაბები გაზრდის დასავლეთის საპასუხო დარტყმების რისკს, რაც თავის მხრივ, პუტინს მოკლევადიანი სარგებლის სანაცვლოდ უდიდეს პოტენციურ დანაკარგებს მოუტანს“–ნათქვამია ანალიზში.

შედეგად, ანალიტიკოსები თვლიან, რომ რუსეთის მიერ ბირთვული იარაღის გამოყენება მაშტაბური თამაში იქნებოდა, შეზღუდული სარგებლისთვის, რომელიც პუტინს გაცხადებული სამხედრო მიზნების მისაღწევად ვერ გამოადგება.

უკეთეს შემთხვევაში, რუსეთის მიერ ბირთვული იარაღის გამოყენება ფრონტის ხაზს  გაყინავს მის ამჟამინდელ ფარგლებში, თუმცა რუსეთს არ მისცემს მთელი უკრაინის დაპყრობის საშუალებას.

გარდა ამისა, ნატო სავარაუდოდ უპასუხებს რუსეთის მიერ უკრაინაში ბირთვული იარაღის გამოყენებას რუსულ პოზიციებზე ჩვეულებრივი დარტყმების მიტანით.

ამერიკული გამოცემა Washington Post ყირიმში, ნოვოფედოროვკას ავიაბაზაზე მომხდარ აფეთქებაზე უკრაინის მთავრობის წევრზე დაყრდნობით წერს, რომ რუსულ სამხედრო აეროდრომზე მომხდარი აფეთქება უკრაინის სპეციალური ძალების ოპერაციის შედეგია. ჩინოვნიკის ვინაობა არ სახელდება.

გამოცემა არ აკონკრეტებს, რომელ ქვედანაყოფზეა საუბარი, თუმცა წარსულში დასავლური მედია წერდა, რომ უკრაინული სპეცოპერაციების ძალები რუსული ჯარების ფრონტის სიღრმეში სპეციალურ ოპერაციებს აორგანიზებდნენ, მათ შორის რუსეთის ტერიტორიაზე.

Washington Post–ის თანამოსაუბრე არ აკონკრეტებს, როგორ მოხდა ნავოფედროვოკის აფეთქების ორგანიზება.

მას შემდეგ, რაც ანექსირებულ ყირიმში მდებარე სამხედრო აეროდრომზე რამდენიმე აფეთქება მოხდა, უკრაინის თავდაცვის სამინისტრომ პირდაპირ არ აღიარა ინციდენტთან საკუთარი კავშირი და რუს სამხედროებს მოუწოდა “არასათანადო ადგილებში სიგარეტი არ მოწიონ.“ თუმცა, მოგვიანებით უკრაინელი ჩინოვნიკები აქტიურად აკომენტირებდნენ აფეთქებას და ამბობდნენ, რომ “რუსეთის დემილიტარიზაცია ჯერ ახლა იწყება“. უკრაინის პრეზიდენტმა, ვლადიმირ ზელენსკიმ ამასთან დაკავშირებით განაცხადა, რომ უკრაინაში ომი ყირიმის გათავისუფლებით უნდა დასრულდეს.

ოთხშაბათს დილით უკრაინის სამხედრო საჰაერო ძალებმა განაცხადა, რომ ნოვოფედოროვკაში 9 რუსული თვითმფრინავი განადგურდა, თუმცა ინფორმაციის სარწმუნოობის გადამოწმება შეუძლებელია.

ამერიკული მთავრობის წარმომადგენელმა  Washington Post–ს ანონიმურობის პირობით უთხრა, რომ ნოვოფედოროვკაზე თავდასხმა სავარაუდოდ უკრაინამ განახორციელა, და ამასთან, არ გამოუყენებია მისთვის აშშ–ს მიერ მიწოდებული იარაღი.

ყირიმი არის უკრაინული და ჩვენ არასოდეს დავთმობთ მას. რუსეთმა ჩვენი ნახევარკუნძული, რომელიც ყოველთვის იყო და იქნება ევროპის ერთ-ერთი საუკეთესო ადგილი, ევროპის ერთ-ერთ ყველაზე საშიშ ადგილად აქცია, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, ყირიმში რუსი ოკუპანტების ყოფნა საფრთხეა მთელი ევროპისთვის და გლობალური სტაბილურობისთვის.

„არ დაგვავიწყდება, რომ რუსეთის ომი უკრაინის წინააღმდეგ ყირიმის ოკუპაციის შემდეგ დაიწყო. რუსეთმა ყირიმს მასშტაბური რეპრესიები, ეკოლოგიური პრობლემები, ეკონომიკური უიმედობა და ომი მოუტანა. ისტორიკოსები, ალბათ, ერთ დღესაც დაადგენენ, რამდენი ადამიანი დაიღუპა რუსეთის მიერ ყირიმის ტერორისთვის გამოყენების შედეგად. ათიათასობით? ასიათასობით? უკრაინიდან და საქართველოდან სირიამდე და უფრო შორეულ რეგიონებამდე. ყირიმში რუსი ოკუპანტების ყოფნა საფრთხეა მთელი ევროპისთვის და გლობალური სტაბილურობისთვის. შავი ზღვის რეგიონი ვერ იქნება უსაფრთხო, სანამ ყირიმი ოკუპირებულია. რუსეთის ეს ომი უკრაინისა და მთელი თავისუფალი ევროპის წინააღმდეგ ყირიმით დაიწყო და ყირიმით, მისი გათავისუფლებით უნდა დასრულდეს. დღეს შეუძლებელია იმის თქმა, როდის მოხდება ეს. მაგრამ ჩვენ ვამატებთ აუცილებელ კომპონენტებს ყირიმის გათავისუფლების ფორმულას”, – თქვა უკრაინის პრეზიდენტმა.